غەنىزات ئۇيغۇر:ياش تۆكمە گۈلۈم

tumankut

	ياش تۆكمە گۈلۈم غەنىزات ئۇيغۇر مۇڭلانغان چېھرىمگە باققىن بىر قېتىم، ئازابنىڭ تەكتىدىن قۇتۇلسۇن كۆڭۈل. قۇياشتەك ھۆسنۈڭگە قانسۇن كۆزلىرىم، بولمىسۇن ئاشىقىڭ يۈرەك-باغرى كۈل. پاچاقلاپ تاشلانسۇن ھېجران ھەيكىلى، سايرىسۇن بۇلبۇلۇم  ۋىسال بېغىڭدا.. نۇر  تۆكسۇن چاراقلاپ ئۈمىد ئاپتىپى،   يالتىراپ  ئۇپۇقتا  تۇرغان ئىزىڭدا . شادلانسۇن  قەلبىمىز  بولغاندەك ئايەم، سائادەت كۆكىدە زۇھەلدەك يېنىپ. بەختكە قايتىدىن بىرەيلى تەبىر، سۆيگۈگە-لەززەتكە يېنىشلاپ قېنىپ. كەل دىلدار  ئىشقىمنىڭ گۈلىستانىغا، ساداقەت گۈلىنى چېھرىڭگە قىسىپ. ۋىسال دەپ ياش تۆكۈش ئەمدى ساڭا يات، ئەقىدە، ئارمىنىم بىر ساڭا نېسىپ. مۇڭلانغان چېھرىمگە باققىن بىر قېتىم، ئازابنىڭ تەكتىدىن قۇتۇلسۇن كۆڭۈل.. ئىشقىمىز باغلىرى مېھرىڭدە ياشناپ، مېھرىمدىن چېھرىڭدە پورەكلىسۇن گۈل.

tumankut

	كېچىدىكى سۆز نىڭ پايانى غەنىزات ئۇيغۇر كېچىدىكى سۆز ماڭا قاراپ كېلىۋاتاتتى.سۆزنىڭ شەكلىنىڭ قانداق ئىكەنلىكىگە تاكى ھازىرغىچە دىققەت قىلىپ ئېنىق كۆرۈۋالمىغىنىمغا ئۆزۈممۇ ھەيران.بىراق مەن يەنىلا  بايىقى جايدا _ كېچە بىلەن  كۈندۈزنىڭ ئارلىقىدا،مەۋجۇدلۇقۇم ئىمكانسىزلىق  زەنجىرلىرىدە كىشەنلىنىۋاتقان تەن ئارىلىدىكى سۆزنىڭ پايانىدا ئازابلىق  تۇرقۇڭغا  باغلاندىم. نېمىشقا شۇنداق ؟... سۆز مەندىن سۇئال سوراۋاتقان،ئۆزلۈك ئۆزلۈكۈمنى يەكلەۋاتقان،ئىچىم ئىچىمنى تىڭلاۋاتقان، قەلبىم قەلىمىمىنى جىڭلاۋاتقان،ۋۇجۇدىيەت دېڭىزىمغا ئىستەك قۇياشىىڭنىڭ نۇرلىرى تېخى چېچىلمىغان  چاغ ئىدى.     ئىلىمىيلىكىمنى سۆز ئارقىلىق ئىسپاتلاشقا بىئىختىيارمەن.شۇنداقلا ئىسپاتلاشنىڭمۇ  ۋاقتى  ئۇنتۇلۇش  دېڭىزىغا غەرق بولغان...ھەتتا  مېنىڭ  مەن ئىكەنلىكىمنى مەنمۇ دەپ بىرەلمەيمەن.چۈنكى مېنىڭ  مەنلىكىمنى ئىسپاتلاش ھوقۇقى  پەقەت سۈرەت ۋە يېزىققىىلا  بىرىلگەن.سۆزگە ئۇنداق ھوقۇق بېرىلمىگەن.ئالدىڭدا تۇرغىنى  پەقەتلا  مېنىڭ شەكلىم.چۈنكى سەن پەقەت شەكلىمنىلا كۆرەلەيسەن. شەكلىمدىن قېچىپ كېتەلمەيمەن. قەلىب كۆزۈڭ  قەلبىمنى كۆرگۈدەك دەرىجىدە ئۆتكۈر ئەمەس،قەلبىڭ  قەلبىمنى تونۇشقا ئامالسىز قالغان پەيىتلەردىكى ئېنتىلىشلىرىڭنىڭ پەيمانىغا  ۋاقىت  سىغدالغان.خىزمەت بىلەن ۋاقىت  مېنى  پارچىلاپ  يەۋاتقاندىلا  سەن  مېنىڭ شەكلىمنى كۆرگەن. ۋاقىتنىڭ ئىچىدىن چىقىۋاتقىنى  قەدەملىرىمگە چۆكۈۋاتقان  قۇياش.ئۇ سېنىڭ شەكىللىك جىسمىڭنى مېنىڭ قەلىب كۆزۈمدە  سۈرەتكە تارتقانلىقىنى كۆرمىگەن بولۇشۇڭ ئېنىق.چۈنكى مەن ساڭا ئۇنى كۆرۈش ھوقۇقىنى بىرىش ۋاقتىنى كېچىكتۈرۈۋەتكەن.    ئالدىمدىكى سەنمۇ؟ سەنلىكىڭگە  سەنمۇ ئىسپات تېپىىپ بىرىشكە ئامالسىزغۇ  ئاخىر؟!...ئۇنىڭ سۆزمەنلىكىنى سۆزلىرىم بىلەن قۇۋۋەتلەيمەن.ئۇنىڭ  سۆزلىرىدە سۆز  بار.ئۇنىڭ سۆزلىرىگە مۇدىھىش مۇددىئا يوشۇرۇنغان. مۇددىئاسىز  سۆزنى ئۇنىڭ دېمەيدىغانلىقىنى سەندىن باشقا يەنە كىم بىلىدۇ؟...ئۇنىڭ سۆزلىرىگە سۆز قاتماسلىق ئىمكانى يۈتكەن.مەيلى،ئۇ بىزنىڭ ئاخىرقى سۆزىمىز ئەمەسقۇ؟    يەنىلا بايىقى جايدا-سۆز بىلەن سۆز  توقۇنۇشقان،شىددەتلىك سۆز ئۇرۇشى پارتىلىغان جايدا  ئۇنىڭ بارلىقىىغا  دىققەت قىلمايلا  تۇرغان ئىدىم.ئۇنىڭ  نەدىن كېلىدىغانلىقى  نامەلۇم  ئەشۇ  چاغدا ، كىشىلەر  ئۇنى ئۆز مەقسىدى ئۈچۈن سۆرەپ كېلىشكەن ئىدى.سۆز  ئەركىن ھاۋادىمۇ  بۇرۇقتۇملۇق ھېس قىلامدىغاندۇ؟ ئۇنىڭ تۇرقىغا دىققەت  قىلغۇم كەلمىدى،چۈنكى ئۇنىڭ  تۇرقى بەكلا  رەھىمسز  كۆرۈنگەن بولۇشى ياكى بەكلا بىچارە بولۇشى مۈمكىن.. ناۋادا بىچارە بولسا سۆزنىڭ  ئازابلىنىۋاتقان ھالىتىدىن ئۇنى مەن ئەمەس،مېنىڭ  تىلىمنىڭ ئۇچىغا قونۇۋالغان  سۆزلا  قۇتقۇزالايدۇ.سۆزنىڭ شەكلىنى ئاختۇرۇۋاتقان كىشىلەرنىڭ  نېمە مۇددىئادا  شۇنداق قىلىۋاتقانلىقىنى چۈشەنگۈم يوق.چۈنكى سۆز ئادەمنى سۆزلىتىدۇ.    كېچىدىكى سۆز مەندىن يىراقلاپ كەتتى...                                                                     2011-يىل،2-ئۆكتەبىر،قەشقەر

ayguzal1

	شېئىرىي تىلى يېقىشلىق،قاپىيەلىرى جايىدا،مىسرالار راۋان چىقىپتۇ شېئىرنىڭ.... نەسىرمۇ ھېسياتىلق،مۇڭلۇق  چىقىپتۇ،شېئىرنى ۋە نەسىرنى ئىككىلسىنى ياقتۇردۇم.....

tumaris01

	مەنمۇ  بەك  ياقتۇردۇم ، بۇندىن  كېيىنمۇ  تىرىشقايسىز

turmux.net

	ياخشى يېزىپسىز... تېخىمۇ تىرىشىڭ

flood

	مەن شىئ‍ىرنى بەك ياقتۇردۇم ،،،،،،، غەيرەت قىلىڭ

خەنجىرى

	ياخشى چىقىپتۇ

Gvlmisal

	مۇڭلانغان چېھرىمگە  باققىن بىر قېتىم، ئازابنىڭ تەكتىدىن قۇتۇلسۇن كۆڭۈل. بۇ ئىككى مىسرانى تولىمۇ ياقتۇرۇپ قالدىم.