ئىنكاسچىمەن

barnawul

	ئىنكاسچىمەن ئەكرەم ئابدۇمىجىت تارتىشىپ دوست  يەڭ ئىچىدە  يايرىغان  ئىنكاسچىمەن، خۇددى تۇتى قۇش مىسالەن سايرىغان ئىنكاسچىمەن، ئۆز ئۆزۈمدىن ماختىنىپ بەك ھارمىغان ئىنكاسچىمەن، ھەرقاچان مازغاپ كەبى پارلىغان ئىنكاسچىمەن، پۇۋ، دېسە ئالقان  ئارا ھېچ قالمىغان  ئىنكاسچىمەن. خۇددى شەيتاندەك گويا كىرمەك بولۇپ دوست  پوستىغا، قىلىمەن شۇئان ئۇچۇر «يازمامسە» دەپ «چ،چ» سىغا، باشلىنۇر ئىنكاس شۇئان كۈلكە بىلەن «ھى...ھى» سىغا، ئۇستا باغۋەنلەرسىمان قىلدىم ئۇلاق« پى- پى »سىغا، بىرلىرىنىڭ   شۇڭلىرىدا   ئاينىغان    ئىنكاسچىمەن. كۆزلىرىم  قانداق ئەسەر يازدى كىشى كۆرمەيدۇ  ھەم، شۇندىمۇ يازماي قولۇم ئىنكاسنى جىم تۇرمايدۇ ھەم، يازمىسام ئىنكاس شۇئان بۇندا قورساق تويمايدۇ ھەم، چۈنكى «دوستۇم» تەلمۈرۈپ ھېچبىر تىنچ قويمايدۇ ھەم، كىملا داپ چالسا شۇئان «ناي- ناي»لىغان ئىنكاسچىمەن. دوستلىرىمنىڭ نەزمىسىنى «ھەر قاچان  مۇنبەردە»  دەپ، ئۇچىمەن ئىنكاس يېزىپ دەل «بولمىسۇن شەرمەندە»  دەپ، «پىشكا چاغلىق باشقىلار دوستۇم پەقەت شاھ، گەردە» دەپ، «ئۆزگىلەر ئەسكەر گويا ھەم ئۇ ئۆزى سەركەردە» دەپ رەڭمۇ-رەڭ  دۇقمۇشتا  مايمۇن  ئوينىغان  ئىنكاسچىمەن. بىر خۇيۇم باركى تېخى  ئىنكاستا  پوق سۈركەيدىغان، كىمكى قارشى گەپ قىلىپ قويسا زەھەر پۈركەيدىغان، تۇرسا نەچچە يۆلۈكۈم «قورقما ئۆزۈم بار» دەيدىغان، خۇدىكىم بولسۇن نېچۈن تۇرسام يەنە ئۆرلەيدىغان، نە ئامال  يېرىم چېلەك سۇ چايقىغان ئىنكاسچىمەن. كۆرمىگەن ھېچكىم دېمەك مەندەك سىلىق دەيدەيچىنى، ۋۇيت، دېسە ھايت، دەيدىغان  «ئارچىنى،لەببەي»چىنى، ياخشى كۆرمەس كىممۇ مەندەك يۈگرىگەك «ۋاللەيچى»نى، كونا  ماللار  ئىچرە ھەم  يۈرگەن  پېقىردەك  خەيچىنى، قانچە  رەت تۇزسىز  قازاندا  قاينىغان  ئىنكاسچىمەن. «ياخشىلارغا ياخشى گەپ قىلماق ھامان ۋىجدان ئىشى، ھەم يىراق بولماقمۇ تەس نۇقسان-ئەيىبلەردىن كىشى، چىن نىيەت، پاكلىق بىلەن بولسا كىشىنىڭ سىردىشى، مەيلى كىم بولسا شۇئان بولمامدۇ دوستى، دىلكىشى» دەپ نەسىھەت قىلسىمۇ تىل چاينىغان ئىنكاسچىمەن. ئاپتۇرى:غۇلجا ناھىيە چۇلۇقاي يېزىلىق ئوتتۇرا مەكتەپتە...

hanike

	سىزمۇ ماڭا ئوخشاش ئىنكاسچىكەنسىز

zekiy

	مەنمۇ ئەسەر يازماي ئىنكاسلا يېزىۋەرسەم شىئېردىكىدەك ئىنكاسچىلاردىن بولۇپ قالامدىم نىمە؟ شىئېرىڭىز تولىمۇ يۇمۇرلۇق بىلىندى. ھارمىغايسىز.

barnawul

	zekiy يوللىغان ۋاقتى  2015-3-17 09:14 PM مەنمۇ ئەسەر يازماي ئىنكاسلا يېزىۋەرسەم شىئېردىكىدەك ئ ... بۇ شېئىر مېنىڭ ئىجادىيتىم ئەمەس.ئاپتۇرنى تۆۋىنگە يېزىپ قويدۇم.ئەكرەمكام خانتەڭرى ئەدەبىيات موكاپاتنىڭ لائوريانتى[ساھىبى]،شۇنداقلا پىشقان شائىر.

tursunjan1

	مەنمۇ بىر ئىنكاسچىمەن

wolkan888

	چ چ دا ئايرىم دوست تارتىشىپ پوكۇنى تېمامغا مۇنداق دەپ ئىنكاس يىزىپ قويغىنە دەپ بىر بىرىگە ھەمدەم بولۇپ خەقنى غاجاپ كۈن بەرمەيدىغان ئىنكاسچىلار كۆرۈپ قويسا بولىدىكەن

qiqakkiz

	مەنمۇ مىسرانىمنىڭ ئىنكاسچىسىغۇ .

kuyaxim111

	مەنمۇ پىكىرىمنى يىزىپ قوياي دىسەم ،مەن يازغان ئىنكاسلار كۆرۈنمەيدىكەنغۇ....ئۆزمگە كۆرۈنمەمدۇ يا

karawul3

	مىنىڭچە تور مۇنبەرلىرىدە ئىنكاس يېزىش-ئىنتايىن مەسئۇلىيەتچانلىق تەلەپ قىلىدىغان مۇھىم ئىش. چۈنكى  بىرىنجىدىن، يېزىلغان ئىنكاس  ئىلىمى بۇلۇپ تېما ئىگىسىنى، باشقا تورداشلارنىمۇ قايىل قىلالىشى كىرەك. ئىككىنجىدىن، بۇ ئىنكاسنى نەچچە يۈز مىڭ ئادەم، ھەتتا چەتئەللەرگىچە كۈرۈشى مۇمكىن، ياخشى بولسىمۇ، يامان بولسىمۇ تەسىرى زور بۇلىدۇ. ئۈچۈنجىدىن ، ئىنكاس سۈپىتىنىڭ قانداق بۇلىشى شۇ ئىنكاس يازغۇچىنىڭ تورداشلار ئارسىدىكى، مۇنبەردىكى ئىناۋىنىڭ  قانداق بۇلىشىنى بەلگۈلەيدۇ. شۇڭا ئىنكاس يېزىشتا قىلچە مەسئۇلىيەتسىزلىك قىلىشقا، ئالدىراپ ھۈكۈم چىقىرىشقا بولمايدۇ دەپ قارايمەن. مىنىڭ ئۈمىدىم-ئىنكاس يېزىشتا تېما مەزمۇنى ئۈستىدە مۇنازىرە قىلىشتا چىڭ تۇرۇپ، نوقتىنى تېما ئىگىسىگە قاراتماسلىقتىن ئىبارەت.

Nimjan

	ئۇيغۇر ئەدەبىياتىدا «پالانى مەشھۇر شائىر، پوكۇنى مەشھۇر دراماتۇرگ، پۇستانى مەشھۇر يازغۇچى» دەيدىغان سۈپەتلەر بولىدىغان، كۈنلەرنىڭ بىرىدە  پالانى مەشھۇر ئىنكاسچى ئىدى، دەپ ئەسلىنىشنى تەمە قىلىدىغانلارمۇ  يوق ئەمەس جۇمۇڭ، بىزمۇ شۇ ...