شۈكران -رەنانىڭ تويى

YuqunAdam

	رەنانىڭ تويى گۈللەرنىڭ ھىدىنى پۇرىغان كىمۇ؟ تاغلارنىڭ چاكى-چاك يېرىلدى باغرى. تېنىمنىڭ قەسىرىدە بىرمۇ مېھمان يوق، بۇ ئالەم كىمگە تار، كىملەرگە كەڭرى. تاراملاپ ئاققىنى ياش ئەمەس، ئۇ قان! مۇزلىغان بەدەندە ئۇھسىرار پىغان. ‹گۈل› دېدىم ياپرىغى چىققان غۇنچىنى، نەشتىرى سانجىلدى، ئۇ ئىكەن جىغان. بەزلىدىم قانسىراپ قالغان يۈرەكنى، تەنلىرىم كۆيمەكتە بىر ئوتسىز تۈتۈن. يارلىرىم ساقايماس، تىتىلدى بەدەن، ئۆزۈمنىڭ ئىچىگە پاتمىدىم پۈتۈن. رەنانىڭ لەۋ ئىزى لىۋىمدىن ئۆچمىدى لىۋىنىڭ ئىزى، ھەسرەتنىڭ بورنىغا سېلىندى چۈلۈك. باغلىرىم قۇزغۇنغا توشتى لىپمۇ-لىق، بۇ ماڭا ھاياتتا نىمە كۆرگۈلۈك. بىر قېتىم، ئۇ مېنى سۆيمىگەن بولسا، بىر ئۈمۈر ھەسرەتكە باغلانماس ئىدىم. قۇرىغان قازاننىڭ تۇۋىقى يېپىق، بىر بوردا گۆشنى دەپ ياغلانماس ئىدىم. ئۇ مىنىڭ باغرىمغا ئۇردى بىر پىچاق، ئادەمسىز قاپقارا كېچە قوينىدا. نەپىسىم توختىدى كۆزۈم كۆزىدە، جۈپ قولۇم قېپقالدى ئۇنىڭ بوينىدا.

tumaris01

	لىرىك  چىقىپتۇ ، تېخىمۇ تىرىشقايسىز …

ۆمۈتۋار

	ياخشى يېزىلىپتۇ ياختۇردۇم

Bahadir717

	ياخشى يېزىپسىز

YuqunAdam

	رەنانىڭ كېچىسى رەنانىڭ كېچىسى مۇدىھىش شۇ قەدەر، ئ‍اسمىنى يۇلتۇزسىز بۇران غۇرقىرار. بۇلۇتلار يۇپۇرلۇپ كەلگەنچە دەھشەت، تاغلاردىن باغلارغا قىيان شارقىرار. قىياندا تاشلارغا سوقىلار جىسمىم، كېچىنىڭ تارايغان قىيناقلىرىدا. ئ‍وتسىراپ ياتىمەن ھېرىق ئ‍ايغىردەك، يېشىللىق قۇرىغان يايلاقلىرىدا. زەڭگەر كۆز باھارنىڭ كېچىسى قارا، دىۋانە كۆڭلۈمدە ئ‍ۇخلار ھاياجان. ئ‍ۇ ماڭا ياش تۆكۈپ ئ‍ۇزاتقان بولسا، ئ‍ۆچۈرىلگەن سىمايى قالار خىرامان. ئ‍ۆچلىگىم كېچىنىڭ ماڭغان ۋاقتىغا، شالپاقلاپ تۈگەتمەك بولۇنغىنى مەن. شىللەمدە ئ‍ولتۇرغان ئ‍ازاپ ئ‍ىگىسى، سۆيۈملۈك قاتىلىم مىھرىبانىم سەن.

زىبا.

	بەكلا   ئىسىل   ھە     ما   شېئىر   ،   شۇ   تاپتا   ھىس  -تۇيغۇلىرىمنى  پىچاق   بىلەن   تىلۋەتتىغۇ   ؟   يېزىڭ    شۈكران   ئەپەندى   توختىماي   يېزىڭ   ،   چۈنكى  دۇنيادا   ئېيتىلمىغان   ناخشىلار   بەك   كۆپ  .

YuqunAdam

	رەنانىڭ سەھىرى رەنانىڭ سەھىرى سوغاقتۇر سوغاق، ئ‍اخشامقى ئ‍ۆردەكنىڭ بىرى تۇتۇلغان. سوغاننىڭ يىپىدا پالاقلاپ ياتقان، بىر ئ‍ۆردەك مەقسەتسىز تاشلىنىپ قالغان. جۈپتىنى تاشلىغان ئ‍ەركەك ئ‍ۆردەكنىڭ، نالىسى بولسا گەر كۈتەتتى ئ‍ۇنى. بىرلىرى  بوينىدا سىرتماق بىلەن، بىرلىرى پەرۋاسىز قورقىغان ئ‍ىدى. مەن بولسام شۇ ئ‍ۆردەك سەھەر قوينىدا، باقىگە ئ‍ۇزۇتۇپ ياتاتتىم بىرگە. سوغانكەش پىچاقنى گېلىمغا ئ‍ۇرسا، مۇرادنى سەن بىلەن تاپاتتىم بىرگە. سەھىرىڭ سوغاقكەن ئ‍وت باغرىمدا قان، جۇش ئ‍ۇرۇپ ئ‍ەزۋەيلەپ سوقماقتا تومۇر. ئ‍ەپسۇسكى تۆشەكتە قالغىنىم يالغۇز، كۆز يېشىم قۇرىماستا تاڭ ئ‍اتار بالدۇر. كېچەلمەي سېنىڭدىن ئ‍ۆتسەم بىر ئ‍ۈمۈر، يىپىڭنى تۇتقۇزۇپ ئ‍ۇچساڭ لەگلەكتەك. ھاياتنىڭ ئ‍اتلىماي بوسۇغىسىدىن، قولۇڭدا تاسقالدىم بولۇپ ئ‍ەگلەكتەك. ئ‍ەزاننىڭ ئ‍اۋازى ئ‍اڭلاندى مانا، سەھىرىڭ كۆزۈمدىن ئ‍ۇچۇدۇ يىراق. بىر گۈلنىڭ سۇلاشقان تۇرقىنى كۆرۈپ، بېغىڭدا نىمجاندەك ياتىمەن، بىراق …

YuqunAdam

	رەنانىڭ ئ‍ەتتىگىنى باغلاردا قاغجىراپ ياتقان بۇلبۇلنىڭ، يۈرىكى قان زىدە، قانىتى سۇنۇق. ئ‍ېچىلماي قۇرىغان گۈلنىڭ شېخىدا، ياتىدۇ بىر پاتمان ئ‍ازاپ، قورققۇلۇق. ئ‍ىنتىزار كائىىنات قوياشقا شۇتاپ، مۇزلىغان كېچىنىڭ ئ‍ىرىسۇن تىنى. گاچچىدە ئ‍ۆلتۈردىم شەيتاننى بوغۇپ، نەملەنسۇن قۇرىغان ئ‍ېرىقنىڭ لىۋى. بوراننىڭ ئ‍ەپتىدىن قالمىدى ئ‍ەسەر، دوقمۇشقا تۆت ئ‍ايال راسلىسا ئ‍ورۇن. مەن دېدىم رەنانى چۇۋۇيدۇ بۇلار، غەيۋەتتىن ئ‍ەمدىلە قىزىيدۇ سورۇن. يىقىلدى بۇلبۇلنىڭ يېرىلىپ پوكىنى، قۇرىغان گۈل كۆكلەپ چىققان چېغىدا. ئ‍ازاپنىڭ يۈرىكى تاشتۇر بەك قاتتىق، ھەسرەت بار كىرسىڭىز خەقنىڭ بېغىدا.