تالادا باشلىققا ئۇچراپ قالماڭ

goldiway

	سىرتتا باشلىق بىلەن  دوقۇرىشىپ قالماڭ!                 (فېلىيەتون) مەمتىمىن ئابلىز پەيلىمۇچ ئادەتتە سىرتتا تونۇش-بىلىشلەر بىلەن دوقۇرۇشۇپ قالساق قىزغىن سالاملىشىپ ئۆتىمىز. لىكىن بەزى باشلىق بىلەن دوقۇرۇشۇپ قېلىش ئۇنداق مەدەنىي ئاخىرلاشمايدىكەن.خىزمەت ۋاقتىدا سىرتتا شەخسى ئىش قىلىش ئەلۋەتتە ئىنتىزامغا خىلاپ. بىراق بانكا، پوچتىخانا، توك، سۇ، پار شىركىتى ئادەتتە سەككىز سائەت ئىشلەيدىكەن ئەمەسمۇ!. سىزگە رۇخسەت بەرگەن بۆلۈم باشلىقى ئىدارىدا قېلىپ كوچىدا چوڭ باشلىق بىلەن دوقۇرىشىپ قالسىڭىز سىزنى نەس باسىدىكەن. شۇڭا بۆلۈم باشلىقىنىڭ « مەن قوشۇلدۇم لىكىن سىرتتا چوڭ باشلىققا ئۇچراپ قالماڭ، يىغىندا بۇ مەسىلىنى تىلغا ئالسا مەن چۈشەندۈرۈشكە ئۈلگۈرەلمەيمەن» دېيىشى بىكار ئەمەسكەن. بەزىلەر سىرتتا باشلىقنى كۆرسە دەرھال مۈكىنىۋېلىپ، ئىدارىغا كەلگەندە ئۆزىنى «پالاكەتتىن قۇتۇلغان ئەقىللىق» ھىساپلاپ بۇلۇڭدا قۇلاق ھىكايىسى قىلىپ سۆزلىشىمۇ ئورۇنلۇقكەن. ئىىتىيارى مۇخبىر سەمەت بۇنداق ئىشلارغا ئىرەن قىلىپ كەتمەي يامان ئاتاققا قالغاننىڭ بىرسى. ئۇ ئادەتتە كېچىلەپ ماقالە يېزىپ ئەتىگەندە ئىشقا چۈشكەندە بوش ۋاقتىدىن پايدىلنىپ بۆلۈم باشلىقىنى تاپالىسا سوراپ، تاپالمىسا سورىماي پوچتىخانىغا ماڭىدىكەن. ئارىلىق يېقىن بولۇپ ئۆچرەتتە تۇرۇپ قالمىسا يېرىم سائەت كەتمەيدىكەن. يامان يېرى پوچىتىخانىنىڭ ئۇدۇلىدا بىر « كىچىك قاسقان مانتىخانىسى» بولۇپ تۇنجى قېتىم چوڭ باشلىق بىلەن ئۇ ئۇياندا، بۇ بۇياندا دوقۇرشۇپ قاپتۇ. ئىككىنجى قېتىم ئۇ پوچتىخانىدىن يېنىپ پىيادىلەر يولىدا دوقۇرشۇپ قاپتۇ. ھەر ئىككى قېتىمدا ئۇنى باشلىق، يېنىدا يېقىنلىرى بولغاچقىمىكىن كەڭ قورساقلىق بىلەن گەپ قىلماي ئالىيىپ قويۇپ ئۆتكۈزىۋىتىپتۇ. ئۈچىنجى قېتىم ئىشقا چۈشۈپ يوقلىمىدىن كىيىن سەمەت  مۇئاۋىن ئىدارە باشلىقىدىن سوراپ پىيادىلەر يولىغا چىققاندا چوڭ باشلىق  ماشىنىدا ئىشقا كېلىۋېتىپ كۆرۈپ قاپتۇ. مانا ئەمەسمۇ! بۇنداق تەكرارلىنىۋەرسە زادى بۇ ئىدارىدا كىم باشلىق دېگەن سۇئال تۇغۇلماي قالامتى! ئەلۋەتتە بۇ نۇرمال ئىش ئەمەس-دە!  ئۆزىنى چاقىرىپ سوراي دېسە ئارىدا نەچچە دەرىجە ئىگىز تاغ تۇرسا سوراشقا ئارزىمەيدۇ. شۇ ھامان چاقماق چېقىپ، بوران چىقىپ بۆلۈم باشلىقلىرى يىغىنى چاقىرلىپ، ئىشخانىلارنى تەكشۈرۈش باشلىنىپتۇ. يىغىندا سەمەتنىڭ ئىنتىزامسىزلىق مەسىلىسى كۈچەپ تىلغا ئېلىنىپ بۆلۈم باشلىقىنىڭ خەۋىرى يوقلىقى ئىسپاتلىنىپ، مۇئاۋىن ئىدارە باشلىقى چۈشەنچە بىرىشكە پىتىنالماي قاپتۇ. تەكشۈرۈش نۆۋىتى سەمەتنىڭ ئىشخانىسىغا كەلگىچە ئۇ كىلىپ بولغاچقا،ھەم مۇئاۋىن ئىدارە باشلىقىدىن سوراپ بارغاچقا ئومۇمىي ئۇقتۇرۇش قىلىپ تەنقىتلەشتىن ئامان قاپتۇ.  شۇنىڭدىن كىيىن سەمەتمۇ سىرتقا چىققاندا چوڭ باشلىق بىلەن دوقۇرىشىپ قېلىشتىن قاتتىق ھەزەر ئەيلەيدىغان بولۇپتۇ. ئەھۋالنى ئۇقساق ئەسلى ئۇ باشلىق ئۇنچىۋالامۇ ئەسكى ئەمەسكەن! ھەم بۇ ئىدارىدا شەخسى ئىش ياكى خىزمەت بىلەن سوراپ ياكى سورماي سىرتقا چىقىدىغانلارمۇ ئاز ئەمەسكەن. باشلىققا ئۇچراپ قالسا قىزغىن ئەھۋاللىشىپ ئۆتىدىغانلارمۇ كۆپ ئىكەن. خې ئەمىر خاننى پەپىلىگەندەك باشلىقنىڭ توپىسىنى قېقىپ ماڭىدىغانلارمۇ بار ئىكەن. دېمەك، بۇ باشلىق ھەممە ئادەمگە ئۇنداق قاتتىقلىق قىلىپ كەتمەيدىكەن. لىكىن سەمەت سەل بىپەرۋا گالۋاڭ ئىكەن. باشلىقنىڭ بۇ نۆۋەتلىك كېسىلىگە يەرلىق توخۇ، قىرغاۋۇل، قاغا، كەپتەر، قۇشقاچلارنىڭ شىپا قىلىۋاتقانلىقىنى بىلسىمۇ بىلمەسكە سېلىپ يۈرىۋىرىدىكەن. ئۆيدە كۆپىنچە چوڭلار بالىلارغا كۆڭۈل بۆلگەن بىلەن بۇ ئىدارە دېگەن باشقا بىر ئائىلە ئىكەن. ئەزالار ئۆزى يۇرەك كىسىلى بولسىمۇ ئاۋۋال باشلىقنىڭ قۇش گۆشىگە سىزىك بولۇشتەك جىددى كىسىلىگە ئاكتىپ كۆڭۈل بۆلىشى كىرەك ئىكەن. ساۋۇت گالۋاڭ  شۇنچىلىق ئەقەللى قائىدىنى بىجا كەلتۈرەلمەي، نىمە قىلىدۇ دەيمەن! ماقالە يېزىپ گىزىتكە چىقىرىپ ئۆزىگە،ئىدارىغا شەرەپ كەلتۈرىمەن-دەپ!. يا ئۇنىڭ تۇزلۇق چۈچىمەل ماقالىسى باشلىقنىڭ سىزىكىگە ياقمىسا!. تاس قاپتۇ ئاينىكا «يۇقۇرى بېسىملىق سىم»نى قۇرۇق قول تۇتۇپ قېلىپ توك  سوقىۋەتكىلى!. زادىۋاغۇ  ئادەتتىكى كادىرنىڭ ئەمىلى يوق  ئەركىن دېگەن بىلەن چوڭ باشلىقنىڭ نەزىرىگە ئېلىنمىقى تەس ئىكەن. دەرىجە پەرقى جومىلاڭما چوقىسىدەك چوخچۇيۇپ ئارلىقنى توسىۋېلىپ، بايامقىدەك بوراندا چۈشەندۈرۈش پۇرسىتىڭىز بولمىسا! ۋەزىپىنى ئورۇنداپمۇ تېخى ياخشى بۇلالمىسىڭىز، ياخشى بولۇشنىڭ ئىپىنى تېخى قىلالمىسىڭىز ئەڭ ياخشىسى ئۇنداق باشلىق بىلەن سىرتتا دوقۇرۇشۇپ قالماڭ!. سىز ھەر قانچە ئۇلۇغۋار ئىش بىلەن ماڭسىڭىزمۇ ئۇنىڭ سىزىكىگە شىپا بۇلالمىغاننىڭ ئۈستىگە شىپا تېپىپ يانغاندا، ماڭغاندا ئاپشاركىدەك تۇيۇقسىز ئۇچراپ يۈرسىڭىز، قىزىل كىيىم كىيىپ ئىسپانىيەنىڭ فىرمىدىن قاچقان قىزىلكۆز بۇقىسى بىلەن  ئويناشقاندەك ئىش  بولمامدۇ؟!   ساۋۇتتىن ساۋاق ئېلىپ مۇشۇكۈندە مەنمۇ پوچتىخانىغا بارسام ئەنسىرەيدىغان بولۇپ قالدىم.ئاينىكا! قورققانغا قوش كۆرىنىپ ماقالەمنى سېلىپ يانسام ھېلىقى باشلىقنى «كىچىك قاسقان مانتاخانىسى» دىن تۆت ئادەم ئىشەكنىڭ تاپىنى سۆرىگەندەك سۆرەپ چىقىپ ماشىنىغا بېسىۋاتىدۇ! كىين ئۇقسام گېلىغا قىرغاۋۇلنىڭ، كۆتىگە قاغىنىڭ سۆڭىكى قادىلىپ قاپتىمۈش. دوختۇرلار «زۇۋانى تۇتۇلۇپ كۆتى يۇمۇلمايدىغان، تەرىتى توختىماي شالتىقى قۇرىمايدىغان بولۇپ ساقىيىدۇ» دېسە ئوپراسسىيەگە قول قويىدىغان ئادەم چىقماي گۇپپاڭچى ۋەزىر- ۋۇزىرالار «ئۆزى بىر نىمە دېسۇن» دەپ  پۇرسەتنى ئۆتكۈزىۋىتىپ «ئادەم كۆپ يەردە ئىشەك ھارام » بوپتىمۈش. ( ئاپتۇر بىلەن يوللىغۇچى بىر ئادەم)

jelwa

	ئەبەيكامنىڭ  شاگىرتىدەكلا  يىزىۋىتىپسىز  ....   ياقتۇردۇم   ..   يەنە بىر قىتىم كۈلۈشۈمگە  سەۋەپ  بولدى  ! ....[/b]

firoz

	بەك قىززىق چىقىپتۇ...

zekiy

	ياخشى چىقىپتۇ.تازا كۈلۈپتىمەن.

ئۇزدىل

	كىم تېلىفۇننى كومپىيوتۇر ئارقىلىق ئۇرۇش ئۇسۇلىنى بىلىدۇ ؟ بىلىدىغانلار تەپسىلى دەپ بەرگەن بولساڭلار!

IZDIGUQI

	ئۇزدىل يوللىغان ۋاقتى  2015-3-18 06:37 PM كىم تېلىفۇننى كومپىيوتۇر ئارقىلىق ئۇرۇش ئۇسۇلىنى بىلى ... ئىزدەش تورلىرىغا بىسىپ باقسىڭىزلا بولمىدىمۇ !

adip0903

	ھەي باللا زامانىمىزدا بۇنداق كىسەل بۇلىدىغان باشلىق بولمىسىمۇ،مۇشۇنداق سېزىك خۇمارى بار ئەر باشلىقلار كۆپقۇ دەيمەن؛ لىكىن دەھشەت قىزىق چىقىپتۇ                       رەھمەت

sahiba33

	ياخشى يېزىپسىز. لىكىنزە............... باشلىق بۇلۇش نىمانچە ئازابلىق ئىش ؟؟؟؟  ھازىر بىر قىسىم كىشىلەر قۇرسىقى يۇغىناپ كەتسە كەينىدە ھارام يىگەنلىكتىن دەيدۇ ، ئالدىدا بولسا باشلىق بەك سالاپەتلىك دەيدۇ ، لىكىن  ئۆزى  شۇ باشلىقلىق ئورنىغا شۇنچىلىك ئىنتىلىدۇ ھەۋەس قىلىدۇ  ، توۋا دىمىسە بىكار........

xajarim

	ياخشى چىقىپتۇ . .ئەمما  باشتىكى سەمەت  كىين ساۋۇتقا ئۆزگىرىپ قاپتۇ..

goldiway

	شاجارىم  نىڭ پىكىرى توغرا، دىققەت قىلماپتىمەن،ئوقۇرمەنلەردىن  ئەپۇ سورايمەن