مارت پەسىلنىڭ تاتلىق زىنىقى

bahwanbiz

	مارت پەسىلنىڭ تاتلىق زىنىقى بۇيرۇق كەلدى قۇياش نۇرىدىن ، پايتەختىگە قايتتى سوغۇقلار . يەر تېگىدىن چىققان ھارارەت ، تەسكەيدىكى مۇزلارنى يۇقلار. كەيپ بولدى مۇزلىغان مەشلەر ، كىرا قىلماس قېلىن ئاياقلار شىپىلدايدۇ ئەمدى ساپما كەش ، يالاڭئاياق يۈرەر ئوماقلار . دۆڭلەردىكى جىغان ئۈستىدە، چاپىنىنى سالدى شاماللار . يۇمشاپ كەتكەن ئېتىز قىرىدا، قېرى تېرەك غولىنى سانار . سازاڭ ئۆلچەر يەرنى باشقىدىن ، قوڭغۇز تەملىك يىمەكلىك تاللار . ئەتلىنىپتۇ چاشقان بالىسى ، مۈشۈك يەردىن ئوقيانى ئالار . چىۋىن قىزچاق كەلدى ھوشىغا ، ئېشەك قۇرت پۇتىنى يالار . يەكباي ئاياق كىيىپتۇ موزاي، ئوماق قوزا تىلىنى چاينار خوراز جىددىي يازماقتا نوتا مىكىيانلار لېۋىنى بويار . ئات-ئېشەكلەر ئاچماقتا يىغىن ، ئۇيقىسى ئاز كۈچۈكلەر قاۋار. رەڭ قارغۇسى بولدى جانلىقلار ، رەڭ ئىچىدىن يېشىلنى تاللار . مارت لەگلەككە قورساق كۆتۈردى ، لەپىلدەيدۇ ئىزگۈ خىياللار . ئاي يىغماقتا ئاسماندا قەغەز ئايدىڭ كېچە چالماقتا دۇتار . تۇتار جانلىق مارتنىڭ قولىنى ، گۈلخان بولۇپ ئۈمۈدلەر يانار . پىچىرلايدۇ ئەللەي بېدىلەر ، پۇشۇلدايدۇ يەرنىڭ تىنىقى . كەڭ تەبىئەت دىلنى رام قىلار ، مارت پەسىلنىڭ تاتلىق زىنىقى ئاپتۇرى : ئابلەت مۇھەممەت

kepanogrisi

	مارت پەسلىنىڭ تاتلىق زىنىقى، باھاناڭدا ئۇنتۇي ھەممىنى. مەندىن بىردەم يۈتسۈن غەم-قايغۇ- بىر سۇنىۋەت چېچەك ھىدىنى. مارت پەسلىنىڭ تاتلىق زىنىقى، ئەسكە سالدىڭ ۋىسال پەيتىنى. شۇ ھىسلارنىڭ ئەللەيلىشىدە- سۈرىۋالدىم باھار كەيپىنى.

tumaris01

	ياخشى  يېزىپسىز…

turmux.net

	ياخشى يېزىپسىز... قەلىمىڭىز ھارمىغاي !

nazigul8

	شېئىردىكى ئوخشىتىشلارنى كۆز ئالدىغا كەلتۈرۈپ تۇرۇپ ئوقىسا، راستلا باھار كېلىپ بولغاندەك بىلىنىدىكەن. ئۇزاتقىم بار مۇزلىغان قىشنى، ئۇنتۇش ئاتلىق خۇرجۇنغا سېلىپ. كەتكىن يىراق، باھارىم كۈلسۇن، كەت يۈرەكتىن ئۆزۈڭنى ئېلىپ. تېمىدا باھار پەسلىنىڭ يېتىپ كەلگىنىنى تەرىپلەۋاتسا، مەن نىمىنى يېزىپ كەتتىم ھەي...

mastana888

	ئىككىنچى كۈبلىت بەك پەيزى چىقىپتۇ

saliha24

	بەك ياخشى چىقىپتۇ .

hadrat

	قىش ئايلىرىمۇ ئاياغلىشىپ باھار ئايلىرىمۇ كەپتۇ مانا.ياخشى شېئىركەن...

مېھرىما

	ياخشى يىزىپسىز ،قوللىرىڭىزغا بەركەت بەرگەي.