ئۈچ ‹‹تەستەك››

qaraxani

	ئۈچ ‹‹تەستەك›› غەيرەت كەنجىبەك                     1 بوۋاقلىقتىن سۆز ئاچمايلا قويايچۇ، بالىلىقتا قېچىپ چىقتىم مەكتەپتىن. شورا ئاتلاپ قاقشاتتىم كۆپ باغۋەننى، كەپتەر ،توخۇ تاپالمىسام كاتەكتىن. كېچىلەردە سۈڭگۈچلەردىن ئۆمىلەپ، ئۈزىۋەتتىم خەمەكلەرنى پىلەكتىن. يىگەن چېغىم تۇنجى تەستەك يۈزۈمگە، ئۆكۈنۈشنى بىلمەپتىمەن يۈرەكتىن.                   2 ‹‹ياشلىق دىگەن قىممەت ››دىسە ھەركىمگە، ئىزدەپتىمەن ‹‹قىممەت››نى مەن شاراپتىن. يول يۈرۈشنى بىلمەي تۇرۇپ دەپتىمەن، ‹‹پېقىر غالىپ ئوكيانلاردا كاراپتىن››. پىچىپتىمەن شاياتۇننىڭ تونىنى، سۆز بولغاندا ئەدەپ -ئەخلاق ساۋاپتىن... يىدىم شۇڭا ئىككىنچى رەت تەستەكنى، ئەقدات روھى قايتۇرغان ھەر جاۋاپتىن.                   3 يەتمىگەنتى يېشىم تېخى ئەللىككە، پۇشايمانغا قول ئۇزاتتىم يىراقتىن. ياپراقلىرىم مەزگىلسىزلا تۆكۈلدى، پەرقىم نىمە ئۆچەي دىگەن چىراقتىن. ئايلىناتتى تاغمۇ شەكسىز تالقانغا، پېقىر چەككەن تاغچە ئازاپ-قىيناقتىن. شۇڭا سالدىم ئۆز-ئۆزۈمگە بىر تەستەك، ئۆتمىگەچ سۆز مەندەك ‹‹ياغاچ قۇلاق››تىن. كىملىكىمنى تونۇتتى ئاھ ‹‹تەستەك››لەر، ھايات خالى ئەمەس ئىكەن سوراقتىن. ‹‹سايرام ئىلھاملىرى››دىن 405-بەتلەر

turmux.net

	ياخشى يېزىپسىز... ياشلىقىڭدا تۇرغۇزمىساڭ ئىرادە، قېرىلىقىڭ ئۆتۈپ كىتەر بىھۇدە...

hadrat

	ياخشى شېئىركەن.

flood

	ئىېسىل شىئ‍ىركەن

abat

	شائىرنىڭ  بۇ تىمىسىدىن  نەسىھەت  تەربىيە  قۇبۇل  قىلماي  ئاخىرى  ئۈزىنىڭ  بارار جايىنى تاپقانلىقىنى چۈشەنگەندەك  بولدۇميا

جۈرئىتى

	ئىچكى ھىسيات ناھايىتى چۇڭقۇر ئىپادىلىنىپتۇ .

qaraxani

	abat يوللىغان ۋاقتى  2015-2-13 11:19 AM شائىرنىڭ  بۇ تىمىسىدىن  نەسىھەت  تەربىيە  قۇبۇل  قىلماي  ... بېشىڭغا ھەر بالا كەلسە ئۆزۈڭنىڭ خۇي پەيلىڭدىن بىل دىگەننىمۇ چۈشىنىسىز...

qaraxani

	جۈرئىتى يوللىغان ۋاقتى  2015-2-13 12:26 PM ئىچكى ھىسيات ناھايىتى چۇڭقۇر ئىپادىلىنىپتۇ . شۇنداق ئىچكى ھېسسىيات ئىچكى ھېسسىياتنى چۈشىنىدۇ

جۈرئىتى

	qaraxani يوللىغان ۋاقتى  2015-2-13 01:00 PM شۇنداق ئىچكى ھېسسىيات ئىچكى ھېسسىياتنى چۈشىنىدۇ كەچۈرۈڭ : ئاپتۇرنىڭ ئىسمىغا قارىمايلا شېئىرنى ئوقۇپ سىز يازغان شېئىر ئوخشايدۇ دەپ ئويلاپ قاپتىمەن .

qaraxani

	جۈرئىتى يوللىغان ۋاقتى  2015-2-13 02:00 PM كەچۈرۈڭ : ئاپتۇرنىڭ ئىسمىغا قارىمايلا شېئىرنى ئوقۇپ  ... كەچۈردۈم. مېنى يازدى دەپ ئويلاپ قالغان ئىچكى ھېسسىياتىڭىزنى بىلىپ ‹‹جىن››نى ئۇسسۇلغا سالغاندىم.