يېڭى بىر دۇنيا (16)

xamal1124

	ھەش پەش دېگۈچە بۇ يېڭى دۇنياغا قەدەم باسقىنىمغىمۇ خېلى كۈنلەر بوپ قالدى. يۇرتدىشىمنىڭ ئالدىدا ساراڭ بولغىنىمنى ھېسابقا ئالمىغاندا باشقا ئىشلار ھەر ھالدا ناھايىتىمۇ ياخشى كېتىپ بېرىۋاتاتتى. ھەربىي مەشىقمۇ ئاخىرلىشىپ بىر يەرگە بېرىپ قالدى. مەنمۇ بۇ يېڭى دۇنيانىڭ رېتىمىغا بارغانسىرى كۆنۈپ قېلىشقا باشلىدىم.لېكىن، مۇشۇ رېتىم ئىچىدىكى بىر ئوخشاشلىق، مېنى شۇنداق ۋەسۋەسىگە سېلىپ قويۇۋاتاتتى. بۇ ۋەسۋەسە ياكى يۇرتدىشىم، ياكى ھېلىقى سىنىپ باشلىقى ياكى سىنىپداشلىرىمدىن ئەمەس، بەلكى «مۇقەددەس» ياتاقداشلىرىمدىن كېلىۋاتاتتى. ئۇلار سىزنى قورقۇتتىمۇ، دەپ سورىدىڭىزما؟  ياق ياق، ئۇلاردا ھازىر نەدىكى يۈرەك دەيسىز؟ قىسقىغىنىسى ئۇلار ھېلىقى كۈندىكى گەپنى  ئاڭلاپ نەچچە كۈن ئۆتكەندىن كېيىن بىر قېتىم ياتاقتا چوڭ تازىلاش ئېلىپ بارغاندا تاس قالدى مېنى «تۆرگە» ئولتۇرغۇزۇپ  قارىتىپ قويۇپ  ياتاق ئىچىنى دۈم يېتىپ تازىلىغىلى. ئەمىسە نېمە ۋەسۋەسە دېدىڭىزما؟  دەرستىن قېچىش پىسخىكا ۋەسۋەسىسى بولمامدۇ! مانا، ئاساسەن ھەركۈنى ئەتتىگەن ئورتاق تەكرارلىنىغان، ماڭا يادا بوپ  كەتكەن مەنزىرە، مېنى ۋەسۋەسىگە سالىدىغان شۇ مەنزىرە مانا مۇنداق: تاڭ سۈزۈلۈپ، سائەت ئالتە يېرىم بولغاندا A نىڭ تېلفونى سايراشقا باشلايدۇ. شۇ سەۋەب ياتاقتا بىر پەس «جۆيلۈش مۇسابىقىسى»  قوزغىلىدۇ: A:  كىمنىڭ تېلفۇنى ئۇ؟ ئادەمنىڭ ئارامىنى بۇزۇپ ... B:يەنە دەرسكە كېچىكىمىزمۇ نېمە ... C:كەچتە نېمە تاماق يەيمىز؟ ... بۇ ئەھۋالغا قاراپ شۇنچە ھەيران بوپ قالىمەن. توۋا،  بۇلارغا  نېمە كېسەل چاپلاشقاندۇ دەيمە ؟  ھەركۈنى مۇشۇنداق ئوخشاش جۆيلۈگىدەك؟ «جۆيلۈش مۇسابىقىسى» ئاخىرلىشىپ يەنە بىر سائەت ئۆتكەندىن كېيىن، يەنى، سائەت يەتتە يېرىم بولغاندا، قالغان ئىككىسىنىڭ تېلفونى تەڭلا سايرايدۇ. دۆلىتىمىزدە ئىشلەنگەن قوش ياڭراتقۇلۇق ئېسىل تېلفونلارنىڭ ياڭراق ساداسى ئىچىدە، بۇ ئۈچ ياتاقدىشىم كۆزلىرىنى ئېچىشىپ، تېلفونىنى بېسىۋەتكەندىن كېيىن بىردەم چ چ بوشلۇقى بىلەن دوستلار چەمبىرىكىنى ئارىلىۋەتكەندىن كېيىن، يەنىلا A ئاۋۋال ئېغىز ئاچىدۇ: «دەرسىكە چىقامدۇق؟ » Bبۇ چاغدا يوتقىنىدىن بېشىنى كىچىككىنە چىقىرىپ تۆۋەن ئاۋازدا «چىقساقمۇ چۈشەنمىسەك»دەيدۇ.شۇنىڭ بىلەن ياتاقتا بىر قېتىملىق بەس مۇنازىرە قوزغىلىدۇ. C: چۈشەنسەكمۇ ئىمتاھانغا چىقىشى ناتايىن. A:ئىمتاھانغا چىقسىمۇ شۇنداق يازالىشىمىز ناتايىن. B:يازساقمۇ ئىمتاھاندىن ئۆتەلىشىمىز ناتايىن. C:ئۆتسەكمۇ كېيىنچە مەكتەپ پۈتتۈرىلەشىمىز ناتايىن. A:پۈتتۈرسەكمۇ خىزمەت تاپالىشىمىز ناتايىن. B:خىزمەت تاپساقمۇ ئۆي زېمىن ئالالىشىمىز ناتايىن. C:ئۆي زېمىن ئالساقمۇ كېيىنچە خوتۇن ئالالىشىمىز ناتايىن. A:ئاساقمۇ بالىلىق بولالىشىمىز ناتايىن. B:بوسىمۇ تۈزۈك  باقالىشىمىز ناتايىن. C: ئەمىسە يەنە چىقىپ نېمىش قىلىمىز؟   ABC:چىقمايلى بولدى! مەن: xxxx! ئويلاپ بېقىڭلاچۇ، نەقەدەر ۋەسۋەسىلىك پاراڭلار بۇ!

musilina

	‹‹ئوسۇرغاققا ئارپا نېنى باھانە››دېگەندەك نېمە دېگەن جىق باھانىلەر بۇ...... بۇ يازمىڭىزنىڭ داۋامىنى كۆرگىنىمدىن خۇرسەنمەن.......

alnurum

	رەھمەت

رەئسە

	ۋويييي نەبى بەنجاڭ باكەنسىز ھە مەن تىخى ئاخىرنى يازمايدىغان بولدى دەپ ئۈمۈتنى ئۈزۋەتكەن بۇنى كۇرۇپ بەك خوش بولدۇم جۈمۈ بەانجاڭ بەك ياخشى چىقىپتۇ داۋامىنى ساقلايمەن

xamal1124

	رەئسە يوللىغان ۋاقتى  2015-6-27 09:52 PM ۋويييي نەبى بەنجاڭ باكەنسىز ھە مەن تىخى ئاخىرنى يازماي ... ئانام رەھمەتلىك قازا قىپ كەتكەنىدى، بۇ ئارىدا تەسەللىسىز سىزنىڭمۇ ئۈمۈد ئۈزگىنىڭىزگە تەشەككۈر!

xamal1124

	alnurum يوللىغان ۋاقتى  2015-6-27 09:12 PM رەھمەت ئەرزىمەيدۇ.

xamal1124

	musilina يوللىغان ۋاقتى  2015-6-27 08:02 PM ‹‹ئوسۇرغاققا ئارپا نېنى باھانە››دېگەندەك نېمە دېگەن ج ... زامانە زورنىڭ، تاماششا كورنىڭ ئەمەسمۇ

520يولۇچى

	ۋاي خۇدايىم بۇ ئ‍ىشلار راستما نىمانداق دەۋەڭ نىملەر ئ‍ۇ؟

tumaris01

	ئۈمىدسىزلىك پاتقىقىغا پاتقان ئوخشايدۇ ئۇلار …

a.handan

	yahxi  asarkan..man..otturnila. koraptima..asirgizng...afsus...