ياخشىلىق قىل قۇلۇڭدىن كەلسە

ali1234

	ياخشىلىق قىل قۇلۇڭدىن كەلسە                                       ___ ئەلى تۇرسۇن سىرلىق.......                                                                    نامەردلەرگە بۇلۇپ سەن ئۈلپەت،                                       ئاجىزلارغا سالمىغىن كۈلپەت.                                       ئۆلۈمدىنمۇ كەلگۈچە نۆۋەت،                                       ياخشىلىق قىل قۇلۇڭدىن كەلسە.                                                                   ئاجىزلارنىڭ ئاقمىسۇن يېشى،                                       ئىگىلمىسۇن بەندىگە بېشى.                                       تۈكۈلمىسۇن يېتىمنىڭ يېشى،                                       ياخشىلىق قىل قۇلۇڭدىن كەلسە.                                                                   بەرگىنىڭگە قىلمىغىن مىننەت،                                       ھەممە بىزگە بىرىلگەن نىممەت.                                       ھاياتىڭدىن ياراتقىن قىممەت،                                       ياخشىلىق قىل قۇلۇڭدىن كەلسە.                                                                   روھىڭ پاكتۇر ئىمانىڭ بىلەن،                                       تېنىڭ ساقتۇر ئېھسانىڭ بىلەن.                                       يۇلۇڭ ئاقتۇر ئىنسابىڭ بىلەن،                                       ياخشىلىق قىل قۇلۇڭدىن كەلسە.                                                                               ئەل - يۇرتىڭغا تىلە ئامانلىق،                                       قىلماس ساڭا ئۇلار يامانلىق.                                       يېتەر دوستۇم ئەمدى نادانلىق،                                       ياخشىلىق قىل قۇلۇڭدىن كەلسە.                                   ئاپتۇرى : ئۆزەم 2015.01.24                                     ئۆتۈپ كەلدىم يېگىتتەك ياشاپ                                      __ ئەلى تۇرسۇن سىرلىق......                                                                   ئۆتۈپ كەلدىم يېگىتتەك ياشاپ،                                    ئەگمەي ھەرچاغ شەيتانغا باشنى.                                    ئۆلسەممۇ گەر رازى مەن لىكىن،                                    ئاققۇزمايمەن سەندەككە ياشنى.                                                                  ئۆتۈپ كەلدىم يېگىتتەك ياشاپ،                                    تالقان قىلىپ گوياكى تاشنى.                                    ئېگىلمەيمەن نامەردكە بىلگىن،                                    ئايرىساڭمۇ تېنىمدىن باشنى.                                                                ئۆتۈپ كەلدىم يېگىتتەك ياشاپ،                                    ئۆگەنمەي ياتتىن كۆزلەر بوياشنى.                                    قىلىپ كەلدىم قەلبىمگە مىسال،                                    ھەر تاڭدىكى نۇرلۇق قوياشنى.                                                               ئاپتورى : ئۆزەم 2014.12.31                                            قەشقەر.......

akula1

	رەھمەت، ياخشى يىزىپسىز داۋاملىق تىرشىڭ.

tumaris01

	ئاتا  - ئانا دۇئاسىنى  ئال ، ئىش - ئەمگەكتە بولما ھەرگىز  زال ، سېلىپ  تۇرغىن  پات -  پات  تال ، ياخشىلىق  قىل  قولۇڭدىن  كەلسە .   سىزدەك  ياخشى  يازالمىدىم  ، قەلىمىڭىزگە  بەرىكەت  تىلەيمەن  .

hadrat

	مەزمۇنلۇق ياخشى شېئىركەن.

musilina

	تەربىيىۋى ئەھمىيەتكە ئىگە،مەزمۇنلۇق شېئىركەن..... قەلىمىىڭز ھارمىغاي...

mahatjan

	مەزمۇنلۇق ياخشى يېزىلغان شىئېركەن.قەلىمىڭىز ھارمىغاي.

ئلھام

	ياخشى يىزلىپتۇ ....

كارۋان

	بولىدىكەن،شئېر يېزىش قابىليىتىڭىزگە ئاپرىن!

تېۋىلغا

	چۆلدە تامچە ئىزدىگەنلەر كۆپ، مۈشكۈلاتقا كۆنمىگەنلەر كۆپ. مۇھەببەتكە قانمىغانلار كۆپ، ياخشىلىق قىل قۇلۇڭدىن كەلسە. پۇلۇڭ تۈگەر تۈگەيدۇ ئۇيۇن، ياز كەلسىلا توزۇيدۇ جۇدۇن. نەۋرەڭگە ھەم قالسۇن بۇ ئۇدۇن، ياخشىلىق قىل قۇلۇڭدىن كەلسە. قەلەم تۇلپارىڭىز ھارمىغاي،،،،،،،،،،،،، شېرىڭىزدىن ھۇزۇر ئالدىم

mamatkurban

	ياخشى يېزىپسىز قۇلىڭىز تالمىسۇن رەھمەت