تۇز: ئۆزگىگە قىلغىنىڭ ئۆزۈڭگە قىلغىنىڭ !

.tuz.

	ئەسسالامۇ ئەلەيكۇم فىرانسىيەنىڭ شىمالىي قىسمىدىكى ئورماندىدا بىر كىچىك بازار بولۇپ ، بۇ بازاردىكى بىر بولكىچى دائىم قوشنا كەنىتتىكى دېھقانچىلىق مەيدانىدىن سۈت سېتىۋالىدىكەن . ئۇ تۇيۇقسىز ئۆزىگە بىرىلگەن سۈتنىڭ كەم ئىكەنلىكىنى بايقاپ قاپتۇ . بۇ ئىش ئۇدا تەكرارلانغاچقا بولكىچى دېھقانچىلىق مەيدانىنىڭ  خوجايىنى ئۈستىدىن سوتقا ئەرز قىلىپ ، بۇ ئىشنى قانۇن بويىچە ئادىل ، ھەققانىي ھالدا بىر تەرەپ قىلىپ بىرىشنى تەلەپ قىپتۇ . سوتچى دېھقانچىلىق مەيدانىنىڭ غوجايىنىنى سوراق قىلىشقا باشلاپتۇ : _____ سىزنىڭ سۈتنى ئۆلچەيدىغان گىرىڭىز بارمۇ ؟ ___ بار . ____ گىرىڭىزنىڭ تاشلىرى تولۇق ھەم ئۆلچەملىكمۇ ؟ ______ بىر قانچە تال گىر تېشى يوقاپ كەتكەن ئىدى . ________ ئۇنداقتا سىز سۈتنىڭ ئېغىرلىقىنى قانداق ئۆلچەيسىز ؟ ____ بۇنى ئۆلچەشنىڭ ھاجىتى يوق . _______ نېمىشقا ؟ ______ بۇ ئەسلى مۇنداق ئىش ، _______ دەپ چۈشەندۈرۈشكە باشلاپتۇ دېھقانچىلىق مەيدانىنىڭ غوجايىنى ، ____ بولكىچى ھەر كۈنى مەندىن بىر كىلو سۈت سېتىۋالىدۇ . مەنمۇ ئۇنىڭدىن بىر كىلو بولكا سېتىۋالىمەن . مەن ھەر كۈنى ئۇنىڭغا ئۇ ماڭا سېتىپ بەرگەن بولكا بىلەن تەڭ ئېغىرلىقتا سۈت بىرىمەن . ناۋادا ئۇ مەن بەرگەن سۈتنى كەمكەن دېسە ، ئۆزى بەرگەن بىر كلو بولكىسى بىلەن تەڭلەشتۇرۇپ باقسۇن ، ___ دەپتۇ . شۇنىڭ بىلەن بۇ ساختىپەز بولكىچى ،  كىشىلەر ئالدىدا رەسۋا بولۇپ بېشىنى كۆتىرەلمەي قاپتۇ . بۇ تېمىدىكى ھېكمەت : ساختىپەز دۇڭ زىيان تارتىدۇ ! مانا كۆرۈپ تۇرۇپتۇق، بولكىچى ئۆزىگە - ئۆزى قىلىپ شەرمەندە بولدى . چۈنكى ئۇ ساختىپەزلىك قىلىپ بولكىنى كەم بەردى ، شۇنىڭ بىلەن ئىش تەبىئيلا ئۆزىگە ياندى . سىزنىڭ سۆز ھەركىتىڭىز ، ئىش ھەركىتىڭىز باشقىلارنىڭ سىزگە قانداق مۇئامىلە قىلىشىدىكى ئۆلچەم . ئادەمدىكى ئەڭ ياخشى خىسلەت سەمىمىيەت ! باشقىلارغا قانداق مۇئامىلە قىلسىڭىز ، باشقىلارمۇ سىزگە شۇنداق مۇئامىلە قىلىدۇ . « ئۆزگىگە قىلغىنىڭ ئۆزۈڭگە قىلغىنىڭ » دېگەن ھېكمەتنى ھەرگىز يادىڭىزسىن چىقارماڭ ! بىرسىگە يامان گەپ قىلىپ ، ياخشى گەپ تاما قىلماڭ ! بىرسىگە يامانلىق قىلىپ ، ياخشىلىق كۈتمەڭ !        مەڭگۈلۈك نوچى بولمايدۇ پاشا شىرنىڭ يېنىغا ئۇچۇپ كېلىپ : « مەن سەندىن ئازراقمۇ قورۇقمايمەن ، چۈنكى سەن مەندىن نەچچە ھەسسە چوڭ كۈچلىك بولغىنىڭ بىلەن سېنى ۋايجانغا سىلىپ  ۋايجانلىتىۋىتىمەن ، ئىشەنمىسەڭ ئېيتىپ باقە ، سەن مېنى نېمە قىلالايسەن ؟ تىرنىقىڭ بىلەن تاتىلامسەن ياكى چىشىڭ بىلەن چىشلىيەلەمسەن ؟ ئۇ دىگەن ئەر - خوتۇن ئۇرشۇپ قالغاندا خوتۇن كىشىلەر قىلدىغان ئىش . خالىساڭ تۇتۇشۇپ باقايلى » دەپتۇ . شۇنىڭ بىلەن پاشا شىرنىڭ يۈزىگە قونۇپ ، يۈزىدىكى تۈك يوق يەرلەرنى چىقىپ ۋۇررەك - ۋۇررەك ئىششىتىۋىتىپتۇ . شىر چىدىماي تەسلىم بوپتۇ . پاشا شىرنى يەڭگەندىن كېيىن غىڭشىپ ناخشا توۋلاپ ئۈچۈپ كېتىپتۇ . شىرنى يەڭدىم دەپ مەغرۈرلۇنۇپ ، ماختىنىپ نوچىمەن دەپ كۆرەڭلەيدىغان بولىۋاپتۇ . لېكىن پاشا ئۆمۈچۈك تورىغا ئىلنىشىپ قاپتۇ . ئۆمۈچۈك ئۇنى يىگىلى كەلگەن چاغدا ، پاشا ھەسرەت بىلەن مۇنداق دەپتۇ : ____ مەن ئورمان پادىشاھى شىرنى يەڭگەن ئىدىم ، لېكىن سەندىن يىڭىلىپ ئۆلدىغانلىقىمنى زادى ئويلاپ باقماپتىكەنمەن . «كۆزگە ئىلمىغان پۇتقا چوماق » دېگەن راستكەن . بۇ تېمىدىكى ھېكمەت : مەڭگۈلۈك چىمپىيون بولدىغان ، مەڭگۈلۈك نوچى بولدىغان كۈچلىكلەر يوق . غەلبە قىلغاندا مەغرۇرلانماسلىق كېرەك . مەغرۇرلۇنۇنۇش ۋە كۆرەڭلەش ئەڭ خەتەرلىك ۋاقىتتۇر ! كىچىك ئىشلارغا سەل قاراپ ، كىچىكلەرنى كۆزگە ئىلماي ، مەنسىتمەي ئۆزىمىزنى «نوچى» دەپ كىرىلىپ كۆز - كۆز قىلساق ، ئاخرى پۇشمان قىلىشقىمۇ پۇرسەت تاپالماي ، ئاۋۇ پاشىغا ئوخشاش ئاقىۋەتكە قالىمىز ......... مەنبە : ساغلاپ تەپەككۇر شىپاسى مۇنبەرگە ئاكتىپلاشتۇرۇپ يوللىغۇچى : تۇز 2015- يىلى نورۇزنىڭ 18 - كۈنى ئەزىزانە شەھرى قەشقەر

nawa02

	ۋەئەلەيكۇم ئەسسالام . مۇشۇنداق ياخشى ، ئىبرەتلىك تىمىلاردىن ھۇزۇرلاندۇرغىنىڭىزغا رەھمەت،بۇ تىما ماڭا ‹كىشىگە سانىساڭ ئۆزگە،قاشقا سانىساڭ كۆزگە›دىگەن ھىكمەتنى ئەسلىتىپ قويدى. بۇ دىگەن ئۆتنە ئالەم ، قىلۋالدىم ئىتىۋالدىم دىگەن بىلەن باشقىلارغا قانچىلىك قىلساق ئۆزىمىزگە ئۇنىڭدىن ئارتۇق يېنىپ قېلىشى مۇمكىن .

qiqakkiz

	ۋەئەلەيكۇم ئەسسالام ، ئەھمىيەتلىك تىمىڭىزغا رەھمەت .

پالاكەت.

	رەھمەت تىمىلىرڭىز ئۈزۈلۈپ قالمىسۇن

karluq02

	ئۆزگىچە پىكىر قىلىش ئۇسۇلىڭىز ئادەمنى قايىل قىلىدۇ...

sargarda

	ۋەئەلەيكۇم  ئەسسالام باشقىلاردىن   نېمىنى  كۈتسەك  ، ئاۋال  باشقىلارغا   شۇنى  بېغىشلىشىمىز كېرەككەن . ئېرى   :   خوتۇنۇم    مۇلايىم  بولسا   ئۇنىڭغا   چىرايلىق  كىيىملەرنى ئېلىپ بېرىمەن دېدى  . ئىش  باشلىغى  :   ئىشچىلار   ياخشى  ئىشلىسە   ئاندىن  ئۇلارنى  مۇكاپاتلايمەن دېدى . ئەمما   ئىشچىلارنىڭ   ئىھتىياجىنى  ئويلاپ  باقمىدى  . ئېرى   ئاۋال  خوتۇنىغا   چىرايلىق  كىيىملەرنى   ئېلىپ  بەرسە  ئاندىن  خوتۇنى تېىخمۇ مۇلايىم  بولۇشى  ،   ئىش  باشلىغى   ئاۋال  ئىشچىلارنى   مۇكاپاتلاپ ئۇلارنىڭ ئىھتىياجىنى   قاندۇرسا    ئىشچىلار   تېخىمۇ  تېرىشىپ  ئىشلىشى   مۇمكىن ئىدى . بۇ   قائىدە     ئاز   ساندىكى    پەس   ئادەملەردىن   باشقا نۇرغۇن ئادەملەرگە ئىشلەيدۇ .    لىكىن  بىز   بەزىدە   بۇ  قائىدىنى   خاتا  ئىشلىتىمىز  .

firoz

	ۋەئەلەيكۇم ئەسسىلام بۇ ئالتە كۈنلۈك ئالەمدە كىشىنىڭ ھەققىنى يەۋىلىپ ئازىراق پايدىغا ئېرىشىۋىلىپ كۆرەڭلەپ كەتمىگۈلۈك، بولمىسا ئۇ دۇنيادىلا ئەمەس بۇ دۇنيادىمۇ سورىقى بولىدۇ...

.tuz.

	ئەسسالامۇ ئەلەيكۇم سالامنى ئىلىك ئىلىپ ئىنكاس يازغان ئەزىز قېرىنداشلىرىمغا ھەشقاللا !

dillani

	ئىبرەتلىك .ئىبرەت ئالىلى ماۋۇ تىللامچىلار.

feruq

	ئاجايىپ ئېسىل ھېكمەتلەر ئىكەن.