تۇز: لەۋزىدە تۇرۇش ۋە پاراسەت

.tuz.

	ئەسسالامۇ ئەلەيكۇم بىر سودىگەر كۆز يۇمۇش ئالدىدا ئوغلىغا مۇنداق نەسىھەت قىپتۇ : ____ ئەگەر سەن تىجارەتتە ئۇتۇق قازىناي دېسەڭ بىرىنچىدىن لەۋزىڭدە تۇرۇشۇڭ ، ئىككىنچىدىن پاراسەتلىك بولۇشۇڭ كېرەك ،______ دەپتۇ . ئوغلى چۈشۈنەلمەي : _____ لەۋزىدە تۇرۇش دېگەن نېمە ؟ _____ دەپ سوراپتۇ . سودىگەر : _______ لەۋزىدە تۇرۇش دىگەن ، ۋەدىگە ئەمەل قىلىش ، مەيلى زىيان تارت مەيلى پايدا ئال ، توختام تۈزۈپ بولغاندىن كېيىن سىنى ۋەيران قىلىۋىتىدىغان ئىش بولسىمۇ لەۋزىڭدە تۇرۇپ توختامغا ئەمەل قىلىشىڭ كېرەك ، ___ دەپتۇ . ____ ئۇنداقتا پاراسەت دېگەن نېمە ؟ ___ دەپ سوراپتۇ ئوغلى . ____ پاراسەت دېگەن ، زىيان تارتىدىغان توختامنى ئىمزالىماسلىق ، تەپسىلى ھەر تەرەپلىمىدىن ئويلىنىپ ھۇشيار بولۇش ھەم تەدبىركار بولۇش ،_______ دەپ جاۋاب بېرىپتۇ . بۇ تېمىدىكى ھېكمەت : بۇ سودىگەر ئېيتقان قائىدە پەقەت سودا ساھاسىگىلا قارتىلغان ئەمەس . سىز باشقىلارغا ۋەدە بارگەن ئىكەنسىز ، مەيلى قانداقلا ئىش بولسۇن چوقۇم ۋەدىڭىزگە ئەمەل قىلىشىڭىز كېرەك . ناۋادا ئالاھىدە ئەھۋال بولسا ، ئۈن - تۈنسىز يوقاپ كەتمەي ياكى قىچىپ كەتمەي ئەھۋالنى سەمىمىلىك راستچىللىق بىلەن چۈشەندۈرۈپ قالغان ئىشلار ئۈستىدە يول ئىزدەش لازىم . ۋەدىنى قەسەم بىلەن ئوخشاش دەپ قاراپ قەتتى ئورۇنلاش كېرەك !         بەختنى ھېس قىلالايدىغان قەلبىڭىز بولسۇن باي ۋە كەمبەغەلگە ئائىت مۇنداق بىر ھېكايە بار : باينىڭ يۈزمىڭ يۈئەن پۇلى بار ئىكەن . كەمبەغەلنىڭ مىڭ يۈئەن پۇلى بار ئىكەن . باي بىلەن كەمبەغەلنىڭ ھەر بىرى بىر دانە ئوخشاش سوممىدىكى لاتارىيە بېلىتى سېتىۋاپتۇ ھەم ئىككىسى ئوخشاشلا مىڭ يۈئەندىن مۇكاپاتقا ئېرشىپتۇ . ئەمما ئوخشىمايدىغان يىرى شۇكى : كەمبەغەل خۇشاللىقتىن سەكرەپ كېتىپتۇ . چۈنكى ئۇنىڭ پۇلى بىر ھەسسە كۆپىيىپتۇ . لېكىن باي ئىسىل پىكاپ ياكى نەچچە ئونمىڭ يۈئەن پۇل چىقمىغىندىن ئەپسۇسلۇنۇپ ئېغىر ئۇھسىنىپ ئولتۇرۇپ كېتىپتۇ . بۇ تېمىدىكى ھېكمەت : ئاۋۇ سودىگەرگە ئېسىل پىكاپ ياكى نەچچە ئونمىڭ يۈئەن چىققان بولسا خۈش بولاتتى ، شۇنداقمۇ ؟! بەختتىن ھوزۇر ئىلىپ خۇشال بولۇشنىڭ ئاساسى بەختنى ھېس قىلالايدىغان قەلىبنىڭ بولۇش - بولماسلىقىدا . ماددى خۇشاللىق ئارقىلىق مەنىۋى خۇشاللىقنى قانائەتلەندۈرۈش ئەسلا مۈمكىن ئەمەس . بولسىمۇ ۋاقىتلىقلا ! شۇڭا سىزنىڭ قوغلىشىدىغىنىڭىز مەڭگۈ جەۋلان قىلىدىغان مەنىۋى بايلىق بولسۇن . شۇندىلا كۆڭلىڭىزنىڭ توقلىقىنى ، بايلىققا لىق تولغانلىقىنى ھېس قىلىسىز . ئاچ كۆزلۈكتىن خۇشاللىق نەچچە كۈنلۈك يىراقلىققا قاچىدۇ ..... مەنبە : ساغلام تەپەككۇر شىپاسى مۇنبەرگە ئاكتىپلاشتۇرۇپ يوللىغۇچى : تۇز 2015- يىلى 3- ئاينىڭ 16 - كۈنى ئەزىزانە شەھرى قەشقەر

.tuz.

	ئەسسالامۇ ئەلەيكۇم مۇشۇ مۇنبەردىمۇ لەۋزىدە تۇرمايدىغان بىر قىسىم مۇنبەرداشلىرمىز يوق ئەمەس ، با ! ئۇلار مۇنبەردە سەت - ھاقارەت بىلەن تىللىشىپ چەكلىنىپ كېتىدۇ . كېيىن چەكلەشتىن بىكار قىلىشنى تەلەپ قىلىپ  ، بۇندىن كېيىن مۇنبەردە جىدەل قىلمايمەن ، باشغقىلارنى ھاقارەت قىلمايمەن .... دەپ لەۋزى قىلىپ ، ۋەدە قىلىپ ، بىر نەچچە ۋاقىت ئۆتۈپلا لەۋزىدىن ، ۋەدىسىدىن يېنىۋىلىپ يەنى جىدەل قىلىدۇ . ھەممىمىز ۋەدىمىزدە تۇردىغان ئىسىل پەزىلەتلىك ئىنسانلاردىن بولايلى !

alhumar137

	لەۋزىدە تۇرالماسلىق بەزىدە ئادەت بولسىمۇ  بەزىدە مەلۇم ئىشلار سەۋەپلىك لەۋزىدە تۇرالماسلىققا  سەۋەپ بولۇپ قالدى ، بىزدىكى بىر مەسىلە ۋاختىدا چۇشەنچە بەرمەسلىك                لىكىن بۇمەسلىگە سەل قارساق بولدىغان مەسلە ئەمەس

hadrat

	لەۋھە ھەم ۋەدە قىلىدىڭىز دىگەن گەپ باشقىلارغا قەرىز بولدىڭىز دىگەنلىك،قەرىزنى تۈگەتمىسىڭىز ھەر ئىككى دۇنيادا ياخشى ئەمەس. ئەھمىيەتلىك تىمىڭىزنى ئوقۇپ سۈيۈندۇم،رەھمەت سىزگە...

zekiy

	ئېسىل تېما .

turmux.net

	كېيىنكى ھېكايەتنى بەك ياقتۇردۇم