باغرىمنى كۈل قىلغان كۆزۈڭ

arzugul.halam

	باغرىمنى كۈل قىلغان كۆزۈڭ ئارزۇگۈل ھۈسەن خالەم بۇ كېچە ، ئۇيقۇ قاچتى، بېشى قايغان تەرەپكە ، پىغان بىلەن قارىدىم كۆككە . شوخلۇق قىلىپ كۆز قىستى يۇلتۇز ، شۇنچە ئوتلۇق ، شۇنچە پارقىراق ، كەلدى ئېسىمگە مۇھەببەتلىك كۆزلىرىڭ بىراق . ئەينى چاغدا ، ئاشۇ كۆزۈڭدىن چىقىپ بىر يالقۇن ، تۇتاشقان مۇشتەك يۈرەكنىڭ بېغىشىغا . قاراپ تۇر ئىشەنمىسەڭ ، بىچارە كۆزۈمنىڭ سېنى كۆرگەندە گۇناھكاردەك يەرگە بېقىشىغا ، ماگمىدەك قىززىق بىر نەرسىنىڭ ئىچ باغرىمنى كۆيدۈرۈپ ئېقىشىغا . شۇ كۆزلىرىڭ ، ئېلىپ كەتكەن غەمسىز تۈنۈمنى ، ئېلىپ كەتكەن كۈلكىگە جۆر كۈنۈمنى ، بىللە قوشۇپ ئېلىپ كەتكەن ئەڭ تاتلىق كۈيۈمنى . شۇ كۆزلىرىڭ ، سېلىپ قويغان ئىز ، قەلبىمنىڭ ئىز چۈشمىگەن پىنھان دالاسىغا ، شۇ كۆزلىرىڭ ، تېرىپ قويغان ، بىر پاتمان ئازاپ كۆڭۈل گۈلزارىمنىڭ  خىلۋەت ئاراسىغا . ئوھ ... ئۆچ بولدۇم يار كۆزىنى ئەسكە سالغان ئەسكى  يۇلتۇزغا .

turmux.net

	ياخشى يېزىپسىز...

hadrat

	ھارمىغايسىز...

nazigul8

	ئوبرازلىق شېئىرىي تىللارنى ياخشى ئىشلىتىپسىز، شېئىر ياخشى چىقىپتۇ.

tumaris01

	بەك ياخشى چىقىپتۇ ، ھارمىغايسىز ،،