كارخانىچىلار سەپىرى - 2- ئادىل نىياز بىلەن سۆھبەت

Misranim2

	ئەسسالامۇ ئەلەيكۇم قېرىنداشلار، شىنجاڭ ئۆزتۈرك مەبلەغ سېلىش باشقۇرۇش مەسلىھەتچىلىك چەكلىك شىركىتى بىلەن ھەمكارلىشىپ ئىشلەپ كېلىۋاتقان «كارخانىچىلار سەپىرى» پروگراممىسىنىڭ ئىككىنچى سانىدا ئىقتساد پەنلىرى دوكتورى، شىنجاڭ ئۆزتۈرك مەبلەغ سېلىش باشقۇرۇش مەسلىھەتچىلىك چەكلىك شىركىتىنڭ قۇرغۇچىسى مۇھەممەد ياسىن ئەپدندىم بىلەن، شىنجاڭ ئەلنۇرى يېزا-ئېگىلىك تەرەققىيات چەكلىك شىركىتىنىڭ قۇرغۇچىسى ئادىل نىياز ئەپەندىمنىڭ سۆھبىتىنى ھوزۇرۇڭلارغا سۇندۇق. سىن ھۆجەتنىڭ تەستىقلانمىغانلىقى سەۋەبىدىن ۋاقتىدا يوللىنىلماي قالدى، بۇندىن كېيىن توختاۋسىز تىرىشىپ، سىلەر ئۈچۈن تېخىمۇ ياخشى، سۈپەتلىك، مەزمۇنلۇق «كارخانىچىلار سەپىرى»  پروگراممىسىنى ئىشلەپ مىسرانىم تورى (www.misranim.com) ۋە ئۆزتۈرك كارخانا مەسلىھەتچىلكى سىن فىلىمى تۆۋەندىكىچە

TATLIHIM

	بۇ ئاكىمىز بىلەن بىر يۇرتلۇق ئىكەنمىز،بۇنىڭدىن كېيىنكى ئىشلىرىنىڭ ئۇڭۇشلۇق بۇلۇشىنى تىلەيمەن.

akkani

	ئەلنۇرىغا زىيارەت ئاپتۇرى: ئابدۇۋەلى راخمان ھەققانىي ** ئەلنۇرىغا قىزىقىپ،قىلدىم بۈگۈن زىيارەت، بولدۇم مۇشۇ چاغقىچە،كۆرمىگەنگە خىجالەت. ** نۇر بىرىپتۇ يولىغا،كۈچ بىرىپتۇ قولىغا، دائىم ئەلنى ئويلىغان،مۇشۇ ئەۋزەل سىياسەت. ** تىك كۆتۈرۈپ قەددىنى،سىن قوشۇپتۇ غىڭ سايغا، كۆردۈم مانا بىر-بىرلەپ،ئىش تۇتۇپتۇ كارامەت. ** ئۇقسام شىركەت قوينىدا،سەكسەن ئادەم بار ئىكەن، ئىشسىزلارغا ئەلنۇرى،دەپتۇ؛«ئىشلەڭ،مەرھەمەت!» ** راۋاج تېپىپ ئىشلىرى،ئىلگىرلەپتۇ كۈنسىرى، مىھمان ساراي،ئاشخانا-ئاقسۇدىكى«سەلتەنەت». ** ئۆز كۆزۈمدە كۆردۈممەن،مەھسۇلاتى ساپ ئىكەن، شوڭا روناق تېپىپتۇ،ئۇلار قىلغان تىجارەت. ** شىركەت ئالغان لەۋھەلەر،تىزىلىپتۇ قاتارى، كۆز تىكىپتۇ ئۈرۈمچى،ھەتتا ئوبلاست،ۋىلايەت ** ئاسان ئەمەس مۇنچىلىك ئىش قىلماقمۇ ئەسلىدە، بارغۇ بىزدە ۋەيران باي توغرىسىدا ھىكايەت. ** زەپەر قۇچتى ئەلنۇرى،بىرلا سەۋەپ شۇ مەنچە، باردۇر لەۋزى ھالاللىق،خېرىدارغا ساداقەت. ** ئىزدىنىپتۇ ئاجايىپ،نەزەر سېلىپ يىراققا، ئىش قوشۇپتۇ چىلان ھەم چامغۇرغىمۇ كارامەت. ** ئۇنغا قوشماي ئاقارتقۇچ،كۆپتۈرگۈچ ھەم سوزارتقۇچ، شوڭا ئۇنى يىگەننىڭ بولدى تىنى سالامەت. ** مەرۋايىتتەك دانلىرى ئەلنۇرىغا كەلگەندە، شىلدىرلىدى خۇشلۇقتىن ئېتىزدىكى زىرائەت. ** «راستلىقى كۆپ كىشىنىڭ.دوستلىغى كۆپ» دەيدىغان، بارغۇ بىزدە بۇرۇندىن قالغان ھېكمەت-رىۋايەت. ** خالى گۇمان-شۈبھىدىن،مەھسۇلاتى ئىشەشلىك، ھالاللىقتىن-پاكلىقتىن،تاپتى ئابرۇي-ئىناۋەت، ** ئەلنۇرىنى چۈشەنگەچ،ھاياجانلىق ئىلكىدە، قولغا قەلەم ئالماققا،بولدۇم مەنمۇ بى تاقەت. ** ئەھلى ئىكەن باش لېدىر،ئەسلى ئەخلاق-ئىلىمنىڭ، شوڭا تەلەي ئوڭ كەپتۇ،،نۇرلىنىپتۇ ھىدايەت. *** ئۈگەنگەچكە تىرىشىپ،ئېختىسادنىڭ ئىلمىنى، كۈندىن-كۈنگە ئېشىپتۇ، ئۇندا ئەقىل-پاراسەت. ** چىن يۈرەكتىن ئۈمۈدىم: روناق تېپىپ تېخىمۇ، نىسىپ بولغاي مەڭگۈلۈك،ئەلنۇرىغا قوش ئامەت! ***

tura-ogli

	مىسرانىم تور بېكىتى بىزدەك ئوقۇرمەنلەرنى ياخشى ئىش -پائالىيەت،ئەلگە نەپ يەتكۈزۈۋاتقانلار  بىلەن تور يۈزىدە كۆرۈشتۈرۈپ ياخشى قىلىۋاتىدۇ. بۇ مۇناسېۋەت بىلەن مىسرانىم تور بىكىتىدىكى بارلىق خىزمەتچىلەرگە ئاپىرىن! ھارمىغايسىلەر.

tura-ogli

	مەن ئۆز تۈرك شىركىتىنىڭ ياخشى ئىش -پائالىيەتلىرىنى تەشۋىقات ۋاستىللىرىدىن دائىم كۆرۈپ كېلىۋاتىمەن،ئەل ئۈچۈن باسقان قەدىمىڭلاردىن گۈللەر ئۈنسۇن

mastana888

	ياخشى ئىش ئۈزۈلمىگەي

tura-ogli

	مەن ئەلنۇرى شىركىتىنىڭ قۇرغۇچىسى ئادىل ئاكام بىلەن بىر ناھىيىدىن بولغاچقا، بۇ شىركەتنىڭ ئەھۋالىنى ناھايىتى ئوبدان بىلىمەن .بۇ شىركەت كىچكلىكتىن زورىيىپ كۆلەملەشكەن،ئاپتۇنۇم رايۇنىمىزغا يۈزلەنگەن كارخانىغا ئايلاندى.ناھىيمىزدە كارخانا يوق بولۇش تارىخىغا خاتىمە بىرىپ قەد كۆتۈردى،ئابدۇۋەلى ئاكام دىگەندەك غىل سايلىقتا قەد كۆتۈردى. بۇ كارخانىنىڭ ساخاۋەتلىك ئىش-ئىزلىرىمۇ ناھايىتى كۆپ.بۇنىڭدىن كىيىن بۇ كارخانىنىڭ «ئەلنۇرى» ماركىسىدا سانائەت مەھسۇلاتلىرىغا يۈرۈش قىلىشىنى ، ناھىيمىزدىكى قۇرۇلۇش ئالدىدا تۇرۇۋاتقان تۈرلۈك كوپىراتىپ ۋە مىللىي كارخانىچىلارغا باشلامچى بولۇشىنى ،ئەلگە ھەقىقىي نۇر ئادا قىلىشىنى ئۈمۈد قىلىمەن.   ئادىل ئاكا سىزگە بىر تەكلىپ بېرەي ئورۇنلۇق بولسا قۇبۇل قىلىڭ سىز كەلپىن خەلقىگە باش بولۇپ «مەرىپەت » فوندى جەمئىيتى قۇرۇپ چىقسىڭىزكەن دەيمەن. بۇنى تۈرلۈك ئالىي مەكتەپلەرگە ئۆتكەن،ئائىلە قىينچىلىغى بار ئوقۇغۇچىلارغا ۋە ئالىي مەكتەپ پۈتتۈرۈپ ئاسپىرانلىق،دوكتۇرلۇقتا ئوقۇۋاتقانلارغا ئىشلەتسەك دەيمەن. مەن بىر خەلق ئوقۇتقۇچىسى بولغاچقا بۇ ئىشنى كۆپ ئويلايمەن،ئوقۇغۇچىلار تۇلۇق 3-يىللىققا چىققاندا ئائىلە قىينچىلىغىنى ئويلاپ ئوقۇشنى خالىماي تۇرۇلىدۇ. مۇشۇ ئىشنى كۆزدە تۇتۇپ بىز ئاغىنىلەر «تاغ بۇلاق» مائارىپ فوندى جەمىيىتىنى قۇرۇپ 2005-يىلدىن باشلاپ ھەريىلى ياردەم قىلىپ كېلىۋاتىمىز، لىكىن ئاز بولۇپ قېلىۋاتىدۇ،بولسا ناھىيە تەۋەسىگە يۈزلەندۈرسەك دىگەن ئۈمىدتتە ئىدىم . م

tumaris01

	ياخشى ئىشلار ئۈزۈلمىگەي

Abdul

	بۇ پروگراممىنىڭ يولغا قويۇلغىنى ناھاىتى ياخشى بوپتۇ ، مىسرانىم تورى بولمىغان بولسا مەن ئەلنۇرى شىركىتىنىڭ قانداق بارلىققا كەلگىنىنى بىلمەيتىم ، شۇڭا مەن بۇ تېمىدىن نەپ ئالدىم