مال ساتقۇچىلار چوقۇم يادقا ئېلۋىلىڭ! ھەققىي ئەسقاتىدىغان بىلىملەر

musuma

	سېتىشنىڭ 60 تەبىرى 1 . يۈزى قېلىن، ئېغىزى تاتلىق، قولى چاققان بولۇشى؛ يۈزلۈك بولۇش ئۈچۈن چوقۇم ئاۋۋال يۈزى قېلىن بولۇشى،خېرىدارنى قولغا كەلتۈرەلىشى كېرەك، شۇندىلا كېرىمى يۇقىرلاپ، دوست – بۇرادەرلىرى ئالدىدا پۇل تۆلەشنى تالىشىدىغان ۋاقىتتا يۈزى بولىدۇ. 2 . سېتىش بىلەن شۇغۇللىنىش ئۈچۈن ئازراق بۆرىدەك، ياۋايىلاردەك، باندىتلاردەك، جۈرئەتلىك يۈرەك بولۇشى كېرەك. 3 . سېتىش ئادەتتىكى پائالىيەت، بىراق بۇ ئەمەلىيەت ئارقىلىق ئىسپاتلىنىدىغان ئۇقۇم « ئاكتىپلار» بىلەنلا ئاندىن ئۈنۈم ھاسىل قىلىدۇ. 4 . كىشىلەرنى ھەيران قالدۇرغىدەك نەتىجىگە ئېرىشىشتىن ئاۋۋال، ھېچقانداق ئەمەلىي قىممىتى يوق خىزمەتكە تەييارلىق كۆرۈش كېرەك. 5 . سېتىشتىن ئاۋۋالقى تەييارلىق، خىزمەت پىلانى، قەتئىي سەل قارىماسلىق، يەنى تەييارلىق بولغاندىلا غەلبىنى قولغا كەتۈرگىلى بولىدۇ. سېتىش قۇراللىرى ، باشلاش سۆزى، سورايدىغان سوئاللار، دەيدىغان گەپلەر ھەمدە بېرىدىغان مۇناسىۋەتلىك جاۋابلارنى ياخشى تەييارلاش. 6 . ئىشتىن ئاۋۋالقى تولۇق تەييارلىق ۋە نەق مەيداندىكى ھېسياتلاردىن ئۇرغۇپ چىققان كۈچ، ناھايىتى ئاسانلا كۈچلۈك رەقىبنى يېڭىپ مۇۋەپپەقىيەتكە ئېرىشتۈرىدۇ. 7 . ئەڭ ياراملىق مال ساتقۇچى دەل پوزىتسىيەسى ئەڭ ياخشى، بىلىمى ئەڭ مول، مۇلازىمىتى ئەڭ ئەتراپلىق مال ساتقۇچىدۇر. 8 . شىركەت مەھسۇلاتىغا مۇناسىۋەتلىك ماتېريال، چۈشەندۇرلۇش، ئېلان قاتارلىقلارغا نىسبەتەن ئىزدىنىش ئېلىپ بېرىش، پىششىق بولۇش؛ ھەمدە رىقابەتچىلەرنىڭ ئېلانى، تەشۋىقات ماتېريالى، چۈشەندۇرلىشى قاتارلىقلارنى توپلاپ، تەھلىل قىلىپ، « ئۆزىنى ھەم ئۆزگىنى بىلىش»، شۇنداق بولغاندىلا ئاندىن ئۆزىنى ھەم ئۆزگىنى بىلىپ، مۇناسىۋەتلىك تاقابىل تۇرۇش تەدبىرىنى بېكىتكىلى بولىدۇ. 9 . مال ساتقۇچى چوقۇم ئىقتىساد، سېتىشقا مۇناسىۋەتلىك كىتاب – ژورناللارنى كۆپرەك ئوقۇشى، بولۇپمۇ ھەركۈنى گېزىت ئوقۇپ، دۆلەت، ئىجتىمائىي خەۋەرلەر، ئاخباراتلىق چوڭ ۋەقەلەرنى چۈشۈنىشى، خېرىدارلار بىلەن سۆھبەتلىشىپ تۇرىشى، بۇلار ئەڭ ياخشى تېمىلار بولۇپ ھەرگىزمۇ ئاقماس خەۋەر، بىلىمى تېيىز نەرسىلەر ئەمەس. 10 . مال تېزىملىكىگە ئېرىشىش يولى خېرىدار ئىزدەشتىن باشلىنىدۇ، خېرىدارلارنى تەربىيەلەش، كۆز ئالدىدىكى سېتىشتىن مۇھىم،  يېڭى خىېرىدارلارنى ئىزلەشنى توختىتىپ قويغان مال ساتقۇچىنىڭ  مۇۋەپپەقىيەت قازىنىش مەنبەسى يوق بولغان بولىدۇ. 11 . خېرىدارغا پايدىسىز بولغان سودا مال ساتقۇچىغىمۇ زىيانلىق، بۇ ئەڭ مۇھىم بولغان سودا ئەخلاق ئۆلچىمىدۇر. 12 . خېرىدارلارنى زىيارەت قىلغان ۋاقىتتا، مال ساتقۇچى چوقۇم ئىشىنىدىغان ئۆلچىمى بولسا « يېقىلسىمۇ يەنە بىر ئوچۇم قۇمغا ئېرىشىش ». مەنىسى، مال ساتقۇچى قۇرۇق قول قايتىپ كەلسە بولمايدۇ، سېتىش مەغلۇپ بولسىمۇ، بىراق خېرىدار سىز ئۈچۈن يېڭى خېرىدارنى تونۇشتۇرۇپ قويىشى كېرەك. 13 . خېرىدار تاللاش. خېرىدارنىڭ سېتىۋېلىشنى خالىشى ۋە سېتىۋېلىش ئىقتىدارىنى مۆلچەرلەش، ۋاقىتنى ھەرگىزمۇ ئىككىلىنىپ تۇرىدىغان كىشىلەرگە ئىسراپ قىلماسلىق كېرەك. 14 . ئەڭ ياخشى بولغان بىرىنچى تەسىرنىڭ ئۆلچىمى كىشىلەرگە ئۆزىنىڭ مۇھىملىقىنى ھېس قىلدۇرۇش. 15 . دېيىشكەن ۋاقىتتا بېرىش ـ كېچىكىش بولسا : « مەن سىزنىڭ ۋاقتىڭىزغا ھۆرمەت قىلمايمەن» دېگەنگە باراۋەر. كېچىكىشكە ھېچقانداق باھانە يوق، ناۋادا كېچىكىشنىڭ ئالدىنى ئالالمايدىغان بولسىڭىز، ئۇچرىشىشىدىغان ۋاقىتتىن  بۇرۇن تېلفۇن قىلىپ كەچۈرۈم سوراپ، يەنە ئورۇنداپ بولمىغان سېتىش خىزمىتىڭىزنى قىلسىڭىز بولىدۇ. 16 . سېتىۋېلىش قارارىنى چىقىرىش ھوقۇقى سېتىۋالغۇچىدا بولىدۇ. ئەگەر سىزنىڭ مال سېتىۋېلىش ئوبىيكتىڭىزنىڭ « سېتىۋالاي» دەيدىغان ھوقۇقى بولمىسا، سىز ھېسقانداق نەرسىنى سېتىپ چىقىرالمايسىز. 17 . ھەر بىر مال ساتقۇچى پەقەت خېرىدارغا پۈتۈن دىققىتى بىلەن نەزىرىنى ئاغدۇرالىسىلا، ئاندىن سېتىش مۇۋەپپەقىيەتلىك بولىدىغانلىقىنى تونۇپ يېتىشى كېرەك. 18 . پىلان بولۇش ۋە تەبىيلا خېرىدارغا يېقىنلىشىش، ھەمدە خېرىدارغا پايدىلىق ئىكەنلىكىنى ھېس قىلدۇرۇش، سودىنى ئىلگىرى سۈرىدۇ. بۇ مال ساتقۇچىنىڭ ئىشتىن ئاۋۋالقى تىرىشىپ ئورۇندايدىغان خىزمىتى ۋە تەدبىرى. 19 . مال ساتقۇچى ھەرگىزمۇ ئۇ زىيارەت قىلغان بارلىق خېرىدار بىلەن سودىدا پۈتۈشۈپ كېتەلمەيدۇ، شۇڭا ئۇ تىرىشىپ كۆپلىگەن خېرىدارلار بىلەن كۆرۈشۈپ نىسبەتنى ئاشۇرىشى كېرەك. 20 . خېرىدارنى چۈشۈنىشىڭىز كېرەك، چۈنكى ئۇلار سىزنىڭ نەتىجىڭىزنى بەلگىلەيدۇ. 21 . ئەڭ ياخشى مال ساتقۇچى بولۇشتىن ئاۋۋال سىز ئەڭ ياخشى تەكشۈرگۈچى بولىشىڭىز كېرەك. 22 . ئۆزىنىڭ مەھسۇلاتىغا ئىشىنىش مال ساتقۇچىنىڭ چوقۇم ھازىرلاشقا تىگىشلىك شەرتى. سىز بۇ ئىشەنچنى ئۆزىڭىزنىڭ خېرىدارغا يەتكۈزۈپ  بېرىسىز. ئەگەر سىزنىڭ مەھسۇلاتقا نىسبتەن ئىشەنچىڭىز بولمىسا، سىزنىڭ خېرىدارىڭىزنىڭ تەبىيلا ئىشەنچىسى بولمايدۇ. 23 . نەتىجى ياخشى مال ساتقۇچى مەغلۇبىيەتنى قوبۇل قىلالايدۇ، قىسمەن سەۋەبى بولسا ئۇلار ئۆزىگە ۋە ئۆزى سېتىۋاتقان مەھسۇلاتقا شەكسىز ئىشىنىدۇ. 24 . خېرىدارنى چۈشۈنۈش ۋە ئۇلارنىڭ تەلىپىنى قانائەتلەندۈرۈش كېرەك. 25 . مال ساتقۇچىغا نىسبەتەن، ئەڭ قىممەتلىك نەرسە ۋاقىتتىنمۇ قىممەتلىك بولمايدۇ. 26 . سېتىش سوممىسىنى ئاشۇرىدىغان ئۈچ خىل ئۇسۇل : بىرىنچىسى، پۈتۈن زىھنىنى مۇھىم خېرىدارىغا مەركەىزلەشتۈرۈش، ئىككىنچىسى، تېخىمۇ مەركەزلەشتۈرۈش ، ئۈچىنچىسى تېخىمۇ،  يەنە تېخىمۇ مەركەزلەشتۈرۈش. 27 . خېرىدارنىڭ يۇقىرى تۆۋىنى بولمايدۇ، بىراق دەرىجىسى بولىدۇ . 28  . خېرىدارغا يېقىنلىشىشنىڭ مۇقىم قائىدىسى يوق، ئىشتىن ئاۋۋال ھەرخىل تىپتىكى خېرىدارلارغا قارىتا ئەڭ مۇۋاپىق بولغان يېقىنلىشىش ئۇسۇلى ۋە باشلىنىش سۆزىنى ياخشى تەييارلىسىڭىز بولىدۇ. 29.  سېتىش پۇرسىتى بولسا ، دەل ۋاقتىدا، تېز، توغرا ھۆكۈم قىلىش، ئىنچىكە دىتلىق بولۇش، خاتالىقتىن ساقلىنىپ پۇرسەتنى ئۆتكۈزۋەتمەي، تىرىشىپ پۇرسەت يارىتىشتۇر. 30 . زېھنىڭىزنى توغرا بولغان نىشانغا مەركەزلەشتۇرۇڭ، ۋاقىتنىي توغرا ھەم  ئىشەنچىلىك بولغان خېرىدارغا ئىشلىتىڭ، سېتىشتا يولۋاس كۆزلۈك بولۇڭ. 31 . سېتىشنىڭ ئالتۇن مىزانى بولسا « سىز باشقىلارنىڭ سىزگە قانداق مۇئامىلە قىلىشىنى ياقتۇرسىڭىز، سىز باشقىلارغا شۇنداق مۇئامىلە قىلىڭ »، سېتىشنىڭ ئاق ئالتۇن مىزانى بولسا « باشقىلار ياقتۇرىدىغان ئۇسۇل بويىچە مۇئامىلە قىلىش» 32 . خېرىدارىغا ئۆزىڭىز توغرۇلۇق پاراڭ قىلغۇزۇڭ. 33  .  سېتىش خىزمىتىدە چوقۇم سەۋىرلىك، توختىماستىن زىيارەت قىلىش،  جىددىيلەشمەسلىك، سەل قارىماسلىق، كۆكسى قارنى كەڭ، ئەھۋالنى كۆزىتەلەيدىغان، مۇۋاپىق  سودىنى ئىلگىرى سۈرەلەيدىغان بولۇشى كېرەك. 34 . خېرىدارنىڭ رەت قىلىشىغا ئۇچرىغاندا، ئاچچىقلانماستىن، خېرىدارنى قايىل قىلىش، ھەمدە يەنە خېرىدارنىڭ نېمە ئۈچۈن رەت قىلغانلىقىنىڭ سەۋەبىنى تاپالمىغاندا،  يەنە ئەھۋالغا قاراپ ئىش كۆرۈش كېرەك . 35 . خېرىدارنىڭ ئەتراپىدىكى كىشىلەرنى سۈرۈشتۈرۈش، سېتىش مۇمكىنچىلىكى بولمىسىمۇ، سەمىمىي ھالدا ئۇلارغا چۈشەندۇرىشى، تونۇشتۇرىشى كېرەك. 36 . خېرىدارغا ياردەم بېرىش ئۈچۈن سېتىش، ھەرگىزمۇ ئۈنۈم مائاش ئۈچۈن ساتماسلىق كېرەك. 37 . بۇ دۇنيادا، مال ساتقۇچى نېمىگە تايىنىپ كىشى قەلبىنى مايىل قىلالايدۇ؟ ئۇ بولسىمۇ ـ سەمىمىيلىك. 38 . پۇل بولسا تەلەپ قىلىش ئەمەس بەلكى تولۇق ئورۇندالغان ۋەزىپە ئۈچۈن بېرىلگەن قوشۇمچە  نەرسە. 39 . ئەڭ ئاخىرغىچە بەرداشلىق بېرىش كېرەك.    40 . سانلىق مەلۇماتلار ئارقىلىق سىزنىڭ مۇۋەپپەقىيەت فورمىلارىڭىزنى تېپىپ چىقىش ـ  بىر قېتىملىق سېتىشنى ئورۇنداش  ئۈچۈن سىز قانچىلىك يىپ ئۇچچىغا موھتاج،  قانچە قېتىم تېلفۇن ئۇرۇش، قانچە قېتىملىق كۆرۈشۈش، قانچە قېتىم مەھسۇلاتنى چۈشەندۈرۈش قاتارلىقلاردىن تۈزۈپ چىقىسىز. 41 . قىزغىنلىق بىلەن خىزمەت قىلىش. 42 . خېرىدارغا  چوڭقۇر تەسىر قالدۇرۇڭ. 43 . سېتىشتىكى مەغلۇبىيەتنىڭ بىرىنچى قانۇنىيىتى بولسا: خېرىدار بىلەن يۇقىرى تۆۋەنلىك تالىشىش. 44 . ئاقىل رىقابەتچىنىڭ ئۇسۇلى بولسا سالاپەت، مەھسۇلات، سەمىمىي مۇلازىمەت ۋە كەسىپنى سۆيۈش روھى. 45 . مال ساتقۇچى بەزىدە  ئويۇن قويغۇچىغا ئوخشايدۇ، بىراق سېتىش ساھەسىگە كىرگەندىن كېيىن، چوقۇم كەسىپنى سۆيىشى، ھەم ئۆزىنىڭ خىزمىتىنىڭ ئەڭ قىممىتىنى ۋە ئەھمىيىتىنى بېلىشى كېرەك. 46 . ئۆزىنى خۇشال قىلىش ـ  بۇ ئەڭ مۇھىم شەرت. ئەگەر سىز ئۆزىڭىز قىلىۋاتقان كەسىپنى قىزغىن سۆيسىڭىز، سىزنىڭ نەتىجىڭىز ئەڭ كۆرىنەرلىك بولىدۇ. 47 . نەتىجە بولسا  مال ساتقۇچىنىڭ جېنى، بىراق نەتىجىنى دەپ سودا ئەخلاقىغا رىئايە قىلماي، ھېچقانداق ۋاستە تاللىماسلىق خاتادۇر. 48 . مال ساتقۇچى ھەر يىل، ھەر ئايدىكى نەتىجىسىنىڭ تەۋرىنىشىگە دىققەت قىلىشى، ھەمدە  ئۆزىنى تەكشۈرۈپ، كەتكۈزگەن يەرلىرىنى تېپىپ چىقىشى كېرەك. 49 .سېتىشتىن بۇرۇنقى ۋەدە سېتىشتىن كېيىنكى مۇلازىمەتكە يەتمەيدۇ، كېيىنكىسى خېرىدارنى بەكرەك مايىل قىلىدۇ. 50 . ئەگەر سىز بىر خېرىدارنى رازى قىلىپ يولغا سالسىڭىز، ئۇ سىزنىڭ تەشۋىقاتچىڭىز بولۇپ، يەنە سىزگە  خېرىدار تېپىپ بېرىدۇ. 51 . ئەگەر سىزكونا خېرىدارىڭىزغا بولغان مۇلازىمەتنى ياخشى قىلمىسىڭىز رىقابەتچىڭىزگە پۇرسەت يارىتىپ بەرگەن بولىسىز. 52 . بىز نۇرغۇن خېرىدارلارنى  بەزىبىر سەۋەنلىكلەر تۈپەيلىدىن يوقۇتۇپ قويغانلىقىمىزنى ساناپ بولالمايمىز. 53 . خېرىدارىغا خەت يېزىش سىزنىڭ باشقا سېتىش ۋەكىللىرىگە ئوخشىمايدىغان يېرىڭىز . 54 . تەكشۈرۈشكە ئاساسلانغاندا  71％ خېرىدارنىڭ سىزنىڭ قولىڭىدىن مەھسۇلات سېتىۋېلىشى ئۇلارنىڭ سىزنى ياقتۇرغانلىقى، سىزگە ئىشەنگەنلىكى، ۋە سىزنى ھۆرمەتلىگىنىكەن. 55 . ئەدەپ -  قائىدە، سىرتقى قىياپەت، گەپ – سۆز، يۇرۇش – تۇرۇش بولسا كىشىلەر بىلەن ئالاقە قىلغاندا بېرىدىغان تەسىرنىڭ ياخشى – يامان  بولۇشنىڭ مەنبەسى، شۇڭا مال ساتقۇچى مۇشۇ جەھەتتە كۈچىشى كېرەك. 56 .  كېيىم -  كېچەك مۇكەممەل ئادەمنى بارلىققا كەلتۈرەلمەيدۇ، بىراق تۇنجى قېتىم كۆرۈشكەندىكى تەسىرنىڭ 90％ كېيىم -  كېچەكتىن كېلىدۇ. 57 .  بىرىنچى  قېتىملىق سودا مەھسۇلاتنىڭ كۈچىگە كېلىدۇ، ئىككىنچى  قېتىملىقى بولسا مۇلازىمەتنىڭ كۈچىدىن كېلىدۇ. 58 .  ئىشەنچ بولسا سېتىشتىكى ئەڭ مۇھىم كاپىتال. 59 . خېرىدار بىلەن پاراڭلاشقاندا، سېتىش تېخىمۇ مۇۋەپپەقىيەتلىك بولىدۇ. 60 . مال ساتقۇچىغا نىسبەتەن سۆزلەش ئاڭلاشتىن مۇھىم. مەنبە: شىنجاڭ رەقەم تور -تېخنىكا چەكلىك شىركىتى تەييارلىدى. سالونچىلارنىڭ كۆچۈرۈشى چەكلىنىدۇ. كۆچۈرمەكچى بولساڭلار ، رەقەم شىركىتنىڭ رۇخسىتىنى ئېلىڭ.

خۇش

	بېلىۋىلىشقا تىگىشلىك بىلىملەر ئېكەن

KaLGuSi

	ھەي مەندىكى مۇشۇ كام ئادەتلەرنى تېپىۋالغاندەكلا ئېيتىپتۇغۇ ، مەن سېتىشقا چۈشمەمدىم نىمە

KaLGuSi

	مەندىكى كام ئادەتلەرنى تېپىۋالغاندەكلا ئېيتىپتىغۇ ، مەن سېتىشقا چۈشمەمدىم نىمە

شاتئاي

	غوجىقارى   مەنمۇ بىلۋالاي ھە،يىقىندا تاللا بازىرى ئاچقان،بىلىپ قويسام زىينى يوقتەكلا  رەھمەت قېرىندىشىم

شاتئاي

	غوجىقارى   مەنمۇ بىلۋالاي ھە،يىقىندا تاللا بازىرى ئاچقان،بىلىپ قويسام زىينى يوقتەكلا  رەھمەت قېرىندىشىم

musuma

	شاتئاي يوللىغان ۋاقتى  2015-7-20 12:48 AM غوجىقارى   مەنمۇ بىلۋالاي ھە،يىقىندا تاللا بازىرى ئاچق ...   شۇ سىلەرنى نەپ ئالسۇن دەپ يوللىدىم، ئەرزىمەيدۇ . تاللا بازىرى ئاچقان ؟

sirikbuya

	نەدىراق ئۇ تاللا  بازىرى  ئىسمى نىمە  سودا قىلىپ قويايلى

apchil

	بىرىنچى قېتىملىق سودا مەھسۇلاتنىڭ كۈچىدىن كېلىدۇ،ئىككىنچى قېتىملىق سودا مۇلازىمەتنىڭ كۈچىدىن بولىدۇ.    بىرىنچى قېتىملىق سودىنى  مەھسۇلاتىڭىز ئىشەنچىلىك،داڭلىق ماركىلىق بولسا قىلالىشىڭىز مومكىن بىراق ئىككىنچى قېتملىق سودىنى  مۇلازىمىتىڭىز ياىشى بولسا ،خېرىداردا ياخشى تەسىر قالدۇرالىسىڭىز  ئاندىن شۇداڭلىق ماركىلىق،ئىشەنچىلىك مېلىڭىزنى ئىزدەپ كېلىدۇ بولمىسە سىزنىڭكىگەئوخشاش داڭلىق ماركىلار ساماندەك ، مۇھىمى سەمىمىيەت بىلەن تىجارەت قىلىش ،بۇرۇننىڭ ئۇچىنىلا كۆرۈپ تۇرىۋالماسلىق

apchil

	بىرىنچى قېتىملىق سودا مەھسۇلاتنىڭ كۈچىدىن كېلىدۇ،ئىككىنچى قېتىملىق سودا مۇلازىمەتنىڭ كۈچىدىن بولىدۇ.    بىرىنچى قېتىملىق سودىنى  مەھسۇلاتىڭىز ئىشەنچىلىك،داڭلىق ماركىلىق بولسا قىلالىشىڭىز مومكىن بىراق ئىككىنچى قېتملىق سودىنى  مۇلازىمىتىڭىز ياىشى بولسا ،خېرىداردا ياخشى تەسىر قالدۇرالىسىڭىز  ئاندىن شۇداڭلىق ماركىلىق،ئىشەنچىلىك مېلىڭىزنى ئىزدەپ كېلىدۇ بولمىسە سىزنىڭكىگەئوخشاش داڭلىق ماركىلار ساماندەك ، مۇھىمى سەمىمىيەت بىلەن تىجارەت قىلىش ،بۇرۇننىڭ ئۇچىنىلا كۆرۈپ تۇرىۋالماسلىق