باھار چىللايمەن

تۈركيار

	باھار چىللايمەن   ئابدۇرەھىم ئۆتكۈر <ئۆمۈر مەنزىللىرى > دېگەن كىتابىدىن . زېرىككەچ جانلار بۇ زىمىستاندىن ، جانۇ جانىمدىن باھار چىللايمەن . تۈنلەر كېچىسى ھۇۋلىغان شىردەك ، ئاھ-پىغانىمدىن باھار چىللايمەن . . نە تاقىتىم بار ، نە سەۋرىم ئەمدى ، قايناق بىر قازان يۈرىكىم ئەمدى . گويا بىر ۋولقان تىلىكىم ئەمدى ، شۇ ۋولقانىمدىن باھار چىللايمەن . . ئۆلۈمدىن ئارتۇق يىغلاپ ئولتۇرماق ، مىراسمىدى بۇ ياشنى ئاققۇزماق . خائىنلار ئىشى باش ئېگىپ تۇرماق ، پاك ۋىجدانىمدىن باھار چىللايمەن . . شۇنى كۈيلەيمەن زىمىستاندىمۇ ، تىلىم زەنجىردە باغلانغاندىمۇ . كۆكرەككە نەيزە قادالغاندىمۇ ، ئىسسىق قېنىمدىن باھار چىللايمەن . . ئۆمىدىم بۈگۈن خىيالدىن يۈكسەك ، ئۈمىد باغىدا ئاتتى كۆپ چېچەك . خىيالدىن ئارتۇق تاشقىن بۇ تىلەك ، كۈرەشچان تاڭدىن باھار چىللايمەن . . باھار چىللايمەن ، باھار چىللايمەن ، خەلق بەختىگە بىر يار تىلەيمەن . ئارزۇيۇم باھار ، ئۈمىدىم باھار ، ئۇندىن ئۆزگىگە كۆڭۈل بۆلمەيمەن . . باھار چىللايمەن ، باھار چىللايمەن ، خەلق مۇڭى شۇ ، شۇنى كۈيلەيمەن . بوۋاممۇ ماڭا شۇنى ئۆگەتكەن ، ئۇنىڭدىن ئۆزگىنى نېچۈن سۆيەي مەن . . باھار چىللايمەن تۈنلەر كېچىسى ، مەيلى توزىسۇن ئۆمرۈم غۇنچىسى . رازىمەن شۇندىن ، قىلچە ئارمان يوق ، بولالىسام مەن خەلق مۇڭچىسى . 1947-يىلى 29-يانۋار -- ئۈرۈمچى .

sirlikay

	ياقتۇرىمەن،

ئەرتۇرا

	     كەلگىنە باھار كەلگىنە باھار  شۈمشۈيۈپ قالدىم سوغۇقتىن ، يايراتساڭچۇ تىزراق كىلىپ مىنى يورۇقتىن، چىقالمىدىم ئۆيدىن نەشتىرىن سانجىپ سوغۇق، بولالمىدىم ئازار بىرىپ سوغۇق يوچۇقتىن، ئەي باھار بۇۋەتەننى جەننەت قىلىشىڭنى، ئىنكار قىلدى سوغۇقلار قايتا كىلىشىڭنى، ئەجەل ئىزدەر جىۋىرغانى ھۇشقۇيتۇپ يەنە، باشلىساڭچۇ قىش يۈرىكىنى تىلىشىڭنى. كەلگىنە باھار  سوغۇق كەتتى بەك كىرىلىپ ، گۆشتىن سۆڭەككە ئۆتۈپ ھەم كەتتى تىزىلىپ، كەلگىن  مەندەك يېلىڭ مىسكىن پاناھى باھار، سوغۇق دەستىدىن يۈرەك باغرىم كەتتى ئىزىلىپ. 2015-يىلى نورۇز

hadrat

	زىمىستان ئايلىرىمۇ ئاياغلىشىپ باھار ئايلىرىمۇ ئاخىر كەلدى مانا. مەرھۇم ئالىملىرىمىزنىڭ يۈرەك ساداسىنى مۇنبەرگە ئېلىپ كەلگىنىڭىزگە رەھمەت.

koktugh

	قاراڭغۇ-تۈنلەردە  قان خۇمار شەپەررەڭلەرنىڭلا كۈنى تۇغىلىدۇ. باھارغا تاڭغا ئىنتىزار شىرمەتلەر ئەركىن نەپەسلىنەلمەيدۇ بۇغۇلىدۇ.