قەشقىرىم

زىبا.

	قەشقىرىم ئامانگۇل ئابدۇكېرەم زىبا جامالىڭغا ھەر باققىنىمدا،كۆز ئېچىشتىن بولدۇم خىجىل، ھۆسنىڭ گويا يېڭى مۇقام،مەنكى خۇمارىڭ قەشقىرىم. سازەندىلەر ماكانىسەن ، ۋولقان كەبئى ئاتەش يۈرەك ، دىلنى مەستخۇش ئەيلىتەر،دۇتتار،ساتارىڭ قەشقىرىم. ھۈنەرۋەنلەر ماھارەتتە،تۇلۇق يەتكەن كامالەتكە ، ھەر كىشىنى ھەيران قىلۇر، قايناق بازارىڭ قەشقىرىم. كۆز تەگمىسۇن قەشقىرىم، ئامان بولغىن تۇپاندىن، يامان كەلسە سەر تارتىپ ،بۇلاي قالقىنىڭ قەشقىرىم. گۈللىنىپ ئاچتى قۇچاق،ھۆسىنى -جامالىڭ تولغان ئاي، بولدى يۇرتۇم زىننىتى، ئەنجۈر - ئانارىڭ قەشقىرىم . سۇلىرىڭ لەرزان ئاقار، ئاھ ! شۇ تۈمەننىڭ باغرىدا ، زەپ يېقملىق مەشرەپ تۈزۈپ،كەلدى باھارىڭ قەشقىرىم. قىزلىرىڭ زەپمۇ چىۋەر ، ئوغلانلىرىڭ سادىر  ھامان ، ئول چىۋەرلەر تەرپىدىن، يوقتۇر ئازارىڭ قەشقىرىم .

tumaris01

	ئەزىزانە  قەشقەرگە، بۆلەكچىلا  مېھرىم  بار. داستان قىلىپ تىلىمدا، ئاڭا ئېيتار سۆزۈم  بار …

زىبا.

	tumaris01 يوللىغان ۋاقتى  2015-2-21 10:14 PM ئەزىزانە  قەشقەرگە، بۆلەكچىلا  مېھرىم  بار. داستان قىلى ... داستان قىلىپ تىللاردا، كۈيلەيدىغان ئېڭىم بار. قانات بەرگەن قەشقەرگە، بەكمۇ چۇڭقۇر مىھرىم بار.

kudiratjan

	مانا  شىئىر ئىكەن ماۋۇ    مەسنەۋى دەمتۇق غەزەلمۇ  بۇنى ئاھاڭىغا سېلىپ ئۇقۇيدىغان قاھىدىسى بولدىغان   مەن ئۇنتۇپلا كىتىپتىمەن     تېپشماق ئۇقۇغاندەك ئۇقۇپ تۈگتۋەتتىم    ئەمما يۈرەكنىڭ ھېلقى يىرىگە باردى

rayhon

	قوللىرىڭىز غا دەت كەلمىسۇن  ! زىبا

tumaris01

	ئېيتالمىدىم سۆزۈمنى ، مەن قەشقەرگە بارمىغاچ. ئەزىز  قەشقەر كۈيىگە ، مەن دۇتارنى  چالمىغاچ ،…

زىبا.

	kudiratjan يوللىغان ۋاقتى  2015-2-21 10:33 PM مانا  شىئىر ئىكەن ماۋۇ    مەسنەۋى دەمتۇق غەزەلمۇ  بۇنى ئ ... غەزەل  ئىدى  ،   ئەسكەرتىشنى   ئۇنتۇپتىمەن  . ياقتۇرغىنىڭىزغا  رەھمەت  .

KUMALTAGH

	غەزىلىڭىزنىڭ مەزمۇنى ئېسىل چىقىپتۇ قېرىندىشىم . سەمىمى تەكلىۋىم  ؛ غەزەل يازغاندا ئارۇز ۋەزىندە يازسا ئاندى ھەقىقىي غەزەل بولىدۇ .

قورغان

	شئرىڭىزنىڭ مەزمۇنى ياخشىكەن،بىراق شەكلىگە سەل قاراپسىز،مىسرالاردىكى بوغۇم سانى تەكشى ئەمەس،شۇڭا ئاڭاڭدارلىقىغا تەسىر كۆرسىتىپتۇ،تىرىشىڭ! مەسىلەن 1-مىسرا 17 بوغۇم،2-مىسرا 16، 4-مىسرا 15 بوغۇم...

زىبا.

	tumaris01 يوللىغان ۋاقتى  2015-2-21 10:45 PM ئېيتالمىدىم سۆزۈمنى ، مەن قەشقەرگە بارمىغاچ. ئەزىز  قە ... قەشقەردە مۇڭ غەزەل بار، ئۇقۇپ -ئۇقۇپ قانمايمەن . بىھىش باغنىڭ ئۈزى ئۇ ، گۈل -ھۆسنىگە قانمايمەن  . بۇۋام مەھمۇد ئىزلىرى ، يۈركۈمدە چاقنايدۇ . ئاپپاق خوجا مازارى ، تىلسىماتنى سۆزلەيدۇ . كۈرۈپ كىتىڭ قەشقەرنى، قىزغىن -قارشى  ئالىمىز  . ئەنجۈر،بىيى،ئاناردىن، ئىسىل دوستىخان سالىمىز. ئالدىراپ يېزىپ ،   بەكمۇ  قاملاشمىدى   ،تىلفۇندا  شېئىر -قۇشاق ئېيتىشمۇ   سەل  تەسكەن  .    ياندىشىپ   قاتقان   كۈيلىرىڭىزگە  رەھمەت  .