نېمە ئۈچۈن خىزمەتچىلەردە ئاكتىپچانلىق يوق

Ozturk001

	بەزى ئىشلار  بىزنى خۇشال قىلىدۇ ۋەتەسىرلەندۈرىدۇ، يەنە بەزى ئىشلار بىزنىڭ ئاكتىپچانلىقىمىزغا تەسىر كۆرسىتىدۇ. ئەگەر سىز خىزمەتچىلىرىڭىزگە ساغلام تەرەققى قىلىدىغان مۇھىت ھازىرلاشنى ئويلىسىڭىز، چوقۇم خىزمەت  مۇھىتىڭىزدا خىزمەتچىلەرنىڭ ئاكتىپچانلىقىغا تەسىر كۆرسىتىدىغان  ئامىللار بار-يوقلىقىنى تەكشۈرىشىڭىز كېرەك. 1.   ھىيلە-مىكىرسى بار كىشىلەر؛ ئەگەر سىزبۇنداق كىشىلەر بىلەن ئىشلەپ باققان بولسىڭىز، ئۇلارنىڭ قانچىلىك قورقۇنۇچلۇقلىقىنى،ئۇلار بىلەن ئالاقە قىلىشنىڭ زېھنىڭىزنى ئىسراپ قىلىشتىن باشقا ئىش ئەمەسلىكىنى ئوبدان بىلىسىز. بۇنداق كىشىلەر يوقلاڭ تەشۋىقاتلارنى قىلىپ باشقىلارنىڭقىزغىنلىقىغا تەسىر كۆرسىتىدۇ. شۇنىڭ ئۈچۈن ئالدى بىلەن مۇشۇنداق كىشىلەرنى كۆزدىنيوقىتىڭ. 2.  كەسپى جەھەتتىن تەرەققى قىلالماسلىق؛ ھەر بىرخىزمەتچىگە  ئۇلار كەسپى جەھەتتىن تەرەققى قىلالىغۇدەك مۇھىت يارىتىلىپ بېرىلىشى كېرەك، شۇنداقلا خىزمەتچىلەرگە ئۇلارنىڭ كەسپى تەرەققىياتىغا مەبلەغ سېلىۋاتقانلىقىڭىزنى بىلدۈرىشىڭىز كېرەك. 3.   ئەركىن پىكىر قىلالماسلىق؛ ئەركىن پىكىرقىلىش كىشىلەرگە بىر يۆلىنىش كۆرسىتىپ بىرىدۇ ھەمدە زېھنىنى قىلىۋاتقان ئىشىغا مەركەزلەشتۈرەلەيدۇ. ئەگەر خىزمەتچىلەر ئەركىن پىكىر قىلالمىسا، ئۆز-ئارا چۈشۈنۈش كەمچىل بۇلۇپ خىزمەت ئۈنۈمى تۆۋەن بۇلىدۇ. 4.   ۋاقىت ئىسراپچىلىقى؛ ئەگەر سىز ئەھمىيەتسىز يىغىنلارنى تولا ئېچىپ، مۇھىم ئەمەس ئۇچۇرلارنى ھەربىر ئادەمگە يوللىسىڭىىز، خىزمەتچىلىرىڭىز چوقۇم بىئاراملىق ھېس قىلىدۇ، ئۇلارنىڭ ۋاقتىنى قەدىرلەش ئارقىلىق ئۇلارغا ئەھمىيەت بىرىدىغانلىقىڭىزنى بىلدۈرىشىڭىز كېرەك. 5.   ئالاقە بولماسلىق؛ ئەگەرخىزمەتچىلەر ئارىسىدا ئالاقە يىتەرلىك بولمىسا، چۈشۈنىش بولماي كۆپىنچە ۋاقىت باشقىلارنىڭ نېمە ئىش قىلىۋاتقىنىنى بىلىش بىلەن ئۈتۈپ، مۇھىم ئىشلار قالىدۇ. شۇڭا خىزمەتچىلەر ئارىسىدا ئورتاقلىقنى، چۈشۈنىشنى ئالدىنقى ئورۇنغا قۇيۇش كېرەك. 6.   قارىغۇلارچە باشقۇرۇش؛ ئەگەر سىز قارىغۇلارچەئۆز كۆز-قارشىڭىز بويىچە ئۇلارنى باشقۇرسىڭىز، ئەكسىچە ئۇلارنىڭ ئۆچمەنلىكىنى قوزغاپ قويىسىز. ھەمكارلىق ۋە توغرا مەبلەغ سېلىش قانچە كۆپ بولغانسىرى، خىزمەتچىلەرنىڭ ئاكتىپچانلىقىمۇ شۇنچە يۇقىرى بولىدۇ. 7.  بىلىمدىن ھوزۇرلىنىشنى بىلمەسلىك باشقىلارنىڭ تىرىشىپ ئىشلەپ ئېرىشكەن نەتىجىلىرى ئېتىراپ قىلىنىپ رىغبەتلەندۈرۈلمىسە، رەھمەت ئېيتىلمىسا ئۇلارنىڭ قىزغىنلىقى تۆۋەنلەپ كېتىدۇ، شۇڭا دائىم «رەھمەت» سۆزى بىلەن خىزمەتچىلەرنى مۇكاپاتلاپ تۇرۇڭ. 8. ناچار باشلىق؛ ناچار باشلىق ھەربىر خىزمەتچىگە، ھەتتا ئومۇمىي كوللېكتىپقا زىيان سالىدۇ، ھەرقانداق بىرخىزمەتچى ياخشى بىر باشقۇرغۇچىغا مۇھتاج، شۇنىڭ ئۈچۈن ئالدى بىلەن ئۆزىڭىزنى تۈزۈتىڭ. ئەگەر سىز يۇقارقى مەسىلىلەرنى تۈزىتىپ، خىزمەتچىلەرگە ياخشى مۇھىت ھازىرلاپ بەرسىڭىز، خىزمەتچىلىرىڭىزنىڭ ئاكتىپچانلىقى داۋاملىق ئاشىقۇسى.    ئۆزتۈرك كارخانا باشقۇرۇش مەسلىھەتچىلكى www.ozturkbiz.com

IZDIGUQI

	دىگەنلىرىڭىز توغرا قوللايمەن ! !

kumkazi

	ئاكتىپ ئىشلەپ بەكلا چارچىدى ،  ئارام ئالغىم ، جەمىيەتنىڭ ‹‹ئېقىمى››غا كىرىۋالىم كەلدى، لىكىن ئوقۇتقۇچى دىگەن بۇ نام ، تىكىلىپ تەلمۈرۈپ تۇرغان قارا كۆزلەر مىنى ئارام ئالدۇرمىدى ، ئىشلىگەنسىرى روھلىنىپ كېتىۋاتىەن ،باشقا كەسىپتىكىلەر ساختا ئىشلىسە بولىدىكەن ، لىكىن ئوقۇتقۇچى ساختا ئىشلىسە ئەۋلادلارغا زىيانكەشلىك قىلغان بولىدىكەن ، بۇ ئۆمۈرۈم مۇشۇنداق ئاكتىپلىق بىلەن ئۆتىدىغان ئوخشايدۇ ...

mahdi99

	ھىلىقى بىرگەپ بارغۇ،پولاتتەك تۈزۈم بولمىسا ،قانداق قوشۇن بولمايدۇ  دەپچۇ،شىركەت تۈزۈمى قانچە قاتتىق بولسا ئىلغارلا قىلىپ،ناچارلار شاللىنىپ كىتىدۇ،داۋاملىق «تاسقاش»كىرەك؛ئەلۋەتتە تەمىنات ،تەرەققى قىلىش پۇرسىتى بولۇش كىرەك،بولمىسا ئىقتىساسلىقلار تۇرمايدۇ شىركەتتە

ئارزۇ01

	ئورۇنلۇق گەپ، گەرچە خزمەتچى بولمىساممۇ ھىس قىلالايمەن

mamatkurban

	ئۇرۇنلۇق مۇلاھىزە

mastana888

	ياخشى ماقالە بوپتۇ بايان قىلغان پىكىرلىرىڭىز تامامەن ئورۇنلۇق

babur99

	mahdi99 يوللىغان ۋاقتى  2015-3-8 08:33 AM ھىلىقى بىرگەپ بارغۇ،پولاتتەك تۈزۈم بولمىسا ،قانداق قو ... پولاتتەك ئىنتىزام ئاستىدا ئالتۇندەك غەلبە ياتىدۇ .

babur99

	kumkazi يوللىغان ۋاقتى  2015-3-8 04:56 AM ئاكتىپ ئىشلەپ بەكلا چارچىدى ،  ئارام ئالغىم ، جەمىيەتن ... قېرىندىشىم سىزدىگەندەك ئوقۇتقۇچىلار ئارىسىدىلا ئەمەس ھەممە تارماقتا پارازىتسىمان خزمەتچىلەر بار ،قولىدىن ئەىش چىقمايدىغان ياكى خۇپسەنلىك بىلەن ھېچنىمىنى بىلمەيدىغان بولۇۋېلىپ ئىدارىسىدە بار-يوقنىڭ ئارىسسدا يۈرۈپ مۇئاشنى تولۇق ئېلىپ بەخىرامان ياشايدىغان ،بۇنداقلار بۇرۇنمۇ باركەندۇق ،ھازرمۇ بار ئەگەر ئالدىمىزدىكى كەسىپي -مەمۇرىي ئورۇنلار  ئىسلاھاتىدا مۇشۇ شىتات دىگەن نەرسە ئەمەلدىن قالدۇرلۇپ ،مەركەزدىن يەرلىككىچە بولغان ھەممە كادىر توختاملىق ياللانما ئاق ياقىلىقلارغا ئۆزگەرمىسە كەلگۈسىدىمۇ يەنە مەۋجۇت بولىىدۇ دەپ قارايمەن . گېپىڭىزگە قارىغاندا خزمەتكە بولغان مەسئۇليەتچانلىق پوزىتىسيمىز ئوخشاشكەن ،ئۆزەمنى ماختىغىنىم ئەمەس مەنمۇ ئۈچ خزمەتدىشىم ئىنجىقلاپ ئاران ھۆددىسدىن چىقىدىغان خزمەتنى بىمالال ئېلىپ بېرىمەن .ئەتراپىمدىكى خىزمەتداشلارغا قارىسام ئېچىم پۇشۇپ قالىدۇ . تېخمۇ يامىنى شۇكى يېڭى خىزمەتكە قاتناشقان ياش بالىلارمۇ  بۇنداق مۇھىتتا ئاسانلا شۇنداق پارازىتلىققا كۆنۈپ قالىدىكەن . شۇلارنىڭ تۆھپىسى بىلەن بىزنىڭ بالىلارنى مەسئۇليەتسىز ،خزمەتنىڭ ھۆددىسىن چىقالمايدۇ دىگەنگە نەق ئىسپات تەييار بولغاچقا ،ئون ئادەم ئالسا بىرەرى بىزدىن بولسا چوڭ ئىش بولۇپ قالدى ،لېكىن بىزنىڭ خزمەتداشلارنىڭ بۇرنىغا يەنىلا سۇكىرمەيدۇ ،مۇشۇنداق لامزەللىكىمىز كېيىنكىلەرنىڭ بۇ ئورۇنغا خزمەتكە ئېلىنىش  يولىنى توسۇپ قويىدغان باھا نە بولۇپ قالمىسۇن دىگەننى ئويلايدىغانلار يوق ھېساپتا ...دەپ كەلسەك گەپ جىق قالغىنى سىزگىمۇ مەلۇم. ئاكتىپ ئىشلىگەنلەرگە چوڭ بولسا يىل ئاخرىدا ئىلغار دىگەن لەۋھە بىلەن بىرەر مىڭ كوي مۇكاپات بار ،ئەلۋەتتە نىمە خزمەت قىلايلى مۇئاشنى ھالاللاپ ئالايلى ، ئاددىي خزمەت ئورنىمىزدا بولسىمۇ خەلقىمىز ئۈچۈن قولىمىزدىن كېلىشچە خزمەت قىلىپ قويايلى ،بىزخەقنىڭ باشقىلار ئالددىكى ئىناۋەت -ئېتىبارىنى يۇقىرى كۆتۈرۈپ قويايلى دېمسەك  بۇنداق جاننى ئۇپرتىپ يۈرمەيتۇق. نۇرغۇن پېنسىيىگە چىققان خىزمەتچى -ئەمەلدارلارنى بىلىمەن  ،بەزىلىرى ھەتتا شىڭشىسەي  ،گومىنداڭ ،كومپارتىيە قاتارلىق نەچچە دەۋر ،نەچچە ھاكىميەتكە خزمەت قىلىپ ئۆتكەنلەر ،قانچىسىگە خەق قاراپمۇ قويمايدۇ ،توي -نەزلەردە چاقچاققا يۆلەپ  بولسىمۇ بۇرۇنقى نەپسانىيەتچىلكى ،ئەلگە قىلچىلىك نەپ يەتكۈزمىگىننى يۈزىگە سېلىپ لەت قىلىدۇ    ،قارىسام بۇنداقلارنىڭ قىلمىشلىرى ئۆزىگە مەلۇم  بولغاچقا  پېنىسيگە چىققاندىن كېيىن تۆت ئادەم بار يەرگە بېرىشتىمۇ ئۆزىنى قاچۇردىغان بولۇپ قالدىكەن ،ئەلنىڭ نەزىرىدىن چۈشۈپ قالدىكەن . يەنە شۇنداق كىشلەرمۇ بار ،مەيلى خزمەت قىلغان چاغلاردا بولسۇن مەيلى پېنسىيگە چىققاندا بولسۇن  كىشلەر 30مېتىريەردىن يۈگرەپ كېلىپ ھۆرمەت بىلدۈرىدىكەن ،ساقسىز بولۇپ قالسا جامائەت مەسچىتلەردە خالىس  دۇئا قىلدىكەن ،ۋاپات بولسا يەتتە كۈنلىك نېرىدىكى ئاڭلىغاننىڭ ھەمممسى كېلىدىكەن .دىمەك قانداق دەۋردىكى قانداق ھۆكۈمەتتە ئىشلىسۇن  ئەل ئۆزىگەخىزمەت قىلغاننى ھەرگىز  ئۇنتىمايدۇ . باشلىقنىڭ ماختىشى ،يىللق مۇكاپات دىگەنلەر نېرى تۇرسۇن ،بىر ۋىجدان ئىگىسى ئۈچۈن ئەلنىڭ رەھمەت -دۇئاسدىن ئارتۇق نىمە بار دەيسىز ؟ شۇڭا بۇرادەر ، مەيلى سىزبىزدەك ئاددىي خىزمەتچى بولسۇن ياكى قوشۇقنىڭ سېپىچىلىك ئەمەل تۇتقانلار بولسۇن  قولىمىزدىن كەلگىنىچە  ئەل -يۇرتقا خزمەت قىلىپ قويساق ھېچ بولمىغاندا مەيدىمىزنى تىك تۇتۇپ ياشاپ دۇنيادىن كېتەلەيمىز .

15001506547

	mahdi99 يوللىغان ۋاقتى  2015-3-8 08:33 AM ھىلىقى بىرگەپ بارغۇ،پولاتتەك تۈزۈم بولمىسا ،قانداق قو ... بۇ  دىگەن  تۇزۇم دەپ  ھەممىنى بىرتاياقتا ھەيدەۋەرسە ئىش ئۇنۇمىگە يەنىلا  پايدىسىز