مەۋھۇم دۇنيانىڭ قۇلى

AKRAM0420

	30ياشنىڭ قارىسىنى ئالغان ، بىر بالىغا ئاتا بولغان بولسىمۇ،مۇشۇ ئەخمەتنىڭ (ئىسىم مەلۇم بىرنى كۆزدە تۇتۇلمايدۇ، پەقەت ھىكايىدىكى پىرسۇنازنىڭ ئىسمى)يەنىلا تور ئۇيۇنلىرىدىن قول ئۈزەلمەي مەۋھۇم دۇنيانىڭ قۇلى بۇلۇپ كەتكىنىگە ھەيرانمەن، ئادەتتە مەلىدىكى ياشلار ماڭە بىردەم بىللە ئايلىنىپ كىلىمىز دىسىمۇ ئىرىنىدىغان،بىرى بەش كوي پۇل سۇرسا يوق دەيدىغان ، قۇرسىقىغا بازاردىن بىرەر ۋاخ تاماق يىسە نەچچە كۈنگىچە ئىچى ئېچىشىدىغان بۇ ئىنساننىڭ ئاشۇ ئاتالمىش تور ئۇيۇنلىرىغا مىڭلاپ پۇل خەجلەپ قۇرال دەمدۇ، ئوق دەمدۇ نەرسىلەرنى ئېلىپ كۈنلەپ كۈنلەپ تورخانىدىن چىقماي ئولتۇرۇپ كىتىشلىرى توۋا...،  بىچارە ئايالى كەچتە ئۆيگە قايىتمىسا بالىسى بىلەن ساقلاپ ئۇخلاپ قېلىشلىرى..........،           بىر كۈنى مەلىدىكى باللار بىلەن كۆل بۇيىدا پاراڭلىشىپ ئولتۇرساق 70ياشلارنىڭ چامىسىنى ئالغان ھېلىمكام(ئەخمەتنىڭ ئاتىسى)ھاسىراپ كەپتۇ،《ئەسسالامۇ-ئەلەيكۇم باللىرىم، بىزنىڭ ئەخمەتجاننى كۆرگەنسىلەرمۇ بالام ، ئەتىگەن بازارغا گۆشكە كەتكەن تېخىچە كەلمەيۋاتىدۇ، تىلغۇنىمۇ ئىتىك، كەلگەن مىھمانلارغىمۇ قارىيالمىدىم، شۇڭا سىلەرنى كۆرۈپ كىلىشىم كۆرگەن بولسا دەپ باللىرىم》        بىزمۇ كۆرمىدۇق ئەتىگەتىن، نىمىش بولغاندۇ؟ئۇ نىمىش بىلەن كەتكەن بازارغا ؟جىددىيلەشمەي تەپسىلى سۆزلىسىلە ھېلىمكا.        《بۈگۈن ئۆيگە تۇيۇقسىز بىر ئۇزاقتىن ئىزدىشەلمىگەن تۇققانلارنى كىلىدىغان بۇلۇپ قالدى، ئۆيدە گۆش كۆكتاتلارنىڭ تايىنى يوقتى شۇڭا ئۇلار كەلگۈچە ئەخمەتجاننى بازارغا بېرىپ گۆش ئەكەلسەڭ بالام دەپ ئەۋەتىپتىمەن، كەلمەيۋاتىدۇ، تىلغۇنى ئىتىك،بىرەر ئىش بولغانمىدۇ دەپ بەك ئەنسىرەپ قالدىم باللىرىم ، نىمىشقىمۇ ئەۋەتكەندىمەن بالام،بىرەر ئىش بولۇپ قالسا قانداق قىلامەن ئەمدى》       بىچارە بۇۋاينىڭ كۆز چاناقلىرىدا ياش ئەگىدى ، ئۈزىنى ئەيىپلەپ كەتتى ، بولدى ھېلىمكا ئەنسىرىمىسىلە،بىرەر ئىش بولمايدۇ، خۇدايىم ساقلايدۇ دىدۇقيۇ بىزنىڭمۇ كاللىمىزدىن ھەر خىل خىياللار كەچتى، موتوسىكىلىت بىلەن سۇقۇشۇپ كەتكەنمىدۇ،يە بىرەرىنى سۇقۇپ سالغانمىدۇ.....، چوپچوڭلا بىر ئەر كىشى ئىز دىرەكسىز يۇقاپ كەتسە كىملا بولسۇن ئەنسىرەيدىكەن، ھېلىمكام پەقەتلا ئولتۇرالمايلا قالدى،بىزمۇ دوستىمىزدىن ئەنسىرىدۇق، شۇنىڭ بىلەن بىز ھەممىىز بۆلۈنۈپ ئىزدىمەكچى بولدۇق،《ھېلىمكا، بىز بازارغا بېرىپ ئىزدەپ كۆرەيلى سېلى ئۆيگە كىرىپ ساقلاپ تۇرسىلا، ئەنسىرىمىسىلە》     《رەھمەت باللىرىم ، مەن مۇشۇ كۆل بۇيىدا ئولتۇرۇپ تۇراي ،》بىچارە بۇۋايغا ئىچىمىز ئاغرىپ قالدى،بىر نەچچىمىز موتوسىكىلىتلارغا مىنىشىپ ئەخمەتنى ئىزدەشكە ماڭدۇق،خۇددى بىرەر خالتا ئۇننى ئىزدىگەندەك يول بۇيىدىكى ئورمانلارغىمۇ ئالا قويماي قاراپ ماڭدۇق، دىمىسىمۇ سىۇقۇشۇپ كىتىپ ياكى مەسىت بۇلۇپ قېلىپ يېتىپ قالغان بولسىمۇ بىر نىمە دىمەك تەس ئەمەسمۇ، يولدىن ئۆتكەنلەردىن سۇرىساق، 30ياشلاردىكى ئادەمنىمۇ مۇشۇنداق ئىزلەڭ بارمۇ دەپ مازاق قىلغانمۇ بولدى،بارلىق دۇكان ساراي، قاۋاقخانىلاردىن تارتىپ ئارلاپ ھېچ ئىزدىرىكى بولمىدى، بىزمۇ ئەمدى راسلا ئەنسىرەشكە باشلىدۇق، بىر نەچچە سائەت بولدى تېخىچە خەۋىرى يوق ،مۇشۇتاپتا بىچارە بۇۋاي نىمە بولۇپ كەتكەندۇ-ھە،《ئەستا بولمىدى باللا ،ھېچنەردە خەۋىرى يوق ،جىن ئەپقېچىپ كەتمىگەندۇ ھە؟ قانداق قىلىمىز بۇنداقلا كەتسەك سېلىمكامغا نىمە دەيمىز ؟كەچمۇ بۇلاي دىدى، 》《توختاڭلا !》ئارىمىزدىن بىرى 《بىر يەرگە كىرمەپتۇق،》يەنە نە قالاتتى ؟بىزنىڭ بازاردىكى ھەممە يەرنى كەزدۇققۇ 《تورخانا قالدى، ئەخمەت پات-پات تىلغۇندا كىملەر بىلەندۇر، بۈگۈن يەنە ئېتىشامدۇق، قايسى رايۇندا ئوينايمىز دىگەندەك گەپلەرنى قىلىشقىنىنى ئاڭلاپ قالاتتىم، بەلكىم تورخانىدىدۇ؟》توۋا دەڭلا ، قېرىغاندا تورخانىدا ئۇيۇن ئويناپ يۈرمەس؟ ئۇنىڭ بالسى ئوينىسا يارىشىدۇ ئۇنى، 《توغرا تورخانىغا كىرمەپتۇق ، بەلكىم شۇ يەردە بۇلۇشى مومكىن ، ھەممىمز تورخانىغا يۈگۈردۇق》.        توۋا! دەرۋەقە ئۇ تورخانىدىن چىقتى ، ئايلاپ-يىللاپ ،بالام ئۇقۇشۇڭ قانداق؟ خۇتۇن ئۆينىڭ ئىشى قانداق كىتىپ بارىدۇ، ئانا-دادا ئەھۋالىڭلار قانداق؟ دىيەلمىگەن  بەندە بۇ مەۋھۇم دۇنيانىڭ قۇلى بۇلۇپ كىتىپتىكەن ئەمەسمۇ،       ھەيران قالارلىق ئشلار ئەتىراپىمىزدا كۆپ يۈز بىرىۋاتىدۇ جۇمۇ، زامان تەرەققى قىلىپ ، ھەر خىل ئىلغار تېخنىكىلارنى بارلىققا كەلتۈرگەن ئەقىللىق ئىنسانلار ئاتا-ئانىسى ، ئائىلسى ، دوسىت-بۇرادەرلىرى ئۈچۈن بىردەملىككە شۇ تىلغۇنلارنى تاقىۋىتىشنى بىلەلمەيۋاتىدۇ دىسە،جەميىتىمىزدە مەۋھۇم دۇنيانىڭ قۇلى بۇلۇپ كىتىۋاتقانلار بازغانسىرى كۆپەيمەكتە.    بۇ مىنىڭ بىر دوستۇم ئۆزىنىڭ مەلىسىدە يۈز بەرگەن بىر ھەققى ئىشى ئىكەن ئېيتىپ بەرگەن ئىدى ، كەڭ دوسىتلارنى ھۇزۇرىغا سۇندۇم. ياختۇرغايسىلەر. 2015-03-18(گۇاڭجو)

پالاكەت.

	مۈشۈ تۇر دىسە خۈتۈن باللىرى بىلەن كارى يۇك ئادەملەرمو ئاز ئەمەس

Hotan1

	ھازىر بۇنداق ئىشلار زادى ئەۋج ئېلىپ كەتتى.تورخانىلارنىڭ ئىچى لىققىدە ئادەم.يەنە كىلىپ تولىسى ياش باللا.كۈنلەپ كۈنلەپ شۇ يەردىن چىقماي ئويناۋاتقان...

tumaris01

	بەك ياقتۇردۇم ، تورنىڭ قۇلى بۇلۇپ كەتكەنلەر ئاز ئەمەس

TATLIHIM

	ھەممە ئىشنىڭ مۇۋاپىق بولغىنى ياخشىچۇ ؟

ranjimayman

	ئىچ پۇشىغى بار بالا ئوخشايدۇ،شۇڭا،،

firoz

	ھازىر جەمىيەتتە مۇشۇنداقلا نۇرغۇن، ئاللاھ ئۆزى ساقلىسۇن.

ئارزۇ01

	تورغا ئاشىق بولوپ يۇرگەنلەر كۆپقۇ،،،،تورغا چىققان ئادەمنىڭ چۇشكۇسى كەلمەيدۇ

qiqakkiz

	تورنىڭ قۇلى بولغانلار كۆپ ، بەزىلەر ئويۇن ئوينايدۇ ، بەزىلەر كىنو كۆرىدۇ ، يەنە بەزىلەر مۇنبەرگە چىقىۋىلىپ ئىنكاس يېزىپ ئولتۇرىدۇ .

xahanime

	ئەتراپىدىن مۇھەببەت ۋە خۇشاللىققا  ئىرىشەلمىگەنلەر بەلكىم تورغا بىرىلىپ كىتىشى مۇمكىن چۇنكى توردىكى مەلۇم ئىشلار ئۇنىڭ ئۇچۇن كۇڭۇل ئىچىش مەنبەسى بولۇپ قالغان . ئەملىيەتتە توردىن زىركىشلىك نىمە يوق .