تولۇق3-يىللىق ئوقۇغۇچىلىرى ئۈچۈن يىللىق پى

sefura

	ئەسسالامۇ ئەلەيكۇم،     تەرتىپ ۋە پىلان بىلەن قىلىنغان ئىش ئۈنۈملۈك بولۇپ كۆپ ھاللاردا غەلىبە بىلەن ئاياقلىشىدۇ.     ئالى مەكتەپ ئىمتىھانى ئوقۇغۇچىلارنىڭ قانچىلىك بىر نەرسە ئۆگەنگىنىنى بىراقلا ئومۇميۈزلۈك سىنايدىغان ئىمتىھان بولغاچقا بۇ ئىنتايىن ھالقىلىق بىر يىل ۋاقىتنى ئۆزىگە ماس كىلىدىغان ئىنچىكە ۋە تەپسىلى پىلان بىلەن ئۆتكۈزگەندە بىر قەدەر پۇختا ئۆگۈنۈش قىلىپ ئىمتىھاندا ياخشى نەتىجىلەرنى قولغا كەلتۈرگىلى بولىدۇ.      بۇ بىر يىلدا ئىمتىھان بىرىشكە تەييارلىق قىلىۋاتقان ئۇكا سىڭىللىرىمغا تۆۋەندىكى ئىشلارنى كۈچلۈك تەۋسىيە قىلىمەن: 1.بۇ بىر يىلنى خەيرلىك قىلىپ بىرىشنى ۋە ئىمتىھاندا ياخشى نەتىجىلەرنى قولغا كەلتۈرۈشنى نىسىپ قىلىشىنى ئاللاھدىن تىلەپ كۆپ دۇئا قىلىش؛ 2.بۇ بىر يىلدا ئوزۇقلىنىشقا ئىنتايىن ئەھمىيەت بىرىش.كۈچلۈك،ئىلمى ئوزۇقلۇنۇش؛غەرپنىڭ ھامبۇرگ توقىچى،توخو پاچىقى ،ساماۋەر شورپىسى قاتارلىق ئەخلەت يىمەكلىكلەرنى يىمەسلىك چۈنكى بۇ خلدىكى يىمەكلىكلەرنىڭ ھېچقانداق ئوزۇقلۇق قىممىتى بولمىغاننىڭ ئۈستىگە شۈبھىلىك تەركىبلەر قوشۇلغاچقا ئەقىلنى بۇلغايدۇ. بۇ بىر يىل جەريانىدا كۈندە ئەتىگەن ناشتىدا ئىككى تال ياڭاق،بەش تال بادام،ئون تال قۇرۇق ئۈزۈم،ئىككى تال چىلان يىيىشنى ئادەت قىلىش.تەبىئىتى ئىسسىق يىمەكلىكلەرنى يىيىش،كالا گۆشىنى ئاز يەپ قوي گۆشىنى كۆپ يىيىش ۋە شورپا ئىچىش. 3.ئنتايىن رېتىملىق تۇرمۇش ئادىتىنى يىتىلدۈرۈش.مەسىلەن:بۈگۈن نەچچىدە تۇرغان بولسا ئەتىسىمۇ دەل شۇ ۋاقىتتا تۇرۇش،نەچچىدە ئۇخلىغان بولسا دەل شۇنچىدە ئۇخلاش،بۈگۈن نەچچىدە تاماق يىگەن بولسا داۋاملىق شۇ ۋاقىتتا تاماق يىيىش. تۇرمۇش تەرتىپلىك بولغاندا پۈتۈن بەدەندىكى بىئولوگىيىلىك سائەتلەر ئۆزلىگىدىن تەڭشىلىپ ئادەمنىڭ كاللىسى ئىنتايىن سەگەك ھالەتتە تۇرىدۇ،زېھنى ئوچۇق،ئىنكاسى تېز بولىدۇ. 4.مەكتەپكە ئازراق يەيدىغان نەرسە ئېلىپ بېرىپ قۇرساق بەك ئاچقاندا يىيىش.ئادەمنىڭ قۇرسىقى ئاچقاندە قاندىكى شىكەر ماددىسى تۆۋەنلەپ روھسىزلىنىدۇ،مۈگدەك باسىدۇ،ئەسنەك تۇتۇپ دەرس كاللىغا چۈشمەيدۇ. مۇشۇنداق ۋاقىتتا مۇئەللىم سۆزلىگەن مۇھىم نۇقتىلاردىن خاتىرە قالدۇرالماي قېلىشىمىز مۇمكىن،بۇنىڭ ئالدىنى ئېلىش ئۈچۈن قۇرساقنى بەك ئاچ قويماسلىق كېرەك. 5.كاللىنى ئارام ئالدۇرغاندا يېشىللىققا قاراش،كۆز ھەرىكىتى ئىشلەش ياكى سىرتقا چىقىپ ساپ ھاۋانى قانغۇچە سۈمۈرۈش.مەن مۇزىكا ئاڭلاپ كاللىنى ئارام ئالدۇرۇشنى قوللىمايمەن.تەكرارغا چۈشكەن ئوقۇغۇچىلار كەيپىياتتا ئىزچىللىقنى ساقلىشى بەك مۇھىم بىراق مۇزىكا ئادەمگە تېز تەسىر قىلىپ بىردەمدە روھلاندۇرۇپ يەنە بىر دەمدە سولاشتۇرۇپ قويىدۇ.مەن ئوقۇغۇچىلارنىڭ قۇرئان ئاڭلاپ بىرىشىنى تەۋسىيە قىلىمەن. 6.بۇ بىر يىل جەريانىدا تورنى،تېلىۋىزورنى چەكلەش.ۋاقىت ئىسراپ قىلىدىغان ھەرقانداق ئىشتىن يىراق تۇرۇش.بىر مىنۇت ۋاقىتنىمۇ بىھۇدە ئىشلارغا ئىسراپ قىلماسلىق. 7.ئۆگۈنۈش قىلماي تەلىيى كىلىپ داڭلىق ئالى مەكتەپكە ئۆتتى دېگەن ھەممىسى قۇرۇق گەپ.تەلەي تەييارلىقى بار ئادەمگىلا كىلىدۇ.پىلاننى تۈزۈش ۋە قەتئى ئىجرا قىلىش.ئۆزىڭىزنى ئالدىماڭ،ھەقىقى ئۆگىنىڭ،ئۆزىڭىزنى ئادىسىڭىز ئىمتىھان سىزنى قاتتىق باپلايدۇ. يەنە بىر يىل باركەن دەپ بىخۇت بولماڭ،يىل ئۆرۈلسىلا ھېچنىمىگە يىتىشەلمەي قالىسىز.باشقىلارنى دورىماڭ،ھەممە ئادەمنىڭ كاللىسى ئۆزىگە،باشقىلارنى دوراپ ئۆگىنىش قىلسىڭىز ئەڭ ئاخىرى كاللىڭىزدا ھېچنىمە قالمىغانلىقىنى بايقاپ قالىسىز.                 ئىجتىمائى پەن ئوقۇغۇچىلىرى ئۈچۈن پىلان: ئوقۇغۇچىلارنىڭ ئۈچ باسقۇچلۇق ئۆگۈنۈش قىلىشىنى تەۋسىيە قىلىمەن. 1-ئومۇمى تەكرار باسقۇچى:ھازىردىن يېڭى يىلغىچە.ۈتۈن دەرسلەرنى پىششىق بىر قېتىم ئۆتكۈزۈش. مۇشۇ ئۈچ ئايدىن ئارتۇق ۋاقىتنى ياخشى مۆلچەرلەپ كۈندە مانچىلىك مەزمۇندىن قىلسام يىل ئاخىرىغىچە ھەممە پەننى بىر قېتىم تۈگىتىدىكەنمەن دەپ بىر پىلان تۈزەپ چىقىش.   ھەركۈنى سەھەردىكى ئۆگۈنۈش ئۈنۈمى كەچتىكىنىڭ ئىككى ھەسسىسىگە توغرا كىلىدۇ،شۇڭا بامداتتىن كىيىن ئەدەبىيات ياتلاشقا ئەڭ ماس كىلىدۇ.ئەدەبىيات دەرسىدە ئالدى بىلەن دەرسلىكلەرنى ئاندىن قوشۇمچە ماتىرىياللارنى كۆرۈش.   كەچلىك تاماقتىن كىيىنكى ۋاقىتنى ئالگىبراغا ئاجرىتىش. ئالدى بىلەن پۈتۈن قائىدە-پىرىنسىپلارنى بىر قۇر تەكرارلاپ ئاندىن ماس سۇئال ئىشلەش.كىتابتىكى سۇئاللار بەك ئاددى شۇڭا پايدىلىنىش ماتىرىياللىرىدىن سۇئال تاللاپ ئىشلەش.    شەنبە ۋە يەكشەنبە كۈنلىرى كۈندۈزدە يادلايدىغان تارىخ،سىياسەت قاتارلىق دەرسلەرنى يادلاش.ئىككى سائەت بىر دەرسنى ئۆگۈنۈپ بىر سائەت ئارام ئېلىپ كەينىدىن يەنە بىر دەرسنى باشلاش.    شەنبە يەكشەنبە كەچلىك ۋاقىتنى خەنزۇتىلىغا ئاجرىتىش. سۆزلۈكلەرنى ئۆگۈنۈپ بولۇپ تېكىست يادلاش،ئاندىن مەشق ئىشلەش.ماقالىنى تۆت ياكى بەش ئابزاس قىلىپ يىغىنچاق يېزىشنى مەشىق قىلىش. ھەممىگە تونۇشلۇق مىساللارنى ئېلىپ كۆز قارىشنى قايىل قىلارلىق ئىسپاتلاش،قۇرۇق ھاياجانلانماسلىق،خەتنى چىرايلىق يېزىش.     بۇ باسقۇچ يادلاش ئاساس سۇئال ئىشلەش قوشۇمچە قىلىنىدىغان باسقۇچ. 2-باسقۇچ كۈچەيتىش باسقۇچى:بىرىنچى ئايدىن ئۈچىنچى ئاينىڭ ئاخىرىغىچە.پۈتۈن دەرسلەرنى يەنە بىر قېتىم ئۆتكۈزۈش. بۇ باسقۇچ سۇئال ئىشلەشنى ئاساس يادلاشنى قوشۇمچى قىلىدىغان باسقۇچى ئەمما ئىككىسىدىن بىرى كەم بولسا بولمايدۇ. ھەپتە ئارىلىقىدىكى كۈنلەردە يەككە پەنلەردىن،ھەپتە ئاخىرى ئومۇمىلاشقان مانىېر سۇئالى ئىشلەش. ئەدەبىيات بىلەن خەنزۇتىلىدىن ماقالە يېزىشنى چىڭ تۇتۇپ مەشىق قىلىش. 3-باسقۇچ پىششىقلاش باسقۇچى: تۆتىنچى،بەشىنچى ئىككى ئاي. بۇ باسقۇچتا پۈتۈن دەرسلەرنى،قوشۇمچى ماتىرىياللارنى يەنە بىر قېتىم ئۆتكۈزۈش ھەمدە يەككە پەنلەردىكى مانىۋېر سۇئالى ئىشلەش مىقدارىنى ئازايتىپ ئومۇملاشقان مانىۋېر سۇئالى مىقدارىنى كۈچەيتىش.   مۇشۇ بويىچە ئۆگۈنۈش ئىمتىھانغا بىر ھەپتە قالغاندا پۈتۈنلەي ئاياقلىشىدۇ.ئەڭ ئاخىرقى بىر ھەپتە كىتابلارنى ئانچى-مۇنچى ۋاراقلاپ،سۇئاللارنى تاللاپ ئىشلەپ،قېنىپ ئۇخلاپ،كەيپىياتنى تەڭشەپ جەڭگە كىرىشكە ئېنىرگىيە توپلاش.               تەبىئى پەن ئوقۇغۇچىلىرى ئۈچۈن پىلان:     تەبىئى پەن ئوقۇغۇچىلىرىغىمۇ ئۈچ باسقۇچ بويىچە ئۆگۈنۈش قىلىشنى تەۋسىيە قىلىمەن. 1-باسقۇچ ئومۇمى تەكرار باسقۇچى يېڭى يىلغىچە. پۈتۈن دەرسلەرنى بىر قېتىم پىششىق ئۆتكۈزۈپ بولۇش.   ئەدەبىياتنى كۈندە سەھەردە كاللا ئىنتايىن ئوچۇق ۋاقىتتا يادلاش.   خەنزۇتىلىنى كەچتە ئۆگۈنۈش. ئالدى بىلەن سۆزلەرنى ئۆگۈنۈش،ئاندىن تېكىست يادلاش ئاندىن ماس مەشىق ئىشلەش. ماقالىنى تۆت ياكى بەش ئابزاس قىلىپ يىغىنچاق يېزىشنى مەشىق قىلىش. ھەممىگە تونۇشلۇق مىساللارنى ئېلىپ كۆز قارىشنى قايىل قىلارلىق ئىسپاتلاش،قۇرۇق ھاياجانلانماسلىق،خەتنى چىرايلىق يېزىش.  شەنبە-يەكشەنبىنى بىئولوگىيە،فىزىكا،خىمىيە دەرسلىرىگە ئاجرىتىش. ئالدى بىلەن پۈتۈن تەڭلىمە،فورمۇلا،قائىدە-پىرىنسىپلارنى تەكرارلاپ چىقىپ ئاندىن ماس سۇئال ئىشلەش.بۇ باسقۇچتا يەككە پەنلەردىكى مانىۋېر سۇئالىنى كۆپ ئىشلەش. ئومۇملاشقان سۇئالنى ھەپتىدە بىردىن ئىشلىسە بولىدۇ.    ئالگىبرا دەرسىدە ئىنتايىن مۇھىم بولغان فۇنكىسىيىنى ياخشى تەكرارلاش. ھەربىر خىل فۇنكىسىيەنىڭ نۆل نۇقتىغا سىممىتىرىك بولغاندىكى تەڭلىمىسى،شەكلى،xyئوقلاردا سۈرۈلگەندىن كىيىنكى تەڭلىمىسى،ئالاھىدە نۇقتىلار،ئاغزى  ئۈستىگە قارامدۇ ئاستىغىمۇ،يانتۇلىقى قاتارلىقلار كاللىدا ئىنتايىن ئېنىق بولغاندا مەسلىلەرنى تەمتىرىمەي ھەل قىلغىلى بولىدۇ. ئىشقىلىپ چۈشەنچىلەر كاللىدا ئېنىق بولغاندا ئاندىن مەسىلىنى ھەل قىلغاىلى بولىدۇ.... 2- باسقۇچ كۈچەيتىش باسقۇچى ئۈچىنچى ئاينىڭ ئاخىرىغىچە .پۈتۈن دەرسلەرنى يەنە بىر ئۆتكۈزۈپ قاتتىق سۇئال جېڭى قىلىش.توختىماي مانىۋېر سۇئالى ئىشلەش. ئەدەبىيات بىلەن خەنزۇتىلىدن ماقالە يېزىشنى قاتتىق مەشىق قىلىش.  3-باسقۇچ پىششىقلاش باسقۇچى،بەشىنچى ئاينىڭ ئاخىرىغىچە. ھەممە دەرسلەرنى ئاخىرقى قېتىم بىر ئۆتكۈزۈش.مانىۋېر سۇئالىنى ئىشلەشنى داۋاملاشتۇرۇش ئەمما مىقتارىنى بىرىنچى باسقۇچتىكىگە قارىغاندا كۆرۈنەرلىك ئازايتىش.    ئىمتىھانغا بىرھەپتە قالغاندا ياخشىراق ئارام ئېلىپ،قېنىپ ئۇخلاپ،كەيپىياتنى تۇراقلاشتۇرۇش. ئىمتىھان ئۈچۈن ئېنىرگىيە توپلاش.    ئاخىرىدا ھەممەيلەننىڭ بۇ بىر يىلنى ئۇتۇقلۇق ئۆتكۈزىشىنى تىلەيمەن.  مەنبە:سەفۇرا

تارىم

	ئىشلارنى پىلان بىلەن قىلغانغا يەتمەيدۇ... [s:47]

qartekin

	ياخشى پىلانكەن بالىلار پايدىلانسا بولغۇدەك.

kk888

	تۇلۇقسىز مەكتەپ باللىرىدىن بەزى جايلاردا ئۇقۇش پۇلى ئالدىكەن بەزى جايلاردا ئالمايدىكەن.بۇ قانداق ئىشتۇ؟ بىزنىڭ يۇرتتىكى بىر كىشى بىر باشلىلىق بىلەن كۈرۈشۈپتىكەن ئۇكىشى دۈلەت تۇلۇقسىز مەكتەپ باللىردىن ئۇقۇش پۇلنى كەچۈرۈم قىلۋەتكىلى نەچچە يىل بولدى دەپتۇ .بۇ ئىشنى قانداق بىر تەرەپ قىلىش كىرەك..؟ ئەرىز قىلساق قەيەرگە بارساق بۇلا مۇشۇ ھەقتە ماڭا چۈشەنچە بەرسەڭلەر...؟

togtax

	ئۇقۇۋاتقان ۋاختىم بولسا چۇقۇم شۇنداق قىلاتتىم

帅哥王子

	پىلانسىز ئىش ،قىلىپسىز خىش.  دەپتىكەن كونىلار ،،،،ھەممە ئىشقا پىلان بولمىسا بولمايدۇ

Arthor

	رەھمەت سىزگە سەفۇرا ھەدە ! مەن چوقۇم دىگىنىڭىزدەك قىلالايمەن! [s:79] قالغان گەپنى كىيىن دىيىشەيلى! ئاللاھقا ئامانەت !

xademan

	مەن كلەر يېلى مۇشۇ پىلان بويىچە قىلاي ئەمسە.....

BAHTIM709

	ئالدىنقى يىلى يوللاپ قويماي............. [s:34]

kaisar

	رەخمەت سىزگە   ..   پىلان بولمىسا سەل  چىچىلىپ  كىتىدىكەن    .   رەخمەت سىزگە   بۇنى قىلىش ئۈچۈن   زور تىرىشچانلىق   جاسارەت  چىدامچانلىق كېرەك   مەن  چۇقۇم قىلالايمەن    ...  ئاللاغا ئامانەت