ئابدۇرېھىم زۇنۇن: يالغان (ھەجۋ)

bulaksu2

	يالغان                                پېقىرىڭغا ئاتاپ قۇرغان گۈزەل گۈلشەنلىرىڭ يالغان، بېغىمدا كۈيچى بۇلبۇلدەك خۇشال كۈلگەنلىرىڭ يالغان. مۇقەددەس سۆيگۈ ھەققىدە پۈتۈن ئالەمگە جار سالدىڭ، ئىكەن تەھقىقلىسەم سالغان چۇقان- سۈرەنلىرىڭ يالغان. قەسەم ئىچكەنىدىڭ: مەڭگۈ بولاي خىزمەتلىرىڭدە، دەپ، كېچە- كۈندۈز غېمىمنى يەپ، كۆڭۈل بۆلگەنلىرىڭ يالغان. مىسالى رو چىۋىن يەڭلىغ مېنى ئەگىپ كېتەلمەيسەن، ۋە لېكىن چىن يۈرەكتىن دىل بېرىپ سۆيگەنلىرىڭ يالغان. «ئوتۇڭدا تەڭ كۆيۈپ ھەردەم، سۈيۈڭدە ئاقىمەن» دەيسەن، بۇ لەۋزىڭمۇ ھارام، گۈلخان بولۇپ كۆيگەنلىرىڭ يالغان. يېپىشتىڭ سالجىدەك مەھكەم قېنىمنى شورىدىڭ ھە دەپ، ئوتۇمدا سارغىيىپ سەبدەر بولۇپ ئۆيگەنلىرىڭ يالغان. دىلىڭنى مەھلىيا قىلغان ئەمەس مەن، بەلكى مەھرايىم، پىراقىمدا كۆيۈپ پەرۋانىدەك ئۆلگەنلىرىڭ يالغان. تىلىڭدىن بال تامار، ئەمما دىلىڭدا مەرگىمۇش قاينار، سۆيەي دەپ قانچە قىلساممۇ بويۇن ئەگكەنلىرىڭ يالغان. كىتىرلاپ ئوغرى چاشقاندەك ھامان ئۇلۇمنى كولايسەن، ماڭا ياپقان تاۋار يوتقان، ئېسىل چەكمەنلىرىڭ يالغان. مېنى ساغرۇ قۇلاق، كور، دۆت، نادان مەخلۇق ھېسابلايسەن، ئەجىر- تەرىم ئۈچۈن سۇنغان تاغار، كەمچەنلىرىڭ يالغان. ھىيلەڭدىن جاق تويۇپ كەتكەچ دېدى ئابدۇرېھىم مۇنداق: مېلىمنى سۆيگىنىڭ راستتۇر، مېنى سۆيگەنلىرىڭ يالغان.

ئۆچمەس

	ياخشى  يېزىلىپتۇ ،  قەلەم  تۇلپارىڭىز  ھارمىغاي

hadrat

	ياخشى شېئىركەن.ھارمىغايسىز...

momuk

	ئامان بولۇڭ .قەلىمىڭىزگە كۆز تەگمىسۇن.ئىمكان بار ئۆزىڭىزنى ئاياڭ.

isiyan

	ھەي ...بەك كۆپ يالغانلارنى بىلىۋالدىم ، باشقىلارمۇ بىكار ئولتۇرماڭلار جۇمۇ چۇقۇم بىلىۋېلىش كېرەك ...

tumaris01

	ئۇستازنىڭ  يەنە  بىر  ئېسىل  شېئىرىنى  كۆرگىنىمدىن  بەك   خۇشالمەن  … قەلىمىڭىزگە  بەرىكەت  ،  تېنىڭىزگە  ساقلىق  تىلەيمەن  ئۇستاز  …

turmux.net

	ياخشى شېئىركەن، قەلىمىڭىز ھارمىغاي !

bulaksu2

	رۇبائىي ھەركىمگە تۆت كۈنلۈك ساراي بۇ ئالەم، بۈگۈن بار، ئەتە يوق سەنمۇ ئەي ئادەم. پۈركەنسۇن گۈللەرگە دېسەڭ گەر ئۇنى، ۋاقىت ـــ ئات، يۈگەنلە، ئەجىر قىل ھەردەم!

mehriya

	ھارمىغايسىز . ھەممىسىلا يالغان بولسا دەككىسىنى بەرگۈلۈك . سەھەرنىڭ بۇلبۇلى سايراپ ئاۋازى پۈتكىنى راستمۇ ، كۆڭۈللەر بېغىدىن ھەتتە ناۋاسى يۈتكىنى راستمۇ . تېلەكلەر بوپ نىچۈن قاھشال يۈرەكنىڭ يامغۇرى كەتكەن ، باھاردا جۇت بۇلۇپ قاتتىق مۆلدۈرنىڭ چۈشكىنى راستمۇ . ئۆيىگە مېھرىنى تۆككەن ئايالنىڭ كۆزلىرى ياشلىق ، ھايالىق دەپتىرىن ياپقان سەتەڭنىڭ كۈلگىنى راستمۇ . ئوغرىنى باشلىغان ئۆيگە خاتىرجەم ياتقىنىڭ راستەك ، بۇلانسا كۆزلىرىڭ كۆرمەي بالاڭنىڭ كۆرگىنى راستمۇ . سېھرىدىن قىلىنىپ جادۇ سېزىمنى يۇقۇتۇپ جىسمىڭ ، تېرىكتەك تۇرغىنى بىلەن روھىڭنىڭ ئۆلگىنى راستمۇ . ئۈمۈتنىڭ ئۇچقۇنى يانغىن ياسالماي بىر نۆۋەت ھەتتا ، يېشىڭدىن ئۆچكىنى راستمۇ ، دېلىڭدىن كۆچكىنى راستمۇ ؟!

bulaksu2

	ئۆچمەس يوللىغان ۋاقتى  2015-2-11 12:33 AM ياخشى  يېزىلىپتۇ ،  قەلەم  تۇلپارىڭىز  ھارمىغاي              ياقتۇرغىنىڭىزغا رەھمەت!