قاسىم سىدىق:ئۇۋىدىكى ھەسرەت

توقماق

	ئۇۋىدىكى ھەسرەت قاسىم سىدىق تۇيۇقسىزلا بۇ سۈرەتكە قاراپ، چەكتىم ئەپغان،چەكتىم ئېزتىراپ. ئەسلى بىزمۇ مانا مۇشۇنداق، بىر ئوۋىنىڭ چۈجىسىكەنمىز، سىرلارنى بىلدىم تارىختىن سوراپ. توخۇمدىن تېخى چىقمىغان چاغدا، شۇنچە قوۋناق،شۇنچە بەختىيار. چىقتۇق قاچان،بۆسۈپ قەپەزنى، رىقابەتنى قىلدۇق ئىختىيار. لوقما تالىشىپ، چۇقۇلاشتۇق تىنماي ئۇۋىدا، ئاخىر بىزگە كەلدى ئۇۋا تار. بىر قونداققا پاتمىدۇق يەنە، كەڭ جاھاندىن ئىزدىدۇق شىكار. يەنە قەپقالغان كونا پەيلىمىز، ئوۋىداشلار بىر لوقما ئۈچۈن، جاھانغىمۇ پاتماي قېلىشتۇق. ئۆزىمىزدىن ئۆزگە دۈشمەن يوق، كۆزىمىزنى ئويغانغا قانماي، يۈرەكلەرنىمۇ سۇغۇرۇۋىلىشتۇق!. قاچان قارغىشقا كەتكەن بولغىتى، ئادەم بىلەن ھاۋانىڭ پۇشتى؟. ھازىر تالاي ئوۋا بار تۇرۇپ، بىر ئۇۋىدا يەنە سوقۇشتى!. ئۇۋا تاشلاپ،ئۇۋا ياسايمىز، ۋەيران قىلىمىز يېڭىسىنىمۇ. تاكى مەلئۇنلار مەينەت قىلغاندەك، نوھ پەيغەمبەر كېمىسىنىمۇ! ئەڭ ئېغىر ئازاپ، ئۆز يېغىدا قورۇلسا ئۆزى . بولسا ئۆزى پالتىغا دەستە، تاپسا ئاندىن ئۆزى شىكەستە، پەرۋاسىز تاماشە قىلسا ئۆز كۆزى! چىقمايدىغان گەپكەن ئەسلىدە، تۇخۇم ئىچىدىن ھەرگىز تالاغا. قاچان چىقتىم ئۇۋىغا، قاچان چىقتىم قونداققا، خەتەر پايلىدى،قالدىم بالاغا. بەك ئېغىر ئازاپ، مىنىڭ نادان ئۇۋىداشلىرىم، ياكى ئۆز قولۇم، ئوق چىقارسا ھەرئان ئۆزەمگە. مەن ئۆلۆمنى سېغىندىم، مىنى ئۆلتۆرمەك بولساڭ ئۇۋىداش، قاتىل ياللا باشقا ئۇۋىدىن، تىڭىرقىماي ئاتسۇن چېكەمگە!... 2015.4.9 ئەسكەرتىش: سۈرەت “تۇخۇ بۇرۇن پەيدا بولغانمۇ ياكى تۇخۇممۇ ؟”دىگەن بۇ تېمىدىن ئېلىندى.

mingbexi

	ناھايىتى ياخشى مەنىلىك يېزىپسىز ئۇستاز قولىڭىزغا دەرت يەتمىسۇن.

سەفەر

	شېئىر دىگەننى مۇنداق يازمامدۇ .ھەقىقەتەن ياخشى يېزىپسىز  ، شۇنداق بىر ئۇۋىدا تۇرۇپمۇ  بىر بىرىمىز بىلەن چىقىشالماي  چوقۇلۇشۇپ يۈرىيمىز .

Bahadir717

	ياخشى يېزىپسىز. مەنىسى چوڭقۇركەن ...   بۇلۇپمۇ ئاخىرقى مىسرالىرى يۈرەككە تەگدى .

hadrat

	مول مەزمۇنلۇق چۇڭقۇر مەنىگە ئىگە ئادەمنى ئويلاندۇردىغان ياخشى شېئىركەن،ئەسەر ئىگىسىگە تەشەككۈر.ھارمىغايسىز.

توقماق

	ئاينى خاتا يېزىپ قويۇپتىىمەن.توغرىسى: 2015.2.9

بەگتاش

	بەك مەزمۇنلۇق بوپتۇ.تەتقىقاتىڭىزغا ھەم ئۇتۇقلار تىلەيمەن.

saman-yoli

	تېمىغا مۇناسىۋەتسىز بىر گەپنى سوراي . سىزنىڭ بوشلۇق نەزىرىيەسىنى تەتقىق قىلىۋاتقىنىڭىزغا 25يىل بولدىما .

sultan777

	مەزمۇنلۇق ياخشى شىئېركەن.