ئازاپلانماي چىدىغىن كۆڭلۈم

1263318936

	ئازاپلانماي چىدىغىن كۆڭلۈم      گۆھەرقىز ئىبرايىم          بولسا ئۆچمەن دۇنيا دوزاقتۇر، قىلسا ھەسەت كۆزلىرى كوردۇر، دۇشمەن قەبىھ قىلمىشى قۇۋدۇر، ۋاستىسى كۆپ سۇيقەستى شۇمدۇر، ئازاپلانماي چىدىغىن كۆڭلۈم. ۋاز كىچىدۇ باسقاندا كۈلپەت، بىۋاپادا  يوقتۇر  مۇھاببەت، يۈرىگىمدە قويما  جاراھەت، تالاپەتتە باردۇر   قاباھەت، ئازاپلانماي چىدىغىن كۆڭلۈم. ئىشلەت ئەقىل بولسۈن پاراسەت، بولساڭ  نادان  قالۇر  نادامەت، تۇرغىن ھۇشيار تارتما ھاقارەت، دۇشمەن قىلماس ساڭا شاپائەت، ئازاپلانماي  چىدىغىن كۆڭلۈم. ئەسكىسى بار مەخلۇقاتنىڭمۇ، ھايۋىنى بار ئادىمىزاتنىڭمۇ، سىنىغى بار بۇ ھاياتنىڭمۇ، خەتىرى بار پىلسىراتنىڭمۇ، ئازاپلانماي  چىدىغىن كۆڭلۈم.     ئارزۇ ئۈمىت ياشىغىن ياردۇر، بەخـت-قايغۇ قوش كىزەكلەردۇر، قىلغىن ئەجىر كەتمەستە ماغدۇر، كۈلكە-يىغا ئىنسانغا باردۇر، ئازاپلانماي چىدىغىن كۆڭلۈم. ئازاپ كەينى گۈل چىمەنلەردۇر، تەڭشەيدىغان خۇدايىم باردۇر، قىلغىن غەيرەت يىڭىلىش بالدۇر، يىقىلغانغا دۇنيا بەك تاردۇر، ئازاپلانماي چىدىغىن كۆڭلۈم.                               مەنبە: ئۆز قەلىمىم

ARKZAT

	مۇرەككەپ تۇرمۇش مۈشكۈلاتلىرىدىن ھالسىزلىشىۋاتقان قەلبلەرگە مەلھەم ۋە ئۈمىد ئاتاقىلغۇچى بۇ شېئىرىڭىز بەدىئىيلىك  جەھەتتىنمۇ  خېلى ئۇتۇىلۇق چىقىپتۇ.

قورغان

	شئېرىڭىز ياخشى چىقىپتۇ،ياقتۇردۇم! ھاياتتا شادلىق بىلەن قايغۇ ھامان قوشكىزەك،ئىنسان ئازاپتىن ئۆزىنى يوقىتىپ،ئۈمىدسىزلىك پاتقىقىغا پېتىپ قالسا بولمايدۇ،چۈنكى ئۇ يەنىلا ياشىشى كىرەك،ئۈمىد بىلەن ئىرادە بولسىلا،شۇنىڭغا مۇناسىپ ھەركەت قىلالىسىلا،گۈزەل كەلگۈسى كۈلۈپ باقىدۇ...

turmux.net

	ياخشى يېزىپسىز... قەلىمىڭىز ھارمىغاي !

guxad

	ياخشى يېزىپسىز.

زىبا.

	ئازاپنى   تەكرارلاۋەرمىسىڭىز   ؟    يازمىڭىزدا    ئازاپ  بىلەن   ئۈمۈتۋارلىق   زىچ    بىرلەشسە   ئۇقۇرمەننى  تېخىمۇ   جەلىپ  قىلىدۇ.

TATLIHIM

	ئادەم روھلۇق ياشاشنى ئۆزىگە مىزان قىلىش كېرەك.

saltanat

	قاپقاراڭغۇ زۇلمەت كىچىنىڭ كەينىدىن پۈتۈن ئالەمنى سورۇتۇپ ئىللىقلىق بىغىشلايدىغان ۋاقىت كىلىدۇ.....شۇنى بىلىپ قېلىڭكى ئەگەر ئاشۇ قايغۇ ئازاپ بولمىسا بەخىت شاتلىق تۇيغۇسىنى كىممۇ ھىس قىلالايدۇ..........قەلەم تۇلپارىڭىز ھارمىغاي...

布妮娅孜

	بەك ياخشى يىزىپسىز . قەلەم تۇتقان قوللىرىڭىز ، چوڭقۇر تەپەككۇر قىلۋاتقان باشلىرىڭىز ، كومپىيۇتىر ئالدىدا ئولتۇرۋاتقان بەللىرىڭىز ، تەنلىرىڭىز تالمىغاي ۋە قەتتى ھارمىغاي !!!   بەك ياقتۇردۇم

akula1

	ئازاپلارنى تۆكۈپلا قۇتۇلاي دەپسىزدە،تىرىشىڭ.