يېشىل شىركىتى بىلەن گۈللۈگ شىركىتى ھەمكارلاشتى

Misranim2

	نۇر تورى مەخسۇس خەۋىرى : 2015-يىلى 2-ئاينىڭ 7-كۈنى شىنجاڭ گۈللۈگ ئېكولوگىيىلىك يېزا-ئىگىلىك تەرەققىيات چەكلىك شىركىتى بىلەن شىنجاڭ يېشىل بىئو پەن-تېخنىكا چەكلىك شىركىتى ھەمكارلىقى ئاساسىدا ئورتاق مەبلەغ سېلىپ قۇرۇلغان شىنجاڭ يېشىل گۈللۈگ بىئو پەن-تېخنىكا چەكلىك شىركىتىنىڭ ئاخبارات ئېلان قىلىش يىغىنى ئۈرۈمچى شەھىرى يېڭى يۇقىرى تېخنىكا تەرەققىيات شىمالىي رايونى شىسەي يولىدىكى شىنجاڭ بىئو دورا بويىچە يېڭىلىق يارىتىش ئىگىلىك تىكلەش باغچىسىدا مۇۋەپپەقىيەتلىك ھالدا ئېچىلدى. شىنجاڭ يېشىل گۈللۈگ بىئو پەن-تېخنىكا شىركىتى شىنجاڭ گۈللۈگ ئېكولوگىيىلىك يېزا-ئىگىلىك تەرەققىيات چەكلىك شىركىتى بىلەن شىنجاڭ يېشىل بىئو پەن-تېخنىكا شىركىتى ئورتاق مەبلىغى ئاستىدا قۇرۇلغان تەتقىق قىلىپ ئېچىش، سېتىش بىر گەۋدىلەشكەن مالىنا كەسپىي تەرەققىيات شىركىتى بولۇپ، شىركەت كۈچلۈك بولغان تېخنىكا ئاساسى، يېتەرلىك بولغان ئېكولوگىيىلىك خام ئەشيا بازىسى، دۇنيادىكى ئەڭ ئىلغار GMP ئۆلچىمىدىكى تەجرىبىخانىسىغا ئىگە. دۆلىتىمىز ۋە چەتئەللەردە دوكتۇرلۇق، ماگىستىرلىق ۋە باكلاۋۇرلۇق ئوقۇشىنى تاماملىغان تەتقىقاتچىلار قوشۇنىغا ئىگە، دۆلىتىمىز ۋە چەتئەللەردە بىلىم ئاشۇرۇپ ئىلغار كارخانا باشقۇرۇش ئىدىيىسىگە ۋە تەجرىبىسىگە ئىگە ياشلاردىن تەركىب تاپقان بولۇپ، شىنجاڭ يېشىل گۈللۈگ بىئو پەن-تېخنىكا چەكلىك شىركىتى مالىنا ۋە مالىناغا مۇناسىۋەتلىك ساغلاملىق مەھسۇلاتلىرىنى تەتقىق قىلىش، خام ئەشيا بازىسى يېتىشتۈرۈش ۋە سېتىش بىر گەۋدىلەشتۈرۈلگەن كارخانا. شىنجاڭ گۈللۈگ ئېكولوگىيىلىك يېزا-ئىگىلىك تەرەققىيات چەكلىك شىركىتى 2014-يىلى 2-ئايدا قۇرۇلغان بولۇپ، باش شىركەت ئورنى ئۈرۈمچى شەھىرىدە، ئىشلەپچىقىىرش ئورنى ۋە خام ئەشيا بازىسى بولسا ئىلى دەرياسىنىڭ باش ئېقىنىدىكى غۇلجا ناھىيىسى بايتوقاي يېزىسى ۋە دۇنيادىكى ئالدىنقى تۆت چوڭ يايلاق دەريا ۋادىلىرىدىن بىرى بولغان، كىشىلەر تەرىپىدىن «بوشلۇقتىكى يايلاق» دەپ تەرىپلەنگەن نارات يايلىقىنىڭ ئەتراپىغا جايلاشقان. مەزكۇر شىركەت مالىنا مېۋىسىنى ئۆستۈرۈش، پەرۋىش قىلىش، تېز توڭلىتىش، مالىنا مەھسۇلاتىنى ئىنچىكىلىك بىلەن ئايرىش، تەتقىق قىلىش ۋە ئىنچىكە پىششىقلاپ ئىشلەش سانائىتى بىر گەۋدىلەشكەن، شىنجاڭدىكى بىردىنبىر مالىنا مېۋىسىنى ئاساس قىلغان ئېكولوگىيىلىك يېزا-ئىگىلىك شىركىتى. ئاساسلىق مەھسۇلاتلىرىدىن مالىنا مۇرابباسى، مالىنا قىزىل چېيى، مالىنا ئىچىملىكى قاتارلىقلار بار بولۇپ، تەتقىقات باسقۇچىدىكى مەھسۇلاتلىرى 10 خىلدىن ئاشىدۇ. پائالىيەتكە مۇناسىۋەتلىك بىرقىسىم رەسىملەر: رەسىملەرنى مىسرانىم فوتوگرافى ئەخمەت تۇردىھاجى

Alamdar-X

	باشقا كارخانىلارنىڭمۇ ھەمكارلىشىپ زاۋۇت قۇرۇپ مەھسۇلاتلارنى ئۆزى ئىشلەپ چىقىرشىنى ئۈمۈد قىلىمەن.

tumaris01

	مەنمۇ  شۇنداق  بۇلۇشىنى  ئۈمىد  قىلىمەن

hey

	ياخشى ئىش بوپتۇ ، ئۇتۇقلار يار بولسۇن

madonna

	قايىل بولغان يېرىم ، چەتئەلدىن ئىلغان ئۈسكۈنە ۋە ئىقتىدارلىق ياشلارنى جەملىگىنى .

xajarim

	ئۇتۇقلار يار بولسۇن .. ھەمكارلىشىپ  سورۇن ئەمەس  مۇشۇنداق   زاۋۇت قۇرايلى...

iltebir

	ئەمدى مۇشۇنداق بۇلغىنىمۇ كىچىكمىگەن بۇلىدۇ. چېچىلىپ كەتكەن ئىقتىزادنى يىغىپ ،ھەمكارلىشىپ تېخىمۇ چوڭ ئىشلارنى قىلىش كېرەك.

pikAso

turmux.net

	بىرلىشىش، ھەمكارلىق تەرەققىياتنىڭ يەنە بىر ئىلگىرلەش يولى، مۇبارەك بولسۇن!