ئىدېئال كۆزنىكى پروگراممىسى

akram08

	ئىدېئال كۆزنىكى پروگراممىسى مەزكۇر پروگرامما قارامايدىكى پروگرامما ئىشلەشكە، رىياسەتچىلىككە قىزىقىدىغان بالىلاردىن يىغىلغان ئىدېئال مېدىئاسى سۈرەتكە ئېلىپ، كىرىشتۈرگەن ئەسلىدىكى <<ئىدېئال ئېكرانى>> پروگراممىسىدىن <<ئىدېئال كۆزنىكى>> پروگراممىسىغا ئۆزگەرتىلگەن بولۇپ، شەكلىمۇ ئۆزگىرىپ، مەخسۇس ئۇتۇق قازانغان، شەرەپ قۇچقان كىشىلەرنى تونۇشتۇرۇش مەقسەت قىلىنغان. پروگراممىنىڭ 1-سانى 2-ئاينىڭ 6-كۈنى ۋە 7-كۈنى مۇۋەپپىقىيەتلىك ھالدا سۈرەتكە ئېلىنىپ، 3-4 كۈن ۋاقىت ئىچىدە، كىرىشتۈرۈپ ئىشلىنىپ، 2-ئاينىڭ 15-كۈنى رەسمىي تورغا يوللاندى. ئىدېئال مېدىئارىمىزنىڭ 2015-يىللىق باشلىنىشى ئىنتايىن گۈزەل بولدى، ئىشىنىمىزكى بۇندىن كېيىنكى باسقان قەدەملىرى تېخىمۇ گۈزەل بولغۇسى. پروگراممىمىزنىڭ 1-سانىدا قارامايدىكى يارەن مۇزىكا ستۇدىيەسىنىڭ قۇرغۇچىسى قەيسەر بىلەن ئۆتكۈزگەن سۆھبەت ۋە بىلكيار كىتابگاھىنىڭ ئويۇشتۇرغان <<كىتابخانا قۇرۇلغانلىقىنىڭ 5يىللىقى ۋە مەرھابا 2015 كىتاب ئوقۇش يىلىم>> تېمىسىدىكى پائالىيىتى چۈشەندۈرۈلدى. پروگراممىمىز نەچچە سائەت ئىچىدە كۆرۈلۈش نىسبىتى 400 دىن ئاشتى. قوللايدىغانلارنىڭ جىق بولۇشى، تارقىتىدىغانلارنىڭ كۆپىيىشى بىز ئۈچۈن زور خوشاللىق. پروگراممىمىز تەتىل ۋاقتىدىلا سۈرەتكە ئېلىنىپ، ئىشلىنىدىغان بولۇپ، ئارلىقتا كۆپ ۋاقىت قالدۇرۇلىدۇ، كەچۈرگەيسىلەر. لېكىن، ئىدېئال مېدىئا گۇرۇپپىمىز بۇندىن كېيىن تېخىمۇ تەرەققىي قىلىپ، يېڭى يېڭى مەزمۇنلارنى سىلەرگە تەقدىم ئەتكۈسى. تۆۋەندىكىسى ئىدېئال كۆزنىكى پروگراممىسى 1-سانى، ھوزۇرلىنىپ، تارقىتىپ قويغايسىلەر. ھەرقانداق تەكلىپ-پىكىرىڭلارنى سەمىمىيلىك بىلەن قوبۇل قىلىمىز. http://v.qq.com/page/x/g/q/x01471jwbgq.html پروگرامما رىياسەتچىسى: ئەكرەم ئابدۇكېرىم ئوپېراتورى: ئىلپەت مەمەت ئاپتورى: ئەكرەم ئابدۇكېرىم 2015-يىلى 2-ئاينىڭ 15-كۈنى ئىدېئال مېدىئا گۇرۇپپىسى

hey

	ياخشى باشلىنىش بوپتۇ ، قوللايمىز

tumaris01

	ياخشى باشلىنىش  بوپتۇ  ، بۇندىن  كېيىنمۇ  زور  ئۇتۇقلارنى  قولغا  كەلتۈرىشىگە  تىلەكداشمەن…

turmux.net

	ياخشى باشلىنىش!  سىلەرنى قوللايمىز، تېخمۇ ئىلگىرلىگەيسىلەر...

ADILQARAHAN

	ھەقىقەتەن ياخشى باشلىنىش بوپتۇ، سىلەرگە ئۇتۇق تىلەيمەن. تەكلىپ: 1.رىياسەتچى مەسىلىسى. مېنىڭچە رىياسەتچى تازا ئەستايىدىل بولمىغان. ئەسلى رىياسەتچىنىڭ گەپ-سۆزلىرى جانلىق،ئوچۇق،ئېنىق بولۇشى كېرەك ئىدى، ئەمما رىياسەتچىنىڭ گەپ-سۆزلىرى تازا ئوچۇق ئەمەس. ئاندىن كىيىم-كېچەككە بولغان تەلەپ سەل ئاشۇرۇلۇشى كېرەك. رىياسەتچى ماھىيەتتە بىر پروگراممىنىڭ مۇۋەپپىقىيەتلىك بولۇش-بولماسلىقىدا ناھايتى مۇھىم ئورۇن تۇتىدۇ،ئەمما مەزكۇر فىلىمدە رىياسەتچىىنىڭ كىيىملىرى تازا ياخشى بولماپتۇ.كىيىم-كېچەككە دىققەت قىلىنسا دېگەن ئۈمىدتە مەن. گەرچە بەك پۇزۇر كىيىنمىسىمۇ ئەمما رەتلىك،يارىشىملىق كىيىنسىكەن . 2.ئاۋاز مەسىلىسى. بۇ بەلكىم تېخنىكا مەسىلىسى بولۇشى مۇمكىن،ئاۋاز،مۇزىكىلار تازا ياخشى ماسلاشماپتۇ،ئاندىن تازا ئوچۇق ئەمەس. بۇلار مېنىڭ ھېس قىلغانلىرىم، تېخىمۇ تىرىشىڭلار، ياخشى قىلالايدىغانلىقىڭلارغا ئىشىنىمەن.