ھەققانىي: راست ( ساتىرا)

akkani

	راست ئاپتۇرى: ئابدۇۋەلى راخمان ھەققانىي ** رەزىللىكنىڭ ئورىسىنى قازغىنىم راست، يامانلارنىڭ خىيالىنى بۇزغىنىم راست، راستچىللىقنى مىزان قىلىپ ماڭغىنىم راست، سازنى غەزەپ پەدىلەرگە چالغىنىم راست، ساتىرادىن ئونلاپ-يۈزلەپ  يازغىنىم راست. ** ئىللەت سۆكسەم ئېلىۋالدى ئۆزلىرىگە، سەت كۆرۈندۈم بەزىلەرنىڭ كۆزلىرىگە، مىنى تىللاپ بويۇن تولغاپ يۈرگىنىگەـ تىگىپ كەتتى نەيزەم قايسى بىرلىرىگە، بۇ ئىشلاردىن ھەيرانۇ-ھەس قالغىنىم راست. ** ئوقيا ئاتسام مۆلچەر بىلەن دوۋىلىققا، دەل تىگىپتۇ مەينىتى كۆپ توڭرىلىققا، دەز كىتىپتۇ ئىسمدە يوق جۇۋىلىققا، ئوبدان بولدى تەگسۇن ھارام ئولجىلىققا، ئوۋچى بولۇپ ئىللەتكە ئوق ئاتقىنىم راست. ** ئاق كۆڭۈللەر ساتىرامدىن ھۈركىمەڭلار، ھەق جايى بار ئۆزۈڭلارغا سۈركىمەڭلار، ئۇقۇشماستىن ماڭا زەھەر پۈركىمەڭلار، خاتا ئويلاپ ئۆمرۈڭلارنى قىرقىماڭلار، نا ئەھلىنى قوشاقلارغا قاتقىنىم راست. ** مۇنىكى بارنىڭ خۇدىكى باركەن ئەيۇھەنناس! ئۈزى تويسا بەزىلەرنىڭ كۈزى تويماس، پەرۋايىم يوق ھەيۋە قىلسا تۈلكە،يولۋاس، ياخشىلارغا مەندە باردۇر مىھرى ئىخلاس، ھەر يازمامدا خاس بىر يولنى تاپقىنىم راست. ** ھېچقاچاندا قوي بولالماس ئىت بالىسى، ساقايمايدۇ ئاسانلىقچە دىل يارىسى، بەزىلەرنىڭ يۈرىكىدە كىر-ئالىسى، ئەمدى ئايان بولغاچ ماڭا ئاق-قارىسى، شۇنداقلارغا دوست بولۇشتىن تانغىنىم راست. ** ئاگاھ يۈردۈم شېكەر تامغان تىللىرىدىن، ئىھتىياتتا بولدۇم قايسى بىرلىرىدىن، ھەزەر ئەيلەپ زەھەر مۈككەن دىللىرىدىن، بىزار بولغاچ يالغان كۈلكە-ئۈنلىرىدىن، كۆڭلى ئالا شەيتانلاردىن قاچقىنىم راست. ** يازمام بىلەن يامانلارغا سەت كۆرۈندۈم، خىيانەتچى،ئوغرىلارغا ئىت كۆرۈندۈم، كۆزۈم كىچىك،ئۈچەي قىسقا پىت كۆرۈندۈم، چىرىكلىككە ئۆچ ئاۋامغا،ھەق كۆرۈندۈم، «ھەققانىي»دەپ ئەلدىن ئاتاق ئالغىنىم راست. ** پارىخورلار كاجقا تولغار تەلىيىمنى، سۇندۇرالماي بەك ئاۋارە،قەلىمىمنى، بىلسە قاقشار تورغا ئەسەر بەرگىنىمنى، ئۆچ كۆرىدۇ مىنىڭ ھەر بىر ئەسىرىمنى، چۈنكى تاشتەك، يۈرىكىگە پاتقىنىم راست. ** دەرتلەر قاتماق بولدى مىنىڭ شاتلىقىمغا، كۆز قىزارتىپ ھالال رىزىق-ئاشلىقىمغا، بۆھتان توقۇپ چېقىپ باردى باشلىقىمغا، توساق سالدى يولدا راۋان ماڭمىقىمغا، ھەق سۆز ئۈچۈن دەردۇ-دىشۋار تارتقىنىم راست. ** پاك ئىنسانغا مەدىھيەم بار،تەرىپىم بار، كۆيلەپ چالسام ياندا قۇشتار-غېرجىكىم بار، تا ئەزەلدىن دۇرۇسلارغا ھۆرمىتىم بار، نا كەسلەرگە ھەجۋىي قوشاق،نەپرىتىم بار، ياخشى ئۈچۈن قوشلاپ كەتمەن چاپقىنىم راست. ***

akkani

	بۇ ئەسەرنى سەل كەڭەيتىپ باشقىدىن يازدىم.بىر قېتىم يوللانغان دەپ قالماسلىقىڭلارنى ئۈمۈد قىلىمەن.

akkani

	ئاپتۇرنى ئەسكەرتىپ كۆچۈرۈپ تارقىتىشقا بولىدۇ.

bulaksu2

	ئابدۇۋەلى ئاكا، مۇبارەك بولسۇن!     «راس» دېگەن سۆزنىڭ توغرىسى «راست» ئىدى. شۇنداق بولۇپ كەتسىچۇ دەپ قالدىم.

bulaksu2

	ئابدۇۋەلى ئاكا، مۇبارەك بولسۇن!     «راس» دېگەن سۆزنىڭ توغرىسى «راست» ئىدى. شۇنداق بولۇپ كەتسىچۇ دەپ قالدىم.

turmux.net

	ياخشى چىقىپتۇ...

زەردار007

	بەك ياخشى يىزىپسىز ھەققانىيكا،قەلەم تۇلپارىڭىز ھارمىغاي....!!!!!!

hadrat

	بەك ياخشى يىزىلىپتۇ،ئەجرىڭىزگە رەھمەت...

borkut-

	بەك ياخشى يېزىلغان ئەسەر ئىكەن . تېمىلىرىڭىز ئۈزۈلۈپ قالمىغاي .

akkani

	bulaksu2 يوللىغان ۋاقتى  2015-2-24 12:10 PM ئابدۇۋەلى ئاكا، مۇبارەك بولسۇن!     «راس» دېگەن سۆزن ... زاغرا تىلدا يېزىۋەتكىنىم راست. سەمىمى ياردەم بەرگىنىڭىزگە رەھمەت ئۇستاز.باشقۇرغۇچى تۇز ئەپەندىم مۇشۇ بۇيىچە تەھرىرلەپ ئېۋەننى تۈزلەپ قويۇپتۇ.بۇ ئۈچۈنمۇ رەھمەت.