يۇرت مېھرى

yasinjan555

	يۇرت مېھرى ياسىنجان مەمەت (ئۆزگە يۇرتتا سۇلتان بولغىچە،ئۆز يۇرتۇڭدا ئۇلتان بول) ئۆز يۇرتۇمدا يۇرگەن چېغىمدا، سوقسا بوران شۈركىنمەس ئىدىم. ئۆزگە يۇرتتا سەلكىن شامالدا، تىتىرەپ كەتتىم جۇغۇلداپ تېنىم. ئاسماندا بار ئوخشاش بىر قۇياش، كىچە بولسا ئايمۇ ھەم ئوخشاش. لىكىن كۆڭلۈم تېنجىماس پەقەت، ناتونۇش جاي مېھرى ئوخشىماس. لالما ئېتلار ئۇچرايدۇ يولدا، كۆرۇپ سېنى قاۋايدۇ تىنماي. مەيلى كۈندۈز ۋە ياكى كېچە، سوقار يۈرەك ئەنسىز توختىماي. ياقا يۇرتتا چاندۇرار بارچە، قېقلىمىز دائېما چەتكە. ھەر بىر قەدەم ھەر بىر دەقېقە، ئانا يۇرتۇم كىلىدۇ ئەسكە. ئۆز يۇرتۇمنى سېغىندىم شۇنچە، قەدىردانىم جان ئانام بولغاچ. ھەر ئىشمدا تاغدەك يار يۆلەك، غەمگۇزارىم جان ئاتام بولغاچ. ئۆز يۇرتۇمنى سېغىندىم شۇنچە، كېندىك قېنىم تۆكۈلگەن بولغاچ. بىللە ئويناپ بىللە چوڭ بولغان، دوست بۇرادەر يارەنلەر بولغاچ. ئۆز يۇرتۇمنى سېغىندىم شۇنچە، ئەجدادلىرىم قەبرىسى بولغاچ. جاپالاردا ئېغىر كۈنلەردە، شۇلار روھى مەدەتكار بولغاچ. ئۆز يۇرتۇمنى سېغىندىم شۇنچە، ئائىلەمنىڭ مېھرى ھەم بولغاچ. مىڭ مەرتىۋە رازى ئىدىم مەن، مېھىر ئىچرە ئىچسەممۇ ئۇماچ. ئاچقىن ئانا باغرىڭنى ماڭا، قۇچېغىڭغا ئۆزۈمنى ئاتاي. مېھرىڭ بىلەن ئورۇن راسلىساڭ، ئۆز ئۆيۈمدە مەن شاھتەك ياتاي. ياقا يۇرتتا يۈرگەن بالىلار، گويا يىپى ئۈزۇلگەن لەگلەك. مۇساپىرلىق دەردىنى تارتىپ، بارمۇ كۆرگەن كۈنلەرنى بىزدەك؟ (جۇڭگو خەلق ئاۋىئاتسىيە ئۇچقۇچىلار ئۇنۋىرستىتى) 2015\3\19

heslirim

	كۆچەت سېتىۋېلىش  ھەققىدە  يوللىغان تېمامنى  تەستىقلاپ بەرسەڭلار بولاتتى  باشقۇرغۇچىلار  نەچچە يۈزمىڭ يۈەنلىك  مۇھىم  سودا ئىدى. ھېچ بولمىسا  بىر  ئىككى  كۈن  تۇرغۇزۇپ  يۇيۋەتسەڭلارمۇ مەيلى  ئىدى. كەچۈرۈڭ  تېما ئىگىسى  تېمىڭىزغا  مۇناسىۋەتسىز ئىنكاس يېزىپ سالدىم

borkut-

	كىندىك قېنى تۈكۈلگەن ئۆز دىيارىدىن ئايرىلىپ ، ياقا-يۇرتتا مۇساپىرلىقنىڭ دەردىنى يەتكۈچە تارتقانلارنىڭ يۈرەك سۆزىنى ئەكىس ئەتتۈرۈپ بېرىپسىز . ئىجادىيەتلىرىڭىزگە زور ئۇتۇقلار يار بولسۇن .

ap~qilam

	مۇساپىرلىق راستىنلا يامان، بىزدەك مۇساپىرلارنىڭ تۇرمۇش كارتىنىسى قىسمەن گەۋدىلىنىپتۇ، كىيىنكى ئىجادىيىتىڭىزگە بەرىكەت تىلەيمەن،تىرىشىڭ..............    كىچىككىنە تەكلىپىم :ئۆزىڭىزمۇ بىلىسىز ئالدىنقى قېتىملىق تېمىڭىزدا ئورۇن جاينى ئەسكەرتكەن باھانا بىلەن بىر قىسىم كىشىلىرىمىز شۇنى چىڭ تۇتىۋېلىپ ئۇرۇش پىلتىسىغا ئوت ياقماقچى بولغان ، ئۇلارغۇ گەپ چۈشەنمەس بولسا لېكىن سىزدەك زىيالى بولغان كىشى بۇ نوقتىنى ئويلىشى كېرەكتى، شۇڭا مۇمكىن بولسا بۇنىڭدىن كېيىن  تېما ،ماۋزۇ، مەنبە مۇشۇ ئۈچ نوقتىنىلا مىسرانىمغا تۆكسىڭىز دېگەن  ئۈمۈتتىمەن، گېپىم ئېغىر كەتسە ئۆزرە

yasinjan555

	heslirim يوللىغان ۋاقتى  2015-3-20 12:59 AM كۆچەت سېتىۋېلىش  ھەققىدە  يوللىغان تېمامنى  تەستىقلاپ  ... مەيلى ھىچقىسى  يوق

yasinjan555

	borkut- يوللىغان ۋاقتى  2015-3-20 01:20 AM كىندىك قېنى تۈكۈلگەن ئۆز دىيارىدىن ئايرىلىپ ، ياقا- ... رەھمەت سىزگە

turmux.net

	ياخشى چىقىپتۇ، قەلىمىڭىز بەرىكەت تاپقاي!

ئاسۇق

	ياخشى يېزپسىز. ئەل يۇرۇت ئۈچۈن تەۋرەتكەن قەلىمىڭىز بەركەتلىك بولسۇن

qiqakkiz

	قارىغاندا ئۇچقۇچى ئوخشايسىز .

yasinjan555

	ap~qilam يوللىغان ۋاقتى  2015-3-20 01:22 AM مۇساپىرلىق راستىنلا يامان، بىزدەك مۇساپىرلارنىڭ تۇرم ... تىلىكىڭىزگە  رەھمەت.ئەمدى بەرگەن تەكلىپىڭىزگە كەلسەك،مەن قوبۇل قىلسام بولىدۇ،لىكىن ئورۇن ۋاقىت دىگەندەكلەرنى ئەسكەرتىشتە پەقەت كىيىنچە كۆرگەندە ئەسلىمە ئۈچۈن ياخشى بولامدىكىن دەپلا ئويلىغان،بۇنىڭدىن كىيىن دىققەت قىلاي.