كېلەر نورۇز، كېلەر باھارىم

arislanuygur

	ئابدۇۋەلى تۇرسۇن زىمىستاننىڭ زۇلمەت باغرىدىن، مىسكىن دىلنىڭ ئاھۇ-زارىدىن- قارلەيلىسى كەبى ئېچىلىپ، قەلبلەرگە نۇر بوپ چېچىلىپ، -كېلەر نورۇز، كېلەر باھارىم . ئەجدادلارنىڭ باسقان ئىزىدىن، ئارمانلارنىڭ يانغان كۆزىدىن - تەبىئەتنى مەھكەم باغاشلاپ، نىمجانلارغا ئۈمىد بېغىشلاپ، -كېلەر نورۇز، كېلەر باھارىم. گىرىمسەن تاڭ گىرۋەكلىرىدىن، چوققىلارنىڭ رۇجەكلىرىدىن- ھۆر قۇشلارنىڭ پەرۋازى بولۇپ، دىلكۈيىنىڭ ئاۋازى بولۇپ، -كېلەر نورۇز،كېلەر باھارىم. تەبىئەتنىڭ ئېتەكلىرىدىن، تەشنا ھايات چېچەكلىرىدىن- دەستە-دەستە گۈلدەستە ئېلىپ، يۈرەكلەرگە بىر ئوتنى سېلىپ، -كېلەر نورۇز، كېلەر باھارىم. 2015-يىل 20-مارت كەچتە يېزىلدى.

hanike

	ھەممىڭلارنىڭ نورۇز بايرىمىڭلارغا مۇبارەك بولسۇن.

ئۆچمەس

	نۇرۇز توغرىلۇق كونا قىلىپتىن ھالقىغان شېئىرنى ئوقۇغىنىمدىن تولىمۇ خۇشالمەن .  بەھىر ئالدىم

arislanuygur

	يۈرىكىمدە ئۆزۈمنىڭ قەبرەم، ھەر دەقىقە ئۆلۈپ تۇرىمەن. شۇنداقتىمۇ ھايات ئالدىدا، قۇياش كەبى كۈلۈپ تۇرىمەن. ‹خاتىرەم›دىن سۆيۈملۈك خەلقىمنىڭ نەۋرۇز بايرىمىغا مۇبارەك بولسۇن!