چۈشۈمدىكى جىن

007617

	ئەسكەرتىش :بۇ ئەسەردىكى ۋەقەلىك پۈتۈنلەي تۇقۇلما،تارىخ ئەمەس.قالايمىقان پەرەز قىلماسلىقىڭلارنى ئۈمۈد قىلىمەن. بۇ ئەسەر سەل قوقۇنۇشلۇق،يۈرىكى ئاجىزلاركۆرمەڭ!                                                                                                                                           يەنە شۇ چۈش،قوققىنىمدىن ۋارقىراپ ئويغۇنۇپ كىتىپتىمەن ،يۈرىكىم خۇددى قېپىدىن چىقىپ كىتىدىغاندەك تىز سۇقاتتى.نەپسىم يىتىشمەيتى،چاچلىرىممۇ ھۆل بۇلۇپ گەدەنلىرىمگە چاپلىشىپ كەتكەن ئىدى،يىنىمدا ياتقان سىڭلىم ،ئىچىدىكى ئۆيدە ياتقان ئاپام ۋە موماملارھەممىسى ئەتراپىمغا ئولاشقان ئىدى،سىڭلىم توختىماي گەپ سوراپ مىنى تىنىچلاندۇرۇشقا ئۇرىنناتتى،ئەمما باشقا چاغلاردا ھالىمنى سوراپ باش كۈزۈمنى سىلايدىغان مىھرىبان مومام ھازىر باياتىنقى چۈشنى خۇددى مەن ئەمەس ئۈزى كۆرگەندەك تەشۋىشلىنىپ چىرايىغا جىددى تۈس ئېلىپ ماڭاقاراپ گەپ سۆزسىز ئولتىراتتى،ئاپام ئۇزاتقان سوغۇق چاينى ئىچىۋېتىپ ئاپامنىڭمۇ جىمىپ كەتكىنلىكىنى ھىس قىلدىم،تۇرۇپلا خىجىل بۇلۇپ قالدىم،مەن يا كىچىك بالا بولمىسام،بۇيىغا يىتىپ قالغان چوپچوڭ قىز تۇرۇپ كۈندە يېرىم كېچىدە ۋارقىراپ -جاقىراپ يۈرسەم،ياشقا چوڭ بۇلۇپ  قالغاندا ياخشى ئارام ئالغىلى  قويمىسام ئۇلارغا ئەلۋەتتە ئېغىر كىلىدۇ -دە،لىكىن مىنىڭ ئىختىيارىم ئەمەس ،شۇلارنى ئويلاپ دەرھال ياخشى بۇلۇپ قالغاندەك بۇلىۋالدىم ،ئۇنىمىغىنىغا قويماي ئۇلارنى دەرھال جايلىرىغا ياتقۇزۋېتىپ ئۇھ دەپ چىراغنى ئۈچۈرۈپ ياتتىم،كۈزۈمگە ھىچ ئۇيقۇ كىلىدىغاندەك ئەمەس،كۈزۈمنى يۇمساملا يەنە ھېلىقى چۈش،مەن بۇ چۈشنى كۈرىۋاتقىلى بۈگۈن ئۇدا ئۈچ كۈن بولدى.ھەرقېتىم ۋاقىراپ ئويغۇنۇپ كىتىمەن،ئەتىسى بولسا پۈتۈن بەدەنلىرىم ئاغىرىپ روھسىز يۈرىمەن.چۈشۈمدە ئاجايىپ ھەيۋەتلىك ئىگىز بىر تاغ باغرىدا ئات مىنىۋاتقۇدەكمەن،ئەتراپىم شۇنچىلىك گۈزەل ،ياپيېشىل ئوتلاقلار شامالدا لەرزان يەلپۈنەتتى.مىنڭ سەل ئالدىمدا ئاپئاق ئاتقامىنگەن ناھايتى قاملاشقان بىر يىگىت كىتىپ باراتتى ،نىمە ئۈچۈنكىن تاڭ ئۇنىڭ كىيۋالغان كىيىملىرى ھىچ بىر  يەرنىڭكىگە ئوخشىمايتى،مەن ئۇنىڭ پەقەت ئارقىسىنىلا كۈرەتتم كۆڭلۈمدە ئۇنىڭغا بىر مايىللق بار ئىدى،ئۇنىڭ چىرايىنى كۈرۈش ئۈچۈن شۇنچە تىز چاپساممۇ يىتىشەلمەيتتىم،ئۇنى بىرقاتا كۈرۈپ بېقىش ئىستىگىدە ئاتنى بۇلىشىغا چاپتۇردۇم،ئۇچىۋاتىمەنمۇ ياكى ئات مىنىۋاتىمەنمۇ بىلمىدىم،تۇيۇقسىز ئۇ كۆڭلۈمدىكىنى بىلگەندەك توختىدى،مەن يىنىغا باردىم ،ئەمما يەنىلا چىرايىنى كۈرەلمىدىم.ئۇنىڭغا گەپ قىلماقچى بۇلۇپ ئاغزىمنى ئېچىشىمغا ئۇ مەن تەرەپكە قارىدى!تىل بىلەن تەسۋىرلەش مۇمكىن ئەمەس بەتبەشىرە بىر چىراي،كۆزلىرىنىڭ ئورنىدا قاپقارا بىر جۈپ كامار،بۇرنى يوق ئىدى،ئاغزىدىن قىپقىزىل ئوت ئۇچقۇنلىرى چاچىرايتى،باشتىكى گۈزەل مەنزىرلەر يوقىغان بۇلۇپ پۈتۈن ئەتراپ ناھايتى سۈرلۈك ئىدى،ئەتراپىمدىن دەھشەتلىك ئاۋازلار ئاڭلىناتتى ،ۋارقىراي دىسەم ئاۋازىم چىقمايتتى،ئۇنىڭ چاچلىرى ئۇزىراپ بەدىنىمنى يۆگەپ نەپسىمنى قىساتتى،ئاغزىدىن چوغقا ئوخشاش قىپقىزىل ئاچىماق تىلى مەن تەرەپكە سۇزۇلۇپ كەلگەندە ئويغىنىپ كەتكەن ئىدىم،يېقىندىن بۇيان يۈز بەرگەن ئىشلار مىنى ھەقىقەتەن گاڭگىرتىپ قويدى،ھويلىدا يالغۇز  قالغىنىمدا بەزىدە بىراۋلار سۆزلىشىۋاتقاندەك شىۋىرلىغان ئاۋازنى ئاڭلايمەن،شۇنچە قىلساممۇ نىمە دىگەنلىكىنى ئاڭقىرالمايمەن،بەزىدە كۆز ئالدىمدىن غىل -پال كۆلەڭگىلەرنىڭ ئۆتكەنلىكىنى سىزىمەن، ئەمما قاياققا ماڭغانلىقىنى بىلمەيمەن،بۇئۆيدە مەنلا شۇنداق بولسام كېرەك ،باشقىلار خاتىرجەم ،قايسى كۈنى ئاشنى ئىتىپ ئۇساي دەپ تۇرسام دەرۋازىنى بىرسى قاقتى چىقىپ قارىسام ھىچكىم يوق ،قايتىپ كىرسەم ئاش خۇددى مەن ئۇسقاندەك جوزىدا تۇرىدۇ!يولدا ماڭغىنىمدا يېنىمدا بىرسى باردەكلا ئەمما ئەتراپىمغا قارىسام ھىچكىم يوق.ئاپامغا بۇ ئىشلارنى دىسەم دائىم ئۇخلاپ قالغاندەك يۈرمەي كاللاڭنى سەگەك تۇت دەيدۇ،شۇ ئىشلارنى خىيال قىلپ تاڭ ئېتىپ كەتتى،پۇت قۇلۇمدا كۈچ يوق ،كاللام قاپاقتەكلا،ئورنۇمدىن تۇرۇش پەقەت خوشياقمىدى،قارىسام مەندىن باشقا ھەممسى تۇرۇپ بولدى ،مەنمۇ ئورنۇمدىن تۇراي دەپ تەمشەلدىم ،ئاپام ماڭا قاراپ بىر ھازا تۇرۋەتكەندىن كىيىن بەك مىجەزىڭ بولمىسا بىردەم ئارام ئالغىن دەپ قۇيۇپ سىرىتقا چىقىپ كەتتى ،مەن بۇ گەپنى ئاڭلاپ خوشال بولغىنىمدىن دەرھال يېتىۋالدىم چۈنكى ئاپامنىڭ بۇنداق دىيىشى ناھايتى ئاز ئۇچىرايتتى. بىزنىڭ سەھەردە ئورنىمىزدىن تۇرۇشىمىزنى ئىشلىرىمىزنى تېپىپ قىلىشىمىزنى ،ھەرۋاقىت جانلىق تىتىك تۇرىشىمىزنى تەلەپ قىلاتتى ھەم ئۈزىمۇ شۇنداق ئىدى.تىلغا ئېلىپ ئۈتۈشكە ئەرزىيدىغىنى شۇكى بىزنىڭ ئۆيدە ئەركىشى يوق ئىدى،لىكىن بىز ھەممىمز ئايال بولغان بىلەن تىنىمىز ساغلام ،بويىمىز ئىگىز ھەم قاۋۇل ئىدى ،شۇڭا ئېتىز ئېرىق ئىشلىرىدا باشقىلارغا يالۋۇرمايتتۇق،موماممۇ ياشىنىپ قالغان بىلەن ناھايتى يىراقتىكى ھاممامنى پات-پات بېرىپ يوقلاپ تۇراتتى،چۈنكى ھاممام بىزنىڭ ئۆيگە ناھايتى ئاز كىلەتتى،ھەر قېتىم كەلگنىدەئۇزاقراق تۇرالماي ئۈيىدىن باللىرىدىن ئەنسىرەپ تىزلا كىتىپ قالاتتى،چۈنكى ئۇلارنىڭ ئۈيىدىمۇ ئەر زاتى يوق ئىدى.                                                                                                                داۋامى ئىنكاس شەكلىدە يوللىنىدۇ.

قىران123

	تېمىڭىزغا رەھمەت ، داۋامىغا تەشنامەن .

0030

	Yahxikan.   Dawamiqu........

ۆمۈتۋار

	داۋامىنى ساقلايمىز

omak~kiz

	ۋاي خۇدايىم!!  ئاق ئاتلىق شاھزادىڭىز ئەسلىدە ئالۋاستى ئىكەندە؟؟؟؟ بومماپتۇ ئۇنى تاشلۋىتىڭ سەت بوغانكىن !!

omak~kiz

	داۋامىنى تىزرەك يوللىۋىتەسىز بىزنى ساقلاتماي ھە،!1بولمىسا بىزگىمۇ ئۇچراپقالسا كەينىدىن كەتمەيلى يانا (چاقچاق)

nazila998

	قار بىسىپ قالغان ئوخشايدۇ ، بۇنداق چۈشنى داۋامىنى ئىلىپ قالماي يوللىۋەتكەن بولسىڭىز ياخشى بولاتتى ، بۇنداق چۈشنى ئۇزۇن داۋاملاشتۇرسىڭىز چارچاپ قالىسىز

1elkelem

	قىزبالا ۋاقتىدا ياتلىق بولمىسا ئەركەك جىن چاپلىشىۋالىدۇ. بېشىڭىزغا ئەرەنچە دوپپا كىيىپ، يېنىڭىزغا پىچاق ئېسىپ ياتسىڭىز بەلكىم ساقىيىپ قالارسىز.

007617

	شۇنداق قىلىپ بۈگۈنمۇ كەچ بۇلۇپ كەتتى،چىراغنى ئۈچۈرۈپ ياتقىلى نەۋاق،يەنە ھېلىقى چۈشنى كۈرۈپ قېلىشتىن قورقوپ ئۇخلىمىدىم،ئۇيان بۇيان ئۈرۈلۈپ  كېچىمۇ بەر يەرگە باردى،مەن ئۇخلىماي سەگەك يېتشقا تىرىشساممۇ ئۇيقۇ لەشكەرلىرى ماڭا ھۇجۇم قىلماقتا ئىدى ،كۆزلىرىم يۇمۇلغان شۇ چاغدا تۇيۇقسىز مومامنىڭ ئاۋازىنى ئاڭلىغاندەك بولدىم نىمە دىگەنلىكىنى ئاڭقىرىپ بولغىچە ئاپام چىقىپ بىزگە سىنچىلاپ قارىۋەتكەندىن كىيىن ئاستا كىلىپ يوتقىنىمنى تۈزەپ قۇيۇپ كىرىپ كەتتى،گەرچە ئۇيقىلقتا كۈزۈم چىڭ يۇمۇقلۇق بولسىمۇ ھەممىنى بىلىپ ياتتىم، -ئۇخلاپ قېتىپ كىتىپتۇ-بۇ ئاپامنىڭ ئاۋازى ئىدى،ھەي ،مەندىن ئەنسىرەپ تېخى ئۇخلىماپتۇ دە،خىيالىمنىڭ ئاخىرنى ئويلاپ بولغىچە مومامنىڭ ئاۋازى ئاڭلاندى،-بۈگۈن پۈتۈن بىر كۈن ئويلاندىم،قارىغاندا ئۇلار ئىشنى باشلاپتۇ،بۇ يەردىن دەرھال كەتمىسەك بولمايدۇ،سەن ئەتىدىن باشلاپ ئۆي بىلەن يەرنى ساتىدىغاننىڭ ئامالىنى قىل ،مەن سىرىتلارغا چىقىپ نەگە كۆچسەك مۇۋاپىق بۇلىدۇ چاندۇرماي ئۇقۇپ باقاي-دىدى.بۇ گەپلەرنى  ئاڭلاپ كاللام بىردىنلا سەگەكلەشتى .ئاپام بىر ھازا جىمجىتلىقتىن كىيىن-بۇ چەت جايدا ئۆي بىلەن يەرنى ساتىمىز دىسەك كىممۇ ئالار،ئالدى دىگەندىمۇ بىكارغا بەرگەندەكلا بەرسەك بولىدۇ ،باشقا جايغا بارساق بۇ پۇلغا ھىچنىمە كەلمەيدۇ ،قانداق قىلارمىز؟ بالىلارنى ياتلىق قىلىپ بولغان  بولساققۇ بۇ ئىشمۇ يوق ئىدى،ياكى بولمىسا ھەقىقى ئەھۋالنى ئۇلارغا دەيمىزمۇ يە -دىدى.مومام بۇ گەپنى ئاڭلاپ ئاچىچىقلاپ قالدى-قايسى ھەقىقى ئەھۋالنى دەيسەن ھېلىقى ساندۇقچىنڭ سىرىنى دەۋاتامسەن؟ بۇ ئىشلارنى بالىلار ئۇقسا نىمە پايدىسى ،سەن ئۇلارنى كىچىككىنە تۇرۇپ تەشۋىش ئىچىدە ياشىسۇن دەمسەن؟ يېقىندىن بۇيان بۇلىۋاتقان ئىشلارنى كۆرمەيۋاتامسەن؟ ئۇلارنى بۇ جايدا تەلەي سىناپ بىر ئۆمۈر تەنھا ئۆتسۇن دىمەكچىمۇ؟بىز دىن كىيىن قالسا ئۇلارنى ھىچكىم ئارىغا ئالمىسا مەيلىمۇ؟ ،خاتىرجەم بول ،ئۇ ساندۇقچەھەم سىرلار خۇددى بىزگە ئوخشاش ئۇلارغىمۇ قالىدۇ،ئامال يوق، ئانام رەھمەتلىكمۇ ماڭا بۇ ئىشلارنى سىلەرنى تۇغۇپ بولغاندىن كىيىن ئاندىن دىگەن،سەن نەرىمدىن تۇغۇلۇپ قالدىڭكىن تاڭ،     قارىغىنا  سىڭلىڭغا شۇ يىراق جايدا  قىزلىرىنى بېقىپ يالغۇز قاتارغا قوشتى،سەن ئۇنىڭ بىرەر قېتىم دەرت تۆككىننى ئاڭلاپ باقتىڭمۇ؟ بۇ يەردىن دەرھال كۆچمىسەك بولمايدۇ ھېلىمۇ كىچىكتۇق ،جان بولسا جاھان  ھاياتلا بولساق بۇلارنى يەنە قىلۋالىمىز،ئەجدادىمىزدىن تا ھازىر غىچە ھىچكىم بۇ توغرىسىدا بىراۋلارغا يېلىنغان ئەمەس .بولدى . ئەمدى تىلىڭنى چاينىماي ئۇخلا ،بۇ ئىشلار شۇنداق بولسۇن-دىدى.گەرچە بۇ گەپلەر ناھايتى پەس ئاۋازدا ئېيتىلغان بولسىمۇ ھەممىنى ئاڭلىدىم ،توۋا ئەسلىدە مەن بىلمەيدىغان ئىشلار جىقكەندە،مەن تېخى  يېقىندىن بولغان ئىشلارغا قاراپ  كاللامدىن چاتاق چىققان ئوخشايدۇ دەپ ئويلاپ كىتىپتىمەن،مەن بىلمەيدىغان يەنە نىمە ئىشلار باردۇ؟ھېلىقى سىرلىق ساندۇقچىدە زادى نىمە باردۇ؟ئۇ زادى قەيەردە؟ئەگەر بىزنىڭ  ئۆيدە بولسا  مەن نىمىشقا مۇشۇ كەمگىچە ئۇنى كۆرمىدىم؟ ئويلىغانسىرى بەزى ئىشلارنىڭ نورمال ئەمەسلىكىنى بايقىدىم،مومامنىڭ تىگى- تەكتى  بەلەك يۇرىتتىن بۇلۇپ بوۋام رەھمەتلىك مۇشۇ جايدىن ئىكەنتۇق ،ئانام بىلەن ھاممام تۇغۇلغاندىن كىيىن بوۋام كېسەل سەۋەبىدىن تۈگەپ كىتىپتىكەن،سىڭلىم بىلەن ئىككىمىز خېلى كىچىك چاغدا داداممۇ قاتناش ھادىسىدە تۈگەپ كەتتى،ھاممام يىراق جايغا ياتلىق بولغان ئىكەن ھامماممۇ قىزلىرىنى تۇغۇپ ئۇزاق ئۆتمەي يولدىشى ئاغىنىللىرى بىلەن ئامبارغا سۇ ئۈزگىلى بېرىپ سۇدا تۇنجىقىپ قېلىپ قازا قىلغان ئىكەن،بىزنىڭ جىق ئۇرۇق تۇققانلىرىمىز يوق ھەممىسى مۇشۇلار ئەمما ھەممسى ئايال،ئەتە تامخوشنىمىز ئايشەمخاننڭ قىزى رازىيەنىڭ  تۇيى،ئۇ قىزسىڭلىمدىن ئىككى ياش كىچىك،مەن بۇيىل يىگىرمە ئۈچ ياشقا،سىڭلىم يىگىرمە بىر ياشقا كىردى،بۇ بىزنىڭ يېزىغا نىسبەتەن كىچىك ياش ئەمەس،تەڭتۇشلىرىمنىڭ ھەممسى توي قىلىپ ئالدىنىڭ بىرەردىن باللىرى بار،خۇددى بىز مەۋجۇت ئەمەستەك  بىزنىڭ ئۆينىڭ ئشىكىنى ئەلچىلەرنىڭ بىرەر قېتىم چىكىپ باققىننى بىلمەيمەن، مەن ئۇنچە گۈزەللەردىن بولمىساممۇ ھەر-ھالدا يامان ئەمەس ئاپام بىزنى كىچىكىمىزدىن ناھايتى چىڭ باشقۇرىدۇ،ھەرۋاقىت ئىشچانلىقنى ،شەرىم -ھايانى ،ئەدەپ -ئەخلاقنى تەكىتلەيدۇ ،مۇشۇ كەمگىچە بىرەر يىگىت بىلەن يالغۇز بىر ئېغىز پاراڭلىشىپ باققىنىمنى بىلمەيمەن،بىزنىڭ ئائىلىدە ھەممىمز ئايال بولغان بىلەن باشقىلار بىزنى ئەخلاق جەھەتتە ھىچنىمە دىيەلمەيدۇ ھەم دىمەيدۇ .مومامنى ناھايتى ھۆرىمەتلەيدۇ،ئەمما نىمە ئۈچۈن ؟مىنڭ ياتلىق بۇلىشىمنڭ كۈچۈش بىلەن نىمە مۇناسىۋىتى بار؟ئەگەر مەن ياتلىق بۇلۇپ بولغان بولسام كۆچمەسكەنمىز ،كۆچسەك نەگە بارارمىز ،ھىچقانداق تۇنۇشلىقىمىز يوق يەرگەبارساق كۆنەلەرمىزمۇ؟ئۇلار بىزنى ئارىغا ئالارمۇ؟قانداق قىلارمىز؟ تۇيۇقسىز كاللامغا بىر خىيال كەلدى ،ئەقلىمدىن سۈيۈنۈپ كەتتىم ،مەنمۇ ئەتە توغۇرلۇق بىر پىلان تۈزدۈم.                    داۋامى ئىنكاس شەكلىدە يوللىنىدۇ.

tark

	يەنە بىر ياخشى لىكىن داۋامى بار ئەسەر.