زۇلپىقار بارات ئۆزباش مۇئەللىمنىڭ غوروچۆل بازىرىدىكى لىكسىيەسى

dolani2015

	ئامېرىكا ھاۋاي ئۇنۋېرستىتىدا جەمئىيەتشۇناسلىق كەسپىدە دوكتۇرلۇقنى تاماملىغان، شىنجاڭ ئۇنۋېرستىتى  «تەڭرىتاغ ئالىمى» زۇلپىقار بارات ئۆزباش ئەپەندى، ئاۋات ناھىيە غوروچۆل بازارلىق ئوتتۇرا مەكتىپىدە كىتاب ئوقۇشنىڭ ئەھمىيىتى توغرىسىدا نۇتۇق سۆزلىدى. ئامېرىكا ھاۋاي ئۇنۋېرستىتىدا جەمئىيەتشۇناسلىق كەسپىدە دوكتۇرلۇقنى تاماملىغان، شىنجاڭ ئۇنۋېرستىتى  «تەڭرىتاغ ئالىمى» زۇلپىقار بارات ئۆزباش ئەپەندى، 2015-يىلى «1-ئىيۇن» ئاۋات ناھىيە غوروچۆل بازارلىق «ئىنساب ئىزدىنىش كىتابخانىسى»نىڭ قۇرغۇچىسى مەۋلانجان ۋە مەرىپەتپەرۋەر يەككە تىجارەتچىلەرنىڭ تەكلىپى بىلەن ناھىيىلىك تەشۋىقات بۆلۈمى، مائارىپ ئىدارىسى، بازارلىق پارتكوم خەلق ھۆكۈمىتى تەشۋىقات بۆلۈمى قاتارلىق ئورۇنلارنىڭ تەستىقلىشى، بازارلىق ئوتتۇرا مەكتەپ مەسئوللىرىنىڭ قوللاپ شارائىت يارىتىپ بېرىشى بىلەن غوروچۆل بازارلىق ئوتتۇرا مەكتىپىدە ئاتا-ئانىلار ۋەكىللىرى، دەم ئېلىشقا چىققان پېشقەدەم مائارىپچىلار ۋە بارلىق ئوقۇتقۇچى-ئوقۇغۇچىلارغا «كىتاب ئوقۇشنىڭ ئەھمىيىتى»نى تېما قىلىپ، «مېنىڭ ئۆگىنىش ئۇسۇلۇم»، «قىيىنچىلىق مېنىڭ بايلىقىم» دېگەن مەزمۇندا ئەمەلىي، قايىل قىلارلىق لېكسىيە سۆزلەپ، كىشىلەرنىڭ مەدەنىيەتكە بولغان چۈشەنچىسىنى تېخىمۇ يۇقىرى كۆتۈرۈش بىلەن بىرگە بىلىم بىلەن ئادىمىيلىكنىڭ مۇناسىۋىتىنى تېخىمۇ يارقىن نۇقتىلار ئارقىلىق چۈشەندۈرۈپ، دىيارىمىزدا مەدەنىيەتنىڭ گۈللىنىشىگە پۇختا ئۇل سېلىپ بەردى ھەمدە پېشقەدەم مائارىپچىلارغا، «تۆھپىكار باغۋەن» لەرگە ئۆز قولى بىلەن كىتاب تارقىتىپ بەردى. لىكسىيە پائالىيتى جەريانىدا ئوقۇغۇچىلار زۇلپىقار بارات ئۆزباش مۇئەللىمدىن ئۆتكۈر سۇئاللارنى سوراپ زۇلپىقار بارات ئۆزباش مۇئەللىمنى ۋە لىكسىيە ئاڭلىغۇچىلارنى ھاياجانغا سالدى. بۇلىكسىيە پائالىيتىنى غوروچۆل بازىرىمىزنىڭ بازار باشلىقى ئادىلجان ئابلا، سىياسى قانۇن شۈجىسى ئادىلجان سەمەت، ئەمەرجان ۋە ئوتتۇرا مەكتەپ رەھبەرلىرىدىن ئەخمەت ئابدۇكېرەم قاتارلىق رەھبەرلەر قىزغىن قوللىدى.ئاۋات ناھىيلىك خەلق ھۆكىمىتىدىن ئالتۇنگۈل مەتنىياز ۋە  يازغۇچى، شائىرلاردىن يۈسۈپجان مۇھەممەت تۇغيان، تۇرسۇنجان ھەسەن، ئېلى زىكرىيا، ئەھەتجان ئابلا، نۇرجان، يۈسۈپجان ئابدۇرۇسۇل دولانى قاتارلىقلار قاتناشتى. پائالىيەت ئاخىرىدا دولانى ئېلان بېزەكچىلىك ئورنىنىڭ مەسئۇلى يۈسۈپجان ئابدۇرۇسۇل دولانى زۇلپىقار بارات ئۆزباش مۇئەللىمگە، ئەسقەرجان ئەنىۋەر ئەلسۈيەرگە، بازار باشلىقى ئادىلجان ئابلا ۋە غوروچۆل بازارلىق ئوتتۇرا مەكتەپكە ئۆزى يازغان ھۆسىنخەت ئەسەرلىرىنى سوۋغا قىلدى.  بۇ پائالىيەتكە باشتىن-ئاخىرى ئوتتۇرامەكتەپ مۇئاۋىن مۇدىرى مۇختەرجان مەمەت رىياسەتچىلىك قىلىدى. لىكسىيەدىكى ھاياجانغا سالغان مۇھىم ئۈزۈندىلەر: 1.ياشاش دېگەنلىك-ئۆزىگە جەڭ ئېلان قىلىش دېگەنلىكتۇر. 2.بىلىم ئېلىش، كىتاپ ئۇقۇش دېگەنلىك-نادانلىق ۋە خۇراپاتلىققا جەڭ ئېلان قىلىش دېگەنلىكتۇر. 3.ھەممىمىزنىڭ قەلبىدە بىر غايەت ماگما بار، بىر ئىچكى ئىنىرگىيە بار، بىز بۇ ئىنىرگىيەنى قازمىساق ئۆزىمىزگە خائىنلىق قىلغان بۇلىمىز. 4.بىز ئىنسان، ئىنسان بۇلۇش سۈپىتىمىز بىلەن بىر ئۆگەنگۈچى ۋە تەپەككۇر قىلغۇچى. ئۆگەنمىگەن، تەپەككۇر قىلمىغان ھايات ياشاشقا ئەرزىمەيدۇ. 5.يېڭى بىر تىل ئۆگەنگەنلىك-بىرجۇپ كۆزگە ۋە بىر مىڭىگە ئارتۇق ئىگە بولغانلىق، يېڭىچە تەپەككۇرغا ئىگە بولغانلىق. يۇقارقىغا ئوخشاش قىممەتلىك لىكسىيەلىرى بىلەن سورۇن ئەھلى بولغان ئوقۇتقۇچى، ئوقۇغۇچى، ئاتا-ئانىلار ۋەكىلى ۋە ئوقۇرمەنلىرى بۇلۇپ 2500دىن ئارتۇق كىشىلەرنى قاتتىق ھاياجانغا سالدى. غوروچۆل خەلقى بۇ لىكسىيەنى ئاڭلىغاندىن كېيىن ئالىمىمىز زۇلپىقار بارات ئۆزباش مۇئەللىمدىن چوڭقۇر سۈيۈندى ۋە پەخىرلەندى. لىكسىيە پائالىيەتلىرىدىن كۆرۈنۈشلەر

dolani2015

	باشقۇرغۇچىلارنىڭ تېمامنى تەستىقلاپ قۇيۇشۇڭلارنى ئۈمۈد قىلىمەن. بۇ پائالىيەت بارلىق ئىلىم سۈيەر كىشىلەر ئۈچۈن بەكمۇ ئەھمىيەتكە ئىگە.   رەسىملەرنى رەتلەپ قۇيۇشۇڭلارنى ئۈمۈد قىلىمەن.

ARKZAT

	بۇنداق پائالىيەتلەر مەنىۋىيىتىمىزنى تاكامۇللاشتۇرغۇسى.

ranjimayman

	ياخشى بوپتۇ.ھەجەپ سەمرىپتۇ بۇ ئادەم؟بېسىم ئېغىر بولسا كىرەك. ئەلسۆيەر يۈرىيدۇيا؟سوغاتنىڭ يوغىنىنى كۆتۈرۈپ

ئاسۇق

	ئۆز باش ئاۋاتقا ماڭغان كۈنى مەن ئەسقەرجان ئەلسۆيەر بىلەن ئىككىسىنى ئاقسۇ شەھرىدە كۈرۈپ سالاملاشقان. ئىدىم. بۇ خەيرىلىك ھەقىقەتەن  سەپەر ئۇتۇقلۇق بوپتۇ.

izdinish

	كىنايە قىلماڭ بولدى

ranjimayman

	izdinish يوللىغان ۋاقتى  2015-6-24 09:51 AM بولدى بۇرادەر كىنايە قىلماڭلا … ماقۇل بورادەر

izdinish

	ranjimayman يوللىغان ۋاقتى  2015-6-24 09:52 AM ماقۇل بورادەر ئۆمرىڭىزدە بىر قېتىم ئەر بولىۋالغۇدەكسىز ھە ، سۈرەتسىز نۇسخىدا كۆرگەنىدىم ، ئۇنىڭ ئۈستىگە قىزلار بۇنداق ئىشلارغا ئارىلاشمايدۇ دەپ ئويلىغانىدىم ، بەك قىزىقچىكەنسىز ، 10 سىكۇنت ئىچىدە ئىنكاس قايتۇرۇپ بوپسىز ھە

kaqvr

	ranjimayman يوللىغان ۋاقتى  2015-6-24 09:50 AM ياخشى بوپتۇ.ھەجەپ سەمرىپتۇ بۇ ئادەم؟بېسىم ئېغىر بولسا  ... ئىچىدە بىلىم جىق بولغاچ كاللىسىغا پاتماي قورسىقىغا يىغىلىپ سەمىرىپ كەتكەندۇ يە ھې ھې ..چاقچاق  .

kaqvr

	لىكسىيەنىڭ سىن نۇسقىسىنى ئاڭلاپ باقساق بولامدۇ ؟ سۈرەتنىلا يوللىماي لىكسىيەنىڭ مەزمۇنىنىمۇ يوللاپ قۇيۇڭ . بىزمۇ نەپ ئالايلى .