ھەققانىي: يازغىنىم

akkani

	يازغىنىم ئاپتۇرى: ئابدۇۋەلى راخمان ھەققانىي قىسمەنلەرگە نە ئۈچۈن يارىمايدۇ يازغىنىم چۈنكى يامان ئىللەتنى قامچىلايدۇ يازغىنىم، خۇددى ئاچچىق ئوكۇلدەك تامچىلايدۇ يازغىنىم، خوشامەتتە قەغەزنى بويىمايدۇ يازغىنىم، ئىللەت كۆرسە يۈزىنى ئايىمايدۇ يازغىنىم. ** ئەمەن تېتار ھالۋىنى كۈندە ئۈچ ۋاخ يىگەندە، كىم كىكىرمەس پولادىن تويۇپ يىسە لېگەندە، ئەسلى ساختا ماختاشتىن تەنبىھ ئەلا بىلگەنگە، نوقسانسىزمۇ بىزنىڭ باغ،يوقمۇ يانتاق چىمەندە، شۇ يانتاققا تىغ ئۇرماي ئۇنىمايدۇ يازغىنىم. ** ئۈنۈملۈكتۇر كېسەلگە «تەنقىت»دىگەن بۇ دورا، چاچ-ساقالمۇ پاكىزدۇر غىرداپ تۇرغاچ ئۇستۇرا، ئەينەك كۆرمەس پاسىقنىڭ يۈزى بەرھەق قاپ-قارا، بىلگىنىگە ئەينەكتۇر ئوقتەك ژانېر-ساتىرا، غەپلەت ئۇيقۇ باسقاننى نۇقىلايدۇ يازغىنىم. ** تىلى تۇرسا بىر گۈزەل چەتئەل تىلى قىستۇرۇپ، سىرلىق ئەسەر بولاي دەپ پارىسچە سۆز ئاختۇرۇپ، قىينالمىدى تاپالماي بىھۇدە تاڭ ئاتقۇزۇپ، تۇلپارىنى قەلەمنىڭ يىراقلارغا چاپتۇرۇپ، گۇڭگا،مەۋھۇم ئىبارە قوغلىمايدۇ يازغىنىم. ** كۆكتە ئۇچقان غازلارنىڭ شورپىسىدىن ئۈمۈت يوق، تۈگمەن سەرخىل گاھىدا ئەمما ئاڭا ئۈگۈت يوق، كۈلۈپ تۇرۇپ يەڭگىگەن بۇ دۇنيادا تۇغۇت يوق، زىمىندىن سۇ ئالمىغان ئاسماندىمۇ بۇلۇت يوق، چىن بولمىغان مىسرانى قوللىمايدۇ يازغىنىم. ** ئايرىپ كەلدى ھەر زامان قاتتىق-يۇمشاق، يىرىكنى، ھەق جايىدا تەككۈزدى مەنمەنلىككە چىۋىقنى، ئەل رايىغا ئويغۇنلاپ ھەجۋىي قىلدى چىرىكنى، يۇرتقا قىلدى نامايان روھى ئۆلگەن تىرىكنى، بىر كىملەرنى ئورۇنسىز چوقۇمايدۇ يازغىنىم. ** مىسرالىرى قوزغىدى ئەل ئىچىدە كۈلكىنى، ھەجۋىي قىلىپ تىلى بال،كۆڭلى مايماق تۈلكىنى، تاپتىن چىقسا كىم ئەگەر رەسۋا قىلدى شۇ كۈنى، يىرتىۋەتتى قۇۋلارنىڭ نىقابىنى-بۈكىنى، ئادەملەرنى ئىگىز-پەس ئايرىمايدۇ يازغىنىم. ** مەدەت بولدى بىچارە،غېرىپ-مىسكىن،ياۋاشقا، تەنبىھ بەردى بىھۇدە بىركىملەرنى غاجاشقا، جۈرئەت قىلدى ئىللەتلىك يولۋاسنىمۇ تالاشقا، نا قايىل ئۇ پەسكەشلىك-رەزىللىكنى سۇۋاشقا، زەررە تۆھمەت-يالغاننى توقۇمايدۇ يازغىنىم. ** نامەرتلەرنىڭ ئەپتىنى ئېچىشقا بەك ماھىر ئۇ، ئۇۋاللىقتا قالغاننىڭ دەل يېنىدا ھازىر ئۇ، يامانلىقنى كىم قىلسا ئوت ئېچىشقا قادىر ئۇ، «ھەجۋىي»ناملىق ئېتى بار،ئەلگە ياققان ژانېر ئۇ، ئوقۇرمەننى تاتلىقتا گوللىمايدۇ يازغىنىم ** ھەر قۇرىدىن يامانلار ئۇخلىيالماي تولغۇنۇپ، كەتكەي ئۇنىڭ سېھرىدىن ئۇخلىغانلار ئويغۇنۇپ، ھۇزۇرلۇنۇپ ياخشىلار،ئۆتكەي كۈلۈپ زوقلۇنۇپ، دىلدىن-دىلغا يول ئالسۇن،ئەل قەلبىدە نۇرلۇنۇپ، ھەق سۆزلەشتىن باشقىنى ئويلىمايدۇ يازغىنىم. ***

AriFe

	خەپ مەنمۇ تىرىشىمەن تازا، قاچانمۇ مۇشۇنداق يازالايدىغان بولارمەن ئاپىرىن، قەلىمىڭىز ھارمىغاي!!

IZDIGUQI

	ياخشى يىزىپسىز ، سىز دىگەندەك يازمىلار كۆپ چىقسا نەقەدەر ياخشى بولاتتى ھە !

flood

	بەك  ياخشى يازغان شىئ‍ركەن  بەك يارىدى

tokqi123

	قەلىمىڭىز ئۆتكۇركەن،بارىكاللا!

Gvlbargi0999

	ئاپىرىن ئۇستاز ئاپىرىن! بەك ياخشى چىقىپتۇ! دىمىسىمۇ ھەقنى سۆزلىمىگەن قەلەم،ھامان ھەسرەتتە قالىدۇ. مۇشۇنداق تېتىملىق شېئىرلىرىڭىز مۇنبەردىن ئۈزۈلمىگەي!

turmux.net

	ياخشى يېزىپسىز... قەلىمىڭىز ھارمىغاي !

guxad

	ياخشى يېزىپسىز. تىرىشىڭ!

feruq

	بەك ياخشى يېزىپسىز

hadrat

	بەك ياخشى چىققان ئەسەركەن.رەھمەت سىزگە ھەققانى ئاكا.