ئايال –سىرلىق تۆت پارچە ھەرب

bahwanbiz

	ئايال –سىرلىق تۆت  پارچە ھەرب (8-مارت خانىم -قىزلار بايرىمىغا ئاتاپ) ئۇ سۆيگۈنىڭ مۇقاۋىسىدا ، رەڭلىك نۇردا بېزەلگەن ماۋزۇ . ئۇ كۈندۈزنىڭ بېشىنى سېيلار ، ئايدىڭ كېچە سېغىنغان ئارزۇ . ئۇ ئۈمۈدنىڭ ئوتىنى پۈۋلەر غەملىرىگە سالىدۇ ياماق . ئۇ قوياشنى قادار دوقمۇشقا چىغىر يولنى قىلىدۇ پارلاق . ئۇ شەبنەمدۇر شېئىر لېۋىدە ، كۆپ چېكىتتۇر ئۇنىڭ مەزمۇنى . ئۇ شۇنچىلىك چەككسىز تەبەسسۇم ! يېزىلغانغا تۈگىمەس قۇرى . ئۇ ئەۋلادلار شەرىپى ئۈچۈن ، زور ئازابنى قىلىدۇ قوبۇل . ئۇ سىقىمدار تۇرمۇش دىرىنى ، ئايال –بايلىق ، ئايال -پارچە پۇل . ئۇ تىكەنلىك پورەكلىگەن گۈل ، ئايال –تەنبىھ، ئايال –كىنايە ئۇ –شۇنچىلىك بىر لېرىك داستان ، ئۇ بىر جۈملە مىكرو ھېكايە . شورلىشىدۇ نازۇك چېھرىمۇ ، ئۇدارىدىن قاچىدۇ ئۈنى . ۋەتىنىنى پەپىلەپ يۈرۈپ ، ئۇ كىچىكلەپ كېتەر بىر كۈنى . ئۇ پارچىلاپ پۈتۈنلىكنى ئەۋلاد ئۈچۈن قىلىدۇ سەرپ. ئەر ھەجىلەپ قالار بەزىدە ، ئايال-سىرلىق تۆت پارچە ھەرب . ئۇ سالقىندار كۆزنىڭ ئىچىدە ، چېكىتلىرى قىلىدۇ پەرق . ئۇ قېپىدا يىرتىلمىسىلا ، سۆيگۈ گۈلى ئۇرىدۇ بەرق . ئاپتۇرى : ئابلەت مۇھەممەت باغۋەن

hadrat

	شېئىردا ئاياللارنى ياخشى تەرىپلەپسىز.ياخشى يىزىپسىز...

tumaris01

	ياخشى يېزىپسىز

mehriya

	ھارمىغايسىز

sabir424

	بەزىدە سۈكۈت قلشنىڭ ئۇزىمۇ ئەڭ  ياخشى جاۋاب........

Gvljahan

	نىمە دىگەن تېتىملىق يىزىلغان شىئېر بۇ ، تۇغۇلغىنىدا بىرەر شائىر ئېغىزلاندۇرغان بولغىيمىدى دەيمەن بۇ شائىرنىڭ شىئېرلىرىنى ھەر قېتىم ئوقۇغىنىمدا .....

مەلىكە479

	‹‹ئايال - بايلىق ،ئايال بارچە پۇل ››  دىگەن مىسرادا ، ئاياللار پەقەت پۇل ئۇچۇن ، بايلىق ئۇچۈن شۇنداق چاپالارنى تارتىدۇ دىمەكچىمۇ ياكى ئاياللارنى ئىقسادىكى تەڭ قىممەتتكى تاۋار دىمەكىچىمۇ؟

YuqunAdam

	باغۋەننىڭ پۈتۈن شېئ‍ ىرلىرىدىن تېپىلمايدىغان ھىسسىي تۇيغۇسى مۇنۇ يەردە ئ‍ۆز ئ‍ىپادىسىنى تېپىپتۇ، تەرىپلەشكە تىگىشلىك بولغاچقا بۇ قۇرلاردا يۈرەك سۆزلەپتۇ، تولىمۇ جانلىق ئ‍ەسەر بوپتۇ، ئ‍ەسەرنىڭ مۇۋاپىقىيىتى بىلەن قۇتلۇقلايمەن!

kaqvr

	ياخشى شېئىركەن . ياقتۇردۇم . ئوخشىتىشلار دەل جايىدا ھە .

bahwanbiz

	ئەرزىمەس شېئرلىرىمغا تەنقىدىي پىكىرلەرنى بەرىگنىڭلارغا ئالەمچە رەھمەت . تېخىمۇ تىرىشپ قەلىمىمنى پىشىىقلاي .