مەرىپەت بېغىدىكى ھارماس باغۋەن-مۇھەممەد جېلىل لوپنۇر

مارشال

	مەرىپەت بېغىدىكى ھارماس باغۋەن-مۇھەممەد جېلىل لوپنۇر پەخرىدىن مۇسا ئاپتۇر: بايىنغولىن گېزىتى ئۇيغۇر تەھرىر بۆلۈمىنىڭ باشلىقى،يازغۇچى.    جاھاندا ئىنسانىيەت مەدەنىيىتى ئۈچۈن تۆھپە قوشقان،قوشۇۋاتقان ئۇلۇغ ئادەملەر ناھايىتى كۆپ،شۇلار ئارىسىدا بىر ئۆمۈر تەپەككۇر ئوتىدا پۇچۇلۇنۇپ،ئەجىر تەرلىرىگە چۆمۈلۈپ،قولىدا ئىلىم مەشئىلىنى ئېگىز كۆتۈرگەن،نادانلىق دەشتلىرىدە نۇرلۇق يول ئاچقان،مىليۇنلىغان ئەۋلاتقا ئاتىلارچە كۆيگەن،بەئەينى قارلىق تاغدىكى جەسۇر لەيلىگە،يېشىل قارىغايغا،تۆت پەسىلدىكى ئۈمىدكە تولغان ئىللىق باھارغا ئوخشايدىغان يەنە بىر تۈركۈم ئۇلۇغ ئادەملەر بار.ئۇلار دەل سۆيۈملۈك مائارىپچىلاردۇر.       قاچانلا قارىسىڭىز ۋۇجۇدىدىن ئۇيغۇر مائارىپىمىزغا بولغان ئوتتەك مۇھەببىتى يېلىنجاپلا تۇرىدىغان،ئوتتۇرا دەرىجىلىك پىداگوگىكا مائارىپى ئارقىلىق بايىنغولىن ئوبلاستىمىزنىڭ باشلانغۇچ مائارىپى ئۈچۈن تۈركۈم-تۈركۈملەپ تايانچلارنى يېتىشتۈرۈش يولىدا داۋراڭسىز ماڭلاي تەرىنى ئاققۇزۇۋاتقان،مائارىپ تەرەققىياتى ئۈچۈن توختاۋسىز ئىزدىنىۋاتقان مائارىپ تەتقىقاتچىسى ھەم يازغۇچى مۇھەممەتجان جېلىل لوپنۇر 30يىللىق مائارىپچىلىق تارىخىدا ھەقىقەتەنمۇ كىشى ئىپتىخارلىنىدىغان ھۆرمەت تەختىدىن ئورۇن ئالدى.        ئۇ،1985-يىلى خوتەن پىداگوگىكا ئالىي تېخنىكۇمىنىڭ ماتىماتكا فاكۇلتىتېنى ئەلا نەتىجە بىلەن پۈتتۇرۇپ ،بايىنغولىن ئوبلاستلىق مائارىپ ئىدارىسىى ئوقۇتۇش تەتقىقات ئىشخانىسىغا خىزمەتكە چۈشتى. ئۇ ئۆزىنى مائارىپ تەتقىقات ئىشلىرىغا بېغىشلىدى.      ئۇ  مائارىپ خىزمىتى بىلەن شوغۇللانغان 30يىلدا ،ئۆزىگە قاتتىق تەلەپ قويۇپ ،كىتاب بىلەن ئۆمۈرلۈك دوستلاشتى،ئىزچىل تۈردە ئۇنىۋېرسال بىلىمنى تولۇقلىدى بارلىقنى مائارىپ ئىشلىرىغا سەمىمي بېغىشلىدى.خەنزۇتىلى  ئاساسىنى پۇختىلاش ئۈچۈن كېچە-كېچىلەپ خەنزۇچە يېزىش ،سۆزلەشنى ئۆگەندى ،خەنزۇ كەسىپداشلىرىنى ئۇستاز تۇتۇپ ئۆلچەملىك تىل ئۆگىنىش ئاساسىنى ياراتتى.     مۇھەممەتجان جېلىل لوپنۇر گەرچە ماتېماتكا كەسپىدە ئوقۇغان بولسىمۇ،ئەدەبىي ئىجادىيەتكە بولغان ئوتتەك ئىشتىياقى تۈپەيلى،ئىشنى باشتىن باشلاپ،ئەدەبىيات نەزەرىيەسىگە ئائىت بىلىملەرنى ئۆگەندى،داڭلىق ئەدەبىي كىتابلارنى ئوقۇدى.     1996-يىلى 4-ئايدىن 1998-يىلى 4-ئايغىچە شىنجاڭ ئالىي مائارىپ ئۆزلىكىدىن ئۆگىنىش ئىمتىھانىغا قاتنىشىپ شىنجاڭ ئۇنۋېرسىتېتنىڭ ئۇيغۇر تىل ئەدەبىياتى كەسپىنىڭ تۇلۇق كۇرسىنى پۈتكۈزدى،ئۇ يەنە ،ئۆگىنىشنى ئۈزلۈكسىز داۋاملاشتۇرۇپ،2000-يىلى 10-ئايدا  شىنجاڭ ئالى مائارىپ ئۆزلىكىدىن ئۆگىنىش ئىمتىھانىغا قاتنىشىپ شىنجاڭ ئۇنۋېرسىتېتنىڭ خەنزۇ تىلى تەرجىماللىق كەسپىنىڭ تۇلۇق كۇرسىنىمۇ پۈتكۈزۈپ،خەنزۇتىلى ئاساسىنى ۋە خەنزۇ تىلى نەزەرىيە سەۋىيىسىنى ئۆستۈردى .2008-يىلى9-ئايدىن 2009-يىلى4-ئايغىچە دۆلەت كادىرلار مىنىستېرلىكىنىڭ ئاز سانلىق مىللەتلەر پەن تېخنىكا تايانچ خادىملىرىنى ئالاھىدە تەربىيلەش كۇرسىغا قاتناشتى ھەم مۇنەۋۋەر سىنىپ كادىرى بولغان.2008-يىلى بايىنغولىن ئوبلاستلىق پارتىكۇم تەشكىلات بۆلىمى ئۇيۇشتۇرغان بۆلۈم دەرىجىلىك ياش كادىرلارنى تەربىيلەش كۇرسىغا قاتناشتى.2010-يىلى 11-ئايدا مەركىزى ئىنتىزام تەكشۈرۈش كوممىتېتى رېۋىزىيە مىنىستېرلىكى خاڭجۇ تەربىيلەش مەركىزىدە ئاچقان رېۋىزىيە كەسپى خادىملىرى تەربىيلەش كۇرسىغا قاتناشتى ھەم مۇنەۋۋەر كۇرسانىت بولدى،2010-يىلى مەركىزى ئىتتىپاق كوممىتېتى ئۇيۇشتۇرغان پېسخىك ساغلاملىق تايانچ خادىملىرىنى تەربىيلەش كۇرسىغا،2012-يىلى 5-ئايدا ،نەنجىڭ پىداگوگىكا ئونۋېرسېتېتىنىڭ تايانچلارنى تەربىلەش كۇرسىغا قاتناشتى.ھەمدە مۇنەۋۋەر كۇرسانىت بولغان،ئوقۇش تاماملاش مۇراسىمىدا،ئۇنىڭ <<مۇپەتتىش ئىشخانىسىنىڭ رولىنى جارى قىلدۇرۇش توغرىسىدىكى قاراشلىرىم>>دېگەن ماقالىسى 1-دەرىجىگە ئېرىشتى .ئىشقىلىپ ئۇ قەيەردە بىلىم ئېلىش پۇرسىتى بولسا،قىزغىنلىق بىلەن شۇ يەرگە باردى،ئۆگەندى،جاپادىن قاچمىدى...   ‹‹ھەقىقي بىر مائارىپچى بولۇش ئۈچۈن،ئادەمدە ئادىمىيلىك ئەخلاقى-پەزىلەت ساپا بولغاندىن سىرت،ئۇنىۋېرىسال بىلىم ساپاسى بولۇشى كېرەك،يازغۇچى بولۇش ئۈچۈن تېخىمۇ  شۇنداق ››دەيدۇ ئۇ ئەستايدىل ھالدا.      مۇھەممەتجان جېلىل لوپنۇرنىڭ تۇنجى ئەدەبىي ئەسىرى بولغان ‹‹كۆنچى دەرياسى››ناملىق شېئىرى بايىنغولىن گېزىتى دە ئېلان قىلىندى. شۇنىڭدىن كىيىن،1990-يىللارنىڭ بېشىدىن باشلاپ ئۇ ئاپتۇنۇم رايۇنىمىزدىكى ھەرقايسى گېزىت-ژۇرناللاردا90 پارچە قىسقا ھېكايە،250پارچەنەسىر،300پارچىغا يېقىن تەپەككۇر جەۋھەرلىرىنى ئېلان قىلدى. 1998-يىلى 6-ئايدا شىنجاڭ خەلق نەشىرىياتى تەرىپىدىن ‹‹تۇرمۇشتىكى كومىدىيىلەر››ناملىق ھېكايە-نەسىرلەر توپلىمى نەشىر قىلدى.        1985-يىلدىن 2000-يىلغىچە بولغان ئوقۇتۇش تەتقىقاتى بىلەن شوغوللىنىش مەزگەلىدە،ئائىلە،مەكتەپ ۋە جەمىيەتتىن ئىبارەت ئۈچ تەرەپنىڭ مۇناسىۋېتى ئۈستىدە ئەتىراپلىق ئىزدىنىپ ،ئاپتۇنۇم رايۇنىمىزدىكى گېزىت ژورناللاردا 50پارچەئىلمى  ماقالە ئېلان قىلدى .1994-يىلدىن باشلاپ، بايىنغولىننىڭ ھەرقايسى  جايلىرىدا  تۈرلۈك مەزمۇندا ئوقۇتۇشقا دائىر 25 مەيدان لېكسىيە سۆزلىدى، باشقىلار بىلەن بىرلىشىپ‹‹ئوتتۇرا مەكتەپ ئالگېبىرادىن ئومۇمى تەكرار يېتەكچىسى››،‹‹ ئوتتۇرا مەكتەپ تىل –ئەدەبىياتتىن ئومۇمى تەكرار يېتەكچىسى ››،‹‹دائىملىق ئوقۇتۇش قائىدىلىرى›› قاتارلىق ئۈچ كىتابنى تۈزۈپ، 1999-يىلى6-ئايدا شىنجاڭ پەن-تېخنىكا سەھىيە نەشىرىياتى تەرىپىدىن نەشىر قىلدۇردى.      1999-يىلى 7-ئايدا ئۇنىڭ ‹‹ئوقۇتۇش تەتقىقاتىدىن ئۆرنەكلەر›› ناملىق مائارىپ ئوقۇتۇشىغا دائىر ئىلمىي ماقالىلەر توپلىمى شىنجاڭ ئونۋېرسېتىتى نەشىرىياتى تەرىپىدىن  نەشىر قىلىندى.ئۇ يەنە نۆۋەتتە پىداگوگىكا مەكتەپ قوش تىللىق باغچا كەسپى سىنىپىنىڭ  ئەدەبىيات دەرسلىك كىتابىنى تۈزۈپ نەشىرگە بەردى.      مۇھەممەتجان جېلىل لوپنۇر ئۆزىنىڭ توختاۋسىز تىرىشچانلىقى، ئۆگىنىشچانلىقى ،ئىجادچانلىقى ۋە يوقىرقىدەك ئىلمىي ئەمگەك نەتىجىلىرى بىلەن ،بايىنغولىن ئوبلاستى بويىچە دەرسخانا ئوقۇتۇشىدىكى مۇنەۋۋەر تەتقىقاتچى،ئاپتۇنۇم رايۇن بويىچە مۇنەۋۋەر ئوقۇتۇش تەتقىقات خادىمى بولۇپ باھالىنىپ مۇكاپاتلاندى. ئون نەچچە پارچە ئوقۇتۇش تەتقىقاتىغا ئائىت ئىلمى ماقالىسى مەملىكەتلىك مائارىپ سىستېمىسى بويىچە 1-دەرىجىلىك مۇكاپاتقا ئېرىشتى. ‹‹مىللى مائارىپ سۈپىتىنى ئۆستۈرۈش توغرىسىدا قاراشلىرىم››ناملىق ئىلمى ماقالىسى ‹‹مەملىكەتلىك ئاساس مائارىپ ئىلمى ماقالىلەر  توپلىمى ››غا كىرگۈزۈلدى. مەزكۇر ماقالە يەنە شاڭگاڭدا ئۆتكۈزۈلگەن خەلقئارا مائارىپ ئىلمى مۇھاكىمە يىغىنىدا مۇنەۋۋەر ماقالە بولۇپ باھالاندى ھەم1999-يىلى 9-ئايدا،ئۇنىڭ قىسقىچە تەرجىمىھالى ‹‹دۇنيا مەدەنىيەت مەشھۇر كىشىلەر قامۇسى››نىڭ 4-تومىغا كىرگۈزۈلگەن.      2000-يىلى 11-ئايدا مۇھەممەتجان جېلىل لوپنۇر ئوبلاستلىق مائارىپ ئىدارىسىنىڭ ئورۇنلاشتۇرىشىى بىلەن بايىنغولىن ئوبلاستلىق پىداگوگىكا مەكتىپگە يۆتكىلىپ،مەكتەپ ئىلمى باشقارمىسىنىڭ مۇئاۋىن باشلىقلىق ۋەزىپىسىنى ئۆتىدى ،2004-يىلى7-ئايدا مەكەپ ئىشخانىسىنىڭ مۇدۇرلىقىغا ئۆستۈرۈلدى.2004-يىلى 5-ئايدا ئوبلاستلىق پارتىكۇمنىڭ ئورۇنلاشتۇرىشىغا ئاساسەن،ئوبلاستلىق پارتىكۇمنىڭ پاختا توقۇمچىلىق خىزمەت ئەتىرىتىدە سەككىز ئاي ئىشلىدى ھەم ئىلغار خىزمەتچى بولدى. 2004 -يىلى 12-ئايدىن 2006-يىلى 12-ئايغىچە چاقىلىق ناھىيىسىنىڭ ۋاششەرى يېزىسىغا ۋەزىپە بىلەن چېنىقىشقا چۈشۈپ،يېزىلىق پارتىكۇمنىڭ مۇئاۋىن سېكرىتارى،جەمىئيەت تەرتىپىنى ھەر تەرەپلىمە تۈزەش كومتېتىنىڭ مەخسۇس ۋەزىپىدىكى مۇئاۋىن سېكرىتارى بولۇپ ئىشلىدى.     2009-يىلى7-ئايدا،بايىنغولىن ئوبلاستلىق پىداگوگىكا مەكتپى ئىنتىزام تەكشۈرۈش كومتېتىنىڭ مۇئاۋىن سېكرىتارلىقىغا تەيىنلەندى.ئۇنىڭ ۋە مەكتەپ رەھبەرلىكىنىڭ تىرىشچانلىقى بىلەن 2013-يىلى 9-ئايدا بۇ مەكتەپ تۇنجى قېتىم بايىنغولىن ئوبلاستلىق ئىنتىزام تەكشۈرۈش كومتېتى تەرىپىدىن‹‹ پاك-دىيانەتلىك مەدەنىيلىكى قۇرۇلىشىدىكى نۇقتىلىق ئۈلگە›دېگەن شەرەپكە ئېرىشتى.ئۇ.يەنە‹‹ پاك-دىيانەتلىك مەدەنىيلىكى قۇرۇلىشى ئاساس بىلىملەر ئوقۇشلىق››ناملىق يەرلىك دەرسلىكنى تۈزۈپ،يوقۇرى دەرىجىلىك ئىنتىزام تەكشۈرۈش كومتېتىنىڭ مۇئەييەنلەشتۈرۈشىگە ئېرىشتى..     مۇھەممەتجان جېلىل لوپنۇر مەكتەپ بويىنچە كۆپ قېتىم مۇنەۋۋەر كومپارتىيە ئەزاسى،مىللەتلەر ئىتتىپاقلىقى نەمۇنىچىسى بولۇپ باھالىنىپ،مەكتەپتىكى ھەر مىللەت ئوقۇتقۇچى-ئوقۇغۇچىلىرىغا چوڭقۇر تەسىر كۆرسەتتى.ئۇ يېقىندا ‹‹مەڭگۈلۈك ئىزدەش››ناملىق ھېكايىلەر توپلىمى بىلەن ‹‹قەلب خىتابلىرى››ناملىق نەسىرلەر توپلىمىنى بىراقلا نەشىرگە تاپشۇردى.ئۇ ھازىر شىنجاڭ ئۇيغۇر ئاپتۇنۇم رايۇنلۇق يازغۇچىلار جەمئىيىتىنىڭ،بايىنغولىن ئوبلاستلىق يازغۇچىلار جەمئىيىتىنىڭ ئەزاسى.      بايىنغولىن ئوبلاستلىق پىداگوگىكا مەكتەپ ئىنتىزام تەكشۈرۈش كومتېتىنىڭ مۇئاۋىن سېكرىتارى، ئەدەبىيات ئالى دەرىجىلىك لېكتۇر  مۇھەممەتجان جېلىل لوپنۇر،ھازىر،ئاپتۇنۇم رايۇننىڭ 2015-يىلى 3-ئايدا بىر يىللىق مۇددەت بىلەن كورلا شەھىرى يېڭىشەھەر يېزىسىغا چۈشكەن مەركەزلەشتۈرۈپ تۈزەش خىزمەت ئەتىرىتىدە ئىشلىمەكتە.

bulaksu2

	مەمەتجانغا شان-شەرەپ ۋە قۇت يار بولغاي.

uygur^kiz

	شۇنداق باغۋەنلەرنى  چوقۇم مەدىھەلىشىمىز كىرەك

مىھرى9

	بارچە باغۋەنلەرنىڭ  تەربىيلىگەن كۆچەتلىرىنىڭ چېچەكلەپ مېۋە بېرىشى ئۈچۈن تىلەكداشمەن .