جۇڭگو پۇتبولچىلىقى زور تەرەققىيات پۇرسىتىگە ئىگە بولدى

yillar0903

	شياڭگاڭ «ئىقتىساد كۈندىلىك گېزىتى» نىڭ 17- مارتتىكى سانىدا ئېلان قىلىنغان ماقالە، ئەسلى تېمىسى «جۇڭگو پۇتبول ئىسلاھات، تەرەققىيات ئومۇمىي لايىھەسى»، : 16- مارت، جۇڭگو ھۆكۈمەت تورىدا گوۋۇيۈەن بەنگۇڭتىڭى بېسىپ تارقاتقان «جۇڭگو پۇتبول ئىسلاھات، تەرەققىيات ئومۇمىي لايىھەسى» ئېلان قىلىندى. پۇتبول ھەرىكىتى گۈللىنەمدۇ- يوق؟ بۇ، جۇڭگو ئىسلاھاتىنىڭ يېڭى پەللىگە كۆتۈرۈلۈشىنىڭ مۇھىم بەلگىسى. مەركەز ئېلان قىلغان «جۇڭگو پۇتبول ئىسلاھات، تەرەققىيات ئومۇمىي لايىھەسى» دە، جۇڭگو پۇتبولچىلار جەمئىيىتىنى دۆلەتلىك تەنتەربىيە باش ئىدارىسىدىن ئايرىشتىن سىرت، يەنە جۇڭگو دۇنيا لۇڭقىسى پۇتبول مۇسابىقىسى ئۆتكۈزۈش، دۆلەت كوماندىسىنى دۇنيا لۇڭقىسى پۇتبول مۇسابىقىسىگە كىرگۈزۈش، دۇنياۋى كۈچلۈك كوماندىلار قاتارىغا كىرگۈزۈش قاتارلىق نىشانلار ئوتتۇرىغا قويۇلدى. دىققەت قىلىشقا ئەرزىيدىغىنى شۇكى، بۇ قېتىمقى پۇتبول ئىسلاھاتى بىر قېتىملىق ئادەتتىكى تەنتەربىيە ئىسلاھاتى ئەمەس، بەلكى مەركەزنىڭ ئىسلاھاتنى ئومۇميۈزلۈك چوڭقۇرلاشتۇرۇش رەھبەرلىك گۇرۇپپىسى باش بولۇپ ئۆزى تۇتىدىغان مۇھىم ئىسلاھاتتۇر. جۇڭگو ھازىر گەرچە جاھاندىكى چوڭ ئىقتىسادىي دۆلەت بولسىمۇ، ئەمما پۇتبول ھەرىكىتىدىكى سەۋىيەسى تولىمۇ تۆۋەن، ھازىر جۇڭگو كوماندىسىنىڭ يەر شارىدىكى رەت تەرتىپى 83- ئورۇندا، ئەمەلىي كۈچى ئاسىيا- تىنچ ئوكيان رايونىدا ئوتتۇرىھالدىن تۆۋەنرەك سەۋىيەدە تۇرىدۇ، ياۋروپا ۋە جەنۇبىي ئامېرىكىدىكى ئەنئەنىۋى كۈچلۈك دۆلەتلەر بىلەن سېلىشتۇرغاندا تېخىمۇ كەينىدە. پۇتبول ئىسلاھاتى نۇرغۇنلىغان چوڭقۇر قاتلاملىق زىددىيەتلەرگە چېتىلىدۇ، پۇتبول ئىسلاھاتىدا قىيىن ئۆتكەلگە ھۇجۇم قىلىش مەركەزنىڭ تۈرلۈك ئىسلاھاتلىرى ئىچىدىكى ئۇنىۋېرسال تەجرىبە ئېتىزىدۇر، بۇنىڭدا ئاز دېگەندە تۆۋەندىكى ئۈچ نۇقتا ئۆز ئىچىگە ئېلىنغان. بىرىنچى، چىرىكلىككە قارشى تۇرۇش. جۇڭگو پۇتبولچىلىقىنىڭ گۈللىنەلمەسلىكىدىكى مۇھىم بىر سەۋەب پۇتبول چەمبىرىكىدىكى چىرىكلىك مەسىلىسىدۇر، ئىلگىرى مەركىزىي ئىنتىزام تەكشۈرۈش كومىتېتىنىڭ قارىمىقىدىكى بىر مەتبۇئاتتا ئىچكىرىدىكى پۇتبول بىرلەشمە مۇسابىقىسىدىكى ساختا توپ ئويناش، قارا پۇشتەك قاتارلىق مەسىلىلەر، ھەمدە توپچىلار، رېپېرلار ۋە پۇتبولچىلار بىرلەشمىسىدىكى بىر قىسىم ئەمەلدارلارنىڭ قىمارۋازلىق، پارىخورلۇق پاتقىقىغا پېتىپ قالغانلىقى قاتتىق تەنقىدلەنگەنىدى. مەركەز چوقۇم پۇتبول چەمبىرىكىدىكى چىرىكلىككە قارشى تۇرۇشنى كەسكىن يولغا قويغاندىلا، پۇتبول ئىشلىرىنىڭ قايتا گۈللىنىشىدىن ئۈمىد تۇغۇلىدۇ. ئىككىنچى، دۆلەتنىڭ يۇمشاق ئەمەلىي كۈچىنى ئاشۇرۇش. پۇتبول دائىم بىر دۆلەتنىڭ يۇمشاق ئەمەلىي كۈچىدىكى كوزۇر ھېسابلىنىدۇ، خەلقئارادا ئابرويغا ۋە تەسىر كۈچىگە ئىگە پۇتبول كوماندىسى دۆلەتنىڭ خەلقئارادىكى ئوبرازىنى ئۆستۈرۈشكىلا ئەمەس، بەلكى يەنە پۇقرالارنىڭ ئۇيۇشۇش كۈچىنى ئاشۇرۇپ، چوڭ دۆلەت ئوبرازىنى يارىتىشقىمۇ پايدىلىق. ئۈچىنچى، ئورگانلارنى ئىخچاملاپ، ھوقۇقنى تۆۋەنگە چۈشۈرۈش. بۇ قېتىمقى پۇتبول ئىسلاھاتىنىڭ مۇھىم نۇقتىسى جۇڭگو پۇتبولچىلار جەمئىيىتىنى دۆلەتلىك تەنتەربىيە باش ئىدارىسىدىن ئايرىشتۇر، بۇ ئىش مەركەز ئوتتۇرىغا قويغان ئورگانلارنى ئىخچاملاپ، ھوقۇقنى تۆۋەنگە چۈشۈرۈش ئىسلاھاتىغا ئۇيغۇن كېلىدۇ. مەركەز ئەمەلدارلارنىڭ پۇتبول ساھەسىگە مۇداخىلە قىلىشىنى ئازايتىپ، پۇتبولچىلىقنى يەنىمۇ سودا خاراكتېرىنى ئېلىش، بازارلىشىشقا قاراپ تەرەققىي قىلدۇرۇش بىلەن بىرگە، بازارنىڭ كۈچى ئارقىلىق پۇتبول سەۋىيەسىنى ئۆستۈرۈشى، ھەمدە پۇتبولچىلىقنى چەتئەللەرگە ئوخشاش چوڭ كەسىپ زەنجىرى قىلىپ شەكىللەندۈرۈپ، مەدەنىيەت، يېڭىلىق يارىتىش قاتارلىق يېڭى گۈللەنمە كەسىپلەرنىڭ تەرەققىياتىغا تۈرتكە بولۇشى كېرەك. يۇقىرىقى ئۈچ نۇقتا مەركەزنىڭ دۆلەتنىڭ تەرەققىياتىنى يېڭى پەللىگە كۆتۈرۈش، خەلقئارادا چوڭ دۆلەتلىك ئورنىنى نامايان قىلىشتا يېڭىشكە تېگىشلىك قىيىن ئۆتكەللەردۇر. ئەگەر جۇڭگو پۇتبولچىلىقىدا قاتمۇ- قات توسالغۇلارنى سۈپۈرۈپ تاشلاپ، ئوڭۇشلۇق ئىسلاھات ئېلىپ بېرىلسا، باشقا كاتىگورىيەلەردىكى ئىسلاھاتقا ئۈلگە بولۇپ، ۋەزىيەتنى ئۈزۈل- كېسىل ئۆزگەرتەلەيدىغان ئىسلاھات تەدبىرلىرىنى ئىلگىرى سۈرگىلى بولىدۇ. جۇڭگونىڭ دۇنيا لۇڭقىسى پۇتبول مۇسابىقىسى ئۆتكۈزۈشى، دۆلەتلىك پۇتبول كوماندىسىنىڭ چەتئەلدىكى كۈچلۈك كوماندىلەر بىلەن تەڭ تۇرۇپ كۈچ سىنىشالىشى نۇرغۇن ئاھالىلەرنىڭ ئارزۇسى، ئەمما پۇتبول ھەرىكىتى گۈللىنەمدۇ- يوق؟ بۇ، جۇڭگو ئىسلاھاتىنىڭ يېڭى پەللىگە كۆتۈرۈلۈشىنىڭ مۇھىم بەلگىسى.

feruq

	پۇتبولچىلىقىمىزنىڭ تېخىمۇ تەرەققىي قىلىشىنى ئۈمىد قىلىمەن.

joda☠

	ئاۋۇ بىرىنجى ھەجىۋى رەسىمدەكلا بولسا ....ۋاي تاڭ جۇمۇ ...

akula1

	پوتبۇلنى كارخانىلاشتۇرۇش ۋە شەخىسلەر بىلەن ھۆكۈمەت ھەمكارلىشىش ،پۈتكۈل جەمىيەت نازارەت قىلىش،تەربىينى كىچىكىدىن باشلاش ،مەبلەغ سىلىنمىسنى كۆپەيتىش،ئادىل بولۇش پىرىنسىپى يولغا قويولسا چوقۇم ئۈمۈد بار.

pakzat0992

	جۇڭگو كوماندىسى،غەيرەت قىل