بەخت تىلىگۈچى(ئەسەبىي=ئەسرار)

ئەسەبىي

	(خورلانغان قىز-ئاياللارغا بېغىشلايمەن) بەخت ئىشىكىڭنى چەكمەكچى ،جىنىم، كۈتۈۋالغىن تەبەسسۇم بىلەن. رىياللىققا يۈزلىنىپ تۇرۇپ، ئاشىقىڭغا نازلىنىپ تۇرۇپ. بەزىدە سۆيگۈ دېگەن بىرتىيىنغا ئەرزىمەس نەرسە، ئوۋچى-ئوۋ ئارىسىدىكى مۇناسىۋەتتە. ئالدىنىش،            ئالداش،                       ئالدىنىش , ئايلىنىپ يۇرسىمۇ تەكرار ۋە تەكرار، ساڭا بەخت تىلەش ئالدىدا قىيماسلىق ئىلىكىدە مەجبۇرمەن،مەجبۇر ئىتتىرىپ قويۇشقا ياتنىڭ قوينىغا. ئېغىزى سۈت پۇراپ تۇرغان يۈرىكىمدە ھەم ئالدانغان،خورلانغان،تاشلانغان سەن بار. ئۆزىنى ئادەم دەپ ئاتىۋالغانلار، ئۆزىنى ئەركەك دەپ چاغلايدىغانلار... لىۋىڭدىن قانغۇچە ھوزۇر ئالغانلار كىتىپ بارار ۋىجدانسىز پىتى. قىنىقلاپ بارماقتا نەپرەتنىڭ رەڭگى. تاڭ سۈزۈلمايۋاتقان خۇمارلىق تۈنلەردىن كىچەلمەيۋاتقان سەن يوق بولساڭمۇ بەخت بار يەردە، تەقدىرىڭ ھەققىدىكى بىشارەتلەردەك، غۇچچىدە بىر گۈل ئېچىلىپ قالدى چاك-چاك يىرىلغان قەلبىمدەك ئۈمچەيگەن،چىشلەنگەن ئاقۇچ لىۋىڭدەك. مەن ئۈنسىز بەخت تىلىگۈچى بۇيەردە، پەرق قىلساقمۇ ،كېچىمىزنىڭ ئوخشىماسلىقى بىلەن، جىنسىمىزنىڭ ئوخشىماسلىقى بىلەن. پىشانەڭنى يورۇتقان قوياش ئىككىمىزدە بىر ئازاپ ئوخشاش، بەخت بەختىڭگە قوشۇلغان  كۈندە. قارا چاڭگاللىرىنى سوزۇشۇپ سېنى يەنە ئالدىماق بولغانلار، پۇشايمان قىلسىمۇ ياقا يىرتىپ، كۆزلىرىدىن چىقماس بىر تامچە. نەپرىتىڭگە نىشان بولغانلار ئەبەدىي كۈلەلمەس ئىنسانچە. بارچە پاكلىقى دەپسەندەبولغان، ئالدانغا، خورلانغان،ئۇلۇغ ئاياللار ئىچ-ئىچىدىن ۋىلىقلاپ تۇرۇپ، قۇلىقىڭغا شىۋېرلاپ تۇرۇپ بولار ساڭا بەخت تىلىمەك ، ئاق لىباسنىڭ ئىچىدىكى سەن ، كىرىپ كەتكەن چاغدا ھۇجراڭغا. ئەي،دۇنيا....... ئاياللارغا چاڭگال سۇنۇپ يەنە ئىگە بولالمىغان ئەرلەر كىسىۋىتىڭلار...... ئۆزۈڭلارنى ئەر دېمەڭلار. ئەي،بەختى پايخان بولغان قىز-ئاياللار، ئىگە-چاقىسىزلار،                              نارسىدىلەر. سىلەر بىگۇناھ، سالاھىتىمىز يوق دەپ قارىساڭلارمۇ، بىر ئۆمۈر ئۆزۈڭلارنى ئاقلاشقا، سىلەر تونۇمايدىغان ۋىجدانلىق ئەرلەر غەزەپ بىلەن ئوقۇيدۇ لەنەت دىلى قارا ئەركەك ھايۋانغا..... 2015-1-13

feruq

	ئاجايىپ ئېسىل شېئىر، ئادەمگە ئىستېتىك زوق ئاتا قىلىدىكەن.

mastana888

	ياخشى يىزىپسىز

samitursun

	ئىلھام دىگەن با يەردە بار ئىكەن ھە! ياقتۇردۇم.....

TATLIHIM

	ياخشى يېزىلغان شېئىر ئىكەن.

tumaris01

	بەك ياخشى يېزىلغان شېئىر ئىكەن ، خۇددى مېنىڭ كۆڭلۈمدىكىدەك گەپلەرنى شېئىرى تىل ئارقىلىق ئىپادىلەپسىز  ، خورلانغان ئاياللارنىڭ كۈلىدىغان چاغلىرىمۇ كېلەر . چۈنكى بىر خار بولغان ، يەنە بىر كۈنلەردە ئەزىز بولىدۇ ،چۈنكى، بۇ شۇنداق جاھان ............

magrurjan

	بارىكاللا ئىسىل چىقىپتۇ ھۇزۇر ئالدىم.