يىغىن ئاچسىڭىز ئېچىڭ

borkut-

	يىغىن ئاچسىڭىز ئېچىڭ بىزنىڭ ئۇشبۇ باشلىقنىڭ ، يىغىنغا بار خۇمارى . ياكى قوينىدا بارمۇ  ، سۆزلەتكۈزۈش تۇمارى . كۈندە بەشۋاق نامازدەك ، يىغىن ئاچمىسا بولماس . ھەر قېتىملىق يىغىندا ، زەھەر چاچمىسا ئۇنماس . ھەر قېتىملىق يىغىننى ، ئاچىدۇ  بەك مۇھىم دەپ . ئاڭلىسىڭىز سۆزىنى ، ئۆتۈپ كەتكەن كونا گەپ . سۆزلەپ كېتەر سائەتلەپ ، باشلىۋالسا سۆزىنى . تىل سېلىپ ھەم ئەزۋەيلەپ ، تۇختىتالماي ئۆزىنى . يىغىن ئاچسا بەزىدە ، ئولتۇرىمىز كەچكىچە . ئۆيدىكىلەر ئەنسىرەپ ، چاقىرغىلى  كەلگىچە . بۇ ئىشلاردىن ھەممەيلەن ، يوشۇرۇنچە زارلايدۇ . ئاڭلاپ قالسا زارلاشنى ، زارلىغاننى پارلايدۇ . شۇنداق دېگۈم كېلىدۇ ، باشلىقىمغا بىر سۆزنى . ئۇنچىۋالا قىينىماڭ ، ئۆزىڭىزنى ھەم بىزنى . يىغىن ئاچسىڭىز ئېچىڭ ، لېكىن بولسۇن مەنىلىك . كونا سۆزلەردىن كېچىڭ ، بولمىسۇن ھەم تەنىلىك . شۇنداق بولسا يىغىنلار ، ئىشلار بولۇر بەك راۋان . بىزمۇ ھەم غەيرەت بىلەن ، ئىشلەپ ئاشىمىز داۋان. مەنبە : ئۆزۈم

1710771680

	ياخشى يېزىپسىز .يېغىن دىگەننى قىسقا ،سۆزلىرىنى ئىخچام ،نەخ گەپنى دەپ ئېچىش كېرەك.

mahatjan

	باشلىق بولغان كىشى يىغىن ئاچقاندا ئاز ۋە ساز سۆزلەش كىرەك.ئۆزىنى ئەمەس خەلىقنى كۆزلەش كىرەك.باشلىقنىڭ گىپى ئاقمايدۇ بولمىسا ئۇ ئەقىللىق ۋە زىرەك.

ayguzal1

	‹‹ئىشلىمىسىڭىز كېتىڭ،ئىزىڭىزغا ئادەم  بار، دەرۋازا ئالدىدا ساقلاپ تۇرغان نى داشۆسېڭلار بار ئىزىڭىزغا ئىشلەيدىغان....››دەپ يىغىن ئېچىپ كەتسە...... تىلى ئۆتكۈر چىقىپتۇ شېئىرىڭىزنىڭ....

turmux.net

	ياخشى يېزىپسىز... باشلىقىڭىزدىن ھالىتىدىن قارىغاندا ئۇ باشلىق بولۇشنىڭ ئىپى - جىپىنى تازا بىلمەيدىغان بولسا كېرەك...

ئوسمان

	يىغىن زالىغا  يىپەك يولى ساداسىغا ئوخشاش ئورۇندۇق قۇيۇپ بەرسە  .قايسى باشلىقنىڭ گىپى قۇلاققا  خۇشياقسا  كەينىگە ئۆرۈلۈپ تىڭشىساق  بولمىسا  كەينىمىزنى قىپ تۇرۇپ تىلفۇنۇمىزنى  ئويناۋەرسەك،

izqel

	ئامال يوق....چۈنكى يىغىن ئاچمىسا ئىشلار ئۇرۇنلاشتۇرۇلمايدۇ..بۇ ھازىرقى ئۆلچەم.كۆنمەي ئىلاج يوق.

21132113

	ئۇنداق تۇغما لەقۋا باشلىقلارغا  تۈمەنمىڭ كۇپلىت شىئېر- قوشاق تۇقۇسىمۇ  قىلچە كارقىلمايدۇ چۈنكى ئىقتىدارسىزلار ھۇقۇق بېشىغا چىقسا تۈزۈم  چىڭىيدۇ ئىش قەتتى ئاقمايدۇ

(شەيدا)

	تىيىپچان ئېليوفنىڭ « ۋالاقتەككۈرۈپنىڭ ئۆلۈمى» دېگەن شېئىرىنى ئەسلەتتىڭىز....

okoguqi9

	يىغىننى ئاز ئاچسا قانداقمۇ باشلىق) دىگەن مۇبارەك نامىغا يۈز كىلەلەيدۇ ؟