مىنىڭ ئانام يالغانچى ئىدى

saltanat

	مىنىڭ ئانام يالغانچى ئىدى      سەككىز ياشلىق بالىنىڭ ئانىسى ۋاپات بولغاندىن كىيىن دادىسى ئۇزۇن ئۆتمەي توي قىلدى. بىر كۈنى دادىسى ئوغلىدىن سورىدى: ››ساڭا بۇرۇنقى ۋە يىڭى ئانىدىن قانداق پەرىق كۆرۈندى؟‹‹ ئوغلى ساددىلىق بىلەن :›› بۇرۇنقى ئانام يالغانچى ئىدى ۋە يىڭىسى راسچىل ‹‹دەپ جاۋاپ بەردى. دادىسى ھەيرانلىق بىلەن،››بۇ نىمدىگىنىڭ؟‹‹دەپ سورىدى. بالىسى :››بۇرۇن مەن خاپا قىلسام ، ئانام يەنە خاپا قىلىۋەرسەڭ ساڭا تاماق بەرمەيمەن دەيتتى.مەن يەنە خاپا قىلاتتىم ئوينىغىلى قېچىپ كىتەتتىم، ئانام پۈتۈن يېزىدىن مىنى ئىزدەپ تېپىپ كىلىپ ماڭا تاماق يىگۈزەتتى.لىكىن مەن ھازىر خاپا قىلسام يىڭى ئانام :يەنە خاپا قىلساڭ ساڭا تاماق بەرمەيمەن دەيدۇ - شۇنىڭ بىلەن تاماق بەرمەيدۇ. شۇڭلاشقا مەن ئككى كۈندىن بويان ئاچ قالدىم. بۇرۇنقى ئانام ئەمدى يىغلىما يىغلاۋەرسەڭ سىنى ئۇرۇمەن دەيتتى لىكىن مەن يىغلاۋىرەتتىم؛ئاششۇ ۋاقىتتا مىنى ئانام ئۇرماي، مىنى باغرىغا چىڭ بېسىپ يىغلىما ئوغلۇم مەن خاتا قىلدىم دەپ مىنى يىغىدىن توختىتاتتى؛ ھازىرقى ئانام ئۇرىمەن دەيدۇ - ئۇرماي قويمايدۇ. بۇرۇنقى ئانام دائىم قاچىسىدىن گۆش ئەپ بىرەتتى،ئانا سىز گۆش يىمەمسىز؟دىسەم ، ئوغلۇم مىنىڭ گۆش بىلەن خوشۇم يوق دەيتتى؛ ھازىر قى ئانامغا، مىنىڭ قاچامغا گۆش چىقماپتۇ دىسەم، جېق گەپ قىلماي چىققىنىنى يە ، ھەممە ئادەم گۆشكە ئامراق دەيدۇ. دادا ئەسلى بۇرۇنقى ئانام يالغان ئېيتىپتىكەن ھە!!ئۇمۇ گۆشكە ئامراق ئوخشايدۇ.. دادا نىمىشقا يىغلايسىز.......؟   سىز مۇشۇ كەمگە كەلگىچە نىمىشلارنى قىلدىڭىز؟ئاشۇ قىلغان ئىشلىرىڭىزدا مىھرىبان ئانىڭىزنى قانچىلىك ئويلاشتىڭىز؟ئانىڭىز ئۈچۈن نىمىلەرنى قىلىپ بەردىڭىز؟ ئانىڭىزدىن قانچىلىك ئاغرىندىڭىز؟ئانىڭىزنى قانچىلىك ئەيىپلىدىڭىز؟ لېكىن ئانىڭىزچۇ....؟؟ يەنە بىر ئويلاپ بېقىڭ ئانىڭىز سىزدىن نىمىلەرنى كۈتكەن؟ سىز ئۇنىڭغا نىمىنى ئاتا قىلدىڭىز؟ شۇنداقتىمۇ يەنە بىر ئاڭلاپ بېقىڭ ؛ ئانىڭىزنىڭ يېقىملىق ئاۋازىنى قانچە قىتىم ئاڭلىدىڭىز ؟ تىڭشىغۇچلارنى قولىقىڭىزغا تىقىۋېلىپ سىز ئەسلا تونىمايدىغان ، ھەتتا  تىلىنىمۇ چۈشەنمەيدىغان يات بىر مىللەتنىڭ بىرنىمىلىرىنى قايتا-قايتا ئاڭلىدىڭىز......... ھازىرلا ئانىڭىزنىڭ يېنىغا بىرىڭ،ئۇنىڭ يۈزلىرىگە يۈزىڭىزنى يېقىپ ئۇنى ھىدلىۋېلىڭ ، خزمىتىنى قىلىۋېلىڭ، يىراقلاردا بولسىڭىز ھىچ بولمىغاندا قولىڭىزغا تېلفۇننى ئېلىپ ئانىڭىزنى مۇڭلۇق ئاۋازىنى ئاڭلاڭ،ئۇنىڭ ئۈچۈن ئويلاڭ،ئەگەر ئانىڭىز ئاللاھنىڭ ئورۇنلاشتۇرىشى بىلەن جەننەتكە كەتكەن بولسا قوللىرىڭىزنى دۇئاغا كۆتۈرۈڭ ئۇنىڭ گۇناھلىرىنىڭ مەغپىرىتى ئۈچۈن دۇئا قىلىڭ...   مىھرىبان ئانىلىرىمىز ئامان بولغاي.. ھەممىڭلارنىڭ ئانىسى سالامەت كۆڭلى خاتىرجەم بولغاي...... مەنبە : ئۆزۈم

jelwa

	ئۈندىداردا  بىر قانچە قىتىم  ئۇچراتقان  ئىدىم  .  مىنىڭچە باشقىلارنىڭ ئەمگەك مىۋىسىگە  ھۆرمەت قىلىشىڭىز كىرەكقۇ دەيمەن ... مەنبەسى مەن دىگىنىڭىزنى كۆرۈپ بىر قىسىم  بوپ قالدىم  ..

damat

	jelwa يوللىغان ۋاقتى  2015-3-20 09:47 PM ئۈندىداردا  بىر قانچە قىتىم  ئۇچراتقان  ئىدىم  .  مىنىڭچ ... بەلكىم ئۆزى يېزىپ ئاندىن ئۈندىدارغا يوللىغاندۇ؟

hushwah

	jelwa يوللىغان ۋاقتى  2015-3-20 09:47 PM ئۈندىداردا  بىر قانچە قىتىم  ئۇچراتقان  ئىدىم  .  مىنىڭچ ... جىلۋە قىز   سېز بىشىدىكى ھىكايەتكە ئەمەس بەلكى ئاستىدىكى  بايانلارغا دىققەت  قىلىڭ  .    سەلتەنەتنىڭ  مەنبەسى مەن دىگىنى شۇ بىر بۈلەك ھىكايەت  بولماستىن  ئاستىدىكى بايانلاردۇر ،                 بەلكىم   يۇقۇرقى ھىكايەتنىڭ ئىگىسىنى   سېزمۇ  بىلمەسلىكىڭىز مۇمكىن  بىراق بۇ ھىكايەتنىڭ   ئۈندىدار   تورلاردا  لەيلەپ  يۈرگىنى    ھەممەيلەنگە بەش قولدەك ئايان .........

ئاسۇق

	ئالدىنقى مەزمۇننى مەنمۇ نەچچە ئوقۇغان.

hanike

	بەك ياخشى يىزىپسىز

دەۋرانى

	jelwa يوللىغان ۋاقتى  2015-3-20 09:47 PM ئۈندىداردا  بىر قانچە قىتىم  ئۇچراتقان  ئىدىم  .  مىنىڭچ ... ھازىرقى جەميەت ئەھرالىدا ھەممىلا ئادەمنىڭ ئۇندىدار ئىشلىتىشى ناتايىن . مەيلى كىم يازغان ياكى يوللىغان بولسۇن بۇنداق ياخشى تىمىلارنى تورداشلارنىڭ ھوزۇرىغا سۇنۇشنىڭ ئوزى بىر ياخشى ئىش دەپ قارايمەن .

jelwa

	hushwah يوللىغان ۋاقتى  2015-3-20 10:43 PM جىلۋە قىز   سېز بىشىدىكى ھىكايەتكە ئەمەس بەلكى ئاستىد ... بىر قانچە  قېتىم  ئۈندىداردا  كارتۇن  نۇسقىسىنى كۆرگەن ئىدىم  ... مىنىڭچە بۇ  سوئالغا  سەلتەنەتنىڭ ئۆزى  سەمىمىي  جاۋاپ  بەرگىنى ياخشىراقمىكىن ...

ak840213bulut

	ئەسسالامۇئەلەيكۇم، رەھمەت، كۆپ رەھمەت! ماڭا خېلى بولغان بىرەر ماقالە بۇنچىلىك تەسىر قىلمىغىلى. كۆزلىرىم ياشلاندى، ھېلى چىقىپ كىردىم ئانامنىڭ قىشىغا. ماقالىڭىزگە يەنە بىر قىتىم رەھمەت

oygurum

	ئوغۇل ئاپىسىغا بىر ۋاراق قەغەزنى ئوقۇپ بېقىشى ئۈچۈن سۇندى. ئاپىسى ۋاراقتىكى يېزىلغان خەتلەرنى ئوقۇشقا باشلىدى.          —بۇ ھەپتە ئۆزەمنىڭ ياتاق ئۆيۈمنى تازلىغىنىمنىڭ باھاسى–70يۇەن.          —بازارغا بىرىشىپ بەرگىنىمنىڭ باھاسى–20يۈەن.          —ئۇكام بىلەن بىللە ئوينىغىمنىڭ باھاسى–20يۈەن.          —مەكتەپتە ياخشى ئوقۇغىنىمنىڭ باھاسى –70 يۈەن.          —سىزگە ئويئىشلىرىدا ياردەملەشكىنىمنىڭ باھاسى –20يۈەن.          —ھەممىسى200 يۈەن بولدى.          ئىشلەمچىنىڭ ھەققىنى ئۇنىڭ تەرى قۇرۇپ بولغىچە بېرىڭلار.(يەنى :ھەققىمنى تېز ،ۋاقتىدا بېرىڭلار دېمەكچى)دەپ يېزىلغان ئىدى.          ئاپىسى ئوغلىغا قاراپ ئىللىق كۈلۈمسىرىدى. ۋە ۋاراقنى ئۆرۈپ كەينى تەرىپىگە مۇنداق دەپ يېزىشقا باشلىدى.          —سېنى توققۇز ئاي قوساق كۆتۈرۈپ تۇققىنىمنىڭ باھاسى –ھەقسىز          .—يىگىرمە ئايلىق بولغىچە ساڭا بەرگەن سۈت پاراشوكىنىڭ باھاسى –ھەقسىز.          —سەن ئالتە ياشقا كىرگۈچە سېنى يۇيۇپ ،كىيىملىرىڭنى ئالماشتۇرۇپ باققاننىڭ باھاسى–ھەقسىز.          —ھەر بىر ئاغرىپ قالغىنىڭدا كېچىلەپ يېنىڭدا ئولتۇرۇپ تاڭئاتقۇزغاننىڭ باھاسى –ھەقسىز.          —ئۇزۇن يىللاردىن بۇيان تۆككەن ياشلىرىم ،تاتقان جاپالىرىمنىڭ باھاسى–ھەقسىز.          —ھەر بىر ساڭا ئېلىپ بەرگەن كىيىم–كېچەك،يېمەك–ئىچمەك،ئويونچۇقلارنىڭ باھاسى –ھەقسىز.          ئى ئوغلۇم،بۇنىڭ ھەممىنى يىغىپ كەلسەڭ،مىنىڭ ساڭا بولغان مۇھەببىتىمنىڭ باھاسى –ئۇنىڭ باراۋىرىدە نەرسە يوق. ئاپىنىڭ كۆزىدىن ياش ئىرغىپ چۈشۈشكە باشلىدى. ئوغۇل بۇنى كۆرۈپ:ئاپا مىنى كەچۈرۈڭ. مەن سىزنى بەك ياخشى كۆرىمەن–دېدى–دە،ۋاراقنى ئېلىپ ئۇنىڭغا (قايتۇرۇپ بولغىلى بولمايدىغان قەرز)دەپ چوڭ قىلىپ يازدى          ھەر ۋاقىت ئاتا قىلغۇچى(بەرگۈچى)بولۇڭ.تەلەپ قىلغۇچى(سورىغۇچى)بولماڭ. بولۇپمۇ ئاتا–ئانىڭىزبىلەن.....سىزنىڭ ئۇلارغا بېرىدىغىنىڭىز پۇل–ماللا بولماستىن بەلكى بەك كۆپتۇر.          ئەگەر ئاپىڭىز ھايات، سىز بىلەن بىللە بولسا ئۇنىڭ پىشانىسىگە سۆيۈپ ،ئۇنىڭدىن سىزنى ئەپۇ قىلىشىنى سوراڭ.ئەگەر سىزدىن يىراقتا بولسا ،ئۇنىڭدىن ئەھۋال سوراپ دائىم تېلىفون قىلىپ تۇرۇڭ.ئەگەر ئۇ ۋاپات تاپقان بولسا،ھەر دائىم ئاللادىن ئۇنىڭغا رەھمەت ۋە مەغفىرەت ئاتاقىلىشى ئۈچۈن دۇئا قىلىپ تۇرۇڭ.