«سۈكۈتتىكى سادا ـ ئۆزلۈكنى يۈتۈش»تىن پارچىلار

hanike

	كىشىنىڭ پىسخىكىسى ئاجىزلىغانسىرى ئۇ شۇنچە تۆۋەن سەۋىيەلىك ئىشلاردىن ھوزۇر ئىزدەيدىغان بولىدۇ . كىشىنىڭ ھاياتى ئىزچىل ھوزۇر ئىزدەش جەريانى بولۇپ بەزىلەر ئىلىم ئىزدەشتىن ، بەزىلەر سۈخەنچىلىكتىن ، بەزىلەر تىرىشچانلىقتىن ،بەزىلەر پەسلىكتىن ، بەزىلەر بولسا نەسلىكتىن ھوزۇر ئىزدەيدۇ . بىر ئادەمنىڭ پىسخىكىسىنىڭ ئاجىزلىقى چوڭ مەسلە ئەمەس ، ئۇنىڭدىن كىلىدىغان تەسىرمۇ چەكلىك ، ئەمما بىر مىللەتنىڭ پىسخىكا ئاجىزلىقى بولسا ھەقىقەتەن قورقۇنۇچلۇق بولىدۇ . بۇنداق ئەلدىكى كىشىلەر ئومۇمەن روھى سۇلغۇن ياشايدىغان بولۇپ كىشىلەر بىر-بىرىنى غاجىشىپ ھەم كىشىلەر ئارا سۈخەنچىلىك قىلىش بىلەن روھىدىكى ئېچىرقاشنى باسىدۇ . كىشىلەرنىڭ ئۆزىگە  خاس تەپەككۈرى بوغۇپ تاشلىنىپ بۇيرۇق بىرىلگەن ماشىنا ئادەمگە ئوخشاپ قالىدۇ . بۇ ئەلنىڭ ئەرباپلىرىنى ، ناتىقلىرىنى ، چولپانلىرىنى باشقىلار ۋاكالىتەن بەلگىلەپ ئىتىراپ قىلىپ بىرىدۇ . كىشىلەر ئازغىنە ئەرزىمەس مەسىللەر ئۈچۈن جىدەللىشىدۇ ، چېچىلىشىدۇ ، زىددىيەتلىشىدۇ ، ھەتتا دۈشمەنلىشىدۇ . ھەقىقى مۇھىم ئىشلار بولسا ئەرزىمەس ئىشلار سۈپىتىدە قېلىۋىرىدۇ . شۇنداقلا باشقىلار ۋاكالىتەن ئىتىراپ قىلىپ بەرمىگەن كىشىلىرىمۇ ئىتىبارسىز قالىدۇ . كىشىلەر ئۆزلىكىنى باشقىلارنىڭ ئاغزىدىن ، باشقىلار مىدىيالىرىدىن ، باشقىلارنىڭ باھاسىدىن ئىزدەيدۇ . كىملىكىنى باشقىلارنىڭ ۋاراقلىرىدىن كۆرۈپ پەخىرلىنىدۇ . يەنە  بىرسى بولسا كىشىلەرنىڭ مەيدانىنىڭ تۇتامى يوق بولۇپ ئازغىنا ئىشلار ئۈچۈن تۇماقلىرىنى ئاسمانغا ئېتىپ دۇنيادا مەنچە ئادەم يوق دىيشىدۇ ،يەنە ئازغىنا ئىشلار ئۈچۈن بۇ مىللەتتىن بولغانغا تويىشىدۇ ، بۇ مىللەتتىن ۋايساپ داتلىشىدۇ . كىشىلەر شەخسىنىڭ كەمچىلىكىنى مىللەتكە يۈكلەپ تايىنى يوق ئىشلارنى چوڭايتىپ داۋراڭ سېلىشىدۇ . ئۇمۇمەن كىشىلەردە ئۆزى بىلەن ئەمەس باشقىلارنىڭ ئۈستىدىن مۇنازىرە قىلىش ئورتاق جەمىيەت ھادىسسىگە ئايلىنىپ قالىدۇ . كىشىلەر ھەمىشە باشقىلارنىڭ نىمە قىلىۋاتقىنى ، نىمىنى ناچار قىلغىنى ، نىمىنى ئۆزىدەك قىلالمىغىنى قاتارلىق ئىشلارنى مۇلاھىزە قىلىشىپ ئۆزىنىڭ قانداق قىلىۋاتقىنى ياكى قىلمايۋاتقىنىنى ئۇنتۇپ قېلىشىدۇ  . كىشىلەر ئارسىدا تەپرىقىچىلىك كۆپىيىپ ھەرقانداق پىكىر ، ھەرقانداق كەسىپ ، ھەرقانداق ساھەدە ئورتاق پىكىر ياكى بىرلىك شەكىللەنمەيدۇ . كىشىلەر ئۆزىنىڭ بەختىنى پىشانىسىدىكى تەردىن ئەمەس باشقىلارنىڭ كۆزىدىكى ياشتىن ، ئۆزىنىڭ دىيانىتىدىن ئەمەس باشقىلارنىڭ ئۆزىگە مۇھتاجلىقدىن ، ئۆزىنىڭ قىلالىغىنىدىن ئەمەس كىمنىڭ قىلالمىغىنىدىن ئىزدەيدۇ  .

turmux.net

	ياخشى مەزمۇنلار ئىكەن، رەھمەت!

forever1

	ئۆزىڭىز يازدىڭىزما؟تۇنجى ئابزاسلا

Uqkuni93

	تىما ئىگىسىگە تەشەككۈر.

andarsafari

	بەك ياقتۇردۇم ئۆزۈمنى قايتىدىن تونۇغاندەك بولدۇم .بۇ بىر پارچىمۇ ياكى كىتاپمۇ ؟