قولۇمدا بار ۋاقىت تىزگىنى

qaraxani

	قولۇمدا بار ۋاقىت تىزگىنى قاراخان ئىشقا چىقتىم بەش مىنۇت بۇرۇن، ئىشتىن چۈشتۈم بەش مىنۇت كېيىن. ھەر كۈن سەھەر، چۈش يا كەچقۇرۇن. قولۇمدا بار ۋاقىتقا تىزگىن. يىل ئاي كۈنلەر تېرىقتىن تولا، كېلىپ كېتەر سەپەر ئايلىرى. ۋاقىت ئالتۇن ،دىسەم تۇتىيا، بوستان بولار قەلب سايلىرى. ئالدى باھار ،ئاخىرى غازاڭ، ھايات دىگەن پەقەت قونالغۇ. قالما ۋاقىت قۇش دىسەم ھاڭ-تاڭ، ۋاقىت ئاسراش-بۈيۈك ئاتالغۇ. كۈن ئۆرلىسە سايە قىسقىرار، يىل ئۆرۈلسە كېتەر ئۆمۈرمۇ . زامان قايتماس ئۆتسەم بىقارار، چىرىپ تۈگەر پولات تۆمۈرمۇ. ۋاقىت ماڭا تۈگىمەس بايلىق، ۋاقىت مېنىڭ ھايات-ماماتىم. ۋاقىت بىلەن شاھلىق- گاديلىق، ۋاقىت بىلەن ھاسىل مۇراتىم. قىلغانلىرىم ۋاقىت غەلۋىسى، ۋاقىتقا مەن  بولىمەن ئاشنا. ۋاقىتنىڭ مەن ئاشىق تەلۋىسى، ھەر دەقىققە يۈرىگىم تەشنا. 2015-يىلى 17-فېۋرال

mahatjan

	ۋاقىت تاتلىق،ۋاقىت قىممەت بۇنىڭغا ھەممىمىز قايىل،ئەگەر قولدىن كىتىپ قالسا بىرىپ ئالتۇن ئالالمايمىز.

mamatkurban

	ياخشى يېزىپسىز

turmux.net

	ياخشى يېزىپسىز... قەلىمىڭىز بەرىكەت تاپقاي !

bulaksu2

	قولىڭىزدا بار ۋاقىت تىزگىنىنى تېخىمۇ چىڭ تۇتۇڭ، بۇرادىرىم. «ئۆمۈر چەكلىك، چەكسىز ھاياتلىق.»

ئاچيول

	مۇ شۇ ۋاقىت توغرىسدىكى ئەسەرلەر بەك جانلىق چىقىدىكەن. بۇ شېئىر مۇ شۇنداق ئىلھام بەرگۈدەك چىقىپتۇ.