ئېنتىرنېت ماگناتلىرى ئېلان توسۇش دېتاللىرىغا تەسلىم بولدى

okyan2014

	ئېنتىرنېت ماگناتلىرى ئېلان توسۇش دېتاللىرىغا تەسلىم بولدى پۇل-مۇئامىلەۋاقىت گېزىتى تورىنىڭ 2-فېۋرال خەۋىرى: گۇگول، ئامازون، مىكروسوفت ۋە تابۇلا (Taboola) قاتارلىقلار دۇنيادىكى ئەڭ ئاۋات تور ئېلانى توسۇش يۇمشاق دېتالىAdblock Plus نى ياسىغان گېرمانىيە پەن-تېخنىكا شىركىتىگە جىممىدە پۇل تۆلەپ، ئەمدى ئۇلارنىڭ تور بېتىدىكى ئېلانلارنى توسماسلىقىنى ئۆتۈندى. بۇسودىلار مەخپىي بولغان، ئەمما بۇ سودىلارنىڭ مەۋجۇتلىقى ئەنگلىيە «پۇل-مۇئامىلەۋاقىت گېزىتى»نىڭ دەلىللىشىگە ئېرىشتى. بۇ سودىلار قىممىتى 120 مىليارد ئامېرىكا دوللىرىلىق تور ئېلان بازىرىنىڭ بىر قىسىم ئەڭ چوڭ قاتناشقۇچىلىرىنىڭ ئېلان توسۇش يۇمشاق دېتالىنىڭ قەد كۆتۈرۈشىنى ئۆز تىجارىتىدىكى ئەمەلىي تەھدىت دەپ قارىغانلىقىنى ئىسپاتلاپ بەردى. تورداشلارنىڭ ئامال قىلىپ ئېلان پەيدا قىلغان ئاۋارىچىلىقنى يوقىتىشنى ئۈمىد قىلىشغا ئەگىشىپ، Adblock Plus يېقىنقى يىللاردا Chrome ۋە Firefoxتور كۆرگۈچىدە ئەڭ ئاۋات ھەقسىز دېتال بولۇپ قالدى. بۇ دېتالنى ياسىغان گېرمانىيە شىركىتى Eyeo نىڭ بىلدۈرۈشىچە، بۇ يۇمشاق دېتال يەر شارى مىقياسىدا 300 مىليون قېتىم چۈشۈرۈلگەن، 50 مىليون ئاكتىپ ئابونېنتى بار ئىكەن. لېكىن،ئېلان كىرىمى ئارقىلىق ئۆزىنىڭ تىجارىتىنى يۈرۈشتۈرۈۋاتقان ئېلان شىركەتلىرى ئېلان توسۇش دېتالىنىڭ ئۆزىنىڭ سودا ئەندىزىسىگە زىيان سېلىشىدىن ئەندىشە قىلماقتا. RTL ۋە ProSiebenSat.1 نى ئۆز ئىچىگە ئالغان گېرمانىيە مېدىيە شىركەتلىرى Eyeo دىن تۆلەم ئالماقچى بولۇۋاتىدۇ، فرانسىيە ئېلان شىركىتىمۇ گېرمانىيەدىكى كەسىپداشلىرىغا ئوخشاش ئۇسۇلنى قوللىنىش قوللانماسلىقنى ئويلىشىۋېتىپتۇ. گۇگول ۋە ئامازون باھا بېرىشنى رەت قىلدى. مىكروسوفت قارمىقىدىكى بىڭ ئىزدەش ماتورىنىڭ ئېلانىنى توسۇش بىكار قىلىنغان. مىكروسوفت:«بىزبارلىق كۈچىمىز بىلەن بۇنداق شېرىكلەر بىلەن ھەمكارلىشىمىز: ئۇنىڭ ئەھمىيەتلىك، تەسىر كۈچى بار ماركىلار بىلەن ئۆز ئارا ھەرىكەت قىلىش ئارزۇسى بىز بىلەن بىردەك بولۇشى كېرەك ھەمدە ئىستېمالچىلارنىڭ تاللىشىغا تولۇق ھۆرمەت قىلىشى كېرەك» دېدى. Eyeo «ئاق تىزىملىك» تەسىس قىلىپ،تاللاپ تۇرۇپ بەزى ئېلانلارنى توسماسلىق ئارقىلىق پايدا ئالىدۇ. مەزكۇر شىركەتنىڭ بىلدۈرۈشىچە، پەقەت بەلگىلىك ئۆلچەمنى قانائەتلەندۈرگەن تور بەتلەرلا ئاندىن بۇ«ئېلان قوبۇل قىلغىلى بولىدۇ»غان تىزىملىككە كىرەلەيدىكەن، مەسىلەن، Eyeoغا ئېلاننىڭ سالايىھىتىنى ھەمدە زىيارەت قىلىۋاتقان تور بەتتىكى مەزمۇنلارغا كاشىلا  قىلمايدىغان ياكى بۇرمىلىمايدىغانلىقىنى ئېنىق بىلدۈرگەنلەر. گەرچە ئاق تىزىملىك مېخانىزىمى كىچىك تور بەت ۋە بلوگلارغا ھەقسىز بولسىمۇ، ئەمما تۈرنىڭ سىجىللىقى ئۈچۈن چوڭ كارخانىلاردىن ھەق ئالىدۇ. Eyeo ھەق ئېلىش ئۆلچىمىنى ئاشكارىلاشنى رەت قىلدى. ئىسمىنى ئاشكارىلاشنى رەت قىلغان بىر مېدىيە شىركىتىنىڭ بىلدۈرۈشىچە، Eyeo تەلەپ قىلغان ھەق ئېلان چەكلەشنى بىكار قىلغاندىن كېيىن كىرگەن ئارتۇقچە ئېلان كىرىمىنىڭ %30 گە باراۋەر ئىكەن. قايسى ئېلانلارنى قوبۇل قىلغىلى بولىدىغان، قايسى ئېلانلارنى قوبۇل قىلغىلى بولمايدىغانلىقىغا ھۆكۈم قىلىشتا Eyeo ئېھتىياتچان بولۇپ، Adblock Plus نىڭ ئابونېنتلىرىنىڭ ئاچچىقىنى كەلتۈرۈپ قويۇشتىن ساقلانغان. تەرجىمىدە:ئوكيان تورى

Oybek

	ماۋۇ بۇلدىغان خەۋەركەنغۇ  مەنمۇ چۈشرۇپ قويسام بۇلدىكەنغۇ.

feruq

	تورداشلاردىن سوراپ باقسام، ئورخان پامۇكنىڭ (باشقىچە رەڭلەر— خەنزۇچە ئىسمى 别样的色彩) ناملىق كىتابىنىڭ ئۇيغۇرچە نەشىرى نەشىردىن چىققانمىدۇ؟كىتابخانىلاردىن تاپقىلى بولارمۇ؟ بىلىدىغانلار جاۋاب بېرىۋەتكەن بولساڭلار.

zulpukar

	ھەرگىز چۈشۈرمەڭلار.......  ئۇ دىگەن بىر ۋىروس.........   ئۇنى چۈشۈرۋالساڭلار  توربەت ئېچىپ ئېلان قويغانلار قانداق قىلىدۇ دەيمەن

turmux.net

	تىخنىكا يوقىرلىغانسىرى ئاجايىب ئىشلار چىققىۋاتىدۇ جۇمۇ

okyan2014

	zulpukar يوللىغان ۋاقتى  2015-2-2 08:02 PM ھەرگىز چۈشۈرمەڭلار.......  ئۇ دىگەن بىر ۋىروس.........   ئۇ ... سىزنىڭمۇ تور بېتىڭىز بار ئوخشىمامدۇ؟ بەزى تور بەتلەردە ئادەم چىدىغۇسىز دەرىجىدە خەنزۇچە ئېلانلار بار ئىكەن. زادى مۇشۇنداق دېتال بىلەن توسۇپ قويماي بولمىدى.

music135

	بۇ سىستىما 360  ،  2345   ، بەيدۇ  دىگەندەك  توركۆرگۈچلەرگە بولمايدىغاندەك قىلىدۇ . ئىلان  توسىدىغان يەنە باشقا  ياخشىراق سىستىمىلار بامىدۇ ؟

kapsiz

	بۇرادەرلە، بولسا ئېلان توسىدىغان ياخشىراق قوللىنىشچان دېتاللار بولسا تەۋسىيە قىلساڭلار بولاتتى.ئېلانلارنىڭ سەرخىللىىدىن،ئۆيدە ئۇيغۇرچە كىنو توربەتلىرىنى ئېچىشتىنمۇ ئۇيىلىپ قالىدىكەن.

okyan2014

	music135 يوللىغان ۋاقتى  2015-2-2 08:48 PM بۇ سىستىما 360  ،  2345   ، بەيدۇ  دىگەندەك  توركۆرگۈچلەرگە ب ... بولسا گۇگولنىڭ Chrome  تور كۆرگۈچىنى ئىشلەتسىڭىز ياخشى بولىتتى. كومپيۇتېرىڭىزنى ئاسرىيالايسىز. يېنىك، سۈرئىتى تېز.

pikAso

	ھەي مۇشۇ ئىلاننى شۇنچە جىق پۇلخەجلەپ ئىشلىتىپ تاقاتقىچە  ماللارنىڭ سۈپىتىنى ياخشىلاپ باھاسىنى مۇئاپىق قىلسىغۇ  ئىش باشقىچە  بولاتتى   دەپ .ئويلىدىم                                                                                                ئۆزەمچە