ھۆكۈمران: شائىرلارغا شېئىرىي چاخچاق

hokumran

	شائىرلارغا شېئىرى چاخچاق ئەخمەد ۋاھىدى ئاكىمىزغا «بورانلىق كېچە»دە تېنەپ «بەختىگۈل»، كېتىپتۇ «كەلپىن»گە بەختىنى ئىزلەپ ؟ «ئامېرىكىغا سەپەر»مۇ قىلدىڭ. بىزگە بەرگىن تەسىرات سۆزلەپ. ئۇنتۇلمايدۇ «تۇنجى مۇھەببەت»، ئۇنتۇلسىمۇ تالاي «ئەسلىمە». «ئۇستازىم»دەك يازغىن ياخشىنى، يازغانلىرىم يېتەر بەس دېمە. ئابدۇۋەلى راخمان ھەققانىيغا «بىر زابوينىڭ دەردى»نى سۆزلەپ، «ئېچە-ئىچ»تە يۈرەمسىز كۈندە. «نادانلىق»قا ئوت ئېچىڭ ئەمدى، «قېنى بىز؟» دەپ توۋلىماي تۈندە. «پارىخور»دىن ئالايلى ئىبرەت، «ئاھ، ئاتام»دەك تۇتۇپ توغرا يول. «سورىقى بار جاھان بۇ» شۇنداق، بىزگە «كېرەك» ئەمەس «ھارام پۇل». قاسىم سىدىققا «كۆرەلمەسكە» تىغ ئۇرغان قەلەم، ئەسىر بوپتۇ «ئۇيقۇ»غا بۈگۈن، «خۇتۇن» دەردى كەلدىمۇ ئېغىر، «خەپ سېنى»، قەلبىمدە قالدۇردۇڭ تۈگۈن. «دوست» بولىمەن دېسەڭ مەن بىلەن. تاشلىمىغىن  قەلەمنى ھەرگىز. «ئەخمەقلەرگە»، «جاۋاب» ھاجەتسىز، شېئىرىڭدا سانجىغىن بىگىز. ئابدۇرېيىم زۇنۇنغا «شەھەرلىك خېنىمغا» قاش ئېتىپ قۇيۇپ، «يارىدار كىيىك»كە ئوخشاپ قالدىڭىز، «يۇرت سۆيگۈسى» ئېزىپ يۈرەكنى، «مۇقەددەس تاغلار»نى ئەسكە سالدىڭىز. «قىزىم» ماڭغان «ئاشۇ كوچاڭ»دا، «نوچىمەن» دەپ ماڭغىنىڭ «يالغان». «يالماۋۇز مەن» دەپ قورقۇتماڭ مېنى، ئونۇتماڭ بۇرچنى «خەلقىمىز» سالغان. مەخەتجان ئابدۇرېيىمغا «سەھرادىكى پاراڭلار»دىن گەپ ئاچساڭ، «ۋىجداننىڭ سۇئالى» قىينايدۇ شۇنچە. «بىر شېشە ھاراق»نىڭ كەيپىنى سۈرۈپ، بەزدۇرمە ھاياتتىن ئۆزۈڭنى بۇنچە. سەمىمىي ئەسكەرتىش: مۇنبەردىكى قەلىمى كۈچلۈك بىر قىسىم شائىرلارغا تولۇقلاپ يېزىلىۋاتىدۇ. چاخچاق قىلغان ئاكىلىرىم، دوستلىرىم رەنجىيدىغان ئىش بولسا سەمىمىي ئۆزرە. ياقمىغان تەرىپى بولسا، ماڭا ئۇچۇر قىلساڭلار ئۆچۈرۈۋېتىمەن.

ARKZAT

	تۆت يۇلتۇز دەرىجىلىك چاقچاق بوپتۇ.

قورغان

	چاقچاقنى ئوبدانلا كەلتۈرۈپ قويۇپسىز...

توقماق

	كەلتۈرۈپ بۇ چاقچاقنى، تەرلەتتىلا توقماقنى. سىلى قانداق ئۆگەنگەن، شېئىر بىلەن سوقماقنى؟ مەن تېخى بىر ھەۋەسكار، يازغىنىمدا ئىللەت بار، پېقىر قانداق كۆتەرسۇن، “شائىر”دىگەن قالپاقنى؟!

كاشكارى

	ARKZAT يوللىغان ۋاقتى  2015-2-18 08:04 PM تۆت يۇلتۇز دەرىجىلىك چاقچاق بوپتۇ. بىريۇلتۇزنى كىم ئىلىۋالغاندۇ

sanjay

	شىرغا ھېچكىم چاخچاق  قىلمايدىكەن دىسە

زەردار007

	بەك ياخشى چاقچاق بوپتۇ....

madonna

	sanjay يوللىغان ۋاقتى  2015-2-18 08:45 PM شىرغا ھېچكىم چاخچاق  قىلمايدىكەن دىسە ھويلىڭىزدىكى ئالما دەرەخنىڭ كۆچىتى بارمۇ ....   ئالما كۆچىتى لازىمتى ... تەشتەككە ئالما نەشپۈت ئۇرىقى تېرىسام ئۈنمەيۋاتىدۇ ...

Gvlbargi0999

	شۇنداق ياخشى چىقىپتۇ،چاقچاقلار ئۈزۈلمىگەي!

ئاچيول

	مۇشۇ شەكىلدىكى شېئىرىي چاقچاقلارنى بەك ياقتۇرىمەن. بۇ بەك ياخشى يىزىلىپتۇ.