ئادەممەن ( ساترا )

KUMALTAGH

	ئادەممەن                                        ( ساترا  )                                    ئەمەتجان زۇنۇن ئارتۇچ ئەلگە ئەمەس ئەمەلگە باقىدىغان  ئادەممەن ، نەپ قوينىغا ئۆزۈمنى  ئاتىدىغان ئادەممەن ، بىلىمىمنى پەش قىلىپ ياتىدىغان ئادەممەن ، پايدا ئۈچۈن ۋىجداننى ساتىدىغان ئادەممەن ، ئۆز كۈچۈمگە دەرمانلار قاتىدىغان ئادەممەن . زىيان بىلەن خۇشۇم يوق  ئالغا چامداپ ماڭىمەن ، ئەمەلىي ئىش - خىزمەتتە  باشلىق بىلەن قالىمەن ، يىغىنلاردا ھەق سۆزلەپ پىرىنسىپ دەپ ھارىمەن ، ھېيلە - نەيرەڭ ، پەم بىلەن نىسىۋەمنى ئالىمەن ، مەنزىلىمگە يورۇق يول ئاچىدىغان ئادەممەن . پىتنە  - پاسات تېرىيمەن  ئاقىللارنىڭ يولىغا ، ھەر باب بىلەن چۈشۈرۈپ ياخشىلارنى ئورىغا ، بەكلا خۇمار ئۇزۇندىن مەنسەپ ئاتلىق دورىغا ، شۇڭا ئىتتەك كۆنۈكمەن  چاتقاللارغا ، شورىغا  ، ئەھلى مەرتكە مىخ بولۇپ پاتىدىغان ئادەممەن . ئۆز غېمىمدە ھەر كويدا نەپ ئۈچۈنلا ياشايمەن ، تۈۋرۈكىدىن يۇۋاشنىڭ ھەتتا شوتا ياسايمەن ، ئاسماي تۇمار ئانامغا ، قۇشناچىمغا  ئاسايمەن ، ھوقۇق - مەنسەپ قوينىدا بەركەت - نۇسرەت تاپايمەن ، قۇت پەيزىنى پۇل بىلەن  تاپىدىغان  ئادەممەن . يول تاللىماي يىغىمەن بايلىقنى ، مال - دۇنيانى  ، ئىنسانلىقتىن ياتلىشىپ ئۇنتۇپ غورۇر  ، ھايانى  ، مىزان ئەيلەپ ھاياتقا پەسكەشلىكنى ،  تامانى  ، سالدى جاھان رەپتارى  پۇل رىشتىنى ، سەۋدانى ، ھەشەمەتكە باغرىمنى ياقىدىغان ئادەممەن  . ئەيشى - ئىشرەت ، بەزمىدە شات يايرايمەن ، كۈلىمەن ، شېرىن چۈشتىن ، كەيىپتىن  خام - خىياللار سۈرىمەن ، قوسىقىم توق ، يانچۇق توم سەتەڭلەرگە  كۆيىمەن  ، ۋەسۋەسسىدە  ھەشەمنىڭ تەلۋىلەرچە  يۈرىمەن ، ئۆز نەپسىمنىڭ كەينىدىن  چاپىدىغان ئادەممەن  . ئانىي تېپىپ يىتىمنى  رىسقىغا چاڭ سالىمەن ، بايۋەتچىنىڭ  كەينىدىن خۇشامەتتە  ماڭىمەن ، نەپسىم ئۈچۈن ،  نەپ ئۈچۈن قېرىنداشتىن چانىمەن ، ئاچكۆزلۈكۈم  تۈپەيلى لەۋزىندىنمۇ  تانىمەن  ، دوست بېشىغا كۈن چۈشسە قاچىدىغان ئادەممەن . نەپتىن ئۆزگە خىيالىم يوق ئارمانىم ، نىشانىم  ، ئاز بولسىمۇ نەپ تەگسە ئېچىلىدۇ  چىرايىم  ، توزاق قۇرۇپ ھەر جايغا ئولجا ئېلىش خۇمارىم  ، مەنلا كۈلسەم ، يايرىسام  ئىشقا ئاشقاي مۇرادىم ، كۆكۈيۈندەك  ھەممنى چاقىدىغان ئادەممەن  . مەنبە  ؛  ئىجادىيىتىم  .

قورغان

	شەخسىيەتچى،قارا نىيەت،رەزىللەر قامچىلانغان ساتىراكەن ،ياقتۇردۇم... ئىجادىيىتىڭىزگە نۇسرەت تېلەيمەن!

زىبا.

	بۇ ساترانى ھەقىقەتەن ياقتۇردۇم .ئويلاپ باقسام تور دۇنياسىدا مۇشۇ ھەقتە نۇرغۇن ساترا يېزلىپ ،بۇنداق خاراكتىردىكى كىشىلەر خېلى ئوبدانلا قامچىلنىپ تۇرۋاتىدۇ ،ئەمما بۇنداق كىشىلەر ئازلاش بۇنڭدىن ئىبرەت ئېلىش ئەمەس ئەكسىنچە تېخىمۇ كۈپىيۋاتامدىكىن دەيمەن . ئەسەرنى ئۈزى ئەمەس ،ۋىجدانى ئۇقۇسا ئاندىن بىر كۈنلەردە ئىبرەت ئېلىپ قالار .

ۆمۈتۋار

	ئۆزىنىلا ئۇلايدىغان شەخىسىيەتچى ئادەم لە نى ياخشى قامچىلاپ سىز

خەنجىرى

	ياخشى چىقىپتۇ

saliha24

	ياخشى چىقىرىپتۇ ،رەھمەت سزگە.

خەنجىرى

	بەك ياخشى چىقىپتۇ

خەنجىرى

	ئەينى چاغدا بىر داستان يازىمەن دىگەن ئىدىڭىز ， قانداق بولدى؟

mingbexi

	بەك بەلەن يېزىپسىز  قولىڭىزغا دەرت يەتمىسۇن،يەنە يېزىڭ.

turmux.net

	ياخشى يېزىپسىز... ساتىرادا قامچىلانغان ئادەملەر ھۆجەيرىسىدىكى ‹ ئاچكۆزلۈك › دېگەن ۋىرۇسنى چىقىرۋەتمىگۈچە  ئىبرەت ئېلىشنى ئەمەلگە ئاشۇرالمايدۇ.