" مەشرەپ " پەگادا قالمىسۇن

alzaman

	‹‹مەشرەپ››پەگادا قالمىسۇن شىنجاڭ تېلېۋىزىيە ئىستانىسىنىڭ 2-يۈرۈش قانىلىدا ھەر شەنبە كۈنى كەچ كۆرسۈتىلىدىغان ،ئايدا بىر قىتىم ئىشىلىنىدىغان ‹‹مەشرەپ ››پىروگىراممىسى بۇيىل 13يىللىق مۇساپىسىنى كۈتىىۋالدى. بۇ 13يىللىق جەرياندا ‹‹مەشرەپ ››ئەلسۆيەر كارخانىچىلىرىمىزنىڭ مەرىپەتپەرۋەركىشىلىرىمىزنىڭ قوللاپ قۇۋۋەتلىشى نەتىجىسىدە ،گۈلچاي قولدىن –قولغا ئۆتۈپ خەلقمىزنىڭ مەنىۋى ئىھتىياجىنى قاندۇرۇپ كەلدى ،ئاتىلىرىمىز دەيدىغان ‹‹بالاڭنى مەكتەپكەبەر ،بولمىسا مەشرەپكە بەر››دەيدىغان ‹‹مەشرەپ››پىروگىراممىى بۇ13يىل جەريانىدا بىزنىڭ پەرزەنىت تەربىيلەش،ئەخلاق ،پەندى نەسھەت بىرىش ،ئادىمىيلىكنى ئۈگىتىش جەھەتلەردە مەلۇم جەھەتتە ئۆز رولىنى جارى قىلدۇردى .گەرچە بۇ پىروگىرامما كۆڭۈل ئىچىش ،سەنئەت تۈسىنى ئالغان بولىمۇ ،باشتا مۇختەر بۇغرا ئەپەندى ،كېيىن ئادىلە سىدىق خانىم قاتارلىق فىلىم ئىشلىگۈچىلەرنىڭ كۈچ چىقىرىشى نەتىجىسىدە بۈگۈنگە كەلگەندىمۇ خەلقمىزنىڭ ياقتۇرۇپ كۆرىدىغان پىروگىراممىلىرىنىڭ بىرى بولۇپ كەلمەكتە . 13يىل ئەلۋەتتە ئاز ۋاقىت ئەمەس بۇ جەرياندا شىنجاڭ تېلېۋىزىيە ئىستانىسىنىڭ پىروگىراممىلىرىمۇ يېڭىلىنىپ ،قاناللارمۇ ككپىيىپ سەرخىللىققا قاراپ يۈزلەندى ،بولۇپمۇ يىقىندىن بۇيان ،‹‹يېڭى ناۋا ››‹‹يىپەك يولى ساداسى ››‹‹تەلەي يۇلتۇزى››‹‹تالانىت سەھنىسى ››‹‹شېرىن چۈش››قاتارلىق پىروگىراممىلارنىڭ ئارقا-ئارقىدىن تېلېۋۇزۇردا قويۇلىشى نەتىجىسىدە ‹‹مەشرەپ ››پىروگىراممىسسىنىڭ كۆرۈلۈش نىسپىتى ۋە باشقا جەھەتلەردىن مەنچە مەلۇم رىقابەتكە دۇچ كەلدى ،قانداق يوللار بىلەن ‹‹مەشرەپ››پىروگىراممىسىنى يۇقىرقى پىروگىراممىلارغا ئوخشاش كەڭ ئاممىنىڭ ياقتۇرۇپ كۆرىدىغان پىروگىراممىسى قىلىپ ساقلاپ قالغىنى بولىدۇ ،قانداق قىلىپ ‹‹مەشرەپ››پىروگىراممىسىنى ‹‹بىركىتاب ،بىرئالەم ››پىروگىراممىسىغا ئوخشاش كۆرۈلۈش نىسپىتى تۆۋەن ،بولۇپ قىلىشتىن ساقلاپ قالغىلى بولىدۇ ؟بۇ ھەممىمىز ئويلىنىشقا تىگىشلىك مەسىلە ھىسسابلىنىدۇ . ھەممىمىزگە مەلۇمكى مېنىڭچە  ‹‹مەشرەپ ››پىروگىراممىسى ئۇيغۇرلارنىڭ ئۆزىگە خاس ،ئۆزئالدىغا ئىشلىگەن بىردىنبىر تېلىۋىزىيە پىروگىراممىسى بولۇپ ھىسابلىنىدۇ ،گەرچە بۇ پىروگىرامما ئايدا بىرسان ،ئاران بىر سائەت ئۆپچۆرىسىدە ئىشلەنسىمۇ بۇ پىروگىراممىنى باشقا پىروگىراممىلىرغا سىلىشتۇرغىنى بولمايدۇ،‹‹يىپەك يولى ساداسى ››قاتارلىق پىروگىراممىلار نېمىشقا ئالقىشقا ئىرىشىپ كېتىدۇ ؟ئەلۋەتتە بۇ بىر ئىقتىسادى ئامىل مۇناسىۋەتلىك ،ھەر بىر ماھىرنىڭ ماھىرىتىدىن كېيىن بىرىلىدىغان ئېلان ،ئالتۇن ۋاقىتتا قويۇلىدىغان پىروگىراممىنى ،ئىقتىسادى تەرەپلەردىن خاتىرجەم قىلغان بولىشى مۇمكىن ،ئەلۋەتتە ‹‹مەشرەپ ››پىروگىراممىسىنىمۇ كەڭ كارخانىچىلىرىمىز ئۆز ئۈستىگە ئىلىپ ئۆتكۈزۈپ كەلدى ،بولۇپمۇ ‹‹ئارمان ››دەك شىركەتلىرىمىز ئۇدا تۆت قىتىم خەلقمىزگە مەشرەپ داستىخانى سالدى ،بۇرۇن ‹‹مەشرەپ››نىڭ گۈلچاي قىسمىغا قارايدىغان بولساق ،‹‹مەشرەپ››نى ئۆتكۈزۈشنى بىر نەچچە كارخانا ،ئورۇنلار تالىشىپ قالاتتى ،چەك تارتىش ئارقىلىق كېيىنكى قىتىم ئۆتكۈزىدىغان ئورۇن بىكىتىلەتتى ،ھازىر بولسا ئۇ تۈزۈم ئەمەلدىن قالدى ،‹‹مەشرەپ ››ئۆتكۈزىدىغان ئورۇنمۇ كىچىكلەپ قاتنىشىدىغان تاماششىبىنلار ئازلاپ قالغاندەك كۆرۈنىدىغان بولۇپ قالدى ،بۇنىڭ ھەممىسىنى مەن ئىقتىسادى ئامىلغا باغلاپ چۈشەندىم ،ئەلۋەتتە ئۇيغۇر كارخانىلىرىمۇ ،ھېرىپ قالغان بولسا كېرەك ،يەنە كىلىپ ‹‹مەشرەپ››نىڭ ئوتتۇرىسىدا ئېلان بەرگىلى بولمايدۇدە. يەنە بىر مەسىلە ‹‹مەشرەپ ››قويۇلغان 13 يىلدىن بۇيان نۇرغۇن چولپانلىرىمىزمۇشۇ سەھنە ئارقىلىق يىتىشىپ چىقتى ،مۇشۇ سەھنىدە تۇنجى قىتىم ناخشا ئوقۇپ ئەلگە تونۇلدى ،بۇرۇن ئۇلارنى تونۇتىدىغان ،‹‹يېڭى ناۋا››‹‹يىپەك يولى ساداسى ››يوقتى .پەقەت يىلدا بىرەقىتىم ئۆتكۈزىلىدىغان روزاھېيىت ،قۇربان ھېيىتلىق سەنئەت كېچىلىكىلا بار ئىدى ،بۇ نوقتىدىن ئىلىپ ئىيتقاندا شۇ چولپانلارنىڭ تۇنجى تەربىيلىگەن ئۇستازى مۇشۇ ‹‹مەشرەپ››ئۆزىنى نامايان قىلغان تۇنجى سەھنە ‹‹مەشرەپ››سەھنىسى ئىدى . ھازىر مانا چولپان يىتىشتۈرىدىغان نۇرغۇنلىغان سەھنىلەر بارلىققا كەلدى ،‹‹مەشرەپ ››بولمىسىمۇ ،‹‹يېڭى ناۋا››‹‹يىپەك يولى ساداسى ››ھەتتا تالانىت سەھنىسىدىمۇ تالانتىم باردەپ ناخشا ئىيتسا بولىۋىرىدۇ ،‹‹مەشرەپ ››پىروگىراممىسى شۇ چولپانلارنىڭ تۇنجى ئۇستازى ،تۇنجى سەھنىسى ئۇنتۇلدى ،شۇ داڭلىق چولپانلارمۇ ‹‹مەشرەپ››سەھنىسىدە كۆرۈنمەس بولدى ،بەلكىم ئۇلارنىڭ ۋاقتى يوقتۇ ؟ئالدىراش بولۇپ قالغاندۇ؟مېنىڭچە ئەڭ مۇھىمى ئۇلارغا كېلىدىغان ئىقتىسادى كىرىم ئاز بولۇپ قالغان بولىشى ياكى ‹‹مەشرەپ ››پىروگىراممىسى ئۇلارغا چىقىش قىلالمىغان بولىشى مۇمكىن ،ئەلۋەتتە ھازىر ئىقتىساد ئىنتايىن مۇھىم ،لېكىن ئىقتىساد مۇھىم دەپ ئۆزىنى تونۇتقان سەھنىنى ئۇنتۇپ قىلىشقا بولمايدۇ دە ،ئۆزەڭلار ئارزۇ قىلغاندەك ئىقتىسادى ئۈنۈمگە ئىرىشەلمىسەڭلارمۇ ،‹‹مەشرەپ ››‹‹ھېيىتلىق سەنئەت كېچىلىكى››لىكرىنى يوقلاپ قويۇڭلار  چولپانلار . ‹‹مەشرەپ ››پىروگىراممىسىنىڭ رەڭدارلىقىنى ئاشۇرۇش ،كۆرۈش نىسپىتىنى قانداق قىلغاندا يۇقىرلاتقىنى بولىدۇ .بۇ جەھەتتە ئادىلە سىدىق ،ماھىرە ئابدۇغىنى قاتارلىق قىرىنداشلىرىمىز ئوبدانلا كۈچ چىقىرىۋاتىدۇ ،ھەرقىتىملىق پىروگىراممىدا تەربىيىۋى ئەھمىيىتى بار قىسقا فىلىملەرنى ئورۇنلاشتۇرۇپ كۆرۈرمەنلەرگە مۇئەييەن تەسىر كۆرسىتىشكە تىرىشىۋاتىدۇ ،ئامال بار پىروگىراممىنى رەڭدارلىققا ،تەسىرچانلىققا كۈچەۋاتىدۇ ،بۇ جەھەتتىن بىز ئۇلاردىن تولۇق رازى بولساق بولىدۇ ،لېكىن ‹‹يىپەك يولى ساداسى ››‹‹يېڭى ناۋا ››‹‹تالانىت سەھنىسى ››قاتارلىق پىروگىراممىلارغا ئوخشاش ھەر ساھە ،ھەر ياشتىكى كىشىلەرنى قىزىقتۇرالايدىغان ،كۆرۈرمەنلەرگە مەنىۋى زوق ئىلىپ كىلەلەيدىغان قىلىش جەھەتلەردىن يەنىلا فىلىم ئىشلەش گورۇپپىسى كۈچ چىقارمىسا بولمايدۇ . ئاخىرىدا بۇ جەھەتتىن تورداشلارنىڭ قانداق ئويلىغانلىرى بار ،ئوتتۇرىغا قويۇپ بىقىشىنى ئۈمىد قىلىمەن .

turmux.net

	بەلەن تېما بوپتۇ...

xajarim

	ناھايتىمۇ ئەتىراپلىق مۇلاھىزە قىپسىز...   مەشرەپ ئۆتكەزگەنلەرگە  مەلۇم ۋاقىت ھەقسىز  ئېلان قويۇپ بەرسە    ئۆتكۈزدىغانلار كۆپۈيۈپ قالامىكى...         مەشرەپكە ئېلان قىستۇرمىغان بىلەن..    مەشرەپنىڭ مەزمۇننى ئېلان قىلۋاغان  ۋاقىتلارمۇ بار...

sahiba33

	مەشرەپ پىروگىراممىسى ھەقىقەتەن ياخشى پىروگىرامما ، ھازىر«يىپەك يولى ساداسى»،«تالانىت سەھنىسى» قاتارلىق بىر قىسىم نادىر پىروگىراممىلار ئىشلىنىپ ، مەشرەپ پىروگىراممىسى كۆرۈش نىسبىتى بۇيىچە سەل تەسىرگە ئۇچرىغاندەك كۆرۈنگەن بىلەن ، ئەمەلىيەتتە ، مەشرەپ پىروگىراممىسىنىڭ تەسىرچانلىقى ، تەربىيىۋى ئەھمىيىتى ئىنتايىن زور ، بۇنى كۆپلىگەن ئامما بىلىدۇ ، ھەم بۇ پىروگىراممىنى ياقتۇرۇپ كۆرىدۇ ،مىنىڭچە بىر پىروگىراممىنىڭ كۆرۈش نىسبىتىنىڭ قانچىلىك بۇلۇشى رىياسەتچى بىلەن بىۋاستە مۇناسىۋەتلىك. مەشرەپ پىروگىراممىسىنىڭ رىياسەتچىلىرى بىر -بىرىدىن سەرخىل ، ئىختىدارلىق . ھازىر بۇ پىروگىراممىمۇ بارغانسېرى رەڭدارلىققا كۈچەۋاتىدۇ ، مىنڭچە مەشرەپ پىروىراممىسى ھازىرقى يۆنىلىشىدىن چەتنەپ كەتمەي تەرەققى قىلىپ ماڭسا ، يەنىلا خەلقىمىز ياقتۇرۇپ كۆرىدىغان پىروگىراممىلارنىڭ سەردارى بۇلىۋىرىدۇ .

ئارزۇ01

	xajarim يوللىغان ۋاقتى  2015-3-17 03:46 PM ناھايتىمۇ ئەتىراپلىق مۇلاھىزە قىپسىز...   مەشرەپ ئۆتكەز ... توغرا دىدىڭىز مەشرەپتىكى بەزى . ئىتوتلار ئلاننىڭ ئۆزىلا ھازىرقى ئەھۋالى قانداقكىن بىر قانچە ئاي بولدى كۆرمىدىم.سەنئەت ھەرگىزمۇ كارخانچىلارنىڭ ئلان تەشۋقاتچىسى بولماسلقى كىرەك ئىدى.

hanike

	مەنمۇ بۇ پىكىرگە قوشىلىمەن.

Qabiljan

	بۇ تېمىنى بوزقىر مۇنبىرىدىمۇ كۆرگەنتىم سىز بىلەن نۇرى بىر ئادەممۇ؟

alzaman

	Qabiljan يوللىغان ۋاقتى  2015-3-17 05:32 PM بۇ تېمىنى بوزقىر مۇنبىرىدىمۇ كۆرگەنتىم سىز بىلەن نۇرى  ... ھەئە، مەن بوزقىردىكى نۇرى شۇ.

.tuz.

	Qabiljan يوللىغان ۋاقتى  2015-3-17 05:32 PM بۇ تېمىنى بوزقىر مۇنبىرىدىمۇ كۆرگەنتىم سىز بىلەن نۇرى  ... ئەسسىلامۇ ئەلەيكۇم مەن گۇۋا نۇرى بىلەن ئەلزاماننىڭ بىر ئادەملىكىگە ، بۇ قېتىم سوراپ ياخشى قىلدىڭىز ، كۆچۈرۈلمە تېما دەپ ئۆچۈرۋەتمىگىڭىزدىن خۇش بولدۇم ......

siyitnoqi

	Qabiljan يوللىغان ۋاقتى  2015-3-17 05:32 PM بۇ تېمىنى بوزقىر مۇنبىرىدىمۇ كۆرگەنتىم سىز بىلەن نۇرى  ... بوزقىر مۇنبىرىنىڭ ئادرىسىنى قالدۇرۇپ قويسىڭىز مەن كىرەلمىدىم .