تۇز: قەلبىڭىزنى ئازاپتىن خالاس قىلىشنى خالامسىز ؟

.tuz.

	ئەسسىلامۇ ئەلەيكۇم تاغنىڭ ئىچكىرسىدىكى ئورمانلىقتا ، ئارلىقى ئانچە يىراق بولمىغان ئىككى كەنىت بار ئىكەن . ئا كەنىتتىكى كىشىلەر ھەدېسە بىر - بىرى بىلەن سوقۇشۇپ ، ھەر كىم ئۆزىگە ئىنتايىن پەخەس بولۇپ يۈرۈپ، كۈنلىرى ئۇرۇش - جىدەل بىلەن تولىمۇ ئازاپ ئىچىدە ئۆتىدىكەن ؛ ب كەنىتنىڭ كىشىلىرى ئىنتايىن ئۆم - ئىناق بولۇپ ، ھەر كىمنىڭ چىرايىدىن خۇشال كۈلكە يىغىپ تۇردىكەن ، كۈنلىرى خاتىرجەملىك ئىچىدە ئۆتىدىكەن . ئا كەنىتنىڭ باشلىقى ب كەنىتتىكى كىشىلەرنىڭ كۈنلىرىنىڭ ئىناقلىق ، خۇشاللىق ئىلكىدە ئۆتۈۋاتقانلىقىنى كۆرۈپ ، ئۇلارغا بەك ھەۋەس قىلىدىكەن . لېكىن بۇنىڭدىكى سىرنى بىلەلمەي بەكمۇ قىينىلدىكەن . شۇنىڭ بىلەن ئۇ ئالايىتەن ب كەنىتكە كىلىپ ، بىر كىشىدىن تەلىم سوراپتۇ . ____ كەنتىڭلاردىكى خۇشال ، ئىناق كەيپىياتنى ساقلاپ كېلىشىڭلەردە قانداق ياخشى چارەڭلەر بار ؟ ____ سوراپتۇ ئا كەنىتنىڭ باشلىقى . _____ چۈنكى بىز دائىم خاتا ئىش قىلىمىز ، _____ دەپ جاۋاب بېرىپتۇ ھېلىقى كىشى ھېچقانداق ئويلانماستىنلا . ئا كەنىتنىڭ باشلىقى ھېلىقى كىشىنىڭ جاۋابىدىن گاڭگىراپ تۇرغاندا بىر كىشى سىرىتتىن يۈگۈرگىنىچە كېرىپ زالدىن ئۆتكىچە ئېھتىياتسىزلىقتىن يىقىلىپ چۈشۈپتۇ . بۇ ۋاقىتتا زالنىڭئاستىنى سۈرتىۋاتقان بىر كىشى يۈگۈرۈپ كېلىپ ، ئۇنى يۆلىگەچ كەچۈرۈپ سوراپتۇ : ____ مېنى كەچۈرگۈن خاتالىق مەندە ، پولنى سۈرتىمەن دەپ بەك ھۆل قىلىۋېتىپ ، سېنىڭ يىقىلىپ كىتىشىڭگە سەۋەبكار بولدۇم . ئىشىك تۈۋىدە نۆۋەتچىلىك قىلۋاتقان بىر كىشىمۇ يۈگۈرەپ كېلىپ دەپتۇ : _____ ياق ، بۇ خاتالىق مەندە ، ساڭا زالنى سۈرتىۋاتقانلىقىنى ، ئېھتىيات بىلەن مىڭىشىڭنى ئەسكەرتىپ قويماپتىمەن . يىقىلىپ چۈشكەن كىشى قىلچە ئاغرىنماستىن ، ئۆز - ئۆزىنى ئەيىپلەپتۇ : _____ ياق ، ياق ، ئۆزۈم بىپەرۋالىق قىلدىم ، ئېھتىيات بىلەن ماڭمىغان سەۋەنلىك ئۆزۈمدە . ئا كەنىتنىڭ باشلىقى بۇ كۆرنۈشنى كۆرۈپ ب كەنىتتىكى كىشىلەرنىڭ ئىناق - ئىجىل ئۆتۈشنىڭ سىرىنى بىلىپ يىتىپتۇ . بۇ تېمىدىكى ھېكمەت : ئۆز - ئۆزىنى ئەيىپلەش باشقىلاردىن كەچۈرۈم سورىغانلىق . شۇنداقلا قەلبنى ئازاپتىن خالاس قىلغانلىق . كىچىككىنە ئىش تۈپەيلىدىن ئازارلىق تىرىماي ، ئازارلىقنىڭ ئورنىغا ئىناقلىق ئۇرۇقلىرىنى چاچقانلىق ! ئىناقلىق ، ئىتىپاقلىق كىشىلەرنى بىر - بىرىگە سەمىمى مۇئامىلە قىلدىغان قىلۋىتىدۇ ! مەسئۇلىيەتتىن قىچىش ، سەۋەنلىككە بانا ئىزدەپ باشقىلارنى ئەيىپلەش، قاقشاش ، ۋايساش كىشى ئارسىغا بىھۇدە ماجرا تۇغدۇردۇ ، كۆڭۈلنى بىئارم قىلىپ ئازاپقا سالىدۇ .....               خۇشال ئادەم ئىزلەش .... پادىشاھنىڭ كۈن بويى ئىچى پۇشىدىكەن ، ۋەزىرلەر پادىشاھنىڭ كېسىلىنى داۋالىتىشقا تىۋىپ چاقىتىپتۇ . تېۋىپ : « ئەگەر پادىشاھ خۇشال ئادەمنىڭ ئايىغىنى كىيسە ، كېسىلى ساقىيىپ كېتىدۇ » دەپتۇ. ۋەزىرلەر تەرەپ - تەرەپتىن خۇشال ئادەم ئىزدەپتۇ . بىر كۈنى ۋەزىرلەر بىر نامرات كەنىتكە كىرگەندە ، تۇيقسىز بىر ئادەمنىڭ ئاۋازىنى بولىشىغا قويۋىتىپ خۇشاللىق ئىچىدە ئېيتقان ناخشىسىنى ئاڭلاپتۇ . ئۇلار ئۇ ئادەمنىڭ قىشىغا كېلىپ ، يەر ئاغدۇرۋاتقانلىقىنى كۆرۈپتۇ . ۋەزىرلەر دېھقاندىن : « سەن خۇشالمۇ ؟» دەپ سوراپتۇ . ___ مەن ھەر كۈنى خۇشال ، خۇشال بولمىغان بىرمۇ كۈنم يوق  ، ___ دەپتۇ دېھقان . ۋەزىرلەر ئۆزلىرىنىڭ مەقسىدىنى دېھقانغا ئېيتىپتۇ . دېھقان ئاڭلاپ ، قاقاقلاپ كۈلۈپ ئۆزىنى تۇتۋالالماي تىلىقىپ كىتىپتۇ . ئەسلىدە دېھقاننىڭ كەيگۈدەك ئايىغىمۇ يوق ئىكەن ........ بۇ تېمىدىكى ھېكمەت : ھازىرقى نۇرغۇن كىشىلەرنىڭ نەزىرىدە مال - دۇنيا ، پۇل - پۇچەك ، ھوقۇق - مەنسەپ ھەم مەرتىۋىنى خۇشاللىققا ئىرشىشنىڭ ئەڭ مۇھىم تەپى ياكى بارلىق تەرپى دەپ قارۋالىدۇ . ئەمىلەيتتە ئۇنداق ئەمەس . خۇشاللىق ___ ئۆزى ئىگە بولغان بارلىق نەرسىلەرنى قەدىرلەش دېگەنلىكتۇر . ھەر بىر ھاياتلىق كۈن، ئىنسان ئۈچۈن بىر خۇشاللىق ! ئاشۇ كۈننى قەدىرلەپ ئۆتكۈزۈشمۇ ئەڭ زور خۇشاللىق . خۇشال كىشىلەرگە نىسبەنتەن ئېيتقاندا ئىگە بولۇشنىڭ ئۆزىمۇ بىر خۇشاللىقتۇر ! مەنبە : ساغلام تەپەككۇر شىپاسى مۇنبەرگە ئاكتىپلاشتۇرۇپ يوللىغۇچى : تۇز 2015- يىلى 3- ئاينىڭ 17- كۈنى ئەزىزانە شەھرى قەشقەر

تاڭنۇر

	باشقىلاردىن ئاغرىنىشتىن بۇرۇن ، مەن نىمىنى خاتا قىلدىم دىگەن ئۇقۇمنى بىلىش ئەڭ زۆرۈردۇر

basut

	مەزمۇنلۇق ياخشى تېمىكەن،رەھمەت سىزگە.

ranjimayman

	مەن ئەزەلدىنلا تولىمۇ خوشال،كۆڭلۈم يىرىم كۈنلەردە تازا يىغلىۋالىمەن ئادەم يوق يەردە. ئاندىن ئانامنى توققانلارنى ئويلايمەن.شۇنداق ئۈمۈتكە تولىمەن،يىشىمنى سۈرتۈپ،قۇياشتەك كۈلۈپ،شۇ ۋاقىتتىن باشلاپ ئۆزۈمنى سۆيۈپ ياشايمەن.

nawa02

	ۋەئەلەيكۇم ئەسسالام. ئەپۇچان، كەڭ قورساق بولۇش، باشقىلارغا ھەم ئۆزىمىزگە مىھىر-مۇھەببەت ئاتا قىلغان بىلەن باراۋەر ... ياخشى تىمىلاردىن ھۇزۇرلاندۇرغىنىڭىزغا رەھمەت. ئىسىل تىمىللىرىڭىز ئۈزۈلمىگەي.

almagul

	ناۋا   02  پىكىرڭىز ئورۇنلۇق ..راست دەيسىز

hadrat

	ranjimayman يوللىغان ۋاقتى  2015-3-17 12:37 PM مەن ئەزەلدىنلا تولىمۇ خوشال،كۆڭلۈم يىرىم كۈنلەردە تاز ... سىزنىڭ بۇ تەرىپىڭىز ھەقىقەتەن ياخشىكەن.

ئارزۇ01

	ياخشى ئەسەرلىرىڭىز مۇنبەردىن ئۇزۇلمىگەي

1263318936

	ناھەيىتىمۇ ئورۇنلۇق سۆزلەر بىلەن يىزىلغان ياخشى تىما، ھەممىلا كىشى مۇشۇنداق ئويلىسا  دۇنيادا ئىتىپاقلىق گۇللىرى پورەكلەيدۇ، لىكىن ئاڭلىق ئادەم ئۆزىنى تەكشۈرۈپلا، يامان ئادەم ئۆزى خاتالىق سادىر قىلغاندىن سىرت باشقىلارنى ئەيىپلەپلا ئۆتكەن، دۇنيا دىگەن ھەي...........................

zekiy

	ياخشى تېما ئىكەن.