ئــــايــرىــلــدىـــم

sarban

	ئەجەپ كۈنلەر ئىدى شۇ دەم ، بىز ئىككىمىز سەيلە قىلغان ، ئاي نۇرىدا ھىچ سەزمەستىن ، بوينىمىزغا گىرە سالغان . بۇ ھاياتنىڭ يوللىرىدا ،  ئۇنتۇلغۇسىز ئىزلار قالغان ، قېنى ئەمدى كۆزى ئوتلۇق ، شۇ جانانىمدىن ئايرىلدىم . ئەركىلىشىپ چاقچاق بىلەن ، بىلىنمەيتى ئۆتكەن كۈنلەر ، جىمجىت كېچە قول تۇتۇشۇپ ، ماڭغان ئىدۇق قانچە تۈنلەر . خىيال سۈرۈپ يالغۇز قالدىم، نەگە  كەتتى ياڭراق ئۈنلەر ، باشىم سىلاپ ھەم كۆيۈنگەن ، مېھرىبانىمدىن ئايرىلدىم . كېچىلىرى ئولتۇرىمەن  ، دېرىزەمدىن ئايغا قاراپ ، تولۇنئايمۇ كۆز قىساتتى ، بولۇتلاردىن گاھى ماراپ . سەزمەي قالدىم بەزى ھەتتا، كەتسىمۇ گەر يۇلتۇز تاراپ ، كېلىڭ دەپلا قىزىققىنە ، چاي سۇنارىمدىن ئايرىلدىم . يالغۇزلۇقتا دەرتكە تولسام ، مۇڭلىرىمنى كىمگە تۆكەي ، ئىچ ئاغرىتماس ھىچبىر كىشى ، خىيال ئىچرە غەمگە چۆكەي . سەندىن ئۆزگە يايرىم يوقتۇر ، بۇ دۇنيادىن تەنھا ئۆتەي ، بۇ كۆڭلۈمگە تەسكىن بېرەر ، دىل ئارامىمدىن ئايرىلدىم . تۇيۇلماقتا شۇ تاپ ئالەم ، ھېچبىر كىشى قالمىغاندەك ، پۈتكۈل جاھان يەكلەپ مېنى ، ھىچ ئارىغا ئالمىغاندەك . كۈنسىرى بۇ يۈرەگىمدە  ، ئۈمۈت شامى يانمىغاندەك ، كۆرۈشكىلى كەلسەم تېزدىن ، ھال سورارىمدىن ئايرىلدىم . كونا جايغا باردىم يەنە ، ئىزلەپ سېنىڭ سىمايىڭنى ، لېكىن سەن يوق ئەسكە ئالدىم ، كۈلۈپ تۇرغان چىرايىڭنى . بەربات بولدى ئارزۇلىرىم ، كۆزلىگەنتىم ۋىسالىڭنى ، كەلگۈسى دەپ پۈكۈپ قويغان ، شۇ قارارىمدىن ئايرىلدىم . ئازاپتىلا ئۆتەر كۈنۈم ، كۆزلىرىمدىن ياش قورۇماس ، چۈشكۈنلىشىپ كەتتى روھىم ، مىسكىن دىلىم ھىچ يورۇماس . دىلخانەمدە بىر گۈل ئىدىڭ ، مېنىڭ ئۈچۈن ھىچ توزۇماس ، دەرتلىرىمگە ھەمدەم بولغان ، شۇ غەمخانىمدىن ئايرىلدىم . غېرىپسىنىپ قالدى بېغىم ، قۇشلارمۇ ھىچ قىلماس ناۋا ، كۆككە باقسام ئەسلەپ سېنى ، كۆكتىن ئەسلا كەلمەس سادا . چۈنكى تەقدىر ئايرىغانتى ، ئىككىمىزنى مەڭگۈ - جۇدا ، غېرىپ كۈندە دىل يورۇتقان ، شۇ چىراغىمدىن ئايرىلدىم . سەنسىز ھايات دوزاخ ماڭا ، تەنھا ئەمدى قانداق ياشاي ، يالغۇز ئۆزۈم ئەگرى - توقاي ، داۋانلاردىن قانداق ئاشاي . ساڭا كۆيگەن - ساڭا كۆنگەن ، بۇ باغرىمغا كىمنى باساي ، ئېغىر كۈندە يۆلەك بولغان ، پاسىبانىمدىن ئايرىلدىم . شۇنداق ئىكەن بۇ تەقدىرىم ، ئەمدى بەخىت ئاچماس قۇچاق ، ئۆتەرمەنمۇ دۇنيادىن مەن ، مۇردا كەبى« تىرىك قونچاق ». بەزلىيەلمەس ھەتتا مېنى ، شۇنچە ياخشى يۇمۇر - چاقچاق ، زەپەر قۇچسام پەخىرلەنگەن ، ئىپتىخارىمدىن ئايرىلدىم . بىز يايرىغان خوشال كۈنلەر ، مەڭگۈلۈككە كەلمەس ئەمدى ، ساڭا قاراپ نۇر تۆكۈلگەن ، كۆزلىرىممۇ كۈلمەس ئەمدى . شوخ شامالمۇ بۇ قەلبىمگە ، ھىچ تەسەللى بەرمەس ئەمدى ، دىلىمغا زوق بەخش ئەتكەن ، گۈلىستانىمدىن ئايرىلدىم . شۇنداقمىدۇ ھايات دىگەن ، ھىچ باقمىدى ماڭا كۈلۈپ ، يۈرگەن ئىدىم يار ۋەسلىدە ، مىڭ تىرىلىپ مىڭبىر ئۆلۈپ . مانا ئەمدى تۇرۇپتىمەن ، كۆزلىرىمدىن ياش تۆكۈلۈپ ، داۋام ئەتمەس ئەمدى كۈنلەر، تەڭ ھاياتىمدىن ئايرىلدىم . مەنبە :ئىجادىيەت

xohdil

	گۈرە ساپسىز؟  تۈنلەرنى بىللە ئۆتكۈزۈپسىز . كەلگۈسى دەپ قارار قىپسىز. ئايرىلىپلا دۇنيانى دوزاخ بىلىپسىز . ئەمدى  كۈلىرىڭىز داۋام ئەتمەسمىش؟    مۇبارەك بولسۇن . مۇستەقىللىق تەرەققىيات.  تۇرمۇشقا ئەمدى قەدەم ئاپسىز.  يقارىسام ئەدەبى قابىلىيتىڭىز ياخشىكەن. ئەقىل بىلەن ياشىيالايدىغانلىقىڭىزغا تامامەن ئشىنىمەن.

uygur^kiz

	ئاشىقلىقتىن شائىرلىق چىقىدۇ  دەرۋەقە ،،،،لىكىن ئايرىلمىغان بولساڭلارچۇ كاشكى

sintax

	مۇشۇ ئايرىلىپ كەتكەنمۇ ياخشى جۇمۇ ؟ چۈنكى ، غېرىپ بىلەن سەنەم مۇرادىغا يىتىپ توي قىلغان بولسىمۇ بۇ چاققىچە ئىككىسى نەچچە قىتىم جىدەل قىلىپ ، نەچچە قىتىم ئاجرىشىپ كەتكەن بولاتتى . سەنەم قاتار چايغا يۈگرەپ ، غېرىپ ئۆيدە بالا بىقىپ بولالماي ئىچى پۇشۇپ قاۋاقخانىغا يۈگرەپ...............ھەييييييييييي..... بۇ دۇنيانىڭ ئىشلىرىنى

AKRAM0420

	sintax يوللىغان ۋاقتى  2015-7-3 05:36 AM مۇشۇ ئايرىلىپ كەتكەنمۇ ياخشى جۇمۇ ؟ چۈنكى ، غېرىپ بىلە ... قىزىقارلىق...................................

jelwa

	sintax يوللىغان ۋاقتى  2015-7-3 05:36 AM مۇشۇ ئايرىلىپ كەتكەنمۇ ياخشى جۇمۇ ؟ چۈنكى ، غېرىپ بىلە ... ئويلاپ كۆرسەك ھەقىقى چىن ئاشىق-مەشۇقلار مۇرادىغا يەتكەن ئەمەسكەن  ! .. مەسلەن  : تاھىر بىلەن زۈھرە ، پەرھات -شىرىن،لەيلى-مەجنۇن.رومىيۇ بىلەن  جۇلىتا دىگەنگە  ئوخشاش  !....

jelwa

	دۇنيادىكى بىرىنجى دەرىجىلىك يالغان سۆز :  سەنسىز ياشىيالمايمەن .. ئىنسان ھەر نەرسىگە كۆنىدۇ ، سەۋىر قىلىڭ.....

TATLIHIM

	شۇ مۇشۇنداق ئايرىلغان چاغدا ،مۇشۇنداق ئېسىل شېئىرلار ۋۇجۇدقا كېلىدۇ ،ئايرىلمىسا ما شېئىرمۇ ۋۇجۇدقا كەلمەس بولغۇيتى !

TATLIHIM

	jelwa يوللىغان ۋاقتى  2015-7-3 09:51 AM دۇنيادىكى بىرىنجى دەرىجىلىك يالغان سۆز :  سەنسىز ياشىي ... دەششەت توغرا گەپتىن بىرنى قىپسىز ئەمما .

sahraogle0999

	ياخشى يىزىپسىز ،تىخىمۇ پىشىقلاپ يازغۇچىلار مۇنبىرىدە ئىلان قىلسىڭىز بۇندىن كىينكى ئەدەبىي ئىجادىيەت يولىڭىزغا يول كۆرسىتىپ بىرىدىغانلار چىقىشى مۇقەررەر.