مەخەت ئابدۇرېھىم:قوشاقلار قاتقىنىم قاتقان

mahatjan

	قوشاقلار قاتقىنىم قاتقان     مەخەت ئابدۇرېھىم نىگارىم،ئىشقى ئوتۇڭغا ئۆزۈمنى ئاتقىنىم ئاتقان، ئوتوڭدا تولغۇنۇپ قىلدەك،قېشىڭدا ياتقىنىم ياتقان. سېنىڭ ئىشقىڭ ۋۇجۇدۇمنى تامام ئۆزىگە رام قىلغاچ، ساڭا تەشنا يۈرەكىمنى يۈرەككە ياققىنىم ياققان. دىلىم سۆيگەن باھارىمسەن،غۇبارسىز تاڭدىكى گۈل سەن، سېنىڭدەك بىر قىزىل گۈلنى چېكەمگە ئاسقىنىم ئاسقان. لېۋىڭدىن بال سۈمۈرگەچكە خۇشال ئۆتمەكتە بۇ كۈنلەر، ھاياتتا تىلتۇمارىمسەن،كۆڭۈلنى ئاچقىنىم ئاچقان. بېشىڭغا ھەر بالا كەلسە،پەرىشان بولمىغىن ھەرگىز، بولوپ دەردىڭگە چىن دەرمان،ساڭا جان قاتقىنىم قاتقان. چىگىلگەچ رىشتىمىز مەھكەم،خىيالىم ھەر قاچان سەندە، ئەگەر ئاينى كېرەك قىلساڭ،ئامال بار تاپقىنىم تاپقان. مۇشەققەت ئىلكىدە قالساڭ،ئېغىر غەملەرگە دۇچ كەلسەڭ، بولوپ پەرھاد،مۇشەققەتنىڭ تېغىنى چاپقىنىم چاپقان. سېنى قىشتا-زىمىستاندا قوياشتەك ئىللىتىپ ھارماي، ۋەياكى چاڭقىساڭ چۆلدە،سۈزۈك سۇدەك ئاققىنىم ئاققان. كۆرۈپ تۇرسام،تولون ئايدەك سېنىڭ نۇرلۇق جامالىڭنى. ھامان كۈرمىڭ جاپالارنى سېنى دەپ تارتقىنىم تارتقان. جانانىم،قويمىغىن داغدا ساڭا سادىق بۇ كۆڭلۈمنى، بولۇپ مەڭگۈ غەزەلخانىڭ قوشاقلار قاتقىنىم قاتقان.

ARKZAT

	قەلب ئىزھارلىرى ئوبرازلىق ئىبارىلەر ياردىمىدە خېلىلا جۇشقۇن ھەم تېتىملىق ئەكىس ئېتىپتۇ. ئىجادىيەتلىرىگە بەرىكەتلەر يار بولغاي.

tizimlitiman

	ئ‍نتايىن ياخشى چىقىپتۇ باركاللا

tizimlitiman

	ئنتايىن ياخشى چىقىپتۇ

زىبا.

	قوشاقلار قاتقىنىم قاتقان  دىسە  مۇنبەردە  قۇشاق تۇقۇشقا مۇشائىرە ئېلىپ كەلگەن ئوخشايدۇ  دەپ  ئويلاپتىمەن ،  قارىسام  شۇنداق  پەيزى لىرىكا  ئىكەن  .ياقتۇرۇپ  ئوقۇدۇم  ھەم  بەك  تەسىرلەندىم  جۇمۇ .ھى ھى ھى  شۇنداق  تاتلىق  چىقىپتۇ .

mahatjan

	زىبا. يوللىغان ۋاقتى  2015-2-25 12:36 AM قوشاقلار قاتقىنىم قاتقان  دىسە  مۇنبەردە  قۇشاق تۇقۇشق ... ئاقباش بولغاچ چا ساقال، قوشاق يازماي ئۇكام زىبا. قوشاقتىكى شۇ ھىسياتتىن، تارتىپ قالدىم كۆپ ئىزا.

tursunjan1

	قىرىغاندا قىرى تاتۇق قىلىقلىرى مىڭدىن ئارتۇق،  پەقەت چانماپتۇ، شىئىرلىرىڭىزنى ئىزلاپ ئوقۇپ كىلىۋاتىمەن، قەلەم تۇلپارىڭىز ھارمىغاي ،دوست تۇتقىن ئالامەت جۇمۇ مەخەت ئاكا  دوست تۇتقىن مۇستەھكەم خاسلىق پىشقان روھنى ئىپادىلىسە قاتقىنىم قاتقان جەنۇبى قۇتۇپتىن شىمالى قۇتۇپقا بىخەتەرقونۇپ شاشلىقىنى جاسارەتنى ئىپادىلەپتۇ، رەھمەت يېزىپ تۇرۇڭ

سەفەر

	نىگارىم ئىشقى ئوتۇڭغا ئۆزەمنى ئاتقىنىم ئاتقان ئوتۇڭدا تولغىنىپ قىلدەك ، يېنىڭدا ياتقىنىم ياتقان . ....................................................................................................... ياشلىق ۋاقىتلارنى  ئەسلەپ چىن يۈرەكتىن ئېيتىلغان سۆزلەر بولۇپتۇ . تەشەككۈر . بۇنىڭدىن كېيىنكى شېئىرلىرىڭىزنىمۇ  ، مۇشۇنداق ئىلمى ئاساستا يېزىشىڭىزغا تىلەكداشمەن ......

hadrat

	بەك ياخشى يىزىپسىز،بۇ شېئىرنى ئايالىمغا بىر ئوقۇپ بىرەيچۇ.قەلىمىڭىزگە بەرىكەتلەر ياغسۇن.

15001506547

	mahatjan يوللىغان ۋاقتى  2015-2-25 12:45 AM ئاقباش بولغاچ چا ساقال، قوشاق يازماي ئۇكام زىبا. قوشا ... يىشىڭىز  قىرىسىمۇ  كۆڭلىڭىز   قىرىماپتۇ   مەخەتكا ، ئەمما شاش  يىزىپ قويوپسىز