كېلەر بولساڭ...... (غەزەل)

toltap

	‏              كېلەر بولساڭ...... ‏       مۇھەممەد ئەمىن ئابدۇلئەزىز ‏ ‏كېلەر بولساڭ مېنى دەپ كەل، غېرىبنىڭ باغرىنى دەپ كەل، ‏ئېغىر كۈنلەردە زارلانماي يېيەرگە زاغرىنى دەپ كەل. ‏ئىچىم پۇشقاندا ئولتۇرسام، دەردىمگە ئەم-داۋا ئىزدەپ، ‏قەيەرىڭ بىئارام يارىم؟ يۈرەكىم ئاغرىدى دەپ كەل. ‏كېلىپ تۇرغىن، كېلىۋەرگىن، قەلب خانەمگە خاندۇرسەن، ‏ۋىسالغا قانمىغاچ دىلدا چىراغىم يانمىدى دەپ كەل. ‏تىرىكمەيمەن، زېرىكمەيمەن، ئەكسچە خىيالىم سەندە، ‏بىلەگىڭ تېخىچە مېنى ھاپاشلاپ تالمىدى دەپ كەل. ‏مۇراد نەدە؟ بەخت نەدە؟ جاناننىڭ كۈلكىسى نەدە؟ ‏ئاساۋ قانلار، تولۇن ئايلار كۈلكىگە قانمىدى دەپ كەل. ‏ساداقەت باغىدا گۈل بول، ۋاپانىڭ سۈيىدە ياشناپ، ‏مۇھەببەت ئېتىزى سۇغا ئەجەب بىر قانمىدى دەپ كەل. ‏سېنىڭسىز مەن قىلاي قانداق؟ ساياق باشىمغا تاجىم سەن، ‏كېتىۋەرمە، كېلەر بولساڭ، سۇناي ۋە ناغرىنى دەپ كەل! ‏ ‏شەھىدانە خوتەندە يېزىلدى.

hadrat

	ياخشى غەزەلكەن.

turmux.net

	غەزەل ياخشى چىقىپتۇ، قەلەم تۇتقان قوللارغا دەرت كەلمىسۇن!

alamdar00

	غەزەل ھەقىقەتەن ياخشى چىقىپتۇ خۇتەندە يېزىلدى دەپتىكەنسىز يۇرتۇمنى سېغىنىش ئۇتى يۇرگۈمنى ئېچىشتۇرۋەتتى

kirimjanyasin

	3-مىسرادا پىستان چېقىپتۇ

ۆمۈتۋار

	ياختۇدۇم

جۈرئىتى

	يەنە يېزىپ تۇرۇڭ .

mamatkurban

	ياخشى چىقىپتۇ

زىبا.

	غەزەلنىڭ بېشىغا قارىغاندا ئاخىرى شۇنداق راۋان ،ياخشى ئاخىرلىشىپتۇ .مىسرالار شۇنداق سۈزۈك .ئىجادىيەتلىرڭىز تېخىمۇ بەركەتلىك بولسۇن.