ئابدۇرېھىم زۇنۇن: سەھرا كۈيىلىرى

bulaksu2

	سەھرا كۈيلىرى ئابدۇرېھىم زۇنۇن سەھرانى سېغىنىش يوقلاپ كەلدىم سېنى يىراقتىن، ئەقىل- زېھنىم بولغاندا قىيام. شەھەرلەردىن چېنىپ تۇرساڭمۇ، دەيمەن سېنى جانىجان ئانام. بەردىڭ ماڭا ئابىھايات، نان، بۇلاقلارنى قىلىپ كۈمۈش جام. تۇپرىقىڭدىن تاپتىم كۈچ- مادار، ئېقىنىڭدىن ئۆگىنىپ مۇقام. ئەلگە قۇدرەت زەمزەملىرىڭدە، ئانام بەرگەن سۈتنىڭ تەمى بار. بۇلبۇللارغا مەڭڭۈلۈك ماكان، باغلىرىڭدا دادام تەرى بار. سەن بەرگەننى بېرەلمەس ھېچ يەر، سەن ياندۇرغا ھاياتىمغا شام. سەندە چىققان شائىرلىق تىلىم، ساڭا تالىق قۇچسام شۆھرەت، نام. سېنى سۆيگەن ئاشىق بالاڭ مەن، مۇھەببىتىڭ قەلبىمدە قىيام. شەھەرلەردىن چېنىپ تۇرساڭمۇ، دەيمەن سېنى جانىجان ئانام. سەھرا گۈزىلى ئويناپ كەلدىڭ سۇمبۇل چېچىڭنى، لالە يۈزلۈك سەھرا گۈزىلى. بىر بېقىشتا ئوت سالدىڭ ماڭا، پۈتتى شۇئان سۆيگۈ غەزىلى: ئەي قىياق قاش، بۇلاق كۆز مېنى غۇنچە بويۇڭ قىلدى مەھلىيا. تۇرۇپ قالدىم خىيالغا پېتىپ، سەن ئادەممۇ، ھۆز-پەرىمۇ يا؟ يوق چېھرىڭدە پەردازدىن ئەسەر، گۈل يۈزۈڭدە ئوينار نۇر-زىيا. كىرپىكىڭدە پىلدىرلىغان چاڭ، گۈلگە قونغان كېپىنەك گويا. نەزەرىمدىن قىلمىدىم يىراق، مۇڭداشتىم كۆپ سەن بىلەن ئۈنسىز. ساددا، ئوماق قىلىق، مىجەزىڭ، يۈرىكىمگە سالدى ئۆچمەس ئىز. سەھرادەك كەڭ، تازا قەلبىڭدە بارمۇ ئورۇن كىرسەم گەر ئېقىپ؟! تىڭشاپ كەلدىم قەلب ناخشاڭنى، ساپ تەرىڭگە باغرىمنى يېقىپ... ئاڭلا، پۈتتۈم سۆيگەۈ غەزىلى، ئەي چىرايلىق سەھرا گۈزىلى!                        1992- يىلى سەھرايى بۇلاقسۇ

turmux.net

	ئادەم دېگەننىڭ يېرىمى شەھەرلىك، يېرىمى سەھرالىق بولسىمۇ ياخشىمۇ نېمە، قىشتا ئىسسىق شەھەردە، يازدا سالقىن سەھرادا ھەر ئىككىلىسىگە قىنىپ يۈرىدىكەن... ياخشى يېزىپسىز...

WOLKANII

	سەھرا توغۇرسىدىكى شئېرلىرىڭىزدىن سۆيۈندىم ئۇستاز .

bulaksu2

	مەزگىلسىز كېلىدۇ تۇيغۇ كەلكۈنى، قۇلاققا دەھشەتلىك ئۇرۇلماس ئۈنى. گاھ كېلىپ-كېتىدۇ ئىلھام پەرىسى، پەيتنى تۇت، تۇرمايدۇ يوقلاپ ھەركۈنى.

tumaris01

	بەك ياقتۇردۇم ، ئۇستاز ، تېخىمۇ ياخشى ، نادىر ئەسەرلەرنى سۇنىشىڭىزغا تىلەكداشمەن .

tumaris01

	بەك ياقتۇردۇم ، ئۇستاز ، تېخىمۇ ياخشى ، نادىر ئەسەرلەرنى سۇنىشىڭىزغا تىلەكداشمەن .

feruq

	تورداشلاردىن سوراپ باقسام، ئورخان پامۇكنىڭ (باشقىچە رەڭلەر— خەنزۇچە ئىسمى 别样的色彩) ناملىق كىتابىنىڭ ئۇيغۇرچە نەشىرى نەشىردىن چىققانمىدۇ؟كىتابخانىلاردىن تاپقىلى بولارمۇ؟ بىلىدىغانلار جاۋاب بېرىۋەتكەن بولساڭلار.

bayhenim

	شائىر ئۇبۇلقاسىم تۈمۈربەردى ۋاپات بوپتۇ

bayhenim

	كەچۈرۈڭلار تىمىغا مۇناسىۋەتسىز ئىنكاس يېزىپ قالدىم..........................