تەمبۇر

KUMALTAGH

	تەمبۇر (مۇخەممەس ) ئەمەتجان زۇنۇن ئارتۇچ گويا بۇلبۇل بولۇپ خەندان ئەجەپ سايرايدىكەن تەمبۇر ، كۆڭۈل ئوخشاش تېشىپ قايناپ ھامان مۇڭلايدىكەن تەمبۇر ، ئەلەم دەرتلىك پىغان ئۆرلەپ ئۆزى يىغلايدىكەن تەمبۇر ، تېپىپ شاتلىق قەدىم كۈيدىن بەخىت خالايدىكەن تەمبۇر ، باھار ئېللىق ھاۋاسىدەك ھوزۇر چىللايدىكەن تەمبۇر . ئۇلۇغ ئەجداد كامالىدىن يېغىپ بەركەت مۇقام جەۋلان ، پايانسىز ئىز ئەجىر بىرلە كۈيى جانغا ئارام دەرمان ، ئۈمىد دەرياسىدا جۇشقۇن ياساپ دولقۇن سۈزۈك ئاققان ، ھايات رىشتىگە جان قاتقان مۇھەببەتتىن سۇنۇپ ئارمان ، ئەسىرلەردىن بولۇپ دىلكەش پەقەت ھارمايدىكەن تەمبۇر . پۈتۈن ئىقلىم تامامىدىن تاراپ نۇردەك سۇنۇپ شاتلىق ، مىراس سەنئەت تۇمارىدىن پۈتۈپ ھىكمەت ئاھاڭ ئاتلىق ، ئاشىقلىقنىڭ جاپاسىدىن كەبى قالغان كى مۇشتاقلىق ، غېرىب يۇتقان ئېغىرھىجران دالاسىنى قىلىپ باغلىق ، قۇياش يەڭلىغ سۈزۈك تاڭدەك ئىشىق باغلايدىكەن تەمبۇر . سۈيۈنگەندىن بۇلاقتەك كۈي بولۇپ شەربەت سىڭىپ كەتكەن ، ئېسىل دىللار ھوزۇرىدىن بۈيۈك ھىممەت بەخىش ئەتكەن ، ئۇنىڭ خۇشبۇي خۇمارىدىن سازەندىلەر بىلىپ يەتكەن ، ئەزىز خەلقىم مەنىۋىيەت روھىغا گۈل نەقىش چەككەن ، تارى بىرلە چىكىپ دىلنى ۋىسال ساقلايدىكەن تەمبۇر . مەنبە ؛ ئىجادىيىتىم

nasif

	ياخشى چىقىپتۇ. بولسا مەرھۇم نۇرمۇھەممەت تۇرسۇننىڭ مۇزىكىلىرىدىن بىرەنى كىرىشتۈرۈپ قويغان بولسىڭىز گۈل-گۈلىگە، خىل-خىلىغا كىلەتتىكەن..

سەفەر

	بۇ تەمبۇرگە بولغان ئىشتىياقى  شېئىرىڭىز بەك ياخشى يېزىلىپتۇ . تەشەككۈر

TATLIHIM

	تەمبۇرنىڭ مۇزىكىسى بىر خىل مۇڭلۇق جۇمۇ دىمىسىمۇ .

borkut-

	ئۇيغۇر خەلقىنىڭ سازلىرى ئىچىدىكى سەرخىلى بولغان تەمبۇرنى ئاجايىپ پاساھەتلىك سۆزلەر بىلەن ياخشى مەدھىلەپسىز . ئاپىرىن . ئىجادىيەتلىرىڭىزگە زور ئۇتۇقلار يار بولسۇن . كىچىككىنە سەمىمى تەكلىپ : 2-كوبلىتنىڭ  3،4-مىسراسىدا ئەزاراق مەسىلە باركەن .3-مىسراسىنى«ئۈمىد دەرياسىدا دولقۇن ياساپ جۇشقۇن ، سۈزۈك ئاققان ،» دەپ 4-مىسراسىنى« مۇھەببەتتىن سۇنۇپ ئارمان ھايات رىشتىگە جان قاتقان ، » دەپ ئالغان بولسىڭىز بولاتتىكەن . بۇ پەقەت تەكلىپ خالاس .

hadrat

	ياخشى يىزىپسىز...

ۆمۈتۋار

	ياختۇردۇم

mastana888

	nasif يوللىغان ۋاقتى  2015-3-6 10:15 PM ياخشى چىقىپتۇ. بولسا مەرھۇم نۇرمۇھەممەت تۇرسۇننىڭ مۇز ... مەنمۇ شۇ قاراشتا .

قورغان

	ياخشى چىقىپتۇ خۇددى تەمبۇرنىڭ مۇڭلۇق كۈيىدەك...

1263318936

	شۇنداق ياخشى يىزىلىپتۇ قەلەم تۇلپارىڭىز ھارمىسۇن