ئۆلتۈر، قاتىلىم ئۆلتۈر...

qaraxani

	ئۆلتۈر، قاتىلىم ئۆلتۈر... قاراخان توپقا قاراپ تاش ئاتسام ئۆلتۈر، قاتىلىم ئۆلتۈر، ياتقا قاراپ قاش ئاتسام  ئۆلتۈر، قاتىلىم ئۆلتۈر. باغلاپ باقساڭ بۆرە دەپ،كۆزۈم بولسا جاڭگالدا، ئاينىپ كەتكەن دوست ئەمەس دەپ ئۆلتۈر، قاتىلىم ئۆلتۈر ، دوستقا زار ،دۈشمەنگە خار،نامەردكە بولسام ئىنتىزار، مۈشكۈلۈمنى ئاسان قىل ئۆلتۈر، قاتىلىم ئۆلتۈر. بىلەكتىكى باتۇرلۇق， يۈرىگىمدە بولمىسا، مەيدان ئارا سىناپ يۈرمەي ئۆلتۈر، قاتىلىم ئۆلتۈر. تۆمۈرچىمەن قولۇمدا تۆمۈر ئىمان ئېيتمىسا، يىڭنىچىدىن پەس كۆرۈپ ، ئۆلتۈر، قاتىلىم ئۆلتۈر . چىچەن يىگىت يىلاننىڭ‹‹ كۆشىگى››نى بىلىدۇ، غاپىل دىسەڭ، غەمخان بوپ  ئۆلتۈر، قاتىلىم ئۆلتۈر. چالا قاقسام غاڭزامنى ،ئات ھارۋامغا تارتىشىپ، كاۋاك ئىشتا نە خەير دەپ ئۆلتۈر! قاتىلىم ئۆلتۈر. قار ，يامغۇردا پولو، شورپا،بوراندا خوپ ئۇيقۇ دىسەم، نەپسىگە قۇل ،ئاۋارە دەپ ئۆلتۈر، قاتىلىم ئۆلتۈر. رەمبالنىڭ رەم-قۇرىدىن،بىر خىيالىم مىڭ دۇرۇس، ئالدىنىپ يۈرسەم چۈشۈمگە ئۆلتۈر، قاتىلىم ئۆلتۈر. كېتىمەن دەپ ئوتۇمنى ئۆچۈرمىدىم ھېچقاچان، كۆرۈنگەن تاغ يىراق دىسەم ئۆلتۈر، قاتىلىم ئۆلتۈر. سۆز قوغلىشىپ يولۇقسام خەزىنە ياق كاشالغا، باشقا چىققان ئېغىز دەپ ئۆلتۈر، قاتىلىم ئۆلتۈر. تىرىكلىكنىڭ نىشانى دەپ خەت- خالتاڭنى ئىۋەرتسەڭ، ئاڭا جاۋاپ بېرەلمىسەم ئۆلتۈر، قاتىلىم ئۆلتۈر. كۆزدىن ئاۋۋال ئاشىق بولسا قۇلاقلىرىم ئۇچۇرغا، مەجنۇن دىسە دىلى كورلار ،ئۆلتۈر، قاتىلىم ئۆلتۈر. ياخشى ئاتنىڭ تۇيىقىدىن چاڭ چىقامدۇ قاراپ باق، خەشىكى يوق دۆڭ ئاتالسام ئۆلتۈر قاتىلىم ئۆلتۈر. 2015-يىلى 3-فېۋرال

nazigul8

	ماۋزۇغا قاراپ، دەھشەت شېئىردىن بىرنى ئوقۇيدىغان بولدۇم دەپ كىرگەنتىم، لېكىن راست گەپنى قىلسام رەنجىمەسسىز -ھە، شېئىر يېزىشتا قەلىمىڭىز خېلى كۈچلۈكتى، لېكىن ما شېئىردا «ئۆلتۈر، قاتىلىم ئۆلتۈر» دىگەن سۆزنى شۇ ھەر بىر مىسراغا زولاپ قىستۇرۇپ قويغاندەك بىلىنىپ كەتتى ماڭا. يەنى «ئۆلتۈر، قاتىلىم ئۆلتۈر» دىگەن سۆز بۇ شېئىردا ئۆز ئىپادىسىنى ياخشى تاپالمىغاندەكلا ئىشقىپ. مەنمۇ بىر ئاددى شېئىر ھەۋەسكارى، خاتا سۆزلەپ قالغان بولسام خاپا بولماسسىز-ھە

turmux.net

	ياخشى يېزىپسىز...

qaraxani

	nazigul8 يوللىغان ۋاقتى  2015-2-5 10:11 PM ماۋزۇغا قاراپ، دەھشەت شېئىردىن بىرنى ئوقۇيدىغان بولدۇ ... رەھمەت مەنمۇ كۆزلىگەن مەقسەتكە يەتتىم دىيەلمەيمەن،قايتا ئىشلەپ كۆرسەم بولغىدەك نازىگۈل 8!

xatuti

	چىللاڭ خورىزىم چىللاڭ دىگەن ناخشىنىڭ ئاھاڭىغا سېلىپ ئوقۇپ باقسام خېلى قاملىشىپ قالغاندەك ياخشى يېزىپسىز،تېخىمۇ تىرىشىڭ....................

qaraxani

	xatuti يوللىغان ۋاقتى  2015-2-6 11:27 AM چىللاڭ خورىزىم چىللاڭ دىگەن ناخشىنىڭ ئاھاڭىغا سېلىپ ئ ... خەجلە ،خائىنلارەي  خەجلە دىگەن ئاھاڭغا تېخىمۇ چۈشىدۇ ،مۇزىكا سېزىمىڭىز قالتىسكەن،مەنمۇ سىزنى دوراپ سېلىپ باقسام ئوخشاش چىقتى...رەھمەت تۇتىنىسا خانىم.

xatuti

	qaraxani يوللىغان ۋاقتى  2015-2-6 11:39 AM خەجلە ،خائىنلارەي  خەجلە دىگەن ئاھاڭغا تېخىمۇ چۈشىدۇ  ... سىز ئېيتقان بۇ ناخشىنى مەن ئاڭلاپ باقماپتىكەنمەن،شۇڭا تەسەۋۋۇر قىلالمىدىم..............قاپقاراخان ئەپەندى!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!  ئەتتىگەنلىك ناشتىنى ھەرگىز ئۇنۇتماڭ!!!! ياخشى يېزىپسىز!تېخىمۇ تىرىشىڭ!

qaraxani

	xatuti يوللىغان ۋاقتى  2015-2-6 11:46 AM سىز ئېيتقان بۇ ناخشىنى مەن ئاڭلاپ باقماپتىكەنمەن،شۇڭ ... ئەتىگەنلىك ناشتىنى ھەرگىز ئۇنۇتماڭ!!! ..................................................... ماقۇل،              مۇنىرە غوپۇرمۇ شۇنداق تەۋسىيە قىلغاندى، ئىستىقبال سەھنىسىدە،رەھمەت ئەسكەرتكىنىڭىزگە!

umut47

	قەلىمىڭىزەگە ئۇتۇق تىلەيمەن ...................

tumaris01

	قەلىمىڭىز  بەرىكەتلىك  بولغاي