ھەققانىي: دۈشمىنىم(11) (ساتىرا)

akkani

	دۈشمىنىم (11) (ساتىرا) ئاپتۇرى: ئابدۇۋەلى راخمان ھەققانىي سەت ئىش تۇرسا ئۈيىدە،تىرىكمەيمىش دۈشمىنىم، ئەمما مىنى تىللاشتىن،زىرىكمەيمىش دۈشمىنىم. ** توۋا!دەيمەن، خۇي-پەيلى،ئەجەپ غەيرى،ئەجەپ كاج، كۆپلەر بىلەن مېجەزى،كىلىشمەيمىش دۈشمىنىم. ** ئامراق ئىكەن ئاداۋەت،جېدەل،غەلۋە-غۇدۇرغا، شوڭا داڭگال ئېيتىشتىن،ئىرىنمەيمىش دۈشمىنىم. ** نەدە قارغىش،جەڭ-نىزا،بولسا پىتنە-شىكايەت، يۈگرەر ئىكەن شۇ جايغا،كىچىكمەيمىش دۈشمىنىم. ** سەندىن-مەندىن كۆرەركەن،ھەتتا جۈدەپ قالسىمۇ، بۇ دىياردىن يوقالسام،سىمىزلەيمىش دۈشمىنىم. ** غەيۋەتلەردىن بەك يىراق،ئۆز ئىشىمدا يۈرسەممۇ، مىنى كۆزگە سانچىلغان،بىگىز دەيمىش دۈشمىنىم. ** خاتا ئويلاپ قاپتۇ زەپ،توساقمىشمەن يۇلىغا، مەن بولمىسام شان قۇچۇپ،ئىلگىرلەيمىش دۈشمىنىم. ** ئۆسمىسىمۇ بوي-بەستى،مەندىن ئىزدەر سەۋەپنى، يىراق كەتسەم بوي تارتىپ ئىگىزلەيمىش دۈشمىنىم. ** بالا-قازا كەپ قالسا،ماڭا ئەگەر پاتمانلاپ، ئىچ-ئىچىدىن شاتلىنىپ،يىنىكلەيمىش دۈشمىنىم. ** ھەپتىسىگە بىر-ئىككى ئادەم بىلەن چۇقۇشۇپ، ئېغىزىدا«ئىناقلىق»«بىرلىك»دەيمىش دۈشمىنىم. ** كىممۇ خۇشتار دەيسىلەر،مۇنداق نېجىس غەيۋەتكە، ھەق سۆزلۈكتىن قەدەمدە،تېپىك يەيمىش دۈشمىنىم. ** رەخمەت!مىنىڭ قولۇمدىن جىق ئىش كېلەر كۆرگەنگە، بەردى ماڭا چىن ساۋاق-ئاچچىق كەچمىش، دۈشمىنىم. ***

akkani

	ھۆرمەتلىك باشقۇرغۇچىلار، ئەگەر ئەسىرىم تەستىقلىنىپ قالسا ئوتتۇرىغا تەڭشەپ قويغان بولساڭلا.ئۆزۈم تەڭشىيەلمەي قالدىم.

sardor0908

	يىقىندىن مىسرانىمدا  شىئىرىيەت تۈرىدىكى ياخشى ئەسەر دەپ ئويلايمەن .رەھمەت!

mehriya

	ياخشى يېزىپسىز . ھارمىغايسىز . شېئىردىكى بەزى قۇلىدىن ئىش كەلمەي ، يەنە باشقىلارنى يامان كۆرىدىغان كىشىلەرگە قارىتا ؛ ئىش كەلمىسە قۇلىڭدىن ، زەپەر قۇچسام چاۋاك چال . شوتا بولغىن ئۆرلىسەم ، ئاق يول تېلە كۈلۈپ قال . قاپاق تۈرمە گۈل قىسسام ، ئۆرەك قازما يولۇمغا . ھېچ بولمىسا پۈۋلەپ قوي ، قان تامچىغان قۇلۇمغا  . قان يۇتمىغىن ھەسەتتە ، ئوڭغا تارتسا ئىشلىرىم . سەنمۇ مەندەك تەر تۆككىن ، كىرىشمەستە چىشلىرىم . يۈرمە رەنجىپ تاڭرىدىن ، يارالمىشىڭ ئۆزەڭدىن . قۇسۇر ئىزدەپ يۈرىيسەن ، قىلغان ئىشىم سۆزىمدىن . ئىش كەلمىسە قۇلىڭدىن ، بال تامچىسۇن دېلىڭدىن . بارچە ساڭا مەدەتكار ، تانساڭ ئەسكى خۇيۇڭدىن .

mastana888

	mehriya يوللىغان ۋاقتى  2015-2-11 03:29 PM ياخشى يېزىپسىز . ھارمىغايسىز . شېئىردىكى بەزى قۇلىدىن  ... ئاپرىن ياخشى يىزىپسىز

mastana888

	ياخشى يىزىپسىز .كۆپ تەشەككۈرلەر بولسۇن قىرىندىشىم

kok-sultan

	ساتېرىك ئەسەرلەردە بولۇشقا تېگىشلىك خۇسۇسىيەتلەر تولۇق ئۆز ئىپادىسىنى تېپىپتۇ....

nazigul8

	تىلى ئۆتكۈر ئىسىل چىققان ساتىرا

nazigul8

	.

ئۆچمەس

	نىمىشقا دۈشمىنىم 11  دەپ ماۋزۇ  قويۇلغاندۇ