«ئەلدىن ئەلگە نەپ» پروگراممىسى ئارقىلىق تارقىغان مېھىر

Misranim2

	شىنجاڭ خەلق رادىيو ئىستانسىسى «ئەلدىن ئەلگە نەپ» پروگراممىسى تۈنۈگۈن چۈشتىن كېيىن شىنجاڭ بۇغدا دوختۇرخانىسى، شىنجاڭ ھەدىيە كۆز كېسەللىكلىرى دوختۇرخانىسى ۋە شىنجاڭ تاشقىن خەلقئارا سودا چەكلىك مەسئۇلىيەت شىركىتى بىرلىشىپ، ئۈرۈمچى شەھەرلىك بىر ئائىلە كىشىلىرى ياشانغانلار ساناتورىيەسىدە چاغانلىق ھال سوراش، ئىللىقلىق يەتكۈزۈش پائالىيىتى ئۆتكۈزدى.    بۇ قېتىمقى  چاغانلىق ھال سوراش، ئىللىقلىق يەتكۈزۈش پائالىيىتىدە شىنجاڭ بۇغدا دوختۇرخانىسى بىلەن شىنجاڭ ھەدىيە كۆز كېسەللىكلىرى دوختۇرخانىسى بىر ئائىلە كىشىلىرى ياشانغانلار ساناتورىيەسىدە كۈتىنىۋاتقان 65 دادا، ئاپىنىڭ ھەر بىرىنى 150 يۈەن قىممىتىدە سالامەتلىك تەكشۈرۈشى ئېلىپ باردى ھەمدە بىر قىسىم دورىلارنى تارقىتىپ بەردى. شىنجاڭ تاشقىن خەلقئارا سودا چەكلىك مەسئۇلىيەت شىركىتى ھەر بىر قېپى 158 يۈەنلىك، ئومۇمىي قىممىتى  11 مىڭ يۈەن كېلىدىغان «تاشقىن» ماركىسىدىكى ياشانغانلارغا ماس كېلىدىغان ئاقسىل تالقىنىنى ھەدىيە قىلىدى.    باشقىلارغا ياردەم قولىنى سۇنۇش، باشقىلارغا كۆڭۈل بۆلۈش، باشقىلار ئالدىرىغانغا ئالدىراش شىنجاڭدىكى ھەر مىللەت خەلقىنىڭ ئىسېل  ئەنئەنىسى. ئۈرۈمچى شەھەرلىك بىر ئائىلە كىشىلىرى ياشانغانلار ساناتورىيەسى 2010- يىلى قۇرۇلغان، 105 كارۋات تەسىس قىلىنغان بولۇپ. ئۈرۈمچى شەھەرلىك خەلق ئىشلار ئىدارىسى تەرىپدىن 3A دەرىجىلىك ساناتورىيە بولۇپ باھالانغان. بۇ ساناتورىيەنىڭ قۇرغۇچىسى ئابدۇراخمان ئەمەت بەش يىلدىن بۇيان، بارلىقىنى ياشانغانلار ئۈچۈن ئاتىغان شەخسىيەتسىز، پىداكار كىشى. ئۇ ئۆزى مىيىپ تۇرۇپمۇ، ھۆكۈمەتنىڭ ياشانغانلارغا كۆڭۈل بۆلۈش چاقىرىقىغا ئەمەلىي ئاۋاز قوشۇپ، تاپقان - تەرگىنىنى يىغىپ، بىنا سېلىپ، يۇقىرى ھەقتە ئىجارىگە بېرىش ياكى باشقا تىجارەت خاراكتېرلىك ئىشلار بىلەن شوغۇللىنىشتىن ۋاز كېچىپ، ياشانغانلار ساناتورىيەسى ئېچىپ، خېلى كۆپ كىشىلەرنىڭ باشمالتىقىنى چىقىرىپ، «يارايسىز!» دېگەن ماختىشىغا ئېرىشىپ كەلدى. تۈنۈگۈنكى پائالىيەتتە بۇ بىنانىڭ بىرىنچى قەۋىتىدىكى كۆلۈمى 350 كۇۋادراتمېتىردىن ئاشىدىغان ياشانغانلار پائالىيەت زالىدا بۇ ساناتورىيەدە كۈتىنىۋاتقان 65 كىشى زالنىڭ ئىككى يېقىدىكى ۋاقىتلىق تەسىس قىلىنغان سالامەتلىك تەكشۈرتۈش ئورۇنلىرىدا ئۆزلىرىنىڭ سالامەتلىكىنى تەكشۈرتتى. دوختۇرلارنىڭ ئەستايىدىللىقى ساناتورىيەدىكى بوۋاي، مومايلاردا چوڭقۇر تەسىر قالدۇردى.    شىنجاڭ خەلق رادىيو ئىستانسىسىنىڭ «ئەلدىن ئەلگە نەپ» پروگراممىسى ھەر كۈنى چۈشتىن كېيىن ئۈرۈمچى ۋاقتى سائەت 4:00 تىن 5:00 كىچى بىر سائەت ئاڭلىتىلىدۇ. ئىشلەپچىقىرىش، تۇرمۇش ۋە خىزمەتتىكى ئەپچىل چارىلەرنى ھاجەتمەنلەرگە يەتكۈزۈش، تۈرلۈك ئېھتىياج ۋە تەمىنلەش ئۇچۇرلىرى؛ ئەل ئىچىدىكى ساغلاملىققا ئائىت ئەپچىل چارىلەر تۇنۇشتۇرىلىدۇ. ئۈرۈمچى رايونىدىكى ئاڭلىتىش  چاستوتىسى FM101.7  AM855؛ تۈنۈگۈنكى چاغانلىق ھال سوراش، ئىللىقلىق يەتكۈزۈش پائالىيىتى نەق مەيداندىن بىۋاستە ائڭلىتىلغاندىن كېيىن، جەمئىيەتتە كۈچلۈك تەسىر قوزغىدى. خەت، تىلېفۇنلار ئارقىلىق، بۇ قېتىمقى ئىللىقلىق يەتكۈزۈش پائالىيىتىگە ئاكتىپلىق بىلەن قاتناشقان شىنجاڭ بۇغدا دوختۇرخانىسى، شىنجاڭ ھەدىيە كۆز كېسەللىكلىرى دوختۇرخانىسى ۋە شىنجاڭ تاشقىن خەلقئارا سودا چەكلىك مەسئۇلىيەت شىركىتى قاتارلىق ئورۇنلارغا رەھمەت ئېيتقانلار ھەقەتەنمۇ كۆپ بولدى. سۈرەتلەرنى مىسرانىم فوتوگرافى ئەخمەت تۇردىھاجى تارتقان

madonna

	ناھايىتى ئەھمىيەتلىك ئىشلار بولىۋاتىدۇ مۇشۇ يىقىنقى كۈنلەردە ...  خۇرسەن بولدۇق ھەممىمىز . ھەدىيە كۆز كىسەللىكلىرى دوختۇرخانىسى ئۆز ئالدىغا دوختۇرخانا قۇرۇشتىن ئىلگىرى 2000-يىللىرىنىڭ باشلىرىدا ئۈرۈمچى شەھەرلىك قاتناش دوختۇرخانىسىنىڭ بىر كىچىك بۆلىمىنى ئىجارە ئىلىش ئارقىلىق كىسەل داۋالىغان . شۇ مەزگىللەردە جەنۇبىي شىنجاڭنىڭ بەزى كۆز بىمارلىرى كىسەل كۆرسىتىشكە پۇلى يوق بولسا ھەقسىز داۋالىغان ، ھەتتا ياتاق تامىقىنى ئاسانلاشتۇرۇپ بەرگەن . ئۇيغۇر سېستىرا قىزلارمۇ بۇ قىيىنچىلىقى بار بىمارلارغا ئانچە -مۇنچە ياردەممۇ قىلغان .   شۇ مەزگىللەردە دوختۇرخانىدا ھەقسىز داۋالىنىش مۇمكىن ئەمەس ، ھەرقانچە قىيىنچىلىقى بولسىمۇ ھۆكىمەت دوختۇرخانلىرى  چېغىدا ياردەم قىلالمايتتى .  بىرنەچچە يىللاردىن كىيىن ھەدىيە كۆز كىسەللىكلىرى دوختۇرخانىسى ئۆز ئالدىغا مۇنتىزىم دوختۇرخانا قۇرۇپتۇ . بۇنىڭدىن شۇنچە بەك سۆيۈنگەن ئىدىم .

subihan

	قەدەملىرىڭلاردىن گۈل ئۈنسۇن !!!!!

turmux.net

	ياخشى ئىشلار بولىۋېتىپتۇ مانا... ھەدىيە كۆز كىسەللىكلىرى دوختۇرخانىسى تېخىمۇ روناق تاپقاي !

mahatjan

	ھەدىيە كۆز كىسەللىكلىرى دوختۇرخانىسىنىڭ تېخىمۇ تەرەققى قىلىشىغا تىلەكداشمەن.

quxiniwal

	«قول-قولنى يۇيسا،قول يۈزنى يۇيىدۇ»دەيدىغان گەپ بار بىز مىللى كارخانىلىرىمىزنى قوللىساق ئۇلارنىڭ مەھسۇلاتلىرىنى سىتىۋالساق،ئۇلارغا بازار بوشلۇقى بەرسەك،ئېھتىياجىمىزغا ،كىسەللىك ئەھۋالىمىزغا ئاساسەن ئۆزىمىزنىڭ دوختۇرخانىلىرىدا داۋالانساق ئىشىنىمىزكى يىقىن كەلگۈسىدە بىز سۆيۈنگىدەك،پەخىرلەنگۈدەك كارخانىلىرىمىز ۋۇجۇتقا چىقىدۇ، ئۇلار ئالدى بىلەن ئۆزىمىز ئارقىلىق  تەرەققىيات پۇرسىتىگە ئېرىشىپ ئۇنىڭدىن كىيىن بىز ئۈچۈن ياخشى مۇلازىمەت قىلالايدۇ.

karawul3

	ئە شۇ ياشانغانلارنىڭ ھالىدىن خەۋەر ئىلىۋاتقان ئىسىل ئىنسان-ئابدۇراھمان ئەمەتكە چىن كوڭلۈمدىن رەھمەت ئىيتىمەن. مىللى كارخانىلىرىمىزنىڭ شاپائىتىگە كوپ تەشەككۇر! بۇلارنى قوللاش ھەممىمىزنىڭ مەسئۇلىيتى ئىكەنلىكىنى يەنە بىرقىتىم ھىس قىلدىم.

karawul3

	مەن شىنجاڭ خەلىق رادىيۇ ئىستانسىنىڭ ‹‹ئەلدىن ئەلگە نەپ ››پىرۇگىراممىسىنى خىلىدىن بىرى ئاڭلاۋاتىمەن . ناھايىتى ياخشى چىقىۋاتىدۇ. بۇپىرۇگىراممىنى ئاڭلىسا جەمئىيەتنىڭ ئىللىقلىقىنى تىزدىن ھىس قىلغىلى بۇلىدۇ.

15001506547

	karawul3 يوللىغان ۋاقتى  2015-2-18 06:39 PM مەن شىنجاڭ خەلىق رادىيۇ ئىستانسىنىڭ ‹‹ئەلدىن ئەلگە نە ... كىشىلەرگە ياخشىلىق قىلىشقۇ بەك كاتتا ئىش لىكىن زە   بەرگىنىگە  مىنەت قىلغاندەك شەمۇ شە سازايى قىلىپ   نىمە پايدىسى  ساۋاپلىق قىلدىم دەپ  ئاۋارە بولۇپ  بولمىسا ئەڭ  ساۋاپلىق ئىش شۇ

sewdaye1

	مۇشۇ پىروگىراممىمۇ ياخشى پىروگىرامما، لىكىن ھەممە ئادەم ئۆزىنىڭ ئاڭلىغىنىنى، ئۆزى كۆرگىنىنى، سىناق قىلغىنىنى سۆزلەپ باشقىلارغا ياردەم قىلىدۇ. لىكىن بىر ئادەمگە ماس كەلگەن چارە يەنە بىر ئادەمگە ماس كەلمەسلىكى ھەتتا ھاياتىغا خەۋىپ ئېلىپ كىلىشى مۇمكىن. شۇڭا تەۋسىيەرىم: ئەلدىن ئەلگە نەپ پىروگىراممىسىدا باشقىلار سورىغان مەسلىھەتكە باشقىلار دەپ بەرگەن ئامالنى مۇنتىزىم دوختۇرلارغا دەپ، مەسلىھەتىنى ئېلىپ بىر ئش قىلىشڭلارنى تەۋسىيە قىلىمەن